បន្ទាប់ពីបានទទួលជ័យជម្នះនៅក្នុងការបោះឆ្នោតប្រធានាធិបតីសហរដ្ឋអាមេរិក លោក Donald Trump ប្រធានាធិបតីជាប់ឆ្នោតសហរដ្ឋអាមេរិក បានព្យាយាមធ្វើការបញ្ជាក់ឡើងប្រាប់សម្ព័ន្ធមិត្តនៅក្នុងតំបន់អាស៊ីភាគឦសាន្តពីការធ្វើទៅតាមពីការផ្លាស់ប្តូរគោលនយោបាយដ៏ធំដែលលោកបានស្នើឡើងក្នុងអំឡុងពេលយុទ្ធនាការឃោសនាបោះឆ្នោតប្រធានាធិបតី។
ដោយមានកាន់បដាហើយនិងស្រែកប្រកាសប្រឆាំងប្រធានាធិបតីជាប់ឆ្នោតថាជាអ្នកប្រកាន់ពូជសាសន៍និងជាមនុស្សស្អប់ស្រីៗ បាតុកររាប់ពាន់នាក់បានចេញមកតាមផ្លូវនានានៅទីក្រុងទូទាំងសហរដ្ឋអាមេរិកនៅថ្ងៃពុធនេះដើម្បីតវ៉ាប្រឆាំងជ័យជម្នះរបស់លោក Donald Trump នៅក្នុងការបោះឆ្នោតប្រធានាធិបតីសហរដ្ឋអាមេរិក។
ផលប៉ះពាល់សារធាតុគីមីកម្រិតទាបប្រចាំថ្ងៃដែលមាននៅក្នុងរបស់របរផ្សេងៗ បានធ្វើឲ្យសហរដ្ឋអាមេរិកចំណាយប្រាក់រាប់ពាន់លានដុល្លារលើការថែទាំសុខភាព និងពិការភាព។ នេះបើតាមការសន្និដ្ឋាននៃការសិក្សាស្រាវជ្រាវថ្មីមួយ ដែលបានបង្ហាញថា បញ្ហាពាក់ព័ន្ធនឹងសរសៃប្រសាទ និងភាពមិនអាចបង្កកំណើត គឺជាឧទាហរណ៍ពីរនៃបញ្ហាដែលបណ្តាលមកពីអ្វីដែលគេហៅថា ធាតុបង្អាក់ដំណើរក្រពេញផលិតអ័រម៉ូនរបស់ខ្លួនមនុស្ស។
នៅពេលនាង Abdo Saif មានអាយុ៩ឆ្នាំ នាងបានជាន់ចំគ្រាប់មីនកប់ក្នុងដីខណៈដែលនាងកំពុងដើរទៅសាលានៅក្នុងប្រទេសយេម៉ែន។ នាងបានបាត់បង់ជើងស្តាំ មួយផ្នែកនៃដៃស្តាំ និងបានរងរបួសលើផ្ទៃមុខយ៉ាងធ្ងន់ធ្ងរ។ គ្រួសាររបស់នាងបានបង្ខំចិត្តលក់ទ្រព្យសម្បត្តិផ្ទាល់ខ្លួនដើម្បីបង់ថ្លៃព្យាបាលសម្រាប់នាង។ នាងត្រូវបានបញ្ជូនទៅប្រទេសអ៊ីតាលីដើម្បីព្យាបាលរបួសលើផ្ទៃមុខ។
ប្រធានាធិបតីជាប់ឆ្នោតលោក Donald Trump នឹងមានសមាជិកគណបក្សសាធារណរដ្ឋភាគច្រើននៅក្នុងសភាទាំងពីរ នៅពេលដែលលោកចូលកាន់តំណែងនៅខែមករាខាងមុខ ដែលនេះបង្កើនឱកាសក្នុងការអនុម័តរបៀបវារៈធំៗរបស់លោក។
បេក្ខជនប្រធានាធិបតីខាងគណបក្សប្រជាធិបតេយ្យលោកស្រី Hillary Clinton បានទទួលស្គាល់លទ្ធផលឆ្នោតជ្រើសរើសប្រធានាធិបតីអាមេរិកកាលពីថ្ងៃពុធ ដោយចុះចាញ់លោក Donald Trump បេក្ខជនប្រធានាធិបតីខាងគណបក្សសាធារណរដ្ឋ ដោយបានថ្លែងថា លោកស្រីសង្ឃឹមថា លោកនឹងក្លាយខ្លួនជាប្រធានាធិបតីដ៏ជោគជ័យមួយរូបសម្រាប់ពលរដ្ឋអាមេរិកាំងគ្រប់រូប។
រូបភាពជុំវិញពិភពលោកថ្ងៃទី០៩ ខែវិច្ឆិកា ឆ្នាំ២០១៦ មកពីប្រទេសឈីលី ជប៉ុន ស្វីស ឥណ្ឌា អាហ្វហ្គានីស្ថាន សហរដ្ឋអាមេរិក បង់ក្លាដេស ចិន អាល្លឺម៉ង់ និងអង់គ្លេស។
មហាសេដ្ឋីដែលត្រូវបានគេប៉ាន់ស្មានខុសជាទូទៅហើយត្រូវបានគេសើចចំអកដោយពួកអ្នកនយោបាយនិងបណ្តាញផ្សាយព័ត៌មានទូទាំងយុទ្ធនាការឃោសនាបោះឆ្នោតប្រធានាធិបតី បានទទួលជ័យជម្នះដ៏គួរឲ្យភ្ញាក់ផ្អើលកាលពីថ្ងៃអង្គារលើលោកស្រី Hillary Clinton គូប្រកួតប្រជែងរបស់លោកហើយនឹងជាអតីតរដ្ឋមន្រ្តីការបរទេសសហរដ្ឋអាមេរិក។
នៅក្នុងរយៈពេលមុនការបោះឆ្នោតចូលមកដល់កាលពីថ្ងៃអង្គារម្សិលមិញនេះ ការស្ទង់មតិថ្នាក់ជាតិនានាបានប៉ាន់ប្រមាណថា លោកស្រី Clinton មានប្រៀបជាងលោក Donald Trump។ លោកស្រីមានបទពិសោធន៍ផ្នែកនយោបាយ ដែលកន្លងមក បទពិសោធន៍បែបនេះអាចជួយជំរុញឲ្យបេក្ខជនឈរឈ្មោះត្រូវគេជ្រើសរើសធ្វើជាប្រធានាធិបតីបាន។
ការកើនឡើងនៃចំនួនពលរដ្ឋអាមេរិកាំងដើមកំណើតអាស៊ី ដែលចេញទៅបោះឆ្នោតមុនថ្ងៃបោះឆ្នោតចូលមកដល់ គឺដោយសារតែលោក Donald Trump បេក្ខជនប្រធានាធិបតីមកពីគណបក្សសាធារណរដ្ឋ។
លោកស្រី គ្លីនតុន បានហៅការបោះឆ្នោតនៅថ្ងៃអង្គារនេះថា ជាការសាកល្បងនៃពេលវេលារបស់យើង ខណៈដែលលោក ត្រាំ ដែលជាគូប្រកួតប្រជែងរបស់លោកស្រី ប្រកាសថា«ថ្ងៃនេះជាថ្ងៃឯករាជ្យរបស់យើង»។
ព័ត៌មានផ្សេងទៀត
