Voice of America

Voice of America https://khmer.voanews.com Voice of America is an international news and broadcast organization serving Central and Eastern Europe, the Caucasus, Central Asia, Russia, the Middle East and Balkan countries https://khmer.voanews.com/Content/responsive/VOA/km-KH/img/logo.png Voice of America https://khmer.voanews.com km ២០១២ - វីអូអេ 60 Sun, 25 Jul 2021 04:13:24 +0700 Pangea CMS – VOA វៀតណាមស្វះស្វែងរកទិញវ៉ាក់សាំងដើម្បីបញ្ចៀសការបិទខ្ទប់នានា រដ្ឋាភិបាលវៀតណាមកំពុងស្វះស្វែងរកទិញវ៉ាក់សាំងពីទីផ្សារវ៉ាក់សាំងនានានៅលើពិភពលោក ដោយសង្ឃឹមថា នឹងអាចទប់ស្កាត់ការឆ្លងជំងឺកូវីដ១៩ដែលកំពុងកើនឡើងយ៉ាងខ្លាំងដោយមិនចាំបាច់មានការបិទខ្ទប់ដូចដែលធ្លាប់បានធ្វើកាលពីកន្លងទៅ។ ការបិទសកម្មភាពដែលវៀតណាមបានធ្វើកាលពីពេលមុនបានធ្វើឲ្យសេដ្ឋកិច្ចធ្លាក់ចុះ និងបង្កការខឹងសម្បាពីសាធារណជនកាន់តែខ្លាំង។ មិនខុសពីប្រទេសឯទៀតនៅជិតខាងក្នុងតំបន់អាស៊ីខាងកើតវៀតណាមធ្លាប់មានអត្រាឆ្លងខ្ពស់បំផុតរួចហើយចាប់តាំងពីការផ្ទុះឡើងនៃជំងឺរាតត្បាតនេះកាលពីដើមឆ្នាំមុន ដោយបានរកឃើញករណីឆ្លងថ្មីជាង២ ពាន់ករណីក្នុងមួយថ្ងៃ នៅដើមសប្ដាហ៍កន្លងទៅនេះ។ នៅថ្ងៃទី១២ កក្កដា ប្រទេសនេះបានកត់ត្រាឆ្លងថ្មីចំនួន២.៣៨៣ករណី ដែលជាចំនួនឆ្លងខ្ពស់បំផុតក្នុងរយៈពេល៥ថ្ងៃ ជាប់ៗគ្នា។ យ៉ាងណាក៏ដោយ ការអត់ធ្មត់របស់សាធារណជនមានកាន់តែតិចទៅៗចំពោះវិធានការរឹតបន្តឹងជាច្រើនរបស់រដ្ឋាភិបាលបើទោះជាការរឹតបន្តឹងទាំងនោះបានជួយទប់ស្កាត់រលកនៃការផ្ទុះឡើងនៃជំងឺនេះចំនួន ៣ លើករួចមកហើយក្ដី។ បន្ទាប់ពីការបិទខ្ទប់ទីក្រុងហូជីមីញ អស់រយៈពេលជិត ៥០ ថ្ងៃ សូម្បីតែអ្នកដែលធ្លាប់គាំទ្រវិធានការរដ្ឋាភិបាលដោយគ្មានលក្ខខណ្ឌនោះ ក៏ចាប់ផ្ដើមចោទជាសំណួរថាតើ វិធីដែលវៀតណាមកំពុងធ្វើនេះ ពិតជាបានប្រយុទ្ធប្រឆាំងលើការរាតត្បាតសាកលនេះមែនដែរឬទេ។ មនុស្សមួយចំនួនក៏កំពុងឆ្ងល់ថាតើវិធានការប្រយុទ្ធប្រឆាំងទាំងអស់នេះមានភាពចាំបាច់ដែរឬទេ ពីព្រោះថាវៀតណាមមានអត្រាអ្នកស្លាប់ដោយសារជំងឺនេះទាបជាងប្រទេសជាងច្រើនផ្សេងទៀត ព្រមទាំងមានប្រព័ន្ធសុខាភិបាលរឹងមាំផងដែរនោះ។ តួលេខផ្លូវការរបស់រដ្ឋបង្ហាញថា មកទល់ពេលនេះ មានចំនួនអ្នកស្លាប់ពីជំងឺនេះតែ១៣០នាក់ប៉ុណ្ណោះ ក្នុងចំណោមករណីឆ្លងជាង ៣ ម៉ឺនករណី។ បើគិតជាភាគរយ ចំនួនស្លាប់នេះស្មើនឹង០,៤ភាគរយ ប្រើប្រៀបធៀបទៅចំនួនអ្នកស្លាប់នៅសហរដ្ឋអាមេរិកដែលមានចំនួន ១,៨ ភាគរយ។ ការបិទខ្ទប់ដែលបានធ្វើកាលពីកន្លងទៅបានធ្វើឲ្យប៉ះពាល់យ៉ាងខ្លាំងដល់សេដ្ឋកិច្ច។ ការិយាល័យស្ថិតិទូទៅនៃប្រទេសវៀតណាមបានរាយការណ៍នៅក្នុងខែនេះថា ពលរដ្ឋចំនួន១២លាន៨សែននាក់ដែលមានអាយុចាប់ពី១៥ឆ្នាំឡើងទៅទទួលរងនូវផលប៉ះពាល់អវិជ្ជមានពីជំងឺរាតត្បាតសាកលកូវីដ១៩នេះនៅចន្លោះពីខែមេសាដល់មិថុនា ឆ្នាំនេះ។ ក្នុងចំណោមពលរដ្ឋទាំងនោះ មាន៥៥៧.០០០នាក់បានបាត់បង់ការងារ៤លាន១សែននាក់ផ្អាកអាជីវកម្មរបស់ខ្លួនបណ្ដោះអាសន្ន ៤លាន៣សែននាក់ត្រូវបានកាត់បន្ថយម៉ោងធ្វើការ ឬត្រូវបានឲ្យប្រើប្រាស់ថ្ងៃឈប់សម្រាក ឬប្ដូរវេនគ្នាធ្វើការ ហើយកម្មករចំនួន៨លាន៥សែននាក់ត្រូវបានកាត់បន្ថយប្រាក់ចំណូល។ ផលប៉ះពាល់ទាំងនេះធ្វើឲ្យថ្នាក់ដឹកនាំនៅទីក្រុងហាណូយផ្ដោតក្ដីសង្ឃឹមទៅលើយុទ្ធនាការចាក់វ៉ាក់សាំងឲ្យពលរដ្ឋជាង៧០ ភាគរយនៅត្រឹមចុងខែមីនាឆ្នាំ ២០២២។ យោងតាមរដ្ឋមន្ត្រីសុខាភិបាលលោក Nguyen Thanh Long យុទ្ធនាការនេះចាប់ផ្ដើមនៅក្នុងខែនេះដោយរដ្ឋាភិបាលមានវ៉ាក់សាំងប្រហែល៨លាន៧សែនដូសសម្រាប់ចាក់ឲ្យពលរដ្ឋនៅតាមមណ្ឌលចាក់វ៉ាក់សាំងចំនួន១ម៉ឺន ៨ពាន់កន្លែង។ នេះគឺជាយុទ្ធនាការដ៏មានមហិច្ឆតាមួយដែលតម្រូវឲ្យវៀតណាមត្រូវមានវ៉ាក់សាំងប្រមាណជា ១៥០ លានដូសសម្រាប់រយៈពេល៩ខែបន្ទាប់ទៀតនេះ។ មកទល់នឹងពេលនេះវៀតណាមបានប្រើប្រាស់វ៉ាក់សាំងមិនលើសពី៤លានដូសទេចាប់តាំងពីបានទទួលកញ្ចប់វ៉ាក់សាំងលើកទីមួយកាលពីខែមេសា តាមរយៈយន្តការ COVAX ដែលជាយន្តការគាំទ្រដោយអង្គការសហប្រជាជាតិដើម្បីចែកចាយវ៉ាក់សាំងដល់បណ្តាប្រទេសដែលមានការអភិវឌ្ឍតិចតួច។ ក្រសួងសុខាភិបាលបានឲ្យដឹងថា គិតចាប់ពីខែកុម្ភៈមកខ្លួនបានទទួលវ៉ាក់សាំងសរុបចំនួន ៩ លានដូសដែលក្នុងនោះរួមមានវ៉ាក់សាំងផលិតដោយក្រុមហ៊ុនឱសថសហរដ្ឋអាមេរិករុស្ស៊ី ចិន និងចក្រភពអង់គ្លេស។ កិច្ចប្រឹងប្រែងនេះទទួលបានការគាំទ្រ ដោយកាលពីថ្ងៃទី១០ ខែកក្កដា វៀតណាមបានទទួលវ៉ាក់សាំងModernaផលិតនៅសហរដ្ឋអាមេរិកចំនួន២ លានដូស តាមរយៈយន្តការ COVAX។ វ៉ាក់សាំងដែលវៀតណាមបានទទួលនេះគឺជាផ្នែកមួយនៃវ៉ាក់សាំងចំនួន ៨០ លានដូស ដែលប្រធានាធិបតីសហរដ្ឋអាមេរិក លោក Joe Biden បានប្រកាសចែកចាយទៅដល់ប្រទេសនានានៅលើសាកលលោក។ ក្រសួងការបរទេសវៀតណាមបានប្រកាសកាលពីពាក់កណ្ដាលខែកក្កដានេះថា ក្រសួងកំពុងពិភាក្សាជាមួយប្រទេសរុស្ស៊ី និងឥណ្ឌា ដើម្បីបញ្ជាទិញវ៉ាក់សាំងSputnik ចំនួន ៤០លានដូស និងវ៉ាក់សាំង Covaxin ចំនួន ១៥ លានដូស។ ក្រសួងបញ្ជាក់ថា វ៉ាក់សាំងទាំងនេះនឹងជួយឲ្យសម្រេចបាននូវការប្ដេជ្ញារបស់រដ្ឋាភិបាលក្នុងស្វះស្វែងរកវ៉ាក់សាំងឲ្យបានសរុបចំនួន ១២០ លានដូស។ ថ្នាក់ដឹកនាំប្រទេសវៀតណាម ក៏កំពុងផ្ដោតលើការផលិតវ៉ាក់សាំងដោយខ្លួនឯងផងដែរ។ វ៉ាក់សាំង Nanocovax របស់ក្រុមហ៊ុន Nanogen ដែលទទួលបានការគាំទ្រពីនាយករដ្ឋមន្ត្រីវៀតណាមលោក Phạm Minh Chính ជិតបញ្ចប់ការធ្វើតេស្តសាកល្បងនានាហើយរំពឹងថានឹងរួចរាល់សម្រាប់ការប្រើប្រាស់នៅដើមខែសីហាខាងមុខនេះ។ អ្វីដែលជាការគិតគូរដ៏សំខាន់មួយទៀតនោះគឺថា ការប៉ុនប៉ងរបស់រដ្ឋាភិបាលក្នុងការបញ្ចៀសនូវអ្វីដែលគេហៅថា «វ៉ាក់សាំងការទូត» របស់ចិន។ ប្រទេសចិនបានរងការចោទប្រកាន់ថា បានប្រើប្រាស់ការផ្ដល់វ៉ាក់សាំងដ៏ច្រើនដើម្បីដាក់សម្ពាធលើប្រទេសនានានៅតំបន់អាស៊ីអាគ្នេយ៍ ជាថ្នូរដើម្បីទទួលបានការគាំទ្រគោលនយោបាយនានាលើបញ្ហាសន្តិសុខ។ ក្ដីបារម្ភមួយទៀតនោះគឺ ពលរដ្ឋខ្លះនឹងបដិសេធវ៉ាក់សាំងមួយចំនួនដោយរំពឹងថា ខ្លួននឹងត្រូវបានចាក់តែវ៉ាក់សាំងណាដែលគេចាត់ទុកថាមានប្រសិទ្ធភាពប្រឆាំងនឹងមេរោគប៉ុណ្ណោះ។ លើសពីនេះទៀត ក៏មានការបង្ហោះសារតាមបណ្ដាញសង្គមជាច្រើនដែលសារទាំងនោះក៏មានទាំងការរិះគន់ទៅលើអ្នកដែលចង់ជ្រើសរើសវ៉ាក់សាំងផងដែរ៕ ប្រែសម្រួលដោយ នៀម ឆេង https://khmer.voanews.com/a/vietnam-shopping-for-vaccines-in-hopes-of-avoiding-more-lockdowns/5976694.html