អ្នកជំនាញសន្តិសុខតាមប្រព័ន្ធអ៊ីនធឺណិតនានា បានបញ្ជាក់ថា ភស្តុតាងបច្ចេកទេសដែលភ្ជាប់ប្រទេសកូរ៉េខាងជើង ទៅនឹងការវាយប្រហារតាមអ៊ីនធឺណិតរបស់មេរោគជំរិតទារប្រាក់ឈ្មោះ WannaCry នោះ មានលក្ខណៈមិនគ្រប់គ្រាន់នោះទេ។ ប៉ុន្តែ រដ្ឋាភិបាលកូរ៉េខាងជើងមានសមត្ថភាពខ្លាំងខាងប្រព័ន្ធអ៊ីនធឺណិត ហើយគោលបំណងរបស់រដ្ឋាភិបាលកូរ៉េខាងជើងនៅក្នុងការទូទាត់ការបាត់បង់ប្រាក់ចំណូលរបស់ខ្លួន ដែលបណ្ដាលមកពីការដាក់ទណ្ឌកម្មសេដ្ឋកិច្ចរបស់សហគមន៍អន្តរជាតិនោះ អាចជាការសង្ស័យមួយ។
វិស័យបច្ចេកវិទ្យាហិរញ្ញវត្ថុ ឬហៅកាត់ជាភាសាអង់គ្លេសថា Fintech (Financial Technology) ត្រូវបានគេជជែកជាផ្លូវការលើកដំបូងបង្អស់នៅកម្ពុជា កាលពីព្រឹកថ្ងៃអង្គារនេះ ដើម្បីផ្សព្វផ្សាយអំពីនិន្នាការទីផ្សារ និងសក្តានុពលរបស់វិស័យនេះនៅកម្ពុជា។
មេបញ្ជាការរងនៃបញ្ជាការដ្ឋានយុទ្ធសាស្រ្តសហរដ្ឋអាមេរិកបានស្នើឲ្យមានការបង្កើតក្រមសីលធម៌សម្រាប់អវកាស ស្របពេលដែលក្តីស្រមៃនៃការរុករកដើម្បីផលប្រយោជន៍រួមកំពុងតែសាបរលាប។
ក្រុមអ្នកបង្កើតអាជីវកម្មដំបូងតាមប្រព័ន្ធអ៊ីនធឺណិត បានចែករំលែកគំនិត និងបទពិសោធន៍ ជាច្រើន ដល់អ្នកដែលមានក្តីស្រមៃក្នុងការបង្កើតអាជីវកម្មដែលផ្ដើមចេញពីគំនិតច្នៃប្រឌិត។ ពួកគេបានលើកឡើង អំពីវិធីសាស្ត្រនៃការចាប់យកដៃគូមកធ្វើជំនួញរួមគ្នា និងភាពប្រថុយប្រថាន ហើយនិងសេចក្ដីព្យាយាមជម្នះនឹងបរាជ័យ ដើម្បីធ្វើឲ្យជំនួញរបស់ពួកគេបានជោគជ័យ។
លោកស្រី Peggy Whitson ដែលជាអវកាសយានិកអាមេរិកកាលពីថ្ងៃចន្ទបានបំបែកកំណត់ត្រារបស់អាមេរិកចំពោះការចំណាយពេលវេលាច្រើនបំផុតនៅក្នុងគន្លងផែនដី។
អាជីវកម្មខ្នាតតូចនិងមធ្យមនៅកម្ពុជាដែលបានចុះបញ្ជីប្រមាណជិត៤០.០០០អាជីវកម្ម នៅមានការរារែកខ្លះនៅក្នុងការប្រើប្រាស់បច្ចេកវិទ្យានៅក្នុងដំណើរការរបស់ខ្លួន។
លោក សុខ សុភមង្គល នាយកប្រតិបត្តិនៃក្រុមហ៊ុនបច្ចេកវិទ្យា Codingate ថ្លែងក្នុងកម្មវិធី Hello VOA «សំឡេងជំនាន់ថ្មី» ថា ក្រុមហ៊ុនជាទូទៅមិនបានព្រៀងទុកអំពីការចំណាយប្រើបច្ចេកវិទ្យានៅក្នុងថវិកាប្រតិបត្តិការរបស់ខ្លួន។
