សិទ្ធិ​មនុស្ស

លោកស្រី អង់សាន ស៊ូជី នឹង​មិន​ចូលរួម​ក្នុង​មហា​សន្និបាត​អង្គការ​សហប្រជាជាតិ

មេដឹកនាំ​ប្រទេស​មីយ៉ាន់ម៉ា​លោកស្រី អង់សាន ស៊ូជី បាន​លុបចោល​គម្រោង​ចូលរួម​នៅ​ក្នុង​មហា​សន្និបាត​អង្គការ​សហប្រជាជាតិ​ក្នុង​ខែ​នេះ ស្រប​ពេល​ដែល​មាន​ការ​កើន​ឡើង​នូវ​ការ​រិះគន់​ពី​អន្តរជាតិ​ទៅ​លើ​ការ​ដោះស្រាយ​របស់​លោកស្រី​ជាមួយ​នឹង​អំពើ​ហិង្សា​នៅ​ក្នុង​តំបន់​ភាគ​ខាង​លិច​ប្រទេស​មីយ៉ាន់ម៉ា។ អំពើ​ហិង្សា​នេះ​បាន​បង្ខំ​ជាតិ​សាសន៍​រ៉ូហ៊ីងយ៉ា​កាន់​សាសនា​ឥស្លាម ប្រហែល ៣ សែន ៧ ម៉ឺន​នាក់ ឲ្យ​រត់​គេច​ឆ្លង​ព្រំដែន​ទៅ​កាន់​ប្រទេស​បង់ក្លាដេស។