Voice of America

Voice of America https://khmer.voanews.com Voice of America is an international news and broadcast organization serving Central and Eastern Europe, the Caucasus, Central Asia, Russia, the Middle East and Balkan countries https://khmer.voanews.com/Content/responsive/VOA/km-KH/img/logo.png Voice of America https://khmer.voanews.com km ២០១២ - វីអូអេ 60 Mon, 26 Jul 2021 08:09:28 +0700 Pangea CMS – VOA ស.រ.អ. ថ្កោលទោសការប៉ុនប៉ងរបស់ក្រុងហុងកុងលុបបំបាត់ប្រវត្តិនៃការសម្លាប់រង្គាលនៅទីលាន Tiananmen កាលពីថ្ងៃពុធម្សិលមិញ សហរដ្ឋអាមេរិក បានថ្កោលទោសសកម្មភាពរបស់អាជ្ញាធរហុងកុងទប់ស្កាត់ការប្រឆាំងដោយប្រកាសថា មានការព្យាយាមលុបបំបាត់ការចងចាំអំពីការសម្លាប់រង្គាលនៅទីលាន Tiananmen នៅពេលជិតដល់ថ្ងៃខួបការសម្លាប់រង្គាលនេះ។ រដ្ឋបាលរបស់ប្រធានាធិបតីអាមេរិកលោក Joe Biden បានហៅការបង្ក្រាបដោយហិង្សាពីសំណាក់រដ្ឋាភិបាលចិនទៅលើបាតុកម្មដោយសន្តិវិធីនៅទីលាន Tiananmen នៅថ្ងៃទី៤ ខែមិថុនា ឆ្នាំ១៩៨៩ថា ជាការសម្លាប់រង្គាល។ អ្នកនាំពាក្យក្រសួងការបរទេសលោកស្រី Jalina Porter បានថ្លែងក្នុងសន្និសីទសារព័ត៌មានតាមទូរស័ព្ទថា «សហរដ្ឋអាមេរិកថ្កោលទោសសកម្មភាពរបស់អាជ្ញាធរហុងកុងដែលបានជំរុញឱ្យអ្នករៀបចំបិទសារមន្ទីរអំពីការសម្លាប់រង្គាលនៅថ្ងៃទី៤មិថុនា ដែលរំឭកដល់ការសម្លាប់រង្គាលនៅទីលាន Tiananmen ឆ្នាំ១៩៨៩»។ លោកស្រី Porter បានបន្ថែមថា «អាជ្ញាធរក្រុងហុងកុងនិងរដ្ឋាភិបាលក្រុងប៉េកាំងបន្តបំបិទសំឡេងប្រឆាំងដោយព្យាយាមលុបចោលរឿងរ៉ាវអំពីការសម្លាប់រង្គាលដ៏សាហាវចេញពីប្រវត្តិសាស្ត្រ»។ ការអត្ថាធិប្បាយខ្លាំងៗរបស់ក្រសួងការបរទេសនេះធ្វើឡើង នៅពេលដែលសារមន្ទីរអំពីការសម្លាប់រង្គាលនៅថ្ងៃទី៤ មិថុនារបស់ទីក្រុងហុងកុងបាននិយាយថា សារមន្ទីរនេះ នឹងត្រូវបិទជាបណ្តោះអាសន្នដោយសារអាជ្ញាធរស៊ើបអង្កេតអំពីអាជ្ញាបណ្ណ។ ប៉ុន្មានថ្ងៃមុនពិធីរំឭកខួប ក្រសួងអនាម័យចំណីអាហារនិងបរិស្ថានទីក្រុងហុងកុងបានបញ្ជាក់ថា