ខណៈដែលអ្នកវិនិយោគក្នុងស្រុកហាក់មានភាពស្ទាក់ស្ទើរក្នុងការបោះទុនវិនិយោគលើវិស័យបច្ចេកវិទ្យា សហគ្រាសបង្កើតថ្មីឬ startup ខ្មែរមួយចំនួនបានទទួលទុនវិនិយោគផ្ទាល់ពីអ្នកវិនិយោគនៅតំបន់បច្ចេកវិទ្យា Silicon Valley របស់សហរដ្ឋអាមេរិក។
ប៉ុន្តែការយកគំរូតាមគេហទំព័រ Buzzfeed របស់អាមេរិកដោយផ្អែកលើព័ត៌មានដើម្បីទាក់ទាញការចុច click ចូលទស្សនាច្រើន នៅក្នុងបរិបទព័ត៌មានប្រទេសកម្ពុជាដែលមិនសូវមានវិជ្ជាជីវៈ ធ្វើឲ្យក្រុមហ៊ុន ខ្មែរឡូត ងាយទទួលការរិះគន់។
តាមរយៈការប្រើបាក់តេរីធម្មតា អ្នកវិទ្យាសាស្រ្តបានរកឃើញវិធីសាស្រ្តដើម្បីសម្លាប់មេរោគដែលមាននៅក្នុងសត្វមូស។ ការរកឃើញនេះ អាចបង្កើតលទ្ធភាពក្នុងការទប់ស្កាត់ការរាតត្បាតនៃជំងឺហ្ស៊ីកានិងជំងឺគ្រុនឈាមបាន។
សហគ្រិនវ័យក្មេងខាងបច្ចេកវិទ្យាម្នាក់ថ្លែងថា ថ្វីបើទីតាំងនៅខេត្តបាត់ដំបងធ្វើឲ្យមានការលំបាកក្នុងការទាក់ទាញវិនិយោគពីខាងក្រៅខេត្តក្តី ក៏ទីតាំងនៅតំបន់ជនបទនេះមិនបានរឹតត្បិតការពង្រីកក្រុមហ៊ុន ដោយសារប្រព័ន្ធអ៊ីនធឺណិតអនុញ្ញាតឲ្យគេអាចធ្វើការពីទីណាក៏បាន។
សហគ្រាសបង្កើតថ្មី Startup ឈ្មោះ The Coder Studio ដែលមានអាយុ៨ខែ និងបុគ្គលិក៨នាក់ ជាសហគ្រាសខាងបច្ចេកវិទ្យាដំបូងបំផុតមួយដែលមានមូលដ្ឋានខេត្តបាត់ដំបង ដែលជាខេត្តកសិកម្ម។ លោក មៀច សុផានិត អាយុ២៩ឆ្នាំ អ្នកដឹកនាំគម្រោងនៃសហគ្រាសបច្ចេកវិទ្យានេះ ថ្លែងប្រាប់ VOA ថា បើទោះជាលោកពិបាករកវិនិយោគទុន ដោយសារនៅឆ្ងាយពីរាជធានីភ្នំពេញ ក៏លោកយល់ថា ខេត្តបាត់ដំបងដែលល្បីខាងកសិកម្មក៏មានសក្តានុពលល្អក្នុងការជំរុញវិស័យបច្ចេកវិទ្យា ទាំងសម្រាប់ដោះស្រាយបញ្ហាក្នុងមូលដ្ឋាននិងឈានទៅទីផ្សារពិភពលោក។ លោក សឹង សុផាត នៃ VOA បានជួយសម្ភាសន៍ជាមួយលោក មៀច សុផានិត នៅការិយាល័យផ្ទះល្វែងមួយនៅក្រុងបាត់ដំបងកាលពីពេលថ្មីៗនេះ៕
ព័ត៌មានផ្សេងទៀត
No media source currently available
