នៅក្នុងរយៈពេលតែប៉ុន្មានសប្ដាហ៍ប៉ុណ្ណោះ ប្រទេសប៉ាគីស្ថាន នេប៉ាល់ និងមីយ៉ាន់ម៉ាបានបញ្ជាក់អះអាងអំពីការលុបចោលនូវគម្រោងវារីអគ្គិសនីដ៏ធំចំនួន ៣ ដែលក្រុមហ៊ុនចិនគ្រោងនឹងអនុវត្ត។ ការបដិសេធនូវគម្រោងទាំង ៣ ដែលមានទឹកប្រាក់ជិត ២០ ពាន់លានដុល្លារអាមេរិកនេះ គឺបានធ្វើឲ្យប៉ះពាល់ធ្ងន់ធ្ងរដល់គម្រោងខ្សែក្រវ៉ាត់មួយផ្លូវមួយ ដែលជាគម្រោងភ្ជាប់ទំនាក់ទំនងពាណិជ្ជកម្មដ៏មានមហិច្ឆតារបស់ចិន។