អ្នកស្រី Caroline Kennedy កូនស្រីរបស់អតីតប្រធានាធិបតីអាមេរិកលោក John F. Kennedy បានចូលគាល់ព្រះមហាក្សត្រនរោត្តមសីហមុនី និងសម្តេចម៉ែជាលើកដំបូង។ ទស្សនកិច្ចនេះធ្វើឡើង កន្លះសតវត្សរ៍ ក្រោយពីអ្នកស្រី Jacqueline Kennedy ភរិយាលោក John F. Kennedy ចូលគាល់សម្តេចឪនរោត្តមសីហនុនិងសម្តេចម៉ែ។
ព្រឹទ្ធសភាសហរដ្ឋអាមេរិកអាចបោះឆ្នោតលើសំណើច្បាប់កំណែទម្រង់អន្តោប្រវេសន៍មួយចំនួននៅថ្ងៃព្រហស្បតិ៍នេះ ស្របពេលដែលសមាជិកសភាកំពុងថ្លឹងថ្លែងសំណើច្បាប់ប្រជែងគ្នាមួយចំនួនដែលផ្ដោតលើបញ្ហានានាដូចជាការការពារជនអន្តោប្រវេសន៍វ័យក្មេងគ្មានក្រដាសស្នាម ការពង្រឹងសន្តិសុខព្រំដែន និងការផ្លាស់ប្ដូរច្បាប់អន្តោប្រវេសន៍តាមរយៈគ្រួសារ។
ប្រធានាធិបតីសហរដ្ឋអាមេរិកលោក Donald Trump បានជំរុញឲ្យសមាជិកសភាស្វែងរកដំណោះស្រាយចំពោះបញ្ហាដ៏មួរមៅក្ដៅក្រហាយនៃកំណែទម្រង់អន្តោប្រវេសន៍ ដោយលោកបាននិយាយថា ឱកាសការពារជនអន្តោប្រវេសន៍វ័យក្មេងដែលចូលមកក្នុងសហរដ្ឋអាមេរិកដោយខុសច្បាប់កាលពីពួកគេនៅជាកុមារជិតដល់ទីបញ្ចប់ក្នុងពេលឆាប់ៗខាងមុខនេះហើយ។
ប្រធានរៀបចំថវិកាចាយវាយសហរដ្ឋអាមេរិក លោក Mick Mulvaney បានប៉ាន់ស្មានថាសំណើរៀបចំហែរក្បួនយោធារបស់លោកប្រធានាធិបតី Donald Trump អាចនឹងត្រូវចំណាយរហូតដល់៣០លានដុល្លារ។
លោកប្រធានាធិបតីសហរដ្ឋអាមេរិក Donald Trump បានអំពាវនាវឲ្យព្រឹទ្ធសភាគាំទ្រ សំណើច្បាប់អន្តោប្រវេសន៍ ដែលគាំទ្រដោយសមាជិកសភាខាងគណបក្សសាធារណរដ្ឋលោក Charles Grassley ដោយលោកបាននិយាយថាសំណើនេះនឹងជួយដល់ «គោលដៅទាំង៤ចំណុច» របស់លោក Trump នៅក្នុងផែនការកំណែទម្រង់ច្បាប់អន្តោប្រវេសន៍។
ការអញ្ជើញរបស់មេដឹកនាំកូរ៉េខាងជើងលោក Kim Jong Un ឲ្យមេដឹកនាំកូរ៉េខាងត្បូងលោក Moon Jae In ទៅធ្វើទស្សនកិច្ចនៅក្នុងទីក្រុងព្យុងយ៉ាង អាចធ្វើឲ្យប៉ះពាល់ដល់កិច្ចប្រឹងប្រែងការទូតរបស់រដ្ឋាភិបាលរបស់ប្រធានាធិបតីអាមេរិកលោក Donald Trump ក្នុងការដាក់សម្ពាធលើប្រទេសកូរ៉េខាងជើងឲ្យលះបង់កម្មវិធីអាវុធនុយក្លេអ៊ែររបស់ខ្លួន។ នេះបើតាមការបញ្ជាក់របស់អ្នកវិភាគនានា។
ពួកមន្ត្រីស៊ើបការណ៍សម្ងាត់កំពូលសហរដ្ឋអាមេរិកបានព្រមានកាលពីថ្ងៃអង្គារម្សិលមិញថា រុស្ស៊ីបានប្តេជ្ញាថា នឹងចូលជ្រៀតជ្រែកនៅក្នុងការបោះឆ្នោតសភាពាក់កណ្តាលអាណត្តិក្នុងសហរដ្ឋអាមេរិក នៅខែវិច្ឆិកាខាងមុខនេះ។
រដ្ឋមន្ត្រីការបរទេសសហរដ្ឋអាមេរិកលោក Rex Tillerson បានព្រមានប្រាប់នៅថ្ងៃអង្គារនេះអំពីភាពចាំបាច់នៅក្នុងការរក្សាការផ្ដោតលើការបរាជ័យរបស់ក្រុមជ្រុលនិយមរដ្ឋឥស្លាម ទោះបីជាក្រុមពួកសកម្មប្រយុទ្ធនេះត្រូវបានបណ្ដេញចេញភាគច្រើនពីតំបន់ដែលក្រុមនេះធ្លាប់កាន់កាប់នៅក្នុងប្រទេសអ៊ីរ៉ាក់ និងស៊ីរីក៏ដោយ។
ប្រធានាធិបតីសហរដ្ឋអាមេរិកលោក Donald Trump បានបញ្ជូនសំណើថវិកាចំនួន ៤,៤ លានលានដុល្លារអាមេរិកទៅកាន់សភា។ សំណើថវិកានេះមានរួមបញ្ចូលថវិកាសម្រាប់ការសាងសង់ជញ្ជាំងព្រំដែននៅភាគខាងត្បូងប្រទេស និងការពង្រឹងកងកម្លាំងយោធាផងដែរ។ ប៉ុន្តែ សំណើថវិកានេះត្រូវគេរំពឹងថានឹងបង្កើនឱនភាពថវិការបស់រដ្ឋាភិបាលសហព័ន្ធជាង ១ លានលានដុល្លារអាមេរិក។
លោកស្រី Vanessa Trump ដែលជាភរិយារបស់លោក Donald Trump, Jr. ត្រូវបានបញ្ជូនទៅកាន់មន្ទីរពេទ្យកាលពីព្រឹកថ្ងៃចន្ទ ដើម្បីជាការប្រុងប្រយ័ត្ន បន្ទាប់ពីបើកលិខិតមួយច្បាប់ដែលមានផ្ទុកម្សៅពណ៌ស ដែលគេមិនអាចកំណត់អត្តសញ្ញាណបាននៅឡើយ។ នេះបើយោងតាមប៉ូលិសអាមេរិក។
ព័ត៌មានផ្សេងទៀត