https://khmer.voanews.com/a/vietnam-shopping-for-vaccines-in-hopes-of-avoiding-more-lockdowns/5976694.html Fri, 23 Jul 2021 21:11:47 +0700 សុខភាពអាស៊ីអាគ្នេយ៍khmerservicevoa@gmail.com (VOA News) ការប្រកួតកីឡាអូឡាំពិកក្រុងតូក្យូ បើកនៅថ្ងៃសុក្រនេះ ការប្រកួតកីឡាអូឡាំពិកនៅក្រុងតូក្យូបើកនៅថ្ងៃសុក្រ នៅពេលមានការរាតត្បាតជំងឺកូវីដ១៩ ទូទាំងសាកលលោក។ នៅថ្ងៃសុក្រ ពួកអ្នករៀបចំកីឡាអូឡាំពិកបាននិយាយថា មនុស្ស១៩នាក់ រួមមានអត្តពលិក៣នាក់ផង ជាមនុស្សចុងក្រោយបំផុតដែលទាក់ទិននឹងកម្មវិធីកីឡានេះ បានធ្វើតេស្តមានវីរុសកូរ៉ូណា។ រហូតមកទល់ពេលនេះ មានមនុស្សយ៉ាងតិចណាស់ ១១០នាក់ដែលទាក់ទិននឹងកម្មវិធីកីឡាអូឡាំពិក បានធ្វើតេស្តមានជំងឺកូវីដ១៩ រួមមានអត្តពលិកយ៉ាងតិចណាស់ ១៣ នាក់។ ពិធីសម្ពោធកីឡាអូឡាំពិក ហើយនឹងការប្រកួតកីឡានឹងត្រូវរៀបចំឡើងក្នុងទីកន្លែងដែលគ្មានមនុស្សចូល ខណៈទីក្រុងតូក្យូប្រឈមនឹងគ្រាអាសន្នលើកទី ៤ នៃជំងឺកូវីដ១៩។ នាង Naomi Osaka ជាជើងឯកអត្តពលិកជប៉ុនមានគម្រោងលេងកីឡាតឺនីសអូឡាំពិកលើកដំបូងរបស់នាងនៅថ្ងៃសៅរ៍ស្អែក ក៏ប៉ុន្តែ ការប្រកួតរបស់នាងឥឡូវនេះ ត្រូវបានលើកទៅថ្ងៃអាទិត្យវិញ។ ក្នុងពេលជាមួយគ្នានេះដែរ «ទង់ជាតិព្រះអាទិត្យរះ»របស់ជប៉ុន បង្កឱ្យមានការខឹងសម្បាយ៉ាងខ្លាំងនៅកម្មវិធីកីឡាអូឡាំពិក។ ប្រទេសជប៉ុនចាត់ទុកទង់ជាតិ«ព្រះអាទិត្យរះ»របស់ខ្លួនជាផ្នែកមួយនៃប្រវត្តិសាស្ត្ររបស់ខ្លួន។ ប៉ុន្តែអ្នកខ្លះនៅប្រទេសកូរ៉េទាំងពីរ ចិន និងប្រទេសអាស៊ីផ្សេងទៀតនិយាយថា ទង់ជាតិនេះ គឺជាការរំឭកអំពីអំពើឃោរឃៅរបស់ជប៉ុនក្នុងសម័យសង្គ្រាម ហើយអាចប្រៀបធៀបទៅនឹងទង់ Nazi របស់អ៊ីត្លែរ។ នេះបើតាមទីភ្នាក់ងារសារព័ត៌មាន AP។ ប្រទេសជិតខាងរបស់ប្រទេសជប៉ុនខ្លះ បានអំពាវនាវមិនឲ្យប្រើទង់នេះក្នុងកម្មវិធីអូឡាំពិកនៅទីក្រុងតូក្យូដែលចាប់ផ្តើមនៅថ្ងៃសុក្រ៕ សេចក្តីរាយការណ៍នេះ មានការដកស្រង់ព័ត៌មានពីទីភ្នាក់ងារសារព័ត៌មាន AP ពីទីក្រុងតូក្យូ https://khmer.voanews.com/a/tokyo-olympic-games-open-friday/5976585.html https://khmer.voanews.com/a/tokyo-olympic-games-open-friday/5976585.html Fri, 23 Jul 2021 19:49:56 +0700 សង្គមអន្តរជាតិkhmerservicevoa@gmail.com (VOA News) នាយក CDC អាមេរិកថាវីរុសដែលតា«ជាវីរុសធ្វើឲ្យរលាកផ្លូវដង្ហើមឆ្លងខ្លាំងបំផុត» អ្នកស្រី Rochelle Walensky នាយកទីភ្នាក់ងារគ្រប់គ្រងនិងបង្ការជំងឺ (CDC) សហរដ្ឋអាមេរិកបាននិយាយកាលពីថ្ងៃព្រហស្បតិ៍ថា វីរុសជំងឺកូវីដ១៩បំប្លែងថ្មីដែលតា (Delta) «ជាវីរុសប៉ះពាល់ផ្លូវដង្ហើមឆ្លងខ្លាំងបំផុតមួយដែលយើងបានដឹងហើយដែលខ្ញុំបានឃើញនៅក្នុងរយៈពេល២០ឆ្នាំនៃអាជីពរបស់ខ្ញុំ»។ ក្រុមមន្ត្រីនៅក្នុងរដ្ឋធានីវ៉ាស៊ីនតោនកាលពីថ្ងៃព្រហស្បតិ៍បានជំរុញប្រជាពលរដ្ឋឲ្យចាក់វ៉ាក់សាំងជំងឺកូវីដ១៩ដើម្បីការពារខ្លួនពីវីរុសបំប្លែងថ្មីហើយនឹងទប់ស្កាត់ការរាលដាលនៃវីរុសកូរ៉ូណា។ ប្រទេសចិនមិនសប្បាយចិត្តនឹងអង្គការសុខភាពពិភពលោកដែលចង់បន្តស៊ើបអង្កេតថាតើវីរុសកូរ៉ូណាដែលបង្កជំងឺកូវីដ១៩លេចចេញពីមន្ទីរពិសោធន៍នៅទីក្រុងវូហាន (Wuhan) ឬយ៉ាងណាដែលនាំឲ្យមានការរាតត្បាតនៃជំងឺកូវីដ១៩ទូទាំងពិភពលោក។ លោក Zeng Yixin អនុរដ្ឋមន្ត្រីគណៈកម្មការសុខាភិបាលចិនបាននិយាយកាលពីថ្ងៃព្រហស្បតិ៍ថាសំណើរបស់អង្គការសុខភាពពិភពលោកធ្វើការស៊ើបអង្កេតការលេចធ្លាយវីរុសពីមន្ទីរពិសោធន៍របស់ចិនដែលជាប្រភពនៃការផ្ទុះទូទាំងសាកលលោកនោះគឺខ្វះ«ការគោរពសុភវិនិច្ឆ័យនិងជាឥរិយាបទច្រឡោងខាមចំពោះវិទ្យាសាស្ត្រ»។លោកនិយាយទៀតថាចិនមិនអាចទទួលយកផែនការបែបនេះទេ។ ការស៊ើបអង្កេតដែលធ្វើឡើងដោយប្រទេសចិននិងអង្គការសុខភាពនៅដើមឆ្នាំនេះបានសន្និដ្ឋានថា វាមិនទំនងទាល់តែសោះថាការលេចធ្លាយពីមន្ទីរពិសោធន៍វូហានជាប្រភពនៃវីរុសនោះ។ទោះជាយ៉ាងណាក៏ដោយ ក្រុមអ្នកជំនាញអន្តរជាតិនិយាយថាពួកអ្នកវិទ្យាសាស្ត្រចិនមានឥទ្ធិពលខ្លាំងពេកនៅក្នុងការសម្រេចអំពីលទ្ធផលនៃការស៊ើបអង្កេតនោះ។ មជ្ឈមណ្ឌល Johns Hopkins បានរាយការណ៍នៅថ្ងៃសុក្រថាមានការឆ្លងវីរុសកូរ៉ូណាសរុបចំនួន១៩២លាន៥សែនករណីនៅលើពិភពលោកហើយចំនួនអ្នកស្លាប់ឡើងដល់៤លាននាក់៕ https://khmer.voanews.com/a/cdc-director-delta-variant-one-of-the-most-infectious-respiratory-viruses-/5976544.html https://khmer.voanews.com/a/cdc-director-delta-variant-one-of-the-most-infectious-respiratory-viruses-/5976544.html Fri, 23 Jul 2021 18:59:46 +0700 សុខភាពអន្តរជាតិkhmerservicevoa@gmail.com (VOA News) របាយការណ៍ថា ចិនពិចារណាការចាក់វាក់សាំងបរទេសដើម្បីបង្កើនប្រសិទ្ធភាពវ៉ាក់សាំងរបស់ខ្លួន ប្រទេសចិនត្រូវបានគេរាយការណ៍ថា កំពុងពិចារណាចាក់វ៉ាក់សាំងបរទេសដើម្បីបង្កើនអង្គបដិប្រាណសម្រាប់អ្នកដែលបានចាក់វ៉ាក់សាំងរបស់ចិនគ្រប់ដូស ដូចជាវ៉ាក់សាំង Sinovac និង Sinopharm។ Caixin ដែលជាទស្សនាវដ្តីហិរញ្ញវត្ថុចិនគួរឲ្យទុកចិត្ត និយាយថា អ្នកត្រួតពិនិត្យឱសថនៅក្នុងប្រទេសចិនបានបញ្ចប់ការពិនិត្យឡើងវិញរបស់ក្រុមអ្នកជំនាញអំពីវ៉ាក់សាំងបន្ថែមអង្គបដិប្រាណ ដែលផលិតរួមគ្នាដោយក្រុមហ៊ុនឱសថ Shanghai Fosun Pharmaceutical (Fosun Pharma) របស់ប្រទេសចិន និងក្រុមហ៊ុន BioNTech របស់អាល្លឺម៉ង់។ វ៉ាក់សាំងបន្ថែមអង្គបដិប្រាណឈ្មោះ Fosun-BioNTech COVID-19 នេះ កំពុងស្ថិតនៅក្នុងដំណាក់កាលត្រួតពិនិត្យខាងរដ្ឋបាល។ សេចក្តីរាយការណ៍នេះបានលេចឡើងប៉ុន្មានថ្ងៃ បន្ទាប់ពីប្រទេសថៃ និងឥណ្ឌូណេស៊ីបានប្រកាសថា ពួកគេនឹងប្តូរពីវ៉ាក់សាំងផលិតនៅក្នុងប្រទេសចិនទៅប្រើវ៉ាក់សាំងរបស់ប្រទេសលោកខាងលិចវិញ៕ ម៉្យាងទៀត ប្រទេសចិនថា ខ្លួនភ្ញាក់ផ្អើលនឹងផែនការមួយទៀតរបស់អង្គការសុខភាពពិភពលោក (WHO) សិក្សាអំពីប្រភពជំងឺកូវីដ១៩។ មន្ត្រីជាន់ខ្ពស់ផ្នែកសុខាភិបាលចិនបាននិយាយនៅថ្ងៃព្រហស្បតិ៍ថា លោកភ្ញាក់ផ្អើលចំពោះផែនការរបស់អង្គការសុខភាពពិភពលោកសិក្សាដំណាក់កាលទី២ អំពីប្រភពជំងឺកូវីដ១៩។ នេះបើតាមទីភ្នាក់ងារសារព័ត៌មាន AP។ លោក Zeng Yixin អនុរដ្ឋមន្រ្តីគណៈកម្មការសុខាភិបាលជាតិចិន បានបដិសេធថា ទ្រឹស្តីអំពីការលេចធ្លាយវីរុសពីមន្ទីរពិសោធន៍ចិន ជាពាក្យចចាមអារាមប្រឆាំងសុភវិនិច្ឆ័យ។ ប្រធានអង្គការសុខភាពពិភពលោកបានទទួលស្គាល់កាលពីសប្តាហ៍មុនថា មិនទាន់អាចបដិសេធទំនាក់ទំនងអាចមានរវាងវីរុសកូរ៉ូណា និងមន្ទីរពិសោធន៍ចិនទេ។ លោក Zeng បាននិយាយថា មន្ទីរពិសោធន៍នៅទីក្រុង Wuhan មិនមានវីរុសដែលអាចចម្លងទៅមនុស្សដោយផ្ទាល់ទេ។ លោកថា ប្រទេសចិន បានបញ្ជាក់ម្តងហើយម្តងទៀត និងមិនទទួលយកផែនការរបស់អង្គការសុខភាពពិភពលោកនេះទេ៕ ទីភ្នាក់ងារសារព័ត៌មាន AP រួមចំណែករាយការណ៍ពីរដ្ឋធានីប៉េកាំង https://khmer.voanews.com/a/report-beijing-considering-foreign-booster-shot-to-improve-efficacy-of-its-vaccines/5975189.html https://khmer.voanews.com/a/report-beijing-considering-foreign-booster-shot-to-improve-efficacy-of-its-vaccines/5975189.html Thu, 22 Jul 2021 21:09:33 +0700 សុខភាពអន្តរជាតិkhmerservicevoa@gmail.com (Adam Xu, Andrianna Zhang, VOA News) វ៉ាក់សាំង Johnson & Johnson មិនសូវបង្ហាញប្រសិទ្ធភាពប្រឆាំងនឹងវីរុសកូរ៉ូណាបំប្លែងថ្មីដែលតា ការសិក្សាមួយបង្ហាញថា វ៉ាក់សាំងរបស់ក្រុមហ៊ុន Johnson & Johnson សម្រាប់បង្ការជំងឺកូវីដ១៩ ដែលតម្រូវឲ្យចាក់តែមួយដូស ប្រហែលជាមិនសូវមានប្រសិទ្ធភាពប្រឆាំងនឹងវីរុសកូរ៉ូណាបំប្លែងថ្មីដែលតានោះទេ។ ក្រុមអ្នកស្រាវជ្រាវនៅមហាវិទ្យាល័យពេទ្យGrossman នៃសាកលវិទ្យាល័យ New York បានសន្និដ្ឋានយ៉ាងដូច្នេះ បន្ទាប់ពីធ្វើតេស្តនៅមន្ទីរពិសោធន៍ទៅលើសំណាកឈាមរបស់ក្រុមអ្នកស្ម័គ្រចិត្តមួយចំនួន។ លោក Nathaniel Landau ប្រធានក្រុមអ្នកស្រាវជ្រាវនោះបានថ្លែងថា វ៉ាក់សាំង Johnson & Johnson មិនបានផ្ដល់ការការពារដូចគ្នាប្រឆាំងនឹងវីរុសកូរ៉ូណាបំប្លែងថ្មីទេ ខណៈដែលវ៉ាក់សាំង Pfizer ឬ Moderna ដែលតម្រូវឲ្យចាក់ពីរដូស ផ្ដល់ការការពារច្រើនជាង។ វ៉ាក់សាំង Pfizer និងវ៉ាក់សាំង Moderna ត្រូវបានផលិតឡើងដោយប្រើវិធី mRNA។ ការសិក្សាដែលត្រូវបានបង្ហោះតាមអនឡាញកាលពីថ្ងៃអង្គារនេះ នៅមិនទាន់ត្រូវបានក្រុមអ្នកស្រាវជ្រាវដូចគ្នាពិនិត្យមើលឡើងវិញនោះទេ ហើយក៏មិនទាន់ត្រូវបានបោះពុម្ពផ្សាយនៅក្នុងទិនានុប្បវត្តិវិទ្យាសាស្ត្រនោះដែរ។ ការសិក្សានេះក៏មិនបានឆ្លុះបញ្ចាំងពីប្រសិទ្ធភាពនៃវ៉ាក់សាំងនៅក្នុងពិភពលោកពិតនោះដែរ។ ប៉ុន្តែលទ្ធផលនៃការស្រាវជ្រាវនេះស្រដៀងគ្នាទៅនឹងការសិក្សាផ្សេងៗទៀតដែរ ដែលថា វ៉ាក់សាំងដែលតម្រូវឲ្យចាក់តែមួយដូសដូចជាវ៉ាក់សាំង Johnson & Johnson និងវ៉ាក់សាំង AstraZeneca មិនបានផលិតអង់ទីករគ្រប់គ្រាន់ដើម្បីប្រឆាំងនឹងវីរុសកូរ៉ូណាបំប្លែងថ្មីដែលតានិងឡាំដាទេ៕ (ព័ត៌មានមួយចំនួនពីក្នុងសេចក្ដីរាយការណ៍នេះត្រូវបានដកស្រង់ពីទីភ្នាក់ងារព័ត៌មាន AP និង Reuters) https://khmer.voanews.com/a/johnson-johnson-covid19-vaccine-shown-less-effective-against-variants/5974307.html https://khmer.voanews.com/a/johnson-johnson-covid19-vaccine-shown-less-effective-against-variants/5974307.html Thu, 22 Jul 2021 03:16:35 +0700 សុខភាពអន្តរជាតិkhmerservicevoa@gmail.com (VOA News) អ្នកស្រី Jill Biden ភរិយាប្រធានាធិបតីដឹកនាំប្រតិភូអូឡាំពិកអាមេរិកទៅជប៉ុន ភរិយាប្រធានាធិបតីគឺអ្នកស្រី Jill Biden នឹងធ្វើដំណើរទៅរដ្ឋ Alaska នៅថ្ងៃពុធមុនពេលអ្នកស្រីដឹកនាំគណៈប្រតិភូផ្លូវការរបស់សហរដ្ឋអាមេរិកនៅឯកីឡាអូឡាំពិកក្នុងទីក្រុងតូក្យូ។ នៅរដ្ឋ Alaska អ្នកស្រីគ្រោងទៅមណ្ឌលសុខភាពនិងប្រកាសឱ្យយកចិត្តទុកដាក់ចំពោះតម្រូវការសេវាសុខភាពនៅតាមតំបន់ជនបទ។ សេតវិមានបាននិយាយថា អ្នកស្រីក៏នឹងលើកទឹកចិត្តឱ្យប្រជាជនចាក់វ៉ាក់សាំងជំងឺកូវីដ១៩ដែរ។ អ្នកស្រីគ្រោងនឹងចូលរួមក្នុងពិធីបើកកីឡាអូឡាំពិកនៅទីក្រុងតូក្យូនៅថ្ងៃសុក្រ។ អ្នករួមដំណើរក្នុងគណៈប្រតិភូរបស់អ្នកស្រីគឺលោក Raymond Greene ភារធារីអន្តរកាលស្ថានទូតអាមេរិកនៅទីក្រុងតូក្យូ។ លេខាធិការសេតវិមានអ្នកស្រី Jen Psaki បានប្រាប់អ្នកយកព័ត៌មានកាលពីថ្ងៃអង្គារថា «ក្រុមរបស់យើងអនុវត្តពិធីសារសុវត្ថិភាពនិងសុខភាពយ៉ាងតឹងរ៉ឹងដោយកំណត់ការធ្វើដំណើរជាសាធារណៈឱ្យបានតិចបំផុតតាមដែលអាចធ្វើទៅបាន។ ក្រុមទប់ស្កាត់ជំងឺកូវីដ១៩របស់យើងនៅសេតវិមានក៏ដូចជាមន្រ្តីសុខាភិបាលនៅគណៈកម្មាធិការអូឡាំពិកអន្តរជាតិ (IOC) និងរដ្ឋាភិបាលជប៉ុនយល់ស្របថាពិធីសារនិងវិធានការសុខភាពតឹងរ៉ឹងនឹងជួយការពារឱ្យគណៈប្រតិភូរបស់យើងឱ្យមានសុវត្ថិភាព»៕ https://khmer.voanews.com/a/first-lady-jill-biden-leading-us-olympic-delegation/5973767.html https://khmer.voanews.com/a/first-lady-jill-biden-leading-us-olympic-delegation/5973767.html Wed, 21 Jul 2021 18:58:02 +0700 សិល្បៈនិងវប្បធម៌អន្តរជាតិkhmerservicevoa@gmail.com (VOA News) មហាសេដ្ឋីអាមេរិក Bezos ធ្វើដំណើរពីអវកាសមកផែនដីវិញដោយជោគជ័យ មហាសេដ្ឋី Jeff Bezos បានវិលត្រឡប់ពីអវកាសមកកាន់ផែនដីវិញប្រកបដោយសុវត្ថិភាពកាលពីថ្ងៃអង្គារម្សិលមិញ បន្ទាប់ពីស្ថិតនៅអវកាសអស់រយៈពេល១០នាទីនៅក្នុងយានអវកាសNew Shepard របស់ក្រុមហ៊ុន Blue Origin របស់លោក។ លោក Bezos បានថ្លែងបន្ទាប់ពីយានអវកាសរបស់លោកចុះចតនៅក្បែរក្រុង Van Horn រដ្ឋ Texas ថា៖ «នេះគឺជាថ្ងៃដ៏ល្អបំផុត»។ យានអវកាសរបស់លោកត្រូវបានដាក់ឈ្មោះតាមលោក Alan Shepard ដែលជាអវកាសយានិកអាមេរិកដំបូងបង្អស់ដែលបានទៅអវកាស។ លោក Bezos ដែលជាអ្នកមានទ្រព្យសម្បត្តិច្រើនបំផុតនៅក្នុងពិភពលោក បានធ្វើដំណើរពីផែនដីទៅអវកាសកាលពីថ្ងៃអង្គារ ពីរដ្ឋ Texas សហរដ្ឋអាមេរិក។ លោកបានក្លាយជាមហាសេដ្ឋីទីពីរដែលបានទៅដល់អវកាសនៅក្នុងខែនេះដោយចាយវាយប្រាក់កាសផ្ទាល់ខ្លួន។ មហាសេដ្ឋីអង់គ្លេស លោក Richard Branson បានធ្វើដំណើរទៅកាន់អវកាសកាលពីថ្ងៃទី១១ ខែកក្កដាកន្លងទៅនេះ ជាមួយនឹងក្រុមការងារចំនួន៥នាក់ ដោយប្រើប្រាស់យានអវកាសរបស់ក្រុមហ៊ុនអាកាសចរណ៍ Virgin Galactic របស់លោក។ លោក Bezos អាយុ៥៧ឆ្នាំជាស្ថាបនិកក្រុមហ៊ុនលក់ឥវ៉ាន់តាមអនឡាញ Amazon ហើយលោកបានបង្កើតក្រុមហ៊ុន Blue Origin ឡើងកាលពីឆ្នាំ ២០០០ ក្នុងគោលបំណងបង្កើតទីតាំងអចិន្ត្រៃយ៍នៅអវកាសដែលអាចឲ្យមនុស្សរស់នៅនិងធ្វើការបាន៕ (ព័ត៌មានមួយចំនួននៅក្នុងសេចក្ដីរាយការណ៍នេះត្រូវបានដកស្រង់ពីទីភ្នាក់ងារព័ត៌មានAP) https://khmer.voanews.com/a/billionaire-bezos-back-on-earth-after-successful-suborbital-trip-/5972946.html https://khmer.voanews.com/a/billionaire-bezos-back-on-earth-after-successful-suborbital-trip-/5972946.html Wed, 21 Jul 2021 02:11:06 +0700 វិទ្យាសាស្ត្រ បច្ចេកវិទ្យាអន្តរជាតិkhmerservicevoa@gmail.com (VOA News) អាមេរិកនិងប្រទេសមួយចំនួនទៀតចោទទីភ្នាក់ងារចារកម្មរបស់ចិនថា ជួលពួកអ្នកលួចព័ត៌មានតាមកុំព្យូទ័រ សហរដ្ឋអាមេរិកនិងប្រទេសមួយចំនួនទៀត កំពុងតែចោទប្រកាន់ក្រសួងសន្ដិសុខរដ្ឋរបស់ប្រទេសចិនថា កំពុងជួលអ្នកលួចព័ត៌មានតាមកុំព្យូទ័រដើម្បីធ្វើប្រតិបត្តិការលួចព័ត៌មានលើកុំព្យូទ័រនៅទូទាំងសាកលលោក ដែលការណ៍នេះ ផ្ដល់ផលប្រយោជន៍ដល់អ្នកលួចព័ត៌មានដោយផ្ទាល់។ សកម្មភាពទាំងនោះរួមមានទាំងប្រតិបត្តិការជំរិតទារប្រាក់ពីក្រុមហ៊ុនឯកជនដែលត្រូវបានបង្ខំឲ្យបង់ប្រាក់រាប់លានដុល្លារដើម្បីជាថ្នូរនឹងការណ៍ដែលអាចចូលទៅប្រើប្រាស់ទិន្នន័យរបស់ខ្លួនវិញបាន។ នេះបើយោងតាមការបញ្ជាក់របស់ក្រុមមន្ត្រីសហរដ្ឋអាមេរិក។ សហរដ្ឋអាមេរិកជាមួយនឹងអង្គការអូតង់ សហភាពអឺរ៉ុប ចក្រភពអង់គ្លេស ជប៉ុន កាណាដា អូស្ត្រាលី និងនូវែលហ្សេឡង់ កាលពីថ្ងៃចន្ទម្សិលមិញ បានស្តីបន្ទោសចិនចំពោះការលួចយកព័ត៌មានតាមកុំព្យូទ័រកាលពីខែមីនា ដែលបានធ្វើឲ្យប៉ះពាល់ដល់ស្ថាប័នរាប់ម៉ឺនតាមរយៈកម្មវិធី Microsoft Exchange។ នេះ គឺជាទម្រង់មួយនៃការលួចទិន្នន័យតាមកុំព្យូទ័រដែលម្ចាស់ស្ថាប័នដឹងពីការលួចទិន្នន័យ ប៉ុន្តែពួកគេមិនអាចយកទិន្នន័យទាំងអស់នោះត្រឡប់មកវិញបាន។ ចិនបានបដិសេធម្ដងហើយម្ដងទៀតថា ខ្លួនមិនបានពាក់ព័ន្ធនឹងសកម្មភាពទាំងអស់នោះទេ៕ https://khmer.voanews.com/a/china-spy-agency-blamed-by-us-others-of-using-contract-hackers/5971352.html https://khmer.voanews.com/a/china-spy-agency-blamed-by-us-others-of-using-contract-hackers/5971352.html Tue, 20 Jul 2021 00:02:19 +0700 វិទ្យាសាស្ត្រ បច្ចេកវិទ្យាអន្តរជាតិkhmerservicevoa@gmail.com (Steve Herman, VOA News) ទឹកជំនន់នៅប្រទេសអាល្លឺម៉ង់ សម្លាប់មនុស្សយ៉ាងតិចណាស់៨០នាក់ និង១៣០០នាក់ បាត់ខ្លួន ក្រុមមន្ត្រីនៅភាគខាងលិចប្រទេសអាល្លឺម៉ង់និយាយថា ភ្លៀង និងទឹកជំនន់យ៉ាងខ្លាំងបានសម្លាប់មនុស្សយ៉ាងតិចណាស់៨០នាក់ ខណៈមនុស្សជាង១ពាន់នាក់ទៀតកំពុងបាត់ខ្លួន។ លោក Andreas Friedrich អ្នកនាំពាក្យសេវាកម្មអាកាសធាតុអាល្លឺម៉ង់ បានប្រាប់បណ្តាញទូរទស្សន៍ CNN ថា «នៅក្នុងតំបន់ខ្លះ យើងមិនបានឃើញភ្លៀងដ៏ច្រើនបែបនេះទេ នៅក្នុងពេល១រយឆ្នាំ»។ ទូរទស្សន៍អាល្លឺម៉ង់ Deutsche Welle បានបញ្ជាក់ថា មនុស្សស្លាប់ភាគច្រើនស្ថិតនៅតំបន់ Rhine Westphalia ខាងជើង និង Rhineland-Palatinate រីឯមនុស្ស១៣០០នាក់ទៀត កំពុងបាត់ខ្លួននៅក្នុងតំបន់ Ahrweiler ភាគនិរតីនៃទីក្រុង Bonn ទីដែលទន្លេ Ahr ហូរចូលក្នុងតំបន់ Rhine បានឡើងហៀរមាត់ច្រាំង។ កិច្ចប្រតិបត្តិការជួយសង្គ្រោះបានជួបប្រទះបញ្ហា ដោយសារបណ្តាញទូរស័ព្ទ និងអ៊ីនធឺណិត ដាច់នៅក្នុងតំបន់នេះ។ ពួកមន្ត្រីនិយាយថា ទឹកជំនន់បានបង្អាក់ការដឹកជញ្ជូនតាមរទេះភ្លើង និងតាមទន្លេ Rhine។ រូបភាពវីដេអូមើលពីលើតំបន់នោះបានបង្ហាញផ្ទះមួយចំនួនហូរតាមទឹក ហើយផ្លូវថ្នល់និងស្ពានក៏អ៊ីចឹងដែរ។ នៅទីក្រុង Schuld នៅក្នុងសង្កាត់ Ahrweiler ភាគខាងត្បូង ប៉ូលិសនិយាយថា ផ្ទះជាច្រើនខ្នងបានដួលរលំ។ ពួកមន្ត្រីនិយាយថា សំណង់ជាច្រើនក៏កំពុងប្រឈមគ្រោះថ្នាក់ដោយការដួលរលំដែរ។ បុគ្គលិកជួយសង្គ្រោះ និងទាហានបានត្រូវបញ្ជូនទៅជួយប្រជាពលរដ្ឋ ដែលអ្នកខ្លះបានជាប់នៅលើដំបូលផ្ទះ។ ទឹកជំនន់យ៉ាងខ្លាំងក៏មាននៅក្នុងប្រទេសប៊ែលហ្សុិក លុចសំបួ បារាំង និងហូឡង់ផងដែរ៕ Fern Robinson និង Jeff Custer រួមចំណែកក្នុងសេចក្តីរាយការណ៍នេះ https://khmer.voanews.com/a/german-floods-leave-at-least-80-dead-1-300-missing-/5968190.html https://khmer.voanews.com/a/german-floods-leave-at-least-80-dead-1-300-missing-/5968190.html Fri, 16 Jul 2021 19:55:52 +0700 បរិស្ថានអន្តរជាតិkhmerservicevoa@gmail.com (VOA News) អ្នករាយការណ៍អំពីកំហុសឆ្គងក្នុងស្ថាប័នប្រព័ន្ធផ្សព្វផ្សាយរដ្ឋាភិបាលអាមេរិក ត្រូវបានសន្មតថាមិនបានធ្វើខុស ក្រុមអ្នកឃ្លាំមើលរដ្ឋាភិបាលសហរដ្ឋអាមេរិកមួយ បានសម្រេចថាមន្ត្រីជាន់ខ្ពស់៦រូបនៅទីភ្នាក់ងារប្រព័ន្ធផ្សព្វផ្សាយឯករាជ្យរបស់រដ្ឋាភិបាល មិនបានប្រព្រឹត្តអំពើខុសឆ្គងអ្វីទេ នៅពេលដែលពួកគេបានប្រឆាំងតវ៉ាកាលពីឆ្នាំមុនថាប្រធានទីភ្នាក់ងារនេះ ដែលត្រូវបានតែងតាំងដោយអតីតប្រធានាធិបតីលោក Donald Trump បានប៉ុនប៉ងធ្វើនយោបាយក្នុងប្រតិបត្តិការផ្សព្វផ្សាយព័ត៌មាន។ អគ្គអធិការកិច្ចនៃក្រសួងការបរទេសសហរដ្ឋអាមេរិក កាលពីពេលថ្មីនេះ បានសន្មតថាមន្ត្រីក្នុងរដ្ឋបាលលោក Trump រួមទាំងលោក Michael Pack ផង បានសងសឹកដោយខុសច្បាប់ ទៅលើមន្ត្រីជាន់ខ្ពស់ទាំង៦នាក់នោះ ដែល៥នាក់ក្នុងចំណោមនោះ ត្រូវបានតែងតាំងឲ្យកាន់ដំណែងឡើងវិញក្រោមរដ្ឋបាលលោកប្រធានាធិបតី Joe Biden។ ចំណែកមន្ត្រីទី៦ បានចូលនិវត្តន៍។ លោក Pack នៅពេលនោះជានាយកប្រតិបត្តិនៃទីភ្នាក់ងារសហរដ្ឋអាមេរិកសម្រាប់ប្រព័ន្ធផ្សព្វផ្សាយសាកល (U.S. Agency for Global Media ឬUSAGM)ដែលគ្រប់គ្រងបណ្តាញផ្សាយព័ត៌មានចំនួន៥គឺ សំឡេងសហរដ្ឋអាមេរិក (VOA) វិទ្យុអឺរ៉ុបសេរី និងវិទ្យុសេរីភាព (Radio Free Europe/Radio Liberty) វិទ្យុអាស៊ីសេរី(RFA) បណ្តាញផ្សាយព័ត៌មានមជ្ឈិមបូព៌ា (Middle East Broadcasting Network) និងការិយាល័យផ្សព្វផ្សាយគុយបា (Office of Cuba Broadcasting)។ អគ្គអធិការកិច្ច បានសម្រេចថាមន្ត្រីទាំង៦រូប ត្រូវបានការពារដោយច្បាប់សហរដ្ឋអាមេរិកក្នុងនាមជាអ្នករាយការណ៍ពីកំហុសឆ្គងរបស់ស្ថាប័ន នៅពេលដែលពួកគេបានលើកឡើងអំពីការព្រួយបារម្ភចំពោះទង្វើរបស់លោក Pack។ កាលពីខែសីហា ឆ្នាំ២០២០ លោក Pack បានផ្អាកសិទ្ធិទទួលព័ត៌មានសម្ងាត់របស់មន្ត្រីទាំង៦នាក់ ដែលជាលក្ខណ្ឌចាំបាច់សម្រាប់ការងាររបស់ពួកគេ ហើយបានដាក់មន្ត្រីទាំងនេះឲ្យឈប់សម្រាកនៅពេលដែលពួកគេត្រូវស៊ើបអង្គេត។ លោក Packថ្លែងថាទង្វើរបស់លោក មានគោលបំណងស្តារ«ការគោរពនីតិរដ្ឋក្នុងការងាររបស់យើង»។ មេធាវីពីរនាក់គឺលោក Robert Litt និងលោក Mark Zaid ដែលការពារក្តីឲ្យមន្ត្រីទាំង៥នាក់ បានថ្លែងថាអគ្គអធិការកិច្ចបានកំណត់ថាទង្វើរបស់លោក Pack «គ្មានមូលដ្ឋានស្របច្បាប់នោះទេ»។ មេធាវីទាំងពីរនាក់បាននិយាយក្នុងសេចក្តីថ្លែងការណ៍មួយថា៖ «ការរកឃើញជាផ្លូវការនេះ គឺជាការបង្ហាញថាមន្ត្រីទាំង៦នាក់នោះ គ្មានទោសពៃអ្វីទាំងអស់ ហើយការណ៍នេះ លាងជម្រះកំណត់ត្រារបស់ពួកគេទាំងស្រុង»។ អាណត្តិរយៈពេល៦ខែដែលពោរពេញដោយរឿងចម្រូងចម្រាសរបស់លោក Pack ក្នុងនាមជាប្រធានUSAGM បានចប់នៅថ្ងៃទី២០ ខែមករា ឆ្នាំ២០២១ នៅពេលដែលលោកប្រធានាធិបតី Joe Bidenបានតម្រូវ និងទទួលយកការលាលែងចេញពីតំណែងរបស់លោក Pack តែក្នុងរយៈពេលប៉ុន្មានម៉ោងប៉ុណ្ណោះ ក្រោយពីលោក Biden បានស្បថចូលកាន់តំណែង។ អ្នកស្រី Kelu Chao ប្រធានស្តីទីនៃទីភា្នក់ងារ USAGM ដែលត្រូវតែងតាំងដោយលោក Biden បានតែងតាំងមន្ត្រីទាំង៥នាក់ក្នុងចំណោមមន្ត្រីទាំង៦នាក់នោះឲ្យចូលកាន់តំណែងវិញយ៉ាងឆាប់រហ័ស។ មន្ត្រីទាំង៥នាក់នោះរួមមាន លោកGrant Turner ប្រធានផ្នែកហិរញ្ញវត្ថុ លោក Shawn Powers ប្រធានផ្នែកយុទ្ធសាស្ត្រ លោកមេធាវី David Kligerman លោក Matt Walsh នាយករងផ្នែកប្រតិបត្តិការ និងអ្នកស្រី Oanh Tran នាយិកាប្រតិបត្តិ។ ចំណែក មន្ត្រីទី៦គឺអ្នកស្រី Marie Lennon បានសម្រេចចិត្តចូលនិវត្តន៍។ លោក David Seide មេធាវីម្នាក់ប្រចាំគម្រោងឃ្លាំមើលការទទួលខុសត្រូវរបស់រដ្ឋាភិបាល(Government Accountability Project) ដែលជាអង្គការការពារអ្នករាយការណ៍អំពីអំពើខុសឆ្គងរបស់រដ្ឋាភិបាល និងជាអ្នកតំណាងឲ្យលោក Turner ក្នុងបណ្តឹងប្រឆាំងលោក Pack បាននិយាយថាលោក Packនិងសម្ព័ន្ធមិត្តរបស់លោកដែលត្រូវបានតែងតាំងដោយលោក Trump បាន«បំពានច្បាប់ រំលោភអំណាចនិងបង្កគ្រោះថ្នាក់ដល់សុខភាព និងសុវត្ថិភាពសាធារណៈ ព្រមទាំងគ្រប់គ្រងទីភ្នាក់ងារ USAGM មិនបានត្រឹមត្រូវ»។ គម្រោងឃ្លាំមើលការទទួលខុសត្រូវរបស់រដ្ឋាភិបាលបានចោទប្រកាន់លោក Pack ថាលោកមិនបានអើពើអំពីគ្រោះថ្នាក់ចំពោះអ្នកកាសែតបរទេសដែលបម្រើការងារឲ្យ VOA ក្នុងសហរដ្ឋអាមេរិក ដោយការមិនព្រមចុះហត្ថលេខាលើឯកសារបន្តទិដ្ឋាការប្រភេទ J-1 ដល់អ្នកកាសែតទាំងនោះ ដើម្បីឲ្យពួកគេអាចចូលសហរដ្ឋអាមេរិកបាន ដូចតាមទម្លាប់ដែលត្រូវបានធ្វើរាប់ឆ្នាំមកហើយដោយថ្នាក់ដឹកនាំស្ថាប័ននេះមុនៗកន្លងមក។ ក្រុមឃ្លាំមើលនេះនិយាយថាអ្នកកាសែត VOA ម្នាក់ក្នុងប្រទេសចិន ត្រូវបានរដ្ឋាភិបាលចិនកាត់ទោស ហើយអ្នកកាសែតនោះបានរងការគំរាមកំហែងដល់ជីវិត។ ក្រុមឃ្លាំមើលនេះបន្តថាក្រសួងការបរទេសអាមេរិក បានយល់ព្រមផ្តល់ទិដ្ឋាការឲ្យអ្នកកាសែតនោះ ប៉ុន្តែលោក Pack បានបដិសេធ មិនព្រមចុះហត្ថលេខាលើឯកសារនោះទេ ហើយបានចោទសួរអ្នករិះគន់ទង្វើរបស់លោកថា«ហេតុអ្វីបានជាអ្នកដែលមិនមែនជាពលរដ្ឋអាមេរិកាំង ត្រូវបាននាំមកសហរដ្ឋអាមេរិក ដើម្បីរាយការណ៍អំពី«គំនិតនិងស្ថាប័នសំខាន់ៗរបស់អាមេរិក» ត្រឡប់ទៅកាន់តំបន់ផ្សេងៗលើពិភពលោកទៅវិញ?» VOAផ្តល់ការងារដល់អ្នកកាសែតបរទេសរាប់សិបនាក់ ដោយអ្នកកាសែតជាច្រើន ត្រូវបានជ្រើសរើសដោយសារតែឯកទេសនិងចំណេះដឹងរបស់ពួកគេអំពីប្រទេសកំណើតរបស់ពួកគេនិងប្រធានបទសារព័ត៌មាននានាដែលអ្នកអាន អ្នកស្តាប់និងអ្នកទស្សនានៅក្រៅប្រទេស ចង់ដឹងជាងគេ។ លោក Pack ដែលជាអ្នកផលិតភាពយន្តអភិរក្សនិយមម្នាក់ ត្រូវបានតែងតាំងដោយលោក Trump ឲ្យដឹកនាំទីភ្នាក់ងារ USAGM កាលពីពាក់កណ្តាលឆ្នាំ២០១៨។ ដោយមានការជំទាស់ពីតំណាងរាស្ត្រខាងគណបក្សប្រជាធិបតេយ្យនិងតំណាងរាស្ត្រគណបក្សសាធារណរដ្ឋខ្លះផង ការតែងតាំងរូបលោក បានជាប់គាំងក្នុងព្រឹទ្ធសភាអស់រយៈពេល២ឆ្នាំ។ ប៉ុន្តែ លោកត្រូវបានព្រឹទ្ធសភាបោះឆ្នោតផ្តល់សេចក្តីទុកចិត្តនៅក្នុងខែមិថុនាឆ្នាំ២០២០ហើយក៏បានឡើងកាន់តំណែងថ្នាក់ដឹកនាំទីភ្នាក់ងារ USAGM មិនយូរប៉ុន្មាន បន្ទាប់ពីនោះមក៕ ប្រែសម្រួលដោយលោក សាយ មុន្នី https://khmer.voanews.com/a/us-government-media-whistleblowers-cleared-of-wrongdoing/5962441.html https://khmer.voanews.com/a/us-government-media-whistleblowers-cleared-of-wrongdoing/5962441.html Mon, 12 Jul 2021 19:31:40 +0700 សេរីភាពសារព័ត៌មានអាមេរិកkhmerservicevoa@gmail.com (Ken Bredemeier, VOA News) មីយ៉ាន់ម៉ាតស៊ូទប់ស្កាត់ការផ្ទុះឡើងនៃជំងឺកូវីដ១៩ មន្រ្តីរដ្ឋាភិបាលមីយ៉ាន់ម៉ាបាននិយាយថាប្រទេសមីយ៉ាន់ម៉ាកំពុងតែមានការកើនឡើងនូវករណីឆ្លងជំងឺកូវីដ១៩ដែលបណ្តាលឲ្យខ្វះខាតការផ្គត់ផ្គង់អុកស៊ីហ្សែនដល់អ្នកជំងឺកូវីដ១៩ដែលត្រូវការយ៉ាងខ្លាំង។ លោក Soe Win អ្នកក្រុងរ៉ង់ហ្គូនដែលជាទីក្រុងធំជាងគេបំផុតនៃប្រទេសមីយ៉ាន់មាបានប្រាប់ទីភ្នាក់ងារសារព័ត៌មាន AP ថា៖ «អុកស៊ីហ្សែនគឺខ្វះខាតជាងលុយ»។ គាត់បានឈរតម្រង់ជួរអស់រយៈពេល៦ម៉ោងក្នុងការព្យាយាមដើម្បីទទួលបានអុកស៊ីហ្សែនសម្រាប់ជីដូនដែលមានអាការៈជំងឺកូវីដ១៩។ កាលពីថ្ងៃសៅរ៍ក្រសួងសុខាភិបាលបានរាយការណ៍ថា ការឆ្លងថ្មីមានចំនួន ៤.៣៧៧ ករណីដែលធ្វើឱ្យតួលេខសរុបមានចំនួន ១៨៨.៧៥២ ករណី។ ព័ត៌មានស្តីពីការចាក់វ៉ាក់សំាងមិនច្បាស់ទេប៉ុន្តែវាបានបង្ហាញថា៣,២%នៃប្រជាជន៥៥លាននាក់របស់ប្រទេសនេះបានចាក់វ៉ាក់សាំងពេញលេញប្រឆាំងនឹងវីរុសនេះ។នេះបើតាមទីភ្នាក់ងារសារព័ត៌មាន AP។ កាលពីឆ្នាំមុនប្រទេសនេះអាចទប់ទល់នឹងការរីករាលដាលនៃជំងឺកូវីដ១៩នេះដោយសារការចេញបម្រាមយ៉ាងតឹងរ៉ឹងដោយមេដឹកនាំស៊ីវិលគឺអ្នកស្រី Aung San Suu Kyi គួបផ្សំនិងការប្រើប្រាស់វ៉ាក់សាំងពីប្រទេសឥណ្ឌានិងចិន។ ទោះយ៉ាងណាអ្នកស្រី Suu Kyi ត្រូវបានបណ្តេញចេញពីតំណែងដោយយោធាកាលពីខែកុម្ភៈហើយចាប់តាំងពីពេលនោះមកប្រជាជនមានការស្ទាក់ស្ទើរក្នុងការទៅមន្ទីរពេទ្យយោធា។លើសពីនេះទៀត បន្ទាប់ពីអ្នកស្រី Suu Kyi ត្រូវគេបង្ខំឲ្យចេញពីតំណែងអ្នកជំនាញវេជ្ជសាស្រ្តគឺជាសមាសធាតុដ៏ធំមួយនៃចលនាស៊ីវិលមិនស្តាប់បង្គាប់នៅក្នុងប្រទេសមីយ៉ាន់ម៉ាដែលបានជំរុញឲ្យប្រជាជនមិនមានជំនឿលើរដ្ឋាភិបាលដែលគ្មានប្រជាប្រិយភាពក្នុងការការពារសុខភាពរបស់ពួកគេ៕ https://khmer.voanews.com/a/myanmar-struggles-to-contain-covid-outbreak/5962401.html https://khmer.voanews.com/a/myanmar-struggles-to-contain-covid-outbreak/5962401.html Mon, 12 Jul 2021 18:51:04 +0700 សុខភាពអន្តរជាតិkhmerservicevoa@gmail.com (VOA News) វៀតណាម ប្រកាសបិទសកម្មភាពសង្គម និងបង្កើនការចាក់វ៉ាក់សាំង វៀតណាមនៅថ្ងៃសុក្រ បានអនុម័តបិទសកម្មភាពសង្គមរយៈពេលពីរសប្តាហ៍នៅក្នុងទីក្រុងហូជីមិញ ដើម្បីទប់ទល់ការឆ្លងវីរុសកូរ៉ូណាដែលកាន់តែខ្លាំងឡើង។ រដ្ឋាភិបាលក្រុងហាណូយ ក៏បានប្រកាសផែនការចាក់វ៉ាក់សាំងឲ្យប្រជាពលរដ្ឋចំនួន៥០ភាគរយដែលមានអាយុចាប់ពី១៨ឆ្នាំឡើងទៅ រហូតដល់ចុងឆ្នាំ ហើយនឹងកំណត់គោលដៅចាក់វ៉ាក់សាំងដល់ប្រជាពលរដ្ឋរបស់ខ្លួនចំនួន៧០ភាគរយ ត្រឹមខែមីនាឆ្នាំក្រោយ។ ក្រសួងសុខាភិបាលបានបញ្ជាក់នៅក្នុងសេចក្តីថ្លែងការណ៍ថា «ការចាក់វ៉ាក់សាំងប្រឆាំងនឹងជំងឺកូវីដ១៩ជាវិធានការចាំបាច់ និងមានសារៈសំខាន់ដើម្បីរាំងខ្ទប់ជំងឺនេះ និងដើម្បីឲ្យមានការអភិវឌ្ឍសេដ្ឋកិច្ចសង្គម»។ មជ្ឈមណ្ឌលស្រាវជ្រាវវីរុសកូរ៉ូណានៃសាកលវិទ្យាល័យ Johns Hopkins បានប្រាប់ឲ្យដឹងថា ប្រទេសវៀតណាមដែលមានប្រជាពលរដ្ឋជិត១០០លាននាក់ មានការឆ្លងជំងឺកូវីដ១៩ ជាង៣ពាន់ករណី គិតមកទល់នឹងខែមេសា។ ហើយមកទល់នឹងថ្ងៃសុក្រ ប្រទេសនេះ បានបញ្ជាក់មានការឆ្លងជំងឺកូវីដ១៩ចំនួន២៤.