សារមន្ទីរមិនបានទទួលអាជ្ញាបណ្ណទេ ហើយអាចរំលោភបទបញ្ញត្តិ។ សារមន្ទីរបានបញ្ចាក់នៅក្នុងសេចក្តីថ្លែងការណ៍ថា សារមន្ទីរនេះ នឹងបិទរហូតដល់មានការជូនដំណឹងបន្ថែមដើម្បីការពារសុវត្ថិភាពបុគ្គលិកនិងភ្ញៀវ ហើយត្រូវការការណែនាំផ្នែកច្បាប់បន្ថែមទៀត៕ https://khmer.voanews.com/a/us-condemns-hong-kong-s-attempts-to-erase-tiananmen-square-massacre-history/5915069.html https://khmer.voanews.com/a/us-condemns-hong-kong-s-attempts-to-erase-tiananmen-square-massacre-history/5915069.html Thu, 03 Jun 2021 20:40:45 +0700 សិទ្ធិមនុស្សអន្តរជាតិkhmerservicevoa@gmail.com (Nike Ching) បណ្ដាប្រទេស G-7 គាំទ្រឲ្យតៃវ៉ាន់ទទួលតំណែងជាអ្នកអង្កេតការណ៍នៅក្នុងសន្និបាតសុខភាពពិភពលោក ប្រទេសដែលមានសេដ្ឋកិច្ចជឿនលឿនទាំង៧ ឬហៅកាត់ថា G7 ចេញមុខគាំទ្រតៃវ៉ាន់ ឲ្យបានទទួលតំណែងជាអ្នកសង្កេតការណ៍នៅក្នុងសន្និបាតសុខភាពពិភពលោក (WHA) ដែលជាស្ថាប័នធ្វើសេចក្តីសម្រេចលើកិច្ចការរបស់អង្គការសុខភាពពិភពលោក (WHO) ដែលឈានទៅរកការប្រជុំប្រចាំឆ្នាំ នៅថ្ងៃទី ២៤ ខែឧសភា ដល់ថ្ងៃទី ១ ខែមិថុនាខាងមុខនេះ។ នេះជាលើកទី ១ ហើយដែលបណ្ដាប្រទេស G-7 ទាំងអស់ គាំទ្រការបញ្ចូលតៃវ៉ាន់ទៅក្នុងសន្និបាតសុខភាពពិភពលោកនេះ។ បណ្ដាប្រទេស G-7 បានថ្លែងនៅក្នុងសេចក្ដីថ្លែងការណ៍រួមមួយ កាលពីថ្ងៃពុធម្សិលមិញ បន្ទាប់ពីជំនួបរវាងរដ្ឋមន្ត្រីការបរទេសនៅក្នុងទីក្រុងដុងឡ៍ ចក្រភពអង់គ្លេសក្នុងសប្ដាហ៍នេះថា៖ «យើងគាំទ្រការចូលរួមដ៏មានអត្ថន័យរបស់តៃវ៉ាន់នៅក្នុងវេទិកានានារបស់អង្គការសុខភាពពិភពលោក និងសន្និបាតសុខភាពពិភពលោក។ សហគមន៍អន្តរជាតិគួរតែទទួលបានអត្ថប្រយោជន៍ពីបទពិសោធន៍ដែលកើតចេញពីរាល់ដៃគូទាំងអស់ រួមបញ្ចូលទាំងការចូលរួមដ៏ជោគជ័យរបស់តៃវ៉ាន់ ក្នុងការទប់ស្កាត់ការឆ្លងរាលដាលនៃជំងឺកូវីដ១៩»។ តៃវ៉ាន់បានឲ្យដឹងថា ខ្លួនសូមថ្លែងអំណរគុណដល់ការគាំទ្រយ៉ាងខ្លាំងរបស់បណ្ដាប្រទេស G-7 ទាំងអស់។ សេចក្តីថ្លែងការណ៍នោះ កើតមានឡើង នៅពេលដែលចិនបង្កើនសកម្មភាពយោធា