ជាផ្នែកមួយដើម្បីពង្រឹងកិច្ចសហប្រតិបត្តិការនិងចំណងមិត្តភាពបន្ថែម ប្រទេសចិននិងកម្ពុជាព្រមព្រៀងគ្នាលើការធ្វើពាណិជ្ជកម្មសេរីជាមួយគ្នា ហើយកិច្ចព្រមព្រៀងមួយ នឹងត្រូវចុះហត្ថលេខាក្នុងពេលដែលលោករដ្ឋមន្ត្រីការបរទេសចិន មកបំពេញទស្សនកិច្ចក្នុងប្រទេសកម្ពុជា នៅចុងសប្តាហ៍នេះ។
តុលាការខេត្តកោះកុងបានចោទប្រកាន់ប្រជាពលរដ្ឋ ១០ នាក់ ដែលមានជម្លោះដីធ្លីពីបទញុះញង់ឲ្យប្រព្រឹត្តអំពើបង្កឲ្យមានភាពវឹកវរដល់សន្តិសុខសង្គម ដែលពលរដ្ឋលើកឡើងថា ការចោទប្រកាន់នេះគឺដើម្បីបំបិទសំឡេង និងការតវ៉ារបស់ពួកគេ។
រដ្ឋាភិបាលបានលើកឡើងថាកាត់ឆ្វៀលដី ៦០០ហិកតា ចេញពីដែនព្រៃលិចទឹក និងគម្របព្រៃឈើឆ្នាំ២០០២មក ធ្វើអនុបយោគដីឯកជនរបស់រដ្ឋ និងផ្តល់កម្មសិទ្ធិជូនលោកឧកញ៉ាសេង ញ៉ក់ ជាប្រធានក្រុមហ៊ុនដឹ ព្រេមៀ លែន និងភរិយារបស់លោកគឺលោកស្រី លី អាផណ ដែលជាកូនស្រីរបស់លោកលី យ៉ុងផាត់។
កាលពីថ្ងៃពុធលោក ហ៊ុន សែន មានប្រសាសន៍ថា ក្នុងពេលវិបត្តិជំងឺឆ្លងកូវីដ១៩ ក្រុមហ៊ុនឯកជនបានខិតខំបន្តអាជីវកម្មរបស់ខ្លួន ហើយថែមទាំងមិនបានកាត់បន្ថយបុគ្គលិកទៀតផង។
សមាជិកព្រឹទ្ធសភា ឧត្ដមសេនីយ៍នគរបាល និងយោធា អតីតអនុរដ្ឋលេខាធិការក្រសួងយុត្តិធម៌ នាយករងរដ្ឋបាលខេត្ត អភិបាលស្រុក មេឃុំ សរុបប្រមាណ១០នាក់ សុទ្ធសឹងជាអ្នកដែលត្រូវបានរកឃើញថាពាក់ព័ន្ធនឹងការទន្ទ្រានដីរដ្ឋដ៏ចម្រូងចម្រាសមួយនៅខេត្តមណ្ឌលគិរី។
មន្ត្រីនាំពាក្យស្ថានទូតលោក Chad Roedemeier លើកឡើងថា អាមេរិក«ខកចិត្ត»លើការវាយកម្ទេចចោលអគារដែលមានអាយុទើបតែបាន៧ឆ្នាំ ហើយដែលជានិមិត្តសញ្ញានៃទំនាក់ទំនងរវាងប្រទេសទាំងពីរ។
ក្រុមកម្មករដែលធ្វើកូដកម្មមានការបារម្ភថា ក្រោយការដេញថ្លៃរើសក្រុមហ៊ុនថ្មីមកប្រមូលសំរាម នៅថ្ងៃទី១៦ ខែតុលាខាងមុខនេះ ពួកគេនឹងត្រូវរាប់បញ្ចូលជាបុគ្គលិកថ្មី និងមិនបានប្រាក់អត្ថប្រយោជន៍នានា ដូចយ៉ាងប្រាក់អតីតភាពការងារជាដើម។
ក្រុមអង្គការសង្គមស៊ីវិលចំនួន៦បានដាក់ញត្តិទៅលោកស ខេង រដ្ឋមន្ត្រីក្រសួងមហាផ្ទៃនៅថ្ងៃអង្គារនេះដើម្បីស្នើឲ្យលោកបញ្ជាទៅអាជ្ញាធរថ្នាក់ក្រោមជាតិឲ្យបញ្ឈប់ផែនការចុះស្រង់ស្ថិតិបុគ្គលិកអង្គការសមាគមដែលធ្វើការតាមទីស្នាក់ការ និងការិយាល័យក្នុងភូមិសាស្ត្រខណ្ឌមានជ័យ។
សេចក្តីព្រាងច្បាប់ដែលមាន ៥០ មាត្រាចែងថា ច្បាប់នេះមានគោលបំណងធានាសុចរិតភាពនៃការប្រើប្រាស់ ការគ្រប់គ្រងប្រព័ន្ធកុំព្យូទ័រ ទិន្នន័យកុំព្យូទ័រ និងការពារសន្តិសុខ សណ្តាប់ធ្នាប់សាធារណៈ ព្រមទាំងការពារសិទ្ធិសេរីភាពរបស់បុគ្គល ដោយកំណត់អំពីវិធានការបង្ការទប់ស្កាត់។
ភាពមិនច្បាស់លាស់ទាក់ទិននឹងការធ្វើអន្តរកាលផ្លាស់ប្ដូររចនាសម្ព័ន្ធសេវាកម្មប្រមូលសំរាមក្នុងរាជធានីភ្នំពេញបានបង្កឱ្យកម្មករដែលប្រមូលសំរាមក្រុមហ៊ុនស៊ិនទ្រីប្រមាណ២ពាន់នាក់ ស្រាក់គ្នាធ្វើកូដកម្មអស់រយៈពេល៤ថ្ងៃមកហើយ និងបានបង្កើតវិបត្តិសំរាមនៅភ្នំពេញនាដើមសប្ដាហ៍។
ក្រសួងការពារជាតិស.រ.អា សរសេរក្នុងសេចក្តីថ្លែងការណ៍ថា៖ «យើងមានការបារម្ភថា ការវាយចោលអគារនោះ ប្រហែលជាត្រូវបានចងភ្ជាប់ទៅនឹងផែនការរដ្ឋាភិបាលកម្ពុជាដើម្បីផ្តល់ឲ្យមានការដាក់សម្ភារៈយោធា និងក្រុមទាហានរបស់កងទ័ពសាធារណរដ្ឋប្រជាមានិតចិន នៅមូលដ្ឋានកងទ័ពជើងទឹករាម»។
លោក Paul Chambers ប្រាប់វីអូអេតាមសារអ៊ីម៉ែលនៅថ្ងៃច័ន្ទនេះថា ការវាយកម្ទេចអគារយោធាដែលជាជំនួយរបស់អាមេរិកនេះ ទំនងជារដ្ឋាភិបាលលោក ហ៊ុន សែន ចង់ផ្តល់សញ្ញាទៅរដ្ឋាភិបាលទីក្រុងប៉េកាំងថា ខ្លួនគឺប្រាកដណាស់មិនឃ្លាតឆ្ងាយពីចិនទេ។
ព័ត៌មានផ្សេងទៀត