៨១០ករណី និងស្លាប់ចំនួន១០៤នាក់។ សាកលវិទ្យាល័យ Johns Hopkins បានប្រាប់ឲ្យដឹងថា ប្រទេសវៀតណាមបានចាក់វ៉ាក់សាំងប្រហែល៤លានដូស ដោយមានមនុស្សប្រហែល២៤០០០០នាក់ បានចាក់វ៉ាក់សាំង២ដូស ឬចំនួន០,២៥% នៃចំនួនប្រជាពលរដ្ឋសរុប។ ទីក្រុងហូជីមិញដែលមានប្រជាពលរដ្ឋចំនួន៩លាននាក់ បានហាមឃាត់មិនឲ្យប្រមូលផ្តុំដែលមានមនុស្សលើសពី២នាក់ឡើងទៅ ហើយក្នុងពេល២សប្តាហ៍នេះ នឹងអនុញ្ញាតឲ្យចាកចេញពីផ្ទះតែក្នុងករណីមានអាសន្ន ឬទិញម្ហូបអាហារ និងថ្នាំសង្កូវប៉ុណ្ណោះ។ ម៉្យាងទៀតក្រុមហ៊ុន Pfizer និយាយថា ខ្លួនហៀបនឹងស្វែងរកការអនុញ្ញាតពីសហរដ្ឋអាមេរិកសម្រាប់ការចាក់វ៉ាក់សាំងកូវីដ១៩ ដូសទី៣។ ក្រុមហ៊ុននេះ បាននិយាយកាលពីថ្ងៃព្រហស្បតិ៍ថា ការចាក់ថ្នាំមួយដូសទៀត អាចបង្កើនភាពស៊ាំយ៉ាងខ្លាំងហើយអាចជួយបញ្ចៀសការឆ្លងវីរុសបំប្លែងថ្មីចុងក្រោយដែលគួរឱ្យព្រួយបារម្ភ។ ការស្រាវជ្រាវពីបណ្តាប្រទេសជាច្រើនបង្ហាញថា ការចាក់វ៉ាក់សាំងការពារកូវីដ១៩យ៉ាងទូលំទូលាយផ្តល់ការការពារយ៉ាងរឹងមាំប្រឆាំងនឹងវីរុសបំប្លែងថ្មីប្រភេទដែលតា (delta) ដែលឆ្លងខ្លាំង។ ប៉ុន្តែអង្គបដិប្រាណប្រឆាំងនឹងវីរុសនេះ បានចុះខ្សោយជាធម្មតា។ ក្រុមហ៊ុន Pfizer និយាយថា ទិន្នន័យដំបូងពីការសាកល្បងរបស់ក្រុមហ៊ុនបង្ហាញថា កម្រិតអង្គបដិប្រាណរបស់អ្នកចាក់ថ្នាំនេះឡើងខ្លាំង បន្ទាប់ពីចាក់ថ្នាំដូសទីបី។ ប៉ុន្តែសំណើនេះមិនមែនមានន័យថា ការចាក់ថ្នាំដូសទី៣ នឹងធ្វើឆាប់ៗនេះទេ។ មន្ត្រីសុខាភិបាលសាធារណៈត្រូវសម្រេចថា តើពិតជាត្រូវការចាក់ថ្នាំដូសទី៣ ឬទេ៕ https://khmer.voanews.com/a/vietnam-announces-lockdown-vaccination-goals/5959683.html https://khmer.voanews.com/a/vietnam-announces-lockdown-vaccination-goals/5959683.html Fri, 09 Jul 2021 20:41:03 +0700 សុខភាពអាស៊ីអាគ្នេយ៍khmerservicevoa@gmail.com (VOA News) ចំនួនមនុស្សស្លាប់កើនឡើងនៅក្នុងការបាក់ដីនៅប្រទេសជប៉ុន ចំនួនមនុស្សស្លាប់ដោយសារការបាក់ដីដ៏ធំមួយកាលពីថ្ងៃសៅរ៍នៅក្នុងទីក្រុងមាត់សមុទ្រ Atami នៃប្រទេសជប៉ុន បានកើនឡើងដល់ចំនួនយ៉ាងហោចណាស់ក៏៧នាក់ដែរ។ បុគ្គលិកជួយសង្គ្រោះជាច្រើនកំពុងបន្តជីកកកាយកម្ទេចបាក់បែកដើម្បីស្វែងរកជនរងគ្រោះ។ មនុស្សយ៉ាងហោចណាស់ក៏២៧នាក់ដែរ ដែលនៅបាត់ខ្លួននៅឡើយ ថ្វីបើអាជ្ញាធរសង្ឃឹមថា មនុស្សខ្លះបានចាកចេញពីទីក្រុងនោះ ដោយសារតែមនុស្សភាគច្រើននៅក្នុងទីក្រុង Atami ជាអ្នកមកពីខាងក្រៅ ឬជួលផ្ទះនៅទីនោះសម្រាប់វិស្សមកាល។ ការបាក់ដីកាលពីសប្តាហ៍មុន បណ្តាលមកពីការធ្លាក់ភ្លៀងអស់ជាច្រើនថ្ងៃដែលពួកអ្នកព្យាករណ៍អាកាសធាតុថា មានការធ្លាក់ភ្លៀងយ៉ាងខ្លាំងនៅក្រុង Atami ច្រើនជាងធម្មតានៅខែកក្កដាទាំងមូល។ ផ្ទះនិងអាគារចំនួន៣០០ខ្នងត្រូវបានបំផ្លាញ។ ពួកមន្ត្រីជឿថា ការបាក់ដីបានផ្តើមចេញពីតំបន់មួយដែលមានប្រវត្តិការប្រែប្រួលស្ថានភាពដី។ នេះបើតាមសេចក្តីរាយការណ៍របស់ទីភ្នាក់ងារព័ត៌មាន Associated Press៕ https://khmer.voanews.com/a/death-toll-rises-in-japanese-mudslide/5957048.html https://khmer.voanews.com/a/death-toll-rises-in-japanese-mudslide/5957048.html Thu, 08 Jul 2021 00:27:06 +0700 បរិស្ថានអន្តរជាតិkhmerservicevoa@gmail.com (VOA News) ចំនួនមនុស្សស្លាប់នៅក្នុងការបាក់អគារ Condo ក្នុងរដ្ឋ Florida ឡើងដល់៣៦នាក់ ក្រុមអ្នកសង្គ្រោះនៅក្នុងទីក្រុង South Florida រំពឹងថានឹងបានធូរស្រាលពីស្ថានភាពអាកាសធាតុដ៏គ្រោះថ្នាក់នៅថ្ងៃពុធនៅពេលពួកគេបន្តស្វែងរកមនុស្សដែលបានស្ថិតនៅក្នុងអគារ Condo ដែលបានបាក់កាលពីជិត២សប្តាហ៍មុន។ ការរុករកបានត្រូវផ្អាករយៈពេល២ម៉ោងកាលពីថ្ងៃអង្គារដោយសារមានខ្យល់និងផ្លេកបន្ទោរបណ្តាលមកពីព្យុះ Elsa។ ព្យុះនេះកំពុងបក់បោកនៅរដ្ឋFloridaក៏ប៉ុន្តែបានចាកចេញពីកន្លែងនៃអគារបាក់នៅក្នុងទីក្រុង Surfside ភាគខាងជើងទីក្រុង Miami។ ក្រុមសង្គ្រោះបានរកឃើញសាកសព៨នាក់កាលពីថ្ងៃអង្គារដែលបានធ្វើឲ្យតួលេខមនុស្សស្លាប់ទាំងអស់ឡើងដល់៣៦នាក់។ លោក Daniella Levine Cava អភិបាលសង្កាត់ Miami-Dade បានប្រាប់ក្រុមអ្នកយកព័ត៌មាននៅសន្និសីទកាសែតកាលពីរសៀលថាមនុស្ស១០៩នាក់ទៀតនៅបាត់ខ្លួននៅឡើយ។ ក្រុមអ្នកសង្គ្រោះកំពុងបន្តរុករកជនរងគ្រោះក្នុងគំនរបាក់បែកជាដំណើរការដែលក្រុមមន្ត្រីបាននិយាយថាចំណាយពេលយូរនៅពេលពួកគេរកជនរងគ្រោះហើយនឹងភស្តុតាងពន្យល់ថាតើហេតុអ្វីបានជាអគារកម្ពស់១២ជាន់នេះបាក់មួយផ្នែកកាលពីថ្ងៃទី២៤ខែមិថុនា។ លោក Alan Cominsky ប្រធានអគ្គិភ័យសង្កាត់ Miami-Dade បាននិយាយកាលពីថ្ងៃអង្គារថាកម្ទេចបាក់បែកចំនួន១១២តោនបានត្រូវយកចេញពីកន្លែងអគារបាក់នោះ។ ប៉ូលិសកំពុងយកសំណាកកម្ទេចបាក់បែកទុកនៅកន្លែងមានសុវត្ថិភាពដើម្បីជួយដល់ការស៊ើបអង្កេតនេះ៕ សេចក្តីរាយការណ៍នេះមានបញ្ចូលព័ត៌មានពី AP និង Reuters។ https://khmer.voanews.com/a/collapsed-florida-condo-death-toll-reaches-36/5956595.html https://khmer.voanews.com/a/collapsed-florida-condo-death-toll-reaches-36/5956595.html Wed, 07 Jul 2021 21:28:31 +0700 សង្គមអាមេរិកkhmerservicevoa@gmail.com (VOA News) ប្រទេសរុស្ស៊ី និងប្រទេសបង់ក្លាដែសរាយការណ៍ពីកំណត់ត្រាខ្ពស់បំផុតនៃការឆ្លងជំងឺកូវីដ១៩ក្នុងមួយថ្ងៃ នៅពេលដែលប្រទេសជាច្រើនបន្ធូរបន្ថយវិធានការរឹតត្បិតទប់ទល់ជំងឺកូវីដ១៩ ខណៈអត្រានៃការចាក់វ៉ាក់សាំងកើនឡើងនោះ ប្រទេសបង់ក្លាដែស និងរុស្ស៊ីបំបែកកំណត់ត្រាការឆ្លងជំងឺកូវីដ១៩ក្នុងរយៈពេលមួយថ្ងៃ។ រដ្ឋាភិបាលក្រុងមូស្គូបានប្រកាសថា ខ្លួននឹងបន្ធូរបន្ថយការរឹតត្បិតការធ្វើដំណើររបស់ពលរដ្ឋរុស្ស៊ីដែលបានចាក់វ៉ាក់សាំងរួច នៅពេលរដ្ឋាភិបាលនេះបានរាយការណ៍ថា មានមនុស្សស្លាប់៧០០នាក់ដោយសារជំងឺកូវីដ១៩ ក្នុងរយៈពេលមួយថ្ងៃ កាលពីថ្ងៃអង្គារ។ សាកលវិទ្យាល័យ Johns Hopkins បានប្រាប់ឲ្យដឹងថា ពលរដ្ឋរុស្ស៊ី១៤០.០០០នាក់បានស្លាប់ដោយសារវីរុសនេះ។ ប៉ុន្តែគេជឿថា ចំនួនមនុស្សស្លាប់ពិតប្រាកដមានច្រើនជាងនេះឆ្ងាយណាស់។ ប្រទេសបង់ក្លាដែសបានរាយការណ៍ការឆ្លងចំនួន១១.៥២៥ករណីកាលពីថ្ងៃអង្គារ ដែលជាតួលេខខ្ពស់បំផុតក្នុងមួយថ្ងៃ ចាប់តាំងពីជំងឺរាតត្បាតនេះបានចាប់ផ្តើម។ ប្រទេសនេះក៏មានមនុស្សស្លាប់១៦៣នាក់ក្នុងពេល២៤ម៉ោងកន្លងមកដែរ។ នេះបើតាមសេចក្តីរាយការណ៍របស់រដ្ឋាភិបាល។ បង់ក្លាដែសមានព្រំដែនជាមួយប្រទេសឥណ្ឌា ដែលជំងឺកូវីដបំប្លែងថ្មីប្រភេទ ដែលតា (Delta) ដែលឆ្លងរហ័ស បានផ្ទុះឡើង។ អ្នកជំនាញសុខាភិបាលនៅក្នុងប្រទេសបង់ក្លាដែសជឿថា ចំនួនឆ្លងនិងស្លាប់ទំនងជាខ្ពស់ជាងនេះ។ ក្នុងខណៈនោះដែរ នៅក្នុងទ្វីបអឺរ៉ុប កាលពីថ្ងៃអង្គារ ប្រទេសខ្លះបានប្រកាសបន្ធូរបន្ថយការរឹតត្បិតខ្លះដែលបង្កើតឡើងដើម្បីទប់ស្កាត់ការរាលដាលនៃវីរុសនេះ៕ (សេចក្តីរាយការណ៍នេះមានព័ត៌មានពីទីភ្នាក់ងារសារព័ត៌មាន AP, AFP និង Reuters) https://khmer.voanews.com/a/russia-bangladesh-report-one-day-covid-19-records/5956483.html https://khmer.voanews.com/a/russia-bangladesh-report-one-day-covid-19-records/5956483.html Wed, 07 Jul 2021 21:00:55 +0700 សុខភាពអន្តរជាតិkhmerservicevoa@gmail.com (VOA News) ៤នាក់ស្លាប់ ២៤នាក់នៅបាត់ខ្លួនដោយសារការបាក់ដីនៅជប៉ុន អ្នកជួយសង្គ្រោះនៅថ្ងៃអង្គារកំពុងបន្តស្វែងរកមនុស្ស២៤នាក់ដែលបាត់ខ្លួនបន្ទាប់ពីការបាក់ដីនៅក្នុងទីក្រុងរមណីយដ្ឋាន Atami ប្រទេសជប៉ុនដែលមនុស្ស៤នាក់បានស្លាប់គិតត្រឹមថ្ងៃអង្គារ។ នេះបើតាមអភិបាលក្រុងនេះ។ ដំបូងមនុស្ស ១៤៧នាក់ បាត់ខ្លួន។ ប៉ុន្តែបន្ទាប់ពីមន្រ្តីទីក្រុងបានបន្ថយតួលេខអ្នកបាត់ខ្លួនមកត្រឹម៦០នាក់និងប្រកាសជាសាធារណៈអ្នកស្រុកភាគច្រើនបានឆ្លើយតបដែលធ្វើឲ្យតួលេខនេះចុះមកត្រឹម២៤នាក់។ លោក Sakae Saito អភិបាលក្រុងនេះបាននិយាយថាពួកគេស្ថិតនៅកន្លែងផ្សេងនៅពេលបាក់ដីឬត្រូវជម្លៀសចេញដោយសុវត្ថិភាព។ ទោះជាយ៉ាងណាមនុស្ស៤នាក់ត្រូវបានគេរកឃើញថាស្លាប់ហើយ២៥នាក់ត្រូវបានជួយសង្គ្រោះ។កាលពីថ្ងៃច័ន្ទក្រុមជួយសង្គ្រោះប្រមាណ១.៥០០នាក់បានជីកគំនរបាក់បែកនៅតំបន់មួយនៃទីក្រុងមាត់សមុទ្រភាគកណ្តាលនេះដើម្បីស្វែងរកអ្នកនៅរស់។ ការបាក់ដីកាលពីថ្ងៃសៅរ៍បង្កឡើងដោយភ្លៀងធ្លាក់ខ្លាំងច្រើនថ្ងៃដែលអ្នកព្យាករណ៍អាកាសធាតុបាននិយាយថាមានភ្លៀងធ្លាក់ច្រើនជាងចំនួនទឹកភ្លៀងធម្មតាពេញមួយខែកក្កដា។ ផ្ទះនិងអគារចំនួន១៣០ត្រូវបានបំផ្លាញ។ Atami គឺជាទីក្រុងរមណីយដ្ឋានដែលនៅចម្ងាយ៩០គីឡូម៉ែត្រភាគនិរតីទីក្រុងតូក្យូហើយដែលល្បីដោយសារមានប្រភពទឹកក្តៅពុះចេញពីក្នុងដី។ទីក្រុងនេះស្ថិតនៅខាងលើឆកសមុទ្រនៅលើជម្រាលដ៏ចោត។គេរំពឹងថានឹងមានភ្លៀងធ្លាក់ខ្លាំងនៅកន្លែងផ្សេងទៀតនៅក្នុងប្រទេសជប៉ុនហើយក្រុមមន្រ្តីកំពុងប្រាប់ឱ្យប្រជាជននៅក្នុងតំបន់ដែលមានហានិភ័យបាក់ដីត្រូវមានការប្រុងប្រយ័ត្ន។ គ្រោះមហន្តរាយនេះកើតឡើងតែប៉ុន្មានថ្ងៃមុនបើកពិធីកីឡាអូឡាំពិកទីក្រុងតូក្យូដែលអាប់អួរដោយសារកំណើនជំងឺកូវីដ១៩នៅទូទាំងប្រទេស៕ អត្ថបទនេះ មានរួមបញ្ចូលព័ត៌មានពី AP, AFP និង Reuters https://khmer.voanews.com/a/mayor-says-24-unaccounted-for-in-japanese-landslide/5954957.html https://khmer.voanews.com/a/mayor-says-24-unaccounted-for-in-japanese-landslide/5954957.html Tue, 06 Jul 2021 19:15:36 +0700 បរិស្ថានអន្តរជាតិkhmerservicevoa@gmail.com (VOA News) លោក Biden បន្តទទូចឲ្យពលរដ្ឋចាក់វ៉ាក់សំាងកូវីដ១៩ បន្ទាប់ពីរដ្ឋបាលរបស់លោកមិនអាចចាក់វ៉ាក់សាំងបានតាមតួលេខកំណត់ត្រឹមទិវាឯករាជ្យជាតិនោះ លោកប្រធានាធិបតី Joe Biden នៅថ្ងៃអង្គារនឹងអំពាវនាវម្តងទៀតឲ្យពលរដ្ឋអាមេរិកាំងដែលមិនទាន់បានចាក់វ៉ាក់សំាង ទៅចាក់វ៉ាក់សាំងដើម្បីការពារខ្លួននិងអ្នកដទៃទៀតប្រឆាំងនឹងវីរុសកូរ៉ូណា ជាពិសេសវីរុសបំប្លែងថ្មីចុងក្រោយដែលគួរឲ្យព្រួយបារម្ភ។ លោក Biden ត្រូវបានកំណត់ពេលថ្លែងសុន្ទរកថានៅឯសេតវិមានអំពីការទប់ទល់នឹងជំងឺកូវីដ១៩ និងកម្មវិធីចាក់វ៉ាក់សំាង ស្របពេលដែលមានកំណើនព្រួយបារម្ភអំពីវីរុសបំប្លែងថ្មីប្រភេទដែលតា (Delta) រីករាលដាលពេសពេញប្រទេស។ រដ្ឋបាលរបស់លោក Biden បានកំណត់ថា ៧០%នៃពលរដ្ឋអាមេរិកាំងពេញវ័យត្រូវទទួលបានវ៉ាក់សំាងយ៉ាងហោចណាស់មួយដូស ត្រឹមថ្ងៃទី៤ ខែកក្កដា។ ទីភ្នាក់ងារគ្រប់គ្រង និងបង្ការជំងឺ (CDC) សហរដ្ឋអាមេរិកបានឲ្យដឹងកាលពីថ្ងៃសុក្រថា ពលរដ្ឋអាមេរិកាំង៦៧%បានចាក់វ៉ាក់សំាងមួយដូស និង៤៧%បានចាក់ពីរដូស។ លោកប្រធានាធិបតីបានប្រកាសជោគជ័យមួយផ្នែកក្នុងទិវាបុណ្យឯករាជ្យជាតិកាលពីល្ងាចថ្ងៃអាទិត្យនៅឯសេតវិមាន ជាកន្លែងដែលលោកនិងភរិយារបស់លោកគឺអ្នកស្រី Jill Biden បានស្វាគមន៍ភ្ញៀវកិត្តិយសប្រមាណមួយពាន់នាក់ ដែលជាបុគ្គលិកជួរមុខទប់ទល់នឹងជំងឺកូវីដ បុគ្គលិកដែលត្រូវបន្តការងារចាំបាច់ និងសមាជិកយោធា។ ក្នុងអំឡុងពេលលោកថ្លែងសុន្ទរកថារយៈពេល១៥ នាទី លោក Biden បានប្រាប់អ្នកចូលរួមថា «យើងនឹងអាចធ្វើដំណើរឡើងវិញ។ យើងនឹងជួបជុំគ្នាឡើងវិញ។ ការរកស៊ីនឹងបើកឡើងវិញ ហើយនឹងជួលបុគ្គលិកធ្វើការវិញ។ សព្វថ្ងៃនេះនៅទូទាំងប្រទេស យើងអាចនិយាយដោយមានទំនុកចិត្តថា អាមេរិកនឹងវិលត្រឡប់មកដូចធម្មតាវិញទាំងអស់»។ លោកថ្លែងដូច្នេះនៅពេលលោកប្រកាសថា ស.រ.អា.ជិតបានឯករាជ្យពីការរាតត្បាតជំងឺនេះ។ ទោះជាយ៉ាងណា លោកប្រធានាធិបតីបានព្រមានថា ការប្រយុទ្ធប្រឆាំងនឹងវីរុសដែលបានសម្លាប់ប្រជាជនអាមេរិកាំងជាង៦០ម៉ឺននាក់នេះ មិនទាន់ចប់នៅឡើយទេ៕ https://khmer.voanews.com/a/biden-continuing-covid-vaccination-appeal/5954917.html https://khmer.voanews.com/a/biden-continuing-covid-vaccination-appeal/5954917.html Tue, 06 Jul 2021 18:21:46 +0700 សុខភាពអាមេរិកkhmerservicevoa@gmail.com (Steve Herman, VOA News) អ្នកជំងឺកូវីដ៦៣នាក់ស្លាប់ដោយសារខ្វះអុកស៊ីហ្ស៊ែននៅមន្ទីរពេទ្យប្រទេសឥណ្ឌូណេស៊ី មនុស្សរាប់សិបនាក់នៅក្នុងប្រទេសឥណ្ឌូណេស៊ីដែលបានឆ្លងជំងឺកូវីដ១៩បានស្លាប់កាលពីចុងសប្ដាហ៍នៅពេលមន្ទីរពេទ្យមួយក្នុងទីក្រុង Yogyakarta អស់អុកស៊ីហ្ស៊ែន។ មន្ទីរពេទ្យ Dr. Sardjito General Hospital បានព្យាយាមប្ដូរទៅប្រើស៊ីឡាំងអុកស៊ីហ្ស៊ែនក្នុងអំឡុងពេលខ្វះខាតនេះប៉ុន្តែមិនអាចជួយជីវិតអ្នកជំងឺកូវីដ១៩ចំនួន៦៣ នាក់បានទេដោយសារទីក្រុងនានាទូទំាងប្រទេសកំពុងប្រឈមនឹងកំណើនករណីឆ្លងវីរុសកូរ៉ូណា ដែលត្រូវការអុកស៊ីហ្ស៊ែនច្រើន។ លោក Rukmono Siswishanto ប្រធានមន្ទីរពេទ្យនេះបាននិយាយថា លោកបានផ្ដល់ដំណឹងទៅកាន់អាជ្ញាធរជាច្រើនរួមមានក្រសួងសុខាភិបាលថាមន្ទីរពេទ្យនឹងអស់អុកស៊ីហ្ស៊ែនត្រឹមល្ងាចថ្ងៃសៅរ៍សប្ដាហ៍មុន។ កាលពីសប្ដាហ៍មុនប្រទេសឥណ្ឌូណេស៊ីមានករណីឆ្លងថ្មីនិងករណីស្លាប់ច្រើនបំផុតដោយសារជំងឺកូវីដ១៩។ប្រទេសឥណ្ឌូណេស៊ីមានកំណត់ត្រាករណីស្លាប់ចំនួន៣.