ដោយបានបញ្ជូនយន្តហោះចូលក្នុងដែនអាកាសរបស់កោះតៃវ៉ាន់។ លោក Bonnie Glaser នាយកកម្មវិធីសម្រាប់តំបន់អាស៊ីនៅឯមូលនិធិអាល្លឺម៉ង់ Marshall របស់សហរដ្ឋអាមេរិក បាននិយាយថា៖ «ការណ៍នេះមានសារៈសំខាន់បំផុតដែលប្រទេសប្រកាន់យកលទ្ធិប្រជាធិបតេយ្យ បាននិយាយក្នុងសំឡេងតែមួយ នៅក្នុងឱកាសដ៏សំខាន់ដូចជា G-7 ដើម្បីបញ្ជាក់ពីការគាំទ្រលើការចូលរួមរបស់កោះតៃវ៉ាន់នៅអង្គការសុខភាពពិភពលោកនេះ។ កាលពីថ្ងៃច័ន្ទ លោក Zhang Jun ឯកអគ្គរដ្ឋទូតចិនប្រចាំនៅអង្គការសហប្រជាជាតិ បានរំឮកឡើងវិញពីការជំទាស់ប្រឆាំងរបស់រដ្ឋាភិបាលក្រុងប៉េកាំងក្នុងការអញ្ជើញកោះតៃវ៉ាន់ ឲ្យចូលរួមសន្និបាតសុខភាពពិភពលោក (WHA) នៅចុងខែនេះ៕ https://khmer.voanews.com/a/g-7-democracies-support-taiwan-observer-status-in-the-world-health-assembly/5880412.html https://khmer.voanews.com/a/g-7-democracies-support-taiwan-observer-status-in-the-world-health-assembly/5880412.html Thu, 06 May 2021 19:02:51 +0700 សុខភាពអន្តរជាតិkhmerservicevoa@gmail.com (Nike Ching, VOA News) សហរដ្ឋអាមេរិកបញ្ជាក់ជាថ្មីថា បញ្ហាអាកាសធាតុជាអាទិភាពមួយនៃគោលនយោបាយការបរទេសរបស់ខ្លួន មុនកិច្ចប្រជុំកំពូលស្តីពីអាកាសធាតុនៅសេតវិមានចូលមកដល់នៅសប្តាហ៍នេះ សហរដ្ឋអាមេរិកបានបញ្ជាក់ឡើងវិញនូវការចាត់ទុកការប្រយុទ្ធប្រឆាំងនឹងការប្រែប្រួលអាកាសធាតុជាបញ្ហាអាទិភាពមួយនៃគោលនយោបាយការបរទេសរបស់ខ្លួន នៅពេលដែលខ្លួនសង្ឃឹមថានឹងដឹកមុខបដិវត្តន៍ថាមពលដែលមិនប៉ះពាល់បរិស្ថាន។ ប្រធានាធិបតីចិនលោក Xi Jinping ស្ថិតក្នុងចំណោមមេដឹកនាំនានានៅលើពិភពលោកចំនួន ៤០ រូប ដែលត្រូវបានអញ្ជើញឲ្យចូលរួមក្នុងកិច្ចប្រជុំកំពូលស្តីពីអាកាសធាតុនេះ។ ការរៀបចំកំពុងធ្វើឡើងដើម្បីអញ្ជើញលោក Xi ឲ្យថ្លែងសុន្ទរកថាចម្បងនៅឯកិច្ចប្រជុំកំពូលនេះ។ នេះបើយោងតាមប្រភពការទូត។ កាលពីថ្ងៃចន្ទម្សិលមិញ រដ្ឋមន្ត្រីការបរទេសសហរដ្ឋអាមេរិកលោក Antony Blinken បានបញ្ជាក់ថា សហរដ្ឋអាមេរិកស្ថិតនៅពីក្រោយប្រទេសចិននៅក្នុងការអភិវឌ្ឍថាមពលដែលមិនប៉ះពាល់បរិស្ថាន។ លោក