Voice of America

Voice of America https://khmer.voanews.com Voice of America is an international news and broadcast organization serving Central and Eastern Europe, the Caucasus, Central Asia, Russia, the Middle East and Balkan countries https://khmer.voanews.com/Content/responsive/VOA/km-KH/img/logo.png Voice of America https://khmer.voanews.com km ២០១២ - វីអូអេ 60 Tue, 29 Dec 2020 14:08:26 +0700 Pangea CMS – VOA បណ្តារដ្ឋដែលអាចសម្រេចលទ្ធផលនៃការបោះឆ្នោតឆ្នាំ២០២០ នៅសហរដ្ឋអាមេរិក ដោយនៅតែប៉ុន្មានថ្ងៃទៀត នឹងដល់ថ្ងៃទី៣ ខែវិច្ឆិកា ដែលជាថ្ងៃបោះឆ្នោតជ្រើសរើសប្រធានាធិបតី លោកប្រធានាធិបតី Donald Trump ខាងគណបក្សសាធារណរដ្ឋ និងបេក្ខជនប្រធានាធិបតីនៃគណបក្សប្រជាធិបតេយ្យ គឺលោក Joe Biden កំពុងធ្វើយុទ្ធនាការយ៉ាងខ្លាំងនៅក្នុង«រដ្ឋដែលមានការប្រជែងខ្លាំង» ឬ«រដ្ឋដែលម្តងបោះឲ្យគណបក្សសាធារណរដ្ឋ ម្តងបោះឲ្យគណបក្សប្រជាធិបតេយ្យ» ។ រដ្ឋទាំងនេះ មានសារៈសំខាន់ក្នុងការបោះឆ្នោតប្រធានាធិបតីអាមេរិក ដែលអ្នកឈ្នះមិនត្រូវបានសម្រេចដោយការបោះឆ្នោតដោយផ្ទាល់ទេ។ ផ្ទុយទៅវិញរដ្ឋនីមួយៗ មានចំនួនកំណត់អង្គបោះឆ្នោតដែលគេផ្តល់ឱ្យបេក្ខជនម្នាក់ ឬបេក្ខជនផ្សេងទៀតអាស្រ័យលើលទ្ធផលនៃការបោះឆ្នោតដោយផ្ទាល់នៅក្នុងរដ្ឋនោះ។ នៅក្នុងរដ្ឋទាំងអស់លើកលែងតែរដ្ឋ Maine និង Nebraska បេក្ខជនដែលទទួលបានសំឡេងគាំទ្រច្រើនជាងគេនៅក្នុងការបោះឆ្នោតដោយផ្ទាល់នៅក្នុងរដ្ឋមួយ ឈ្នះដោយទទួលបានសំឡេងឆ្នោតសរុបរបស់សមាជិកនៃអង្គបោះឆ្នោតក្នុងរដ្ឋនោះ។ ប្រព័ន្ធបោះឆ្នោត«អ្នកឈ្នះយកទាំងអស់»ជំរុញឱ្យបេក្ខជនធ្វើយុទ្ធនាការកាន់តែខ្លាំងនៅក្នុងរដ្ឋដែលមានការប្រកួតប្រជែងខ្លាំងទាំងឡាយ។ ជ័យជម្នះនៅក្នុងរដ្ឋទាំងនោះ អាចជួយឲ្យបេក្ខជនទទួលបានអង្គបោះឆ្នោតគ្រប់គ្រាន់ ដើម្បីចូលកាន់តំណែងក្នុងសេតវិមាន។ រដ្ឋដែលមានការប្រកួតប្រជែងប្រកិតគ្នាដែលអាច«ងាករេ» ទៅរកគណបក្សណាមួយដូចជារដ្ឋ Pennsylvania ជាដើម ទទួលបានការយកចិត្តទុកដាក់ពីបេក្ខជនច្រើនជាងរដ្ឋដទៃទៀតដូចជារដ្ឋ California ដែលជាកន្លែងដែលគណបក្សមួយស្ទើរតែប្រាកដជាទទួលបានសំឡេងភាគច្រើន។ រដ្ឋដែលងាករេក្នុងឆ្នាំ២០២០ រដ្ឋប្រហែល១២ ត្រូវបានគេចាត់ទុកថា ជារដ្ឋដែលងាករេ«ជាញឹកញយដដែលៗ» ព្រោះរដ្ឋទាំងនេះ ធ្លាប់មានការប្រកួតប្រជែងយ៉ាងប្រកិតម្តងហើយម្តងទៀត នៅក្នុងការបោះឆ្នោតប្រធានាធិបតីថ្មីៗនេះ។ រដ្ឋប្រាំមួយក្នុងចំណោមរដ្ឋទាំងនោះ ត្រូវបានគេមើលឃើញថា ជារង្វាន់កំពូលនៅឆ្នាំ២០២០ ពីព្រោះប្រជាពលរដ្ឋដ៏ច្រើនរបស់ពួកគេ ផ្តល់ឱ្យពួកគេនូវចំនួនអង្គបោះឆ្នោតច្រើន។ រដ្ឋទាំងនេះ គឺរដ្ឋ Arizona, Florida, Michigan, North Carolina, Pennsylvania និង Wisconsin។ លោក Trump បានឈ្នះនៅក្នុងរដ្ឋទាំង៦ នៅឆ្នាំ២០១៦ ដោយមានការគាំទ្រលើសលោកស្រី Hillary Clinton តែបន្តិច ដោយនៅរដ្ឋខ្លះ តិចជាងមួយភាគរយ ប៉ុន្តែការស្ទង់មតិនាពេលបច្ចុប្បន្ននេះបង្ហាញថា លោក Biden នាំមុខបន្តិចនៅក្នុងរដ្ឋទាំង ៦ នេះ។ ការស្ទង់មតិក្នុងបណ្តារដ្ឋដែលងាករេ មានភាពប្រកិតគ្នា ជាងការស្ទង់មតិទូទាំងប្រទេស ជ័យជម្នះរបស់លោក Trump កាលពីឆ្នាំ២០១៦ នៅក្នុងរដ្ឋទាំងប្រាំមួយនេះ មានលក្ខណៈស្រដៀងនឹងរដ្ឋឯទៀតៗក្នុងប្រទេសអាមេរិក គឺពួកប្រជាធិបតេយ្យមានការគាំទ្រច្រើននៅក្នុងតំបន់ តែលោក Trump ទទួលបានការគាំទ្រយ៉ាងខ្លាំងពីសំណាក់ពួកអ្នកបោះឆ្នោតក្នុងតំបន់ជនបទនិងតំបន់ជាយក្រុង និងពួកអ្នកបោះឆ្នោតស្បែកស ដែលគ្មានសញ្ញាប័ត្រមហាវិទ្យាល័យ។ ទោះបីជាមាននិន្នាការបង្ហាញថា លោក Biden អាចកាត់បន្ថយអ្នកគាំទ្រលោក Trump ទាំងនោះនៅឆ្នាំ២០២០ ក៏ដោយ ក៏យុទ្ធនាការឃោសនាបោះឆ្នោតរបស់ លោក Biden បានព្រមានដល់អ្នកគាំទ្រឲ្យនាំគ្នាចេញទៅបោះឆ្នោត។ លោក Jen O’Malley Dillon ជាអ្នករៀបចំយុទ្ធនាការឃោសនាបោះឆ្នោតរបស់លោក Biden។ លោកបានសរសេរនៅក្នុងសារមួយទៅកាន់អ្នកគាំទ្រកាលពីថ្ងៃសៅរ៍ថ្មីៗនេះថា «ការពិតការប្រកួតប្រជែងនេះ ប្រកៀកប្រកិតគ្នាខ្លាំងជាងការយល់ឃើញរបស់ពួកបណ្ឌិត ដែលបានបញ្ចេញទស្សនៈតាម Twitter និងតាមទូរទស្សន៍។ នៅក្នុងរដ្ឋងាករេសំខាន់ៗ យើងនៅតែប្រកៀកប្រកិតៗជាមួយលោក Donald Trump»។ ពួកអ្នកវិភាគនិយាយថា ទោះជាលោក Biden នាំមុខជាទៀងទាត់នៅក្នុងការស្ទង់មតិច្រើនខែមកហើយក៏ដោយ ការបារម្ភធំបំផុតរបស់យុទ្ធនាការលោកនៅពេលនេះគឺថា លោកអាចឈ្នះនៅក្នុងការបោះឆ្នោតដោយទទួលបានសំឡេងឆ្នោតប្រជាប្រិយច្រើនជាងលោក Trump តែចាញ់នៅក្នុងសំឡេងឆ្នោតសរុបរបស់សមាជិកនៃអង្គបោះឆ្នោតដូចដែលបានកើតឡើងចំពោះលោកស្រី Hillary Clinton កាលពីឆ្នាំ២០១៦។ នេះ គឺជាអ្វីដែលកំពុងកើតឡើងនៅក្នុងរដ្ឋដែលយុទ្ធនាការទាំងពីរយល់ថាសំខាន់ដើម្បីឈ្នះតំណែងប្រធានាធិបតីនៅឆ្នាំ ២០២០។ រដ្ឋ Wisconsin រដ្ឋ Wisconsin ដែលជាកន្លែងរស់នៅរបស់សហគមន៍ជនស្បែកសនៅតាមជនបទនិងពួកពលករដែលគាំទ្រលោក Trump នោះ បាននាំឲ្យលោក Trump ឈ្នះឆ្នោតកាលពីឆ្នាំ២០១៦។ រដ្ឋ Wisconsin ស្ថិតនៅក្នុងចំណោមរដ្ឋដែលរងគ្រោះខ្លាំងជាងគេដោយការរាតត្បាតជំងឺកូវីដ១៩។ រដ្ឋនេះក៏បានក្លាយជាការផ្តោតអារម្មណ៍មួយនៃការជជែកដេញដោលទូទាំងសហរដ្ឋអាមេរិក ស្តីពីយុត្តិធម៌សម្រាប់ជនជាតិអាមេរិកាំងស្បែកខ្មៅ បន្ទាប់ពីប៉ូលីស បានបាញ់ជនជាតិអាមេរិកាំងដើមកំណើតអាហ្វ្រិក ឈ្មោះ Jacob Blake នៅទីក្រុង Kenosha រដ្ឋ Wisconsin កាលពីខែសីហា នៅពេលដែលកំពុងមានបាតុកម្មនិងភាពវឹកវរទូទាំងប្រទេសអស់ពេលជាច្រើនខែ។ លោក Trump និងលោក Biden បានទៅបំពេញទស្សនកិច្ចនៅក្រុង Kenosha ដោយមានសារផ្សេងគ្នា។ លោក Biden បានផ្តោតលើការប្រយុទ្ធប្រឆាំងនឹងការរើសអើងជាតិសាសន៍។ ចំណែកលោកប្រធានាធិបតី Trump វិញផ្តោតការយកចិត្តទុកដាក់លើច្បាប់ និងការរក្សាសណ្តាប់ធ្នាប់។ រដ្ឋ Michigan Michigan ដែលជារដ្ឋផលិតវត្ថុប្រើប្រាស់ បានរងផលប៉ះពាល់យ៉ាងខ្លាំងដោយសារវិបត្តិសេដ្ឋកិច្ចដែលបណ្តាលមកពីការរាតត្បាតនៃជំងឺកូវីដ១៩។ រដ្ឋនេះ បាត់បង់ការងារនិងអាជីវកម្មច្រើនជាងកន្លែងផ្សេងទៀត ក្នុងប្រទេសអាមេរិក។ លោកប្រធានាធិបតី Trump បានលើកទឹកចិត្តអ្នកគាំទ្ររបស់លោក ឱ្យស្តីបន្ទោសអភិបាលរដ្ឋនេះ គឺលោកស្រី Gretchen Whitmer ខាងគណបក្សប្រជាធិបតេយ្យចំពោះការបិទសេដ្ឋកិច្ចរបស់រដ្ឋនេះ។ យុទ្ធនាការរបស់លោក Trump កំពុងផ្តោតទៅលើអ្នកស្រុករដ្ឋ Michiganដែលចាត់ទុកគោលការណ៍បរិដ្ឋានរបស់គណបក្សប្រជាធិបតេយ្យ ថាជាការធ្វើឲ្យកម្មករដែលពឹងផ្អែកលើមូលដ្ឋានផលិតកម្មរឹងមាំនោះ ទទួលការរងគ្រោះ។ លោក Biden កំពុងជំរុញសារថា លោក Trump «គ្មានផែនការគ្រប់គ្រងវីរុសកូរ៉ូណាទេ ហើយគ្មានយុទ្ធសាស្ត្រសម្រាប់ស្តារសេដ្ឋកិច្ចយើង ចេញពីវិបត្តិសេដ្ឋកិច្ចទេ»។ លោក Biden បានសន្យាថា នឹងវិនិយោគក្នុងការបង្កើតការងារ និងហេរដ្ឋរចនាសម្ព័ន្ធសំខាន់ចាំបាច់នៅក្នុងរដ្ឋនេះ។ រដ្ឋ Pennsylvania លោក Biden ដែលកើតនៅក្រុង Scranton រដ្ឋ Pennsylvania បានសង្កត់ធ្ងន់លើក្រុមវណ្ណៈអ្នកធ្វើការរបស់គ្រួសារលោក ដើម្បីទាក់ទាញការគាំទ្រពីអ្នកបោះឆ្នោតស្បែកស ដែលគ្មានសញ្ញាប័ត្រមហាវិទ្យាល័យដែលបានគាំទ្រលោក Trump កាលពីឆ្នាំ២០១៦ ដែលជាលើកដំបូង ដែលបេក្ខជនរបស់គណបក្សសាធារណរដ្ឋ បានឈ្នះនៅក្នុងរដ្ឋនេះ ចាប់តាំងពីឆ្នាំ១៩៨៨ មក។ លោក Robert Griffin ជានាយកខាងការស្រាវជ្រាវនៃក្រុម Democracy Fund Voter Study Group។ លោកបានថ្លែងថា ក្នុងឆ្នាំ២០២០នេះ រដ្ឋ Pennsylvania ត្រូវចាត់ទុកថា ជារដ្ឋដែលសំខាន់ជាងសម្រាប់លោក Trump។ រដ្ឋនេះ អាចនាំឲ្យលោក Biden ទទួលបានអង្គបោះឆ្នោតគ្រប់ចំនួន២៧០។ លោក Griffin ថ្លែងទៀតថា «ប៉ុន្តែប្រសិនបើលោក Biden ចាញ់នៅរដ្ឋ Pennsylvania ក៏មិនអីដែរ ពីព្រោះលោក Biden ហាក់ដូចជានាំមុខនៅក្នុងរដ្ឋឯទៀតដូចជា Florida និង Arizona ជាដើម»។ រដ្ឋ Florida នៅពេលនេះលោក Biden នាំមុខលោក Trump បន្តិចនៅក្នុងរដ្ឋ Florida។ រដ្ឋនេះមានមនុស្សចាស់រស់នៅច្រើនជាងគេក្នុងប្រទេសអាមេរិក។ លោក Biden កំពុងឃោសនាថា រដ្ឋបាលលោក Trump ចាត់ចែងកិច្ចការមិនល្អ ក្នុងការទប់ទល់នឺងជំងឺកូវីដ១៩ នាំឱ្យមនុស្សចាស់ដែលងាយរងគ្រោះដោយសារការរាតត្បាតនៃជំងឺនេះ ស្លាប់ច្រើនពេក។ លោក Trump បានផ្តោតលើរដ្ឋ Florida ពេញមួយយុទ្ធនាការរបស់លោក ដោយបានទៅទស្សនារមណីយដ្ឋាន Mar-a-Lago របស់លោកជាញឹកញាប់ និងជំរុញការចុះឈ្មោះអ្នកបោះឆ្នោតថ្មី នៅក្នុងរដ្ឋដែលជាផ្នែកមួយនៃយុទ្ធនាការដើម្បីទាក់ទាញពួកជនជាតិអាមេរិកស្បែកស ដែលពីមុនមិនបានបោះឆ្នោត ឱ្យនាំគ្នាទៅបោះឆ្នោត។ លោក Whit Ayres នៃក្រុមស្រាវជ្រាវ North Star Opinion Research ជាអ្នកស្ទង់មតិខាងគណបក្សសាធារណរដ្ឋ។ លោកបាននិយាយថា «ប្រសិនបើលោក Joe Biden ឈ្នះឆ្នោតនៅរដ្ឋ Florida លោក Donald Trump នឹងពិបាកប្រមូលសំឡេងឆ្នោតសរុបរបស់សមាជិកនៃអង្គបោះឆ្នោតឱ្យបាន២៧០ ដែលជាការចាំបាច់ដើម្បីឈ្នះឆ្នោត»។ លោក Ayres បានថ្លែងថា ប្រសិនបើលោក Trump ឈ្នះឆ្នោតនៅរដ្ឋ Florida លោក Biden នៅតែមានផ្លូវផ្សេងទៀត ទោះជាតិចក៏ដោយ ដើម្បីទទួលសំឡេងឆ្នោតសរុបរបស់សមាជិកនៃអង្គបោះឆ្នោតចំនួន២៧០ដែរ។ រដ្ឋ North Carolina លើកលែងតែជ័យជម្នះរបស់លោក Barack Obama ក្នុងឆ្នាំ២០០៨ បេក្ខជនមកពីគណបក្សសាធារណរដ្ឋបានឈ្នះប្រាំបួនដងក្នុងចំណោមការបោះឆ្នោតប្រធានាធិបតីទាំង១០លើកចុងក្រោយនៅរដ្ឋ North Carolina។ ពួកអ្នកវិភាគយល់ឃើញថា នេះជាសញ្ញានៃការផ្លាស់ប្តូរប្រជាសាស្ត្រកាន់តែទូលំទូលាយនៅប៉ែកខាងត្បូងនៃប្រទេសដែលមានពលរដ្ឋផ្សេងៗកាន់តែច្រើនឡើងៗ អាចផ្តល់ផលប្រយោជន៍ដល់គណបក្សប្រជាធិបតេយ្យ។ លោក Chris Cooper ជាសាស្រ្តាចារ្យវិទ្យាសាស្ត្រនយោបាយនៃសាកលវិទ្យាល័យ Western Carolina។ លោកថ្លែងថា « លោក Donald Trump នឹងពិបាកជាប់ឆ្នោតជាប្រធានាធិបតី បើសិនជាលោកមិនឈ្នះនៅក្នុងរដ្ឋ North Carolina ទេនោះ»។ លោក Cooper បានថ្លែងបន្ថែមទៀតថា ភាគខាងត្បូងប្រទេសជាមូលដ្ឋានរឹងមាំសម្រាប់គណបក្សសាធារណរដ្ឋអស់រយៈពេលជាងមួយទសវត្សរ៍មកហើយ ហើយប្រសិនបើលោក Trump ចាញ់ឆ្នោតនៅក្នុងរដ្ឋ North Carolina នោះ លោកក៏ប្រហែលជាអាចចាញ់ឆ្នោតនៅក្នុងរដ្ឋ Florida ដែរ។ រដ្ឋ Arizona រដ្ឋ Arizona បានបោះឆ្នោតឲ្យបេក្ខជនគណបក្សសាធារណរដ្ឋនៅក្នុងរាល់ការបោះឆ្នោតជ្រើសរើសប្រធានាធិបតីចាប់តាំងពីឆ្នាំ១៩៥២ លើកលែងតែនៅពេលដែលលោក Bill Clinton ឈរឈ្មោះជាប្រធានាធិបតី ដែលគណបក្សប្រជាធិបតេយ្យ បានឈ្នះនៅឆ្នាំ១៩៩៦។ នៅពេលនេះ រដ្ឋនេះ កំពុងលម្អៀងទៅខាងលោក Biden ដែលជានិន្នាការមួយជំរុញដោយកំណើនអ្នកគាំទ្រគណបក្សប្រជាធិបតេយ្យក្នុងចំណោមអ្នកបោះឆ្នោតនៅជាយក្រុង និងអ្នកបោះឆ្នោតផ្សេងៗ ដែលកាន់តែកើនចំនួនក្នុងរដ្ឋនេះ ជាពិសេសពួកអ្នកបោះឆ្នោត Hispanic ដែលកើនឡើងយ៉ាងលឿន។ ពួកអ្នកមានដើមកំណើតអាមេរិកឡាទីន មានចំនួនប្រមាណ២០ភាគរយ ក្នុងចំណោមអ្នកបោះឆ្នោតទាំងអស់ក្នុងរដ្ឋ Arizona កាលពីឆ្នាំ២០១៦ ហើយលោកស្រី Clinton បានទទួលការគាំទ្រពីក្រុមជនទាំងនេះភាគច្រើន។ មនុស្សមានវ័យចាស់ៗ នឹងមានមុខនាទីធំមួយនៅក្នុងលទ្ធផលនៃការបោះឆ្នោតនៅឆ្នាំ២០២០នេះ។ រដ្ឋ Florida ជាកន្លែងរស់នៅរបស់សហគមន៍ជនចូលនិវត្តន៍ជាច្រើន ហើយអ្នកបោះឆ្នោតក្នុងរដ្ឋនេះ ក៏មានវ័យចាស់ជាងមនុស្សនៅក្នុងតំបន់ឯទៀតៗរបស់ប្រទេសអាមេរិកដែរ៕ ប្រែសម្រួលដោយលោក ឈឹម សុមេធ https://khmer.voanews.com/a/the-us-states-that-may-decide-the-2020-election/5640756.html https://khmer.voanews.com/a/the-us-states-that-may-decide-the-2020-election/5640756.html Fri, 30 Oct 2020 03:22:41 +0700 ការបោះឆ្នោតនៅអាមេរិកអាមេរិកkhmerservicevoa@gmail.com (Patsy Widakuswara) យុទ្ធនាការរបស់លោក Trump កំពុងគិតពីយុទ្ធសាស្ត្រថ្មី ខណៈលោកមានជំងឺកូវីដ១៩ ដោយមិននៅដល់មួយខែផង មុនការបោះឆ្នោតប្រធានាធិបតីនឹងមកដល់ ការឆ្លងជំងឺកូវីដ១៩ របស់ប្រធានាធិបតីសហរដ្ឋអាមេរិកលោក Donald Trump បានធ្វើឲ្យការរាតត្បាតនៃជំងឺនេះ ក្លាយជាប្រធានបទក្ដៅគគុកនៃការប្រកួតប្រជែងយកតំណែងប្រធានាធិបតី។ ខណ:ពេលដែលរដ្ឋបាលរបស់លោក Trump កំពុងព្យាយាមធ្វើយ៉ាងណាឲ្យមហាជនគិតថា លោកប្រធានាធិបតីជាសះស្បើយបានលឿន