កិច្ចព្រមព្រៀងរបស់ប្រទេសម៉ាឡេស៊ីក្នុងការទិញកងនាវាចម្បាំងផលិតក្នុងប្រទេសចិន និងការបង្កើនការយាមល្បាតប្រឆាំងនឹងការជ្រៀតចូលដោយចិនបានគូសបញ្ជាក់ភាពសាំញ៉ាំនៃទំនាក់ទំនងរវាងប្រទេសទាំងពីរនេះ និងជាសញ្ញាបង្ហាញកំណើនកង្វល់អំពីការការពារជាតិ។
គណៈកម្មាធិការផ្នែកស៊ើបការណ៍សម្ងាត់នៃសភាតំណាងរាស្ត្រអាមេរិកាំងបានប្រជុំបិទទ្វារកាលពីថ្ងៃព្រហស្បតិ៍ មួយថ្ងៃក្រោយពីការស៊ើបអង្កេតរបស់ខ្លួនអំពីការចោទប្រកាន់ស្តីពីការលួចថតសំឡេងការសន្ទនាតាមទូរស័ព្ទទាក់ទិននឹងប្រធានាធិបតី Donald Trump និងអ្នកកាន់តំណែងមុនលោកគឺ លោកអតីតប្រធានាធិបតី បារ៉ាក់ អូបាម៉ា មានភាពច្របូកច្របល់។
ប៉ូលិសទីក្រុងឡុងដ៏បានកំណត់អត្តសញ្ញាណជនដែលបានបើកការវាយប្រហារកាលពីថ្ងៃពុធ ក្បែរសភាអង់គ្លេស ថាឈ្មោះ Khalid Masood។
ប្រភពព័ត៌មានពីខាងមេដឹកនាំគណបក្សសាធារណរដ្ឋនិយាយថា នឹងគ្មានការបោះឆ្នោតនៅសភានៅយប់ថ្ងៃព្រហស្បតិ៍នេះ ម៉ោងក្នុងសហរដ្ឋអាមេរិក ទៅលើការលុបចោលច្បាប់ Affordable Care ដែលគេស្គាល់ថា Obamacare នោះទេ។
រូបភាពជុំវិញពិភពលោកថ្ងៃទី ២៣ មីនា ២០១៧ មកពីប្រទេសកូរ៉េខាងត្បូង អាល្លឺម៉ង់ អារ៉ាប៊ីសាអូឌីត អ៊ីរ៉ាក់ អៀរឡង់ខាងជើង វេណេស៊ុយអេឡា អេស៉្បាញ ជប៉ុន ឥណ្ឌា កេនយ៉ា និង អូទ្រីស។
នៅពេលមានភាពតានតឹងខ្លាំងរវាងស.រ.អា. និងប្រទេសចិនអំពីការដាក់ពង្រាយប្រព័ន្ធការពារប្រឆាំងនឹងកាំជ្រួចមីស៊ីលស.រ.អា.នៅក្នុងប្រទេសកូរ៉េខាងត្បូង ពួកអ្នកជំនាញនិយាយថា ស.រ.អា.គួរបញ្ជូនសារច្បាស់លាស់មួយនៅក្នុងជំនួបកំពូលនៅខែក្រោយថាសកម្មភាពរបស់ស.រ.អា.នេះគ្មានបំណងធ្វើឱ្យចិនយល់ឃើញថា ជាសកម្មភាពប៉ងវាយលុកឬគឃ្លើនទេ។
ការបង្ហាញជាសាធារណៈនូវកិច្ចការផ្ទៃក្នុងរបស់សហគមន៍ស៊ើបការណ៍សម្ងាត់សហរដ្ឋអាមេរិក ដែលជាទូទៅជាកិច្ចការដែលគេលាក់កំបាំងនោះ បានធ្វើឲ្យគេមានការងឿងឆ្ងល់អំពីសមត្ថភាពរបស់សមាជិកសភានានានៅក្នុងការស៊ើបអង្កេតលើករណីជ្រៀតជ្រែករបស់ប្រទេសរុស្ស៊ីនៅក្នុងការបោះឆ្នោតប្រធានាធិបតីសហរដ្ឋអាមេរិកកាលពីឆ្នាំមុន។
អតីតប្រធានយុទ្ធនាការបោះឆ្នោតរបស់លោក Trump ទទួលស្គាល់ថា លោកបានធ្វើការឲ្យមហាសេដ្ឋីអាលុយមីញ៉ូមរុស្ស៊ី ក្រោមកិច្ចសន្យាមួយដែលមានប្រាក់រាប់លានដុល្លារ កាលពី១០ឆ្នាំមុន ប៉ុន្តែលោកបានច្រានចោលការអះអាងដែលថា កិច្ចខិតខំប្រឹងប្រែងរបស់លោកគឺដើម្បីជំរុញផលប្រយោជន៏របស់ប្រធានាធិបតីរុស្ស៊ី Vladimir Putin ។
មនុស្សយ៉ាងហោចណាស់៤នាក់ ដែលរួមបញ្ចូលទាំងជនសង្ស័យថាជាអ្នកវាយប្រហារម្នាក់ និងមន្ត្រីប៉ូលិសម្នាក់ ត្រូវបានបញ្ជាក់ថាបានស្លាប់បាត់បង់ជីវិតនៅក្នុងការវាយប្រហារមួយនៅក្បែសភារបស់អង់គ្លេស ដែលក្រុមអាជ្ញាធរចាត់ទុកថាជាអំពើភេរវកម្ម។
លោករដ្ឋមន្ត្រីការបរទេសស.រ.អា. Rex Tillerson បានទទួលការរិះគន់អំពីសេចក្តីសម្រេចមួយរបស់លោកក្នុងការមិនចូលរួមក្នុងការប្រជុំរបស់រដ្ឋមន្ត្រីការបរទេសនៃអង្គការអូតង់នៅខែក្រោយក្នុងក្រុងប្រ៊ុចសែល និងអំពីសេចក្តីប្រកាសមួយថាលោកនឹងធ្វើដំណើរទៅកាន់ប្រទេសរុស្ស៊ីនៅខែមេសា។
ថាតើប្រទេសមហាអំណាចទាំងពីរ (ចិន និងអាមេរិក) បេ្តជ្ញាសហការគ្នាដើម្បីដោះស្រាយបញ្ហាការគំរាមកំហែងនុយក្លេអ៊ែររបស់កូរ៉េខាងជើងក្នុងកម្រិតណាមួយនោះ គឺមិនទាន់ត្រូវបានវែកញែកឲ្យច្បាស់លាស់នៅឡើយទេ។
គម្រោងរបស់រដ្ឋាភិបាលចិននៅក្នុងការសាងសង់ស្ថានីយត្រួតពិនិត្យមួយនៅលើថ្មប៉ប្រះទឹកដ៏តូចមួយផ្ទាំងដែលតវ៉ាដោយរដ្ឋាភិបាលហ្វីលីពីន នឹងបំផ្លាញទំនុកចិត្តដែលប្រេះស្រាំរួចទៅហើយរវាងប្រទេសទាំងពីរ និងធ្វើឲ្យប្រធានាធិបតីហ្វីលីពីន ដែលមានបំណងស្វែងរកជំនួយសេដ្ឋកិច្ចរបស់ចិន មានអារម្មណ៍វិលវល់។
ព័ត៌មានផ្សេងទៀត