២៩៨ករណីកាលពីសប្ដាហ៍មុន។នេះបើយោងតាមទិន្នន័យរបស់សាកលវិទ្យាល័យ Johns Hopkins។ ចំណែកនៅក្នុងប្រទេសឥណ្ឌាវិញក្រុមមន្ត្រីបានប្រកាសថាប្រជាជនរាប់ពាន់នាក់ត្រូវបានគេចាក់វ៉ាក់សំាងក្លែងក្លាយឲ្យក្នុងទីក្រុងជាច្រើនដូចជា Mumbai និង Kolkata។ មន្ត្រីនិយាយថាមកដល់ពេលនេះមនុស្ស៦នាក់ត្រូវបានចាប់ខ្លួនជាប់ទាក់ទងនឹងការចាក់វ៉ាក់សាំងក្លែងក្លាយនេះ។ ក្រសួងសុខាភិបាលឥណ្ឌាបាននិយាយកាលពីថ្ងៃអាទិត្យថាមានកំណត់ត្រាការឆ្លងជំងឺកូវីដ១៩ថ្មីចំនួន៤៣.០០០ករណីក្នុងរយៈពេល ២៤ ម៉ោងចុងក្រោយនេះ។ នៅក្នុងប្រទេសអ៊ីរ៉ង់មន្រ្តីកំពុងបិទអាជីវកម្មមួយចំនួនខណៈវីរុសបំប្លែងថ្មីប្រភេទដែលតា (Delta) បន្តរាលដាលហើយអត្រាចាក់វ៉ាក់សាំងនៅតែបន្តយឺតយ៉ាវ។ស្ទើរតែមួយភាគបីនៃប្រជាជនអ៊ីរ៉ង់បានចាក់វ៉ាក់សាំងវីរុសនេះ។ ទន្ទឹមនឹងនេះដែរចក្រភពអង់គ្លេសដែលបានចាក់វ៉ាក់សាំងគ្រប់ដូសឲ្យជិតពាក់កណ្តាលនៃចំនួនប្រជាជនរបស់ខ្លួនរំពឹងថានឹងប្រកាសបញ្ចប់តម្រូវការពាក់របាំង។ ប្រព័ន្ធផ្សព្វផ្សាយអង់គ្លេសបានរាយការណ៍កាលពីថ្ងៃអាទិត្យថាផែនការរបស់លោកនាយករដ្ឋមន្រ្តីBoris Johnson សម្រាប់«ទិវាសេរីភាព»នៅថ្ងៃទី១៩ខែកក្កដានឹងដកចេញតម្រូវការពាក់របាំងមុខស្របច្បាប់បើកអាជីវកម្មនិងអន្តរកម្មសង្គមដែលត្រូវបានរឹតបន្តឹងនាពេលបច្ចុប្បន្ន៕ ព័ត៌មានពី AP និង Reuters បញ្ចូលក្នុងអត្ថបទនេះ https://khmer.voanews.com/a/indonesian-hospital-loses-63-covid-19-patients-in-oxygen-shortage/5953638.html https://khmer.voanews.com/a/indonesian-hospital-loses-63-covid-19-patients-in-oxygen-shortage/5953638.html Mon, 05 Jul 2021 20:13:22 +0700 សុខភាពអន្តរជាតិkhmerservicevoa@gmail.com (VOA News) មនុស្សជាង១០០នាក់បាត់ខ្លួនបន្ទាប់ពីការបាក់ដីដ៏ធំនៅទីក្រុងរមណីយដ្ឋានជាប់មាត់សមុទ្រនៅជប៉ុន នៅក្នុងប្រទេសជប៉ុន បុគ្គលិកជួយសង្គ្រោះរាប់ពាន់នាក់កំពុងជីកកម្ទេចកម្ទីដើម្បីស្វែងរកអ្នកនៅរស់រានមានជីវិតនៅកណ្ដាលទីក្រុងរមណីដ្ឋានជាប់សមុទ្រដែលរងគ្រោះដោយការបាក់ដីដ៏ធំមួយ។ ផ្ទះនិងអគារប្រមាណ១៣០ខ្នងត្រូវបានបំផ្លិចបំផ្លាញកាលពីថ្ងៃសៅរ៍នៅពេលគ្រោះមហន្តរាយនេះបានកើតឡើងនៅក្នុងទីក្រុង Atami ដែលស្ថិតនៅចម្ងាយប្រមាណ៩០គីឡូម៉ែត្រភាគនិរតីទីក្រុងតូក្យូ។ យ៉ាងហោចណាស់មនុស្សបីនាក់ត្រូវបានប្រកាសថាស្លាប់និងប្រមាណ៨០នាក់ទៀតកំពុងបាត់ខ្លួន។ ការបាក់ដីកាលពីថ្ងៃសោរ៍នេះបង្កឡើងដោយភ្លៀងធ្លាក់ជាច្រើនថ្ងៃជាប់គ្នាដែលអ្នកព្យាករណ៍អាកាសធាតុបានឲ្យដឹងថាភ្លៀងនេះមានច្រើនជាងកំណត់ត្រាប្រវត្តិភ្លៀងធម្មតាពេញមួយខែកក្កដា។ គ្រោះមហន្តរាយនេះកើតឡើងប៉ុន្មានថ្ងៃមុនការបើកកម្មវិធីកីឡាអូឡាំពិកទីក្រុងតូក្យូនៅចុងខែកក្កដានេះដែលត្រូវបានបង្អាក់ដោយការកើនឡើងនៃការឆ្លងជំងឺកូវីដ១៩ពាសពេញប្រទេស៕ ព័ត៌មានពី AP និង Reuters មានបញ្ចូលក្នុងអត្ថបទនេះ។ https://khmer.voanews.com/a/more-than-100-people-missing-after-massive-landslide-in-japanese-seaside-resort-city/5953592.html https://khmer.voanews.com/a/more-than-100-people-missing-after-massive-landslide-in-japanese-seaside-resort-city/5953592.html Mon, 05 Jul 2021 19:36:29 +0700 បរិស្ថានអន្តរជាតិkhmerservicevoa@gmail.com (VOA News) អង្គការលើកលែងទោសអន្តរជាតិ៖ ចិនបានបង្កើត«ភាពអាសន្នផ្នែកសិទ្ធិមនុស្ស»នៅហុងកុង អង្គការលើកលែងទោសអន្តរជាតិនិយាយថា ប្រទេសចិន បានបង្កើត«ភាពអាសន្នផ្នែកសិទ្ធិមនុស្ស»នៅហុងកុង ចាប់តាំងពីបានចេញច្បាប់សន្តិសុខជាតិដ៏តឹងរ៉ឹងកាលពីឆ្នាំមុន។ អង្គការសិទ្ធិមនុស្សនេះ បានចេញរបាយការណ៍ដ៏វែងនៅថ្ងៃពុធស្តីពីផលប៉ះពាល់នៃច្បាប់នេះ នៅខួបមួយឆ្នាំនៃការអនុម័តច្បាប់នេះ ដោយរដ្ឋាភិបាលក្រុងប៉េកាំងក្នុងការឆ្លើយតបទៅនឹងការធ្វើបាតុកម្មធំៗប្រឆាំងនឹងរដ្ឋាភិបាលក្នុងឆ្នាំ២០១៩ ដែលជួនកាលប្រឈមនឹងអំពើហិង្សា។ មនុស្សរាប់រយនាក់ដែលជាអ្នកនយោបាយ និងសកម្មជនគាំទ្រលទ្ធិប្រជាធិបតេយ្យត្រូវបានចាប់ខ្លួននិងឃុំឃាំងក្រោមច្បាប់ដែលមានគោលដៅបង្ក្រាបអ្នកដែលអាជ្ញាធរសង្ស័យថា បានធ្វើសកម្មភាពភេរវកម្ម អប្បគមន៍ វិទ្ធង្សនាអំណាចរដ្ឋ ឬការឃុបឃិតជាមួយកម្លាំងបរទេស។ ក្នុងចំណោមអ្នកដែលត្រូវបានឃាត់ខ្លួនរួមមានមហាសេដ្ឋីសារព័ត៌មាន គឺលោក Jimmy Lai ម្ចាស់ក្រុមហ៊ុន Next Digital ដែលត្រូវបានបង្ខំឲ្យបិទកាសែត Apple Daily កាលពីសប្តាហ៍មុន បន្ទាប់ពីប៉ូលិស៥០០នាក់បានឆ្មក់ចូលទីស្នាក់ការ និងបានចាប់ខ្លួននាយកប្រតិបត្តិជាច្រើននាក់ និងបង្កកទ្រព្យសម្បត្តិរាប់លានដុល្លារ។ របាយការណ៍ដ៏វែងស្តីពីផលប៉ះពាល់នៃច្បាប់សន្តិសុខជាតិទៅលើប្រព័ន្ធតុលាការហុងកុងនេះ ផ្អែកលើការសម្រេចរបស់តុលាការកំណត់ហេតុសវនាការ និងបទសម្ភាសន៍ជាមួយសកម្មជន។ ក្នុងរបាយការណ៍នេះ អង្គការលើកលែងទោស បានសន្និដ្ឋានថា ច្បាប់នេះ ត្រូវបានប្រើដើម្បី«អនុវត្តការរំលោភសិទ្ធិមនុស្សជាច្រើន»។ នាយកអង្គការឃ្លាំមើលសិទ្ធិមនុស្សប្រចាំតំបន់អាស៊ីប៉ាស៊ីហ្វិកលោកស្រី Yamini Mishra និយាយថា «ក្នុងរយៈពេលមួយឆ្នាំ ច្បាប់សន្តិសុខជាតិនេះបានធ្វើឲ្យទីក្រុងហុងកុងក្លាយជារដ្ឋប៉ូលិស និងបង្កើតភាពអាសន្នផ្នែកសិទ្ធិមនុស្សសម្រាប់ប្រជាជនរស់នៅទីនោះ»៕ https://khmer.voanews.com/a/amnesty-international-says-china-has-created-human-rights-emergency-in-hong-kong/5948518.html https://khmer.voanews.com/a/amnesty-international-says-china-has-created-human-rights-emergency-in-hong-kong/5948518.html Thu, 01 Jul 2021 01:48:37 +0700 សិទ្ធិមនុស្សអន្តរជាតិkhmerservicevoa@gmail.com (VOA News)