យុទ្ធនាការបោះឆ្នោតរបស់លោក កំពុងធ្វើឲ្យការឆ្លងជំងឺកូវីដ១៩ របស់លោក Trump ក្លាយជាចំណុចវិជ្ជមានដើម្បីទាក់ទាញសន្លឹកឆ្នោត។ ចាប់តាំងពីលោកចេញពីមន្ទីរពេទ្យយោធាជាតិ Walter Reed កាលពីថ្ងៃច័ន្ទមក លោក Trump បានបង្ហាញនូវរូបភាពដែលថា លោកបានត្រៀមខ្លួនរួចជាស្រេច ដើម្បីត្រឡប់ទៅបំពេញការងារវិញ។ កាលពីថ្ងៃពុធ លោកបានចាកចេញពីកន្លែងស្នាក់នៅរបស់ប្រធានាធិបតី ទៅកាន់ការិយាល័យរបស់លោក ដែលទីនោះលោកទទួលបានដំណឹងពីស្ថានភាពរបស់ព្យុះ Hurricane Delta និងកិច្ចចរចាជាសមាជិកសភាខាងគណបក្សប្រជាធិបតេយ្យ អំពីកញ្ចប់ថវិកាសង្គ្រោះសេដ្ឋកិច្ចបន្ទាន់ ។ លោក Trump នៅតែសកម្មនៅលើបណ្តាញសង្គម Twitter ដោយលោកបានបង្ហោះសារជាច្រើន រួមមានសារវាយប្រហារលើគូប្រជែងនយោបាយ សេចក្ដីថ្លែងការណ៍ពីការតែងតាំងចៅក្រមតុលាការកំពូលអភិរក្សនិយមអ្នកស្រី Amy Coney Barrett ក៏ដូចជាការអះអាងពីភាពរឹងមាំនៃសុខភាពរបស់លោក ជាដើម។ នៅក្នុងវីដេអូមួយដែលបានចេញផ្សាយកាលពីល្ងាចថ្ងៃពុធម្សិលមិញ លោក Trump បាននិយាយថា ជំងឺរបស់លោកគឺ «ពរពីព្រះជាម្ចាស់»។ លោកនិយាយពីថ្នាំដែលលោកបានទទួលទានថា បានជួយលោកច្រើនណាស់ និងបានព្យាយាមកំណត់លក្ខណ:ថ្នាំនោះថាជា «ការព្យាបាល»។ នៅក្នុងរយ:ពេល ៦ ខែកន្លងមកនេះ យុទ្ធសាស្ត្រនៃយុទ្ធនាការរបស់លោក Joe Biden បេក្ខជនប្រធានាធិបតីខាងគណបក្សប្រជាធិបតេយ្យ ព្យាយាមមិនឲ្យបេក្ខជនចេញក្រៅជួបមនុស្សម្នា ដោយផ្ទាល់ឡើយ និងបានអនុវត្តយ៉ាងខ្ជាប់ខ្ជួនតាមពិធីការសុខភាពថ្នាក់រដ្ឋនិងថ្នាក់ជាតិ ដើម្បីទប់ស្កាត់ការឆ្លងរាលដាលនៃជំងឺកូវីដ។ ក្រោយការឆ្លងជំងឺកូវីដ១៩ របស់លោក Trump យុទ្ធនាការរបស់លោក Biden រក្សាទម្លាប់ជួបជាមួយអ្នកគាំទ្រតាមអ៊ីនធឺណិត ឬជួបជាមួយក្រុមតូចៗនៅខាងក្រៅបន្ទប់ ដោយមានការពាក់ម៉ាស់ជាដាច់ខាត៕ https://khmer.voanews.com/a/trump-campaign-dillema-how-to-run-with-a-sick-candidate/5613580.html https://khmer.voanews.com/a/trump-campaign-dillema-how-to-run-with-a-sick-candidate/5613580.html Thu, 08 Oct 2020 19:03:10 +0700 ការបោះឆ្នោតនៅអាមេរិកអាមេរិកអន្តរជាតិkhmerservicevoa@gmail.com (Patsy Widakuswara) លោក Trump ប្រកាសគម្រោងចែកចាយឧបករណ៍ធ្វើតេស្តរកជំងឺកូវីដ១៩ ជាង ១៥០លានឧបករណ៍ដែលផ្តល់លទ្ធផលលឿន នៅក្នុងការថ្លែងសុន្ទរកថានៅសួនកុលាបនៃសេតវិមាន លោក Trump បានហៅគម្រោងខាងលើនេះថា ជា«ការពង្រីកទ្រង់ទ្រាយធំ និងមិនធ្លាប់មាន» នៃសមត្ថភាពនៃការធ្វើតេស្ត «ច្រើនជាងទ្វេដងនៃការធ្វើតេស្តដែលបានធ្វើរួចហើយ»។ https://khmer.voanews.com/a/trump-announces-plan-to-distribute-150-million-rapid-coronavirus-tests-/5601873.html https://khmer.voanews.com/a/trump-announces-plan-to-distribute-150-million-rapid-coronavirus-tests-/5601873.html Tue, 29 Sep 2020 20:27:16 +0700 សុខភាពអាមេរិកអន្តរជាតិkhmerservicevoa@gmail.com (Patsy Widakuswara) លោក ត្រាំ និងលោក Biden ធ្វើការឃោសនាបោះឆ្នោតផ្ទុយគ្នា ការឃោសនាបោះឆ្នោតប្រធានាធិបតីស.រ.អា.ឈានចូលដល់រយៈពេលពីរខែចុងក្រោយ។ បេក្ខជនទាំងពីរនេះមានរបៀបបញ្ជូនសាររបស់ពួកគេខុសប្លែកគ្នាទៅកាន់ក្រុមអ្នកគាំទ្រពួកគេ។ https://khmer.voanews.com/a/trump-and-biden-campaign-in-contrast/5580734.html https://khmer.voanews.com/a/trump-and-biden-campaign-in-contrast/5580734.html Sat, 12 Sep 2020 08:03:51 +0700 ការបោះឆ្នោតនៅអាមេរិកអាមេរិកអន្តរជាតិkhmerservicevoa@gmail.com (Patsy Widakuswara) អ្នកស្រី Ivanka Trump បន្តរបៀបវារៈផ្តល់អំណាចដល់ស្រ្តីនៅអំឡុងពេលមានជំងឺរាតត្បាត កាលពីប៉ុន្មានសប្តាហ៍កន្លងទៅនេះ រដ្ឋបាលលោកត្រាំ បានប្រកាសថវិកាចំនួន១២២លានដុល្លារសម្រាប់កម្មវិធី និងភាពជាដៃគូថ្មីនៅក្រោមគម្រោងផ្តួចផ្តើមការអភិវឌ្ឍជាសកលនិងប្រកបដោយវិបុលភាពសម្រាប់ស្ត្រីហៅកាត់ថា W-GDP និងបានដាក់ចេញនូវផែនការសកម្មភាពនៃកំណែទម្រង់ច្បាប់ចំនួន១០ ដើម្បីឆ្លើយតបទៅនឹងរបាំងច្បាប់ និងវប្បធម៌ចំពោះការចូលរួមរបស់ស្រ្តីនៅក្នុងវិស័យសេដ្ឋកិច្ចនៅទូទាំងពិភពលោក។ កម្មវិធី W-GDP ត្រូវបានចាត់ទុកថាជាវិធីសាស្ត្ររបស់រដ្ឋាភិបាលទាំងមូល ដើម្បីជួយដល់ស្រ្តី៥០លាននាក់នៅក្នុងបណ្តាប្រទេសកំពុងអភិវឌ្ឍន៍នានានៅជុំវិញពិភពលោក ជាមួយនឹងគោលដៅដែលជាសសរស្តម្ភចំនួនបី គឺការផ្តល់វគ្គបណ្តុះបណ្តាលវិជ្ជាជីវៈដល់ស្រ្តី ពង្រឹងអំណាចដល់ស្រ្តីដើម្បីទទួលបានជោគជ័យក្នុងនាមជាសហគ្រិន និងលុបបំបាត់ច្បាប់និងគោលនយោបាយដែលជារបាំងរារាំងមិនឲ្យស្រ្តីចូលរួមក្នុងវិស័យសេដ្ឋកិច្ច។ អ្នកស្រី Ivanka Trump ដែលជាកូនស្រី និងជាទីប្រឹក្សារបស់លោកប្រធានាធិបតី Trump លោក Robert O’Brien ទីប្រឹក្សាសន្តិសុខរបស់ប្រធានាធិបតី និងអនុរដ្ឋមន្រ្តីការបរទេសអាមេរិកលោក Stephen Biegun បានប្រកាសអំពីគម្រោងផ្តួចផ្តើមនេះ តាមប្រព័ន្ធឌីជីថល ដោយមានការចូលរួមរបស់ដៃគូវិស័យឯកជនរួមមានក្រុមហ៊ុន Walmart, Microsoft និង Mastercard។ អ្នកស្រី Ivanka Trump បានថ្លែងថា៖ «នេះ គឺជាចំណាត់ការដ៏ម៉ឹងម៉ាត់ដើម្បីពង្រីកកិច្ចប្រឹងប្រែងរបស់រដ្ឋាភិបាលសហព័ន្ធ វិស័យឯកជននិងដៃគូនានា ដែលរឹតត្បិតលើលទ្ធភាពរបស់ស្រ្តី ឲ្យចូលរួមអភិវឌ្ឍន៍សេដ្ឋកិច្ចក្នុងតំបន់ ដែលជាគំរូជោគជ័យរបស់អាមេរិកជាយូរមកហើយ‍»។ គម្រោងផ្តួចផ្តើមរបស់រដ្ឋាភិបាលក្រុងវ៉ាស៊ីនតោននេះ ត្រូវបានបង្កើតឡើងនៅស្របពេលមានការប្រឈមថ្មីៗនៃជំងឺកូវីដ១៩ ដែលកាន់តែធ្វើឲ្យបញ្ហាវិសមភាពយេនឌ័រដែលមានស្រាប់ហើយនោះ កាន់តែធ្ងន់ធ្ងរឡើង។ សេចក្តីរាយការណ៍នានាពីបណ្តាប្រទេសជាច្រើនបានបង្ហាញថា ស្រ្តីទទួលរងផលប៉ះពាល់យ៉ាងខ្លាំងដោយសារវីរុសកូរ៉ូណានៅគ្រប់វិស័យទាំងអស់ រួមទាំងវិស័យសុខាភិបាល សេដ្ឋកិច្ច សន្តិសុខនិងការការពារសង្គម។ យោងតាមទិន្នន័យរបស់អង្គការសហប្រជាជាតិ ការងាររបស់ស្ត្រីចំនួន៦០ ភាគរយ ស្ថិតនៅក្នុងវិស័យសេដ្ឋកិច្ចក្រៅផ្លូវការ ដែលទទួលបានការការពារមានកំណត់។ នេះមានន័យថា ស្រ្តីជាទូទៅត្រូវបានមើលរំលងដោយកម្មវិធីនានាដែលជួយដល់ការងើបឡើងវិញនូវសេដ្ឋកិច្ច ខណៈស្រ្តី គឺជាបុគ្គលងាយរងគ្រោះនៃភាពក្រីក្រនិងអសន្តិសុខស្បៀង នេះយោងតាមអ្នកស្រី Megan O'Donnell ជំនួយការប្រធានមជ្ឈមណ្ឌលសម្រាប់កម្មវិធីអភិវឌ្ឍន៍យេនឌ័រសកល។ អ្នកស្រីបានថ្លែងក្នុងសម្តីដើមថា៖ «យើងបានឃើញភស្តុតាងដែលបង្ហាញថា អាជីវកម្មរបស់ស្រ្តី បានបិទទ្វាច្រើនជាងអាជីវកម្មរបស់បុរស»។ ហើយចំនួនស្រ្តីដែលទទួលបន្ទុកមើលថែទាំកុមារដែលមិនទៅសាលារៀនមានកាន់តែច្រើន ដែលការណ៍នេះ បង្ខំឲ្យស្រ្តីមិនអាចទៅធ្វើការនៅខាងក្រៅបាន និងបានធ្វើឲ្យប៉ះពាល់ដល់សេដ្ឋកិច្ចចំពោះការងារថែទាំកូន ដែលមិនទទួលបានកម្រៃនេះ។ លើសពីនេះទៅទៀត ស្រ្តីប្រឈមនឹងអំពើហិង្សាកាន់តែខ្លាំងដោយសារការបិទសកម្មភាពក្នុងប្រទេស និងពិបាកក្នុងការស្វែងរកសេវាថែទាំសុខភាពផ្លូវភេទ និងសុខភាពបន្តពូជដោយសារជំងឺរាតត្បាត។ យោងតាមអង្គការសុខភាពពិភពលោក បុគ្គលិកសុខាភិបាលភេទស្រី ៧០ភាគរយនៅទូទាំងពិភពលោក កំពុងប្រឈមនឹងហានិភ័យដល់ជីវិតដើម្បីសង្គ្រោះជីវិតអ្នកដ៏ទៃ។ លោក Jamille Bigio អ្នកស្រាវជ្រាវជាន់ខ្ពស់នៃកម្មវិធីស្រ្តីនិងគោលនយោបាយការបរទេសនៅឯក្រុមប្រឹក្សាទំនាក់ទំនងការបរទេសបាននិយាយក្នុងសម្តីដើមថា៖ «ការលើកកម្ពស់ដល់ការចូលរួមរបស់ស្រ្តីនៅក្នុងសេដ្ឋកិច្ចនៅអំឡុងពេលវិបត្តិកូវីដ១៩នេះ នឹងតម្រូវឲ្យមានការផ្តោតខ្លាំងលើបញ្ហាទាំងនេះ។ នេះគឺជាអ្វីដែលគម្រោងផ្តួចផ្តើម W-GDP គួរចាត់វិធានការដើម្បីសម្រេចតាមគោលដៅរបស់គម្រោង»។ ស្រ្តីក្នុងតួនាទីជាអ្នកដឹកនាំសេដ្ឋកិច្ច គម្រោង W-GDP ជឿថា ស្រ្តីមិនគួរត្រូវចាត់ទុកថាជាជនរងគ្រោះដែលកំពុងរង់ចាំឲ្យគេទៅជួយនោះទេ ប៉ុន្តែស្រ្តីគួរត្រូវបានមើលឃើញថា ជាអ្នកដឹកនាំសេដ្ឋកិច្ចដែលងើបចេញពីការរាតត្បាត។ នេះជាសម្តីរបស់លោកស្រី Kelley Currie ឯកអគ្គរដ្ឋទូតគោរចរណ៍របស់សហរដ្ឋអាមេរិកទទួលបន្ទុកបញ្ហាស្រ្តីសកល។ លោកស្រី Currie បានថ្លែងថា៖ «យើងកំពុងផ្តោតទៅលើការស្វែងរកវិធីដើម្បីដករបាំងទាំងនោះចេញ ដើម្បីឲ្យស្រ្តីអាចចូលរួមនៅក្នុងវិស័យសេដ្ឋកិច្ចឲ្យបានពេញលេញ និងជួយពួកគេឲ្យដឹកនាំឆ្ពោះទៅរកវិបុលភាពនិងការរីកចម្រើន»។ អ្នកសង្កេតការណ៍មួយចំនួននៅតែចោទជាសំណួរថា តើវិសាលភាពនិងថវិកាតិចតួចនៃគម្រោងផ្តួចផ្តើមដែលមានទឹកបា្រក់១០០លានដុល្លារនៅក្រោមកម្មវិធី W-GDP នេះ នឹងគ្រប់គ្រាន់អាចដោះស្រាយវិបត្តិទំាងនេះបានដែរ ឬ យ៉ាងណា។ ទោះបីជាកម្មវិធី W-GDP បានកើនជាលំដាប់ ដែលកាលពីដំបូងមានថវិកាតែ៥០ លានដុល្លារក៏ដោយ ក៏កម្មវិធីនេះ នៅតូចណាស់បើប្រៀបធៀបទៅនឹងកម្មវិធី PEPFAR ដែលមានការឧបត្ថម្ភថវិការាប់ពាន់លានដុល្លារនោះ។ លោកស្រី Megan O'Donnell បានលើកជាឧទាហរណ៍ដោយសំដៅទៅគម្រោងផ្តួចផ្តើមដើម្បីដោះស្រាយការឆ្លងរាលដាលមេរោគ HIV របស់អតីតប្រធានាធិបតី លោកGeorge W. Bush ក្នុងឆ្នាំ២០០៣។ លោកស្រី O’Donnell បានថ្លែងថា ដើម្បីឲ្យស្មើនិងទំហំនៃបញ្ហា កម្មវិធី W-GDP នឹងត្រូវមានលទ្ធភាពដោះស្រាយបញ្ហា។ លោកស្រីបន្ថែមថា ឳកាសទទួលជោគជ័យនឹងកើនឡើងប្រសិនបើអ្នកដែលកំពុងអនុវត្តគម្រោងផ្តួចផ្តើមនេះ ទទួលបានធនធានហិរញ្ញវត្ថុសម្រាប់យកទៅប្រើប្រាស់។ សុខភាពបន្តពូជ កម្មវិធី W-GDP បានទទួលការកោតសរសើរ ចំពោះការធានាថា ទីភ្នាក់ងារនានារបស់រដ្ឋាភិបាលសហរដ្ឋអាមេរិករួមមាន ទីភា្នក់ងារ USAID សារជីវកម្មអភិវឌ្ឍសហសវត្ស MCC កម្មវិធី Peace Corps និងទីភ្នាក់ងារផ្សេងៗទៀត បញ្ចូលយុទ្ធសាស្រ្តសសរស្តម្ភទាំងបីរបស់ខ្លួន និងរាយការណ៍អំពីការវិវត្តរបស់ពួកគេអនុលោមតាមសូចនាករនៃភាពជោគជ័យរបស់កម្មវិធី។ ប៉ុន្តែការរិះគន់ខ្លាំងបំផុតគឺថា គម្រោងផ្តួចផ្តើមដែលស្របតាមគោលនយោបាយធំៗរបស់រដ្ឋបាលលោក Trump មិនអើពើអំពីការវិនិយោគនានាដែលគាំទ្រដល់សុខភាពស្រ្តី សិទ្ធិទទួលបានសេវាថែទាំសុខភាពផ្លូវភេទ និងសុខភាពបន្តពូជ និងការកាត់បន្ថយអំពើហិង្សាប្រឆាំងយេនឌ័រជាដើម។ នៅសប្តាហ៍ទីមួយនៃការចូលកាន់តំណែង លោកប្រធានាធិបតី Donald Trump បានប្រកាសដាក់ឲ្យប្រើប្រាស់ឡើងវិញ និងពង្រីកគោលនយោបាយប្រឆាំងការរំលូតកូន ដែលត្រូវបានគេស្គាល់ថា ជាគោលនយោបាយទីក្រុងម៉ិកស៊ិក ដែលហាមឃាត់អង្គការក្រៅរដ្ឋាភិបាលសហរដ្ឋអាមេរិកនានាដែលផ្តល់ជំនួយផ្នែកសុខភាពសកលមិនឲ្យផ្តល់ព័ត៌មាន ឬ សេវាអំពីសុវត្ថិភាពនៃការរំលូតកូន។ នៅក្នុងឆ្នាំ២០១៨ក្រសួងការបរទេសសហរដ្ឋអាមេរិក បានលុបចោលព័ត៌មានពាក់ព័ន្ធនឹងសុខភាពបន្តពូជចេញពីរបាយការណ៍ប្រចាំឆ្នាំរបស់ប្រទេស ហើយនៅក្នុងខែឧសភា ឆ្នាំ២០២០ លោក John Barsa រដ្ឋបាលស្តីទីនៃទីភ្នាក់ងារ USAID បានផ្ញើរលិខិតមួយច្បាប់ទៅកាន់អគ្គលេខាធិការអង្គការសហប្រជាជាតិ ទាមទារឲ្យដកកម្មវិធីថែទាំសុខភាពផ្លូវភេទ និងសុខភាពបន្តពូជចេញពីផែនការឆ្លើយតបនឹងជំងឺកូវីដ១៩របស់អង្គការសហប្រជាជាតិ។ លោកស្រី Amanda Klasing សហនាយកស្តីទីនៃនាយកដ្ឋានសិទ្ធិស្រ្តីនៃអង្គការការពារសិទ្ធិមនុស្ស Human Rights Watch បានថ្លែងក្នុងសម្តីដើមថា៖ «រាល់កិច្ចសហការទាំងអស់នៅក្នុងពិភពលោក មិនអាចលុបបំបាត់ការពិតដែលថាកេរ្តិ៍ដំណែលសិទ្ធិស្រ្តីរបស់រដ្ឋបាលលោក Trump ប្រឆាំងនោះ គឺជាកេរ្តិ៍ដំណែលប្រឆាំងនឹងស្ត្រី និងប្រឆាំងនឹងសិទ្ធិមនុស្ស។ ប្រសិនបើរដ្ឋបាលលោក Trump នៅតែវាយប្រហារមិនឈប់ឈរលើសិទ្ធិទទួលបានសេវាថែទាំសុខភាពផ្លូវភេទ និងសុខភាពបន្តពូជ គ្រប់ពេលដែលខ្លួនមានឳកាស ហើយមិនព្រមដោះស្រាយបញ្ហាអំពើហិង្សាប្រឆាំងយេនឌ័រទេនោះ ជោគជ័យរបស់កម្មវិធី W-GDP គឺគ្រាន់តែជាជោគជ័យនៅលើក្រដាសតែប៉ុណ្ណោះ»។ ឆ្លើយនឹងសំណួររបស់វីអូអេ លោកស្រី Kelley Currie ឯកអគ្គរដ្ឋទូតគោរចរណ៍របស់ក្រសួងការបរទេសទទួលបន្ទុកបញ្ហាស្រ្តីសកល បានការពារគម្រោងផ្តួចផ្តើមនេះ។ លោកស្រី Currie បានថ្លែងថា៖ «កម្មវិធី W-GDP បានគិតគូរយ៉ាងល្អិតល្អន់ និងផ្អែកលើការមូលមតិគ្នាយ៉ាងខ្លាំង។ យើងជឿថានេះ គឺជាមធ្យោបាយយ៉ាងល្អបំផុតដែលយើងអាចប្រើធនធានដែលយើងមានដើម្បីដករបាំងនានាដែលរារាំងដល់ស្រ្តី»៕ ប្រែសម្រួលដោយអ្នកស្រី ស៊ូ ពេជ្រចិន្តា