Blinken បាននិយាយនៅក្នុងសុន្ទរកថាមួយនៅឯអង្គការ Chesapeake Bay Foundationនៅក្នុងទីក្រុង Annapolis រដ្ឋ Maryland ថា៖ «នៅពេលនេះ យើងកំពុងស្ថិតនៅពីក្រោយប្រទេសចិន។ ចិនគឺជាប្រទេសផលិតនិងនាំចេញបន្ទះថាមពលព្រះអាទិត្យ កង្ហារថាមពលខ្យល់ អាគុយ និងរថយន្តអគ្គីសនីធំជាងគេបង្អស់នៅលើពិភពលោក។ ចិនកាន់កាប់ប្រកាសនីយប័ត្រតក្កកម្មថាមពលដែលមិនប៉ះពាល់បរិស្ថានចំនួនជិតមួយភាគបីនៅលើពិភពលោក»។ អ្នកការទូតកំពូលសហរដ្ឋអាមេរិករូបនេះបានបញ្ជាក់ថា៖ «វាជាការពិបាកនៅក្នុងការប្រមើលមើលថាសហរដ្ឋអាមេរិកឈ្នះការប្រជែងជាមួយចិនផ្នែកយុទ្ធសាស្ត្ររយៈពេលវែង ប្រសិនបើសហរដ្ឋអាមេរិកមិនអាចដឹកមុខបដិវត្តន៍ថាមពលដែលមិនប៉ះពាល់បរិស្ថាននោះ»៕ https://khmer.voanews.com/a/us-reaffirms-climate-issue-as-foreign-policy-priority-ahead-of-earth-day-summit/5859902.html https://khmer.voanews.com/a/us-reaffirms-climate-issue-as-foreign-policy-priority-ahead-of-earth-day-summit/5859902.html Tue, 20 Apr 2021 18:54:39 +0700 បរិស្ថានអាមេរិកkhmerservicevoa@gmail.com (Nike Ching, VOA News) សហរដ្ឋអាមេរិក សម្តែងនូវក្តីបារម្ភចំពោះការត្រួតត្រាលើប្រព័ន្ធអ៊ីនធឺណិតនៅកម្ពុជា សហរដ្ឋអាមេរិក បានសម្តែងនូវក្តីបារម្ភអំពីចំណាត់ការនាពេលថ្មីៗនេះរបស់រដ្ឋាភិបាលកម្ពុជា ក្នុងការបង្កើតច្រកអ៊ីនធឺណិតជាតិមួយ ដែលក្រុមអ្នករិះគន់និយាយថា នឹងផ្តល់ឱ្យអាជ្ញាធរនូវអំណាចកាន់តែច្រើនឡើង ដើម្បីឈ្លបមើលនិងចាប់ពិរុទ្ធអ្នកប្រើប្រាស់អ៊ីនធឺណិតនៅក្នុងប្រទេសនេះ។ អ្នកស្រី Jalina Porter អ្នកនាំពាក្យរងក្រសួងការបរទេសសហរដ្ឋអាមេរិក បានប្រាប់ VOA កាលពីថ្ងៃចន្ទថា សហរដ្ឋអាមេរិកលើកតម្កើងសេរីភាពនៃការបញ្ចេញមតិតាមអ៊ីនធឺណិត ជាផ្នែកនៃគោលនយោបាយដ៏សំខាន់របស់ខ្លួន ហើយអ្នកស្រីបានសម្តែងនូវក្តីកង្វល់អំពីផលប៉ះពាល់នៃវិធានការរបស់កម្ពុជានេះ ទៅលើពលរដ្ឋខ្មែរអាមេរិកាំង។ អ្នកស្រីបាននិយាយទៀតថា៖ «យើងមានពលរដ្ឋខ្មែរអាមេរិកាំងយ៉ាងច្រើនដែលស្ថិតនៅក្នុងសហរដ្ឋអាមេរិក។ ហើយយើងចង់ធ្វើឱ្យប្រាកដថា ពួកគេអាចនិយាយការពិតទៅកាន់ក្រុមគ្រួសារនិងមិត្តភក្តិ ហើយនឹងសាច់ញាតិរបស់ពួកគេ ដែលស្ថិតនៅក្នុងប្រទេសកម្ពុជា»។ លោកនាយករដ្ឋមន្ត្រី ហ៊ុន សែន បានចុះហត្ថលេខាលើអនុក្រឹត្យនៅថ្ងៃទី១៦ ខែកុម្ភៈ តម្រូវឱ្យក្រុមហ៊ុនផ្តល់សេវាកម្មអ៊ីនធឺណិតទាំងអស់ប្តូរចរាចរណ៍សេវាកម្មរបស់ខ្លួនឱ្យមកឆ្លងកាត់តាមច្រកអ៊ីនធឺណិតជាតិ (NIG) វិញ នៅក្នុងរយៈពេល១២ខែខាងមុខ។ រដ្ឋាភិបាលរបស់លោក ហ៊ុន សែន បានបញ្ជាក់ថា បទបញ្ជានេះ នឹងធ្វើឱ្យប្រសើរឡើងនូវហេដ្ឋារចនាសម្ព័ន្ធបច្ចេកវិទ្យាព័ត៌មានកម្ពុជា និងការត្រួតត្រាខ្លឹមសារដែលអាចប៉ះពាល់ដល់ «សន្តិសុខជាតិនិងសណ្តាប់ធ្នាប់សង្គម»។ ក៏ប៉ុន្តែ អ្នករិះគន់និយាយថា ចំណាត់ការនេះ នឹងផ្តល់ឱ្យរដ្ឋាភិបាលកម្ពុជានូវអំណាចត្រួតត្រាកាន់តែខ្លាំងលើលំហូរព័ត៌មានលើប្រព័ន្ធអ៊ីនធឺណិត និងសមត្ថភាពដើម្បីបិទខ្ទប់ខ្លឹមសារព័ត៌មាននិងគេហទំព័រនានា។ ក្រសួងការបរទេសសហរដ្ឋអាមេរិក នៅពេលឆាប់ៗនេះ នឹងបញ្ចេញរបាយការណ៍ស្តីពីការអនុវត្តសិទ្ធិមនុស្សសម្រាប់ឆ្នាំ២០២០។ នៅក្នុងរបាយការណ៍ប្រចាំកាលពីឆ្នាំ២០១៩របស់ខ្លួន ក្រសួងការបរទេសសហរដ្ឋអាមេរិក បានលើកឡើងពីអង្គភាពរដ្ឋាភិបាលដែលឃ្លាំមើលការពិភាក្សាតាមអ៊ីនធឺណិតនៅក្នុងប្រទេសកម្ពុជា។ តាមក្រសួងការបរទេសអាមេរិកបានបញ្ជាក់ថា៖ «៣ថ្ងៃមុនការបោះឆ្នោតជាតិឆ្នាំ២០១៨ រដ្ឋាភិបាលបានបញ្ជាឲ្យក្រុមហ៊ុនទូរគមនាគមន៍ក្នុងស្រុករាំងខ្ទប់គេហទំព័ររបស់បណ្តាញផ្សាយព័ត៌មានឯករាជ្យជាច្រើន»។ ក្រុមអ្នករិះគន់ បានចោទប្រកាន់កម្ពុជាពីការយកលំនាំការគ្រប់គ្រងប្រព័ន្ធអ៊ីនធឺណិតរបស់ខ្លួនតាមប្រទេសចិន។ អាជ្ញាធរចិន បានរក្សាប្រព័ន្ធអ៊ីនធឺណិតនៅក្នុងស្រុកឱ្យស្ថិតនៅពីក្រោយជញ្ជាំងការពារអ៊ីនធឺណិត (firewall) ដ៏ធំមួយរបស់រដ្ឋាភិបាល។ លោក Phil Robertson ដែលជាអនុប្រធានផ្នែកតំបន់អាស៊ីរបស់អង្គការសិទ្ធិមនុស្ស Human Rights Watch បាននិយាយថា៖ «លោកនាយករដ្ឋមន្ត្រីហ៊ុន សែន បានធ្វើឲ្យមានគ្រោះថ្នាក់យ៉ាងខ្លាំងប្រឆាំងនឹងសេរីភាពអ៊ីនធឺណិតនិងពាណិជ្ជកម្មតាមអនឡាញនៅក្នុងប្រទេសកម្ពុជា ដោយការពង្រីកការត្រួតត្រារបស់រដ្ឋាភិបាលលើប្រព័ន្ធអ៊ីនធឺណិតកម្ពុជា»។ នៅក្នុងសេចក្តីថ្លែងការណ៍មួយ ក្រសួងប្រៃសណីយ៍និងទូរគមនាគមន៍កម្ពុជា បានបដិសេធការចោទប្រកាន់ថា បទបញ្ជាច្រកអ៊ីនធឺណិតជាតិ (NIG) នេះនឹងត្រួសត្រាយផ្លូវសម្រាប់ប្រព័ន្ធចាប់ពិរុទ្ធខ្លឹមសារតាមលំនាំចិន ដោយបានបញ្ជាក់ថា ការចោទប្រកាន់បែបនេះជា«ការគ្មានមូលដ្ឋាននិងមានហេតុផលខាងនយោបាយ»។ ក្រសួងនោះបានបញ្ជាក់ទៀតថា ច្បាប់ថ្មីនោះ នឹងត្រូវព្រាងឡើងនៅពេលឆាប់ៗនេះ ដើម្បីការពារទិន្នន័យឯកជនភាព៕ ប្រែសម្រួលដោយលោក ជឹង ប៉ូជីន https://khmer.voanews.com/a/us-expresses-concern-over-cambodia-internet-controls/5798430.html https://khmer.voanews.com/a/us-expresses-concern-over-cambodia-internet-controls/5798430.html Tue, 02 Mar 2021 20:36:28 +0700 សិទ្ធិមនុស្សអន្តរជាតិkhmerservicevoa@gmail.com (Nike Ching, VOA News) អាមេរិកកំណត់ថា ការគាបសង្កត់របស់ចិនលើជនជាតិ Uighurs ជាអំពើ«ប្រល័យពូជសាសន៍» នៅក្នុងពេលប៉ុន្មានម៉ោងចុងក្រោយនៃការកាន់តំណែងរបស់រដ្ឋបាលលោកប្រធានាធិបតី Donald Trump សហរដ្ឋអាមេរិក កាលពីថ្ងៃអង្គារ បានកំណត់ជាផ្លូវការថា គោលនយោបាយរបស់រដ្ឋាភិបាលចិនប្រឆាំងនឹងជនជាតិភាគតិច Uighurs (អ៊ុយហ្គ័រ) និងជនជាតិភាគតិចដទៃទៀតនៅតំបន់ Xinjiang ភាគពាយ័ព្យប្រទេសចិន ជាអំពើ «ប្រល័យពូជសាសន៍»។ រដ្ឋមន្ត្រីក្រសួងការបរទេសសហរដ្ឋអាមេរិកលោក Mike Pompeo បាននិយាយនៅក្នុងសេចក្ដីថ្លែងការណ៍កាលពីថ្ងៃអង្គារថា៖ «បន្ទាប់ពីពិនិត្យយ៉ាងយកចិត្តទុកដាក់លើអង្គហេតុដែលមាន ខ្ញុំសូមកំណត់ថា សាធារណរដ្ឋប្រជាមានិតចិន ក្រោមការដឹកនាំ និងគ្រប់គ្រងរបស់បក្សកុម្មុយនិស្តចិន បានប្រព្រឹត្តអំពើប្រល័យពូជសាសន៍ប្រឆាំងនឹងជនជាតិភាគតិច Uighurs ដែលភាគច្រើនកាន់សាសនាឥស្លាម និងក្រុមជនជាតិភាគតិច កាន់សាសនាដទៃទៀតនៅក្នុងតំបន់ Xinjiang»។ បេក្ខជនរដ្ឋមន្ត្រីការបរទេសថ្មីដែលជ្រើសរើសដោយប្រធានាធិបតីជាប់ឆ្នោតអាមេរិកលោក Joe Biden គឺលោក Anthony Blinken បាននិយាយថា លោកយល់ស្របនឹងការវិនិច្ឆ័យរបស់លោក Pompeo ដែលកំណត់ថា បក្សកុម្មុយនិស្តចិន ជាប់ពាក់ព័ន្ធនឹងអំពើប្រល័យពូជសាសន៍លើជនជាតិភាគតិច Uighurs កាន់សាសនាឥស្លាម។ លោក Blinken បានប្រាប់គណ:កម្មាធិការព្រឹទ្ធសភាទទួលបន្ទុកទំនាក់ទំនងអន្តរជាតិក្នុងសវនាការអនុម័តបេក្ខភាពរបស់លោក កាលពីថ្ងៃអង្គារថា៖ «នេះក៏ជាការវិនិច្ឆ័យរបស់ខ្ញុំដែរ»។ ជាច្រើនឆ្នាំមកហើយ សហរដ្ឋអាមេរិកបានរិះគន់គោលនយោបាយឃុំឃាំង និងអប់រំឡើងវិញរបស់ចិននៅតំបន់ Xinjiang ប៉ុន្តែជៀសវាងមិនប្រកាសនយោបាយទំាងនោះថា ជាអំពើប្រល័យពូជសាសន៍។ អង្គការសហប្រជាជាតិ ប៉ាន់ស្មានថា យ៉ាងហោចណាស់មានជនជាតិភាគតិច Uighurs កាន់សាសនាឥស្លាម១លាននាក់ ត្រូវបានគេឃុំឃាំង។ ក្រុមមន្ត្រីរដ្ឋាភិបាលចិន បានពណ៌នាមន្ទីរឃុំឃាំងថា ជា «មជ្ឈមណ្ឌលបណ្ដុះបណ្ដាលវិជ្ជាជីវ:» សម្រាប់បណ្ដុះបណ្ដាលការងារ និងបដិសេធរាល់ការលើកឡើងថាអាជ្ញាធរពាក់ព័ន្ធនឹងការរំលោភសិទ្ធិមនុស្សនៅ Xinjiang៕ https://khmer.voanews.com/a/us-determines-china-s-oppression-against-uighurs-is-genocide-/5744927.html https://khmer.voanews.com/a/us-determines-china-s-oppression-against-uighurs-is-genocide-/5744927.html Wed, 20 Jan 2021 22:11:40 +0700 សិទ្ធិមនុស្សអន្តរជាតិkhmerservicevoa@gmail.com (Nike Ching) លោក Blinken ថា សហរដ្ឋអាមេរិកនឹងរួបរួមជាមួយសម្ព័ន្ធមិត្តដើម្បីទប់ទល់នឹងចិន រុស្ស៊ី អ៊ីរ៉ង់ និងប្រទេសផ្ដាច់ការផ្សេងទៀត លោក Antony Blinken ថ្លែងនៅក្នុងសវនាការមួយរបស់ព្រឹទ្ធសភាអាមេរិក ក្នុងវិមានសភាសហរដ្ឋអាមេរិក ក្នុងរដ្ឋធានីវ៉ាស៊ីនតោន ថ្ងៃទី១៩ ខែមករា ឆ្នាំ២០២១។ https://khmer.voanews.com/a/blinken-us-to-revitalize-alliances-to-counter-growing-rivalry-with-china-russia/5743876.html https://khmer.voanews.com/a/blinken-us-to-revitalize-alliances-to-counter-growing-rivalry-with-china-russia/5743876.html Wed, 20 Jan 2021 04:33:40 +0700 អាមេរិកkhmerservicevoa@gmail.com (Nike Ching, VOA News, Reuters, AFP)