https://khmer.voanews.com/a/ivanka-trump-continues-women-empowerment-agenda-amid-pandemic/5576609.html https://khmer.voanews.com/a/ivanka-trump-continues-women-empowerment-agenda-amid-pandemic/5576609.html Wed, 09 Sep 2020 19:40:36 +0700 សង្គមសុខភាពអាមេរិកkhmerservicevoa@gmail.com (Patsy Widakuswara) អ្នកស្រី Harris ប្រឈមនឹងឧបសគ្គ និងឱកាសក្នុងនាមជាបេក្ខជនអនុប្រធានាធិបតីខាងគណបក្សប្រជាធិបតេយ្យ ពេលនេះជាពេលវេលាសំខាន់មួយនៅក្នុងប្រវត្តិសាស្ត្រសហរដ្ឋអាមេរិក ដែលអ្នកស្រី Kamala Harris ដែលជាពលរដ្ឋអាមេរិកាំងជាប់ពូជពង្សហ្សាម៉ាអ៊ីក និងឥណ្ឌា ទទួលយកការតែងតាំងជាបេក្ខជនអនុប្រធានាធិបតីខាងគណបក្សប្រជាធិបតេយ្យ។ អ្នកស្រី Harris បាននិយាយថា៖ «យើងទាំងអស់គ្នាឋិតនៅក្នុងការប្រយុទ្ធនេះជាមួយគ្នា។ នេះជាកាតព្វកិច្ចមួយដ៏អស្ចារ្យ។ នេះជាបុព្វសិទ្ធិមួយដ៏អស្ចារ្យ»។ ការអំពាវនាវរបស់អ្នកស្រីគឺត្រូវចិត្តរបស់អ្នកបោះឆ្នោតគាំទ្រគណបក្សប្រជាធិបតេយ្យជាច្រើន។ អ្នកស្រី Dorian Tyus ដែលជាអ្នកបោះឆ្នោតគាំទ្រគណបក្សប្រជាធិបតេយ្យ និយាយថា៖ «យុវជនជាច្រើននៅទូទាំងប្រទេសអបអរសាទរ និងមានអារម្មណ៍ជិតស្និទ្ធជាមួយនឹងអ្នកស្រី ដោយសារតែការអំពាវនាវនេះ»។ កន្លងមកធ្លាប់មានបេក្ខជនអនុប្រធានាធិបតី ២ នាក់មុនអ្នកស្រី Harris ដែលនោះគឺអ្នកស្រី Geraldine Ferraro ខាងគណបក្សប្រជាធិបតេយ្យកាលពីឆ្នាំ ១៩៨៤ និងអ្នកស្រី Sarah Palin ខាងគណបក្សសាធារណរដ្ឋកាលពីឆ្នាំ ២០០៨។ អ្នកស្រី Ferraro និងអ្នកស្រី Palin ត្រូវបានជ្រើសតាំងដើម្បីផ្តល់កម្លាំងដល់ការឃោសនាបោះឆ្នោតសម្រាប់គណបក្សដែលមានអត្រាគាំទ្រតិចជាងគូប្រជែងនៅក្នុងការស្ទង់មតិ។ ក៏ប៉ុន្តែ សម្រាប់អ្នកស្រី Harris វិញ អ្នកស្រីចូលរួមជាមួយលោក Biden នៅពេលដែលការស្ទង់មតិបង្ហាញថា លោក Biden ជាអ្នកនាំមុខគូប្រជែង។ លោក William Howell នៃសាកលវិទ្យាល័យ Chicago និយាយថា៖ «លោក Biden ពឹងពាក់លើកម្លាំងពិតប្រាកដរបស់គណបក្ស ហើយលោកយល់ថាអ្នកស្រី Harris ដែលជាស្ត្រីមិនមែនស្បែកសស័ក្តិសមជាដៃគូឈរឈ្មោះរបស់លោកសម្រាប់ការបោះឆ្នោតនេះ។ ករណីនេះបង្ហាញឲ្យឃើញពីទិសដៅនៃគណបក្សប្រជាធិបតេយ្យ និងទិសដៅសម្រាប់សហរដ្ឋអាមេរិក»។ អ្នកនយោបាយជាស្ត្រីនៅក្នុងសហរដ្ឋអាមេរិកបានជួបប្រទះជាយូរមកហើយនូវឧបសគ្គបន្ថែម បើប្រៀបធៀបជាមួយអ្នកនយោបាយជាបុរស។ ឧបសគ្គបន្ថែមទាំងនោះមានដូចជាការណ៍ដែលត្រូវគេវាយតម្លៃលើរូបរាង ឬក៏សំឡេងរបស់ពួកគេជាដើម។ បន្ថែមពីលើនេះទៀត ក្នុងនាមជាបេក្ខជនជាស្ត្រីមិនមែនស្បែកស អ្នកស្រី Harris ប្រឈមនឹងការវាយតម្លៃបន្ថែមទាក់ទិននឹងប្រវត្តិគ្រួសាររបស់អ្នកស្រី។ ទោះបីជាអ្នកស្រីជាពលរដ្ឋអាមេរិកាំងកើតក្នុងរដ្ឋCalifornia ក៏ដោយ ក៏លោកប្រធានាធិបតី Donald Trump មិនបានច្រានចោលនូវការអះអាងគ្មានមូលដ្ឋានដែលថា អ្នកស្រី Harris គ្មានសិទ្ធិឈរឈ្មោះជាបេក្ខជនអនុប្រធានាធិបតីនោះទេ ដោយសារតែមានឪពុកម្ដាយជាជនអន្តោប្រវេសន៍។ ទោះបីជាយ៉ាងណាក៏ដោយ នៅទីបំផុតវាអាស្រ័យលើអ្នកបោះឆ្នោត ដែលជាអ្នកសម្រេចលើរឿងដែលត្រូវជឿ។ លោក Abullah Haydar ដែលជាអ្នកបោះឆ្នោតឯករាជ្យ និយាយថា៖ «ក្នុងនាមជាមនុស្សម្នាក់ដែលមានឪពុកម្តាយជាជនអន្តោប្រវេសន៍ អ្នកមិនចាំបាច់ត្រូវព្យាយាមបង្ហាញឲ្យគេឃើញថាអ្នកជាពលរដ្ឋអាមេរិកាំងម្ដងហើយម្ដងទៀតនោះទេ ដោយសារពួកអ្នករើសអើងជាតិសាសន៍នឹងមិនងាយជឿអ្នកឡើយ [ដោយសារគំនិតរើសអើងនេះនៅដក់ជាប់នឹងគំនិតរបស់ពួកគេរួចស្រេចទៅហើយ]»។ អ្នកស្រី Harris ដែលជាអតីតរដ្ឋអាជ្ញា នឹងបំពេញមុខនាទីសំខាន់មួយនៅក្នុងការបង្ហាញឲ្យឃើញអំពីការវាយប្រហារដោយពាក្យសម្តីរបស់គណបក្សប្រជាធិបតេយ្យលើរដ្ឋបាលរបស់លោកប្រធានាធិបតី Trump។ លោកប្រធានាធិបតី Trump កន្លងមក ធ្លាប់បានហៅអ្នកស្រី Harrisថាជាមនុស្ស «អាក្រក់» និង «កំណាច» ដែលអ្នកខ្លះចាត់ទុកពាក្យទាំងនេះថាមានលក្ខណៈប្រកាន់ភេទ។ ទោះបីជាយ៉ាងណាក៏ដោយ អ្នកស្រី Harris មានឱកាសច្រើនធ្វើជាអនាគតនៃគណបក្សរបស់អ្នកស្រី។ សម្រាប់លោក Biden ប្រសិនបើជាប់ឆ្នោត លោកនឹងមានអាយុ ៧៨ ឆ្នាំនៅពេលស្បថចូលកាន់តំណែងនៅខែមករា ដោយធ្វើឲ្យលោកក្លាយជាបុរសដែលមានវ័យចំណាស់ជាងគេបំផុតដែលកាន់តំណែងជាប្រធានាធិបតីសហរដ្ឋអាមេរិក។ សន្និបាតជាតិគណបក្សប្រជាធិបតេយ្យកាលពីពេលថ្មីៗនេះបានបង្ហាញឲ្យឃើញអំពីភាពចម្រុះជាតិសាសន៍និងវប្បធ៌មរបស់គណបក្សប្រជាធិបតេយ្យ និងគម្លាតជំនាន់នៅក្នុងគណបក្ស។ លោក William Howell នៃសាកលវិទ្យាល័យ Chicago ថ្លែងថា៖ «លោក Biden បង្ហាញសញ្ញាថាលោកមានចំណាប់អារម្មណ៍នៅក្នុងការផ្ទេរកិច្ចការឱ្យអ្នកស្រី Harris និងអ្នកដែលមានលក្ខណៈសម្បត្តិ ទស្សនៈវិស័យ និងបទពិសោធន៍ជីវិតដូចអ្នកស្រី Harris»។ ករណីនេះមានន័យថា មិនថាលោក Joe Biden ឈ្នះ ឬក៏ចាញ់នៅក្នុងការបោះឆ្នោតឆ្នាំ ២០២០ នេះនោះទេ អ្នកស្រី Kamala Harris ទំនងជានឹងសម្លឹងឆ្ពោះទៅមុខសម្រាប់ការបោះឆ្នោតប្រធានាធិបតីនៅឆ្នាំ ២០២៤៕ ប្រែសម្រួលដោយលោក ឈឹម សុមេធ https://khmer.voanews.com/a/vp-nominee-kamala-harris-faces-unique-challenges-and-opportunities/5555759.html https://khmer.voanews.com/a/vp-nominee-kamala-harris-faces-unique-challenges-and-opportunities/5555759.html Mon, 24 Aug 2020 22:38:54 +0700 ការបោះឆ្នោតនៅអាមេរិកអាមេរិកអន្តរជាតិkhmerservicevoa@gmail.com (Patsy Widakuswara) លោក Bolton ថា លោក Trump ប្រឡូកជាមួយមេដឹកនាំនានាលើពិភពលោកដើម្បីផលចំណេញផ្ទាល់ខ្លួន ប្រធានាធិបតីសហរដ្ឋអាមេរិកលោក Donald Trump បានប្រឡូកនៅក្នុងទំនាក់ទំនងជាមួយនឹងមេដឹកនាំផ្សេងៗនៅលើពិភពលោក ដែលរួមមានទាំងប្រធានាធិបតីចិនលោក Xi Jinping ផងនោះ គឺក្នុងគោលបំណងធ្វើឲ្យអន្តរាយដល់ប្រយោជន៍ជាតិដើម្បីផលចំណេញនយោបាយផ្ទាល់ខ្លួនរបស់លោក។ នេះបើយោងតាមការបញ្ជាក់របស់លោក John Bolton ដែលជាអតីតទីប្រឹក្សាសន្តិសុខជាតិរបស់លោក។ នៅក្នុងអត្ថបទបញ្ចេញមតិមួយចុះផ្សាយក្នុងកាសែត Wall Street Journal កាលពីថ្ងៃពុធ លោក Bolton បានសរសេរថា នៅក្នុងអំឡុងពេលកិច្ចប្រជុំ G-20 ក្នុងទីក្រុង Buenos Aires ប្រទេសអាហ្សង់ទីន កាលពីឆ្នាំ ២០១៨ លោក Trump បានស្នើលោក Xi Jinping ឲ្យបង្កើនការទិញរបស់ប្រទេសចិននូវផលិតផលកសិកម្មរបស់សហរដ្ឋអាមេរិក ដើម្បីជួយខ្លួនលោកឲ្យទទួលបានសន្លឹកឆ្នោតគាំទ្រពីបណ្ដារដ្ឋកសិកម្មនានានៅក្នុងការបោះឆ្នោតប្រធានាធិបតីខែវិច្ឆិកា ឆ្នាំ ២០២០ ខាងមុខ ជាថ្នូរនឹងការយកពន្ធគយលើទំនិញចិនក្នុងអត្រាមួយដែលចិនពេញចិត្ត។ លោក Bolton បានសរសេរថា នៅក្នុងការប្រជុំរបស់លោកទាំងពីរកាលពីថ្ងៃទី ២៩ ខែមិថុនា ឆ្នាំ ២០១៩ ក្នុងអំឡុងពេលកិច្ចប្រជុំ G-20 នៅក្នុងទីក្រុង Osaka ប្រទេសជប៉ុន លោក Xi Jinping បានប្រាប់លោក Trump ថា ទំនាក់ទំនងរវាងសហរដ្ឋអាមេរិក និងចិនគឺជាទំនាក់ទំនងដ៏សំខាន់ជាងគេបំផុតនៅលើពិភពលោក។ រឿងរ៉ាវដូចគ្នានៃទំនាក់ទំនងរវាងលោក Trump និងលោក Xi Jingping ក៏មានបង្ហាញផងដែរនៅក្នុងសៀវភៅកម្រាស់ ៥៩២ ទំព័រ របស់លោក Bolton ដែលនឹងជិតចេញផ្សាយក្នុងពេលឆាប់ៗនេះ។ សៀវភៅនេះមានចំណងជើងថា៖ «បន្ទប់ដែលរឿងរ៉ាវបានកើតឡើង៖ កំណត់ប្រវត្តិសេតវិមាន (The Room Where It Happened: A White House Memoir)។ សៀវភៅនេះគ្រោងនឹងចេញផ្សាយនៅសប្ដាហ៍ក្រោយ ប៉ុន្តែវាបានជាប់ពាក់ព័ន្ធនឹងជម្លោះផ្លូវច្បាប់ដែលកើនឡើងខ្លាំងមួយ។ ក្រសួងយុត្តិធម៌បានដាក់បទបញ្ជាបន្ទាន់មួយកាលពីយប់ថ្ងៃពុធ ដើម្បីបញ្ឈប់ការចេញផ្សាយសៀវភៅរបស់លោក Bolton នេះ គឺក្នុងពេលមួយថ្ងៃក្រោយមក បន្ទាប់ពីបានដាក់ពាក្យបណ្ដឹងក្នុងគោលបំណងបញ្ឈប់ការបោះពុម្ពផ្សាយសៀវភៅនេះ។ រដ្ឋបាលលោក Trump អះអាងថា លោក Bolton កំពុងធ្វើឲ្យមានគ្រោះថ្នាក់ដល់រឿងសន្តិសុខជាតិ៕ https://khmer.voanews.com/a/trump-engaged-world-leaders-for-his-own-gains-bolton-says/5467642.html https://khmer.voanews.com/a/trump-engaged-world-leaders-for-his-own-gains-bolton-says/5467642.html Thu, 18 Jun 2020 18:38:13 +0700 អាមេរិកអន្តរជាតិkhmerservicevoa@gmail.com (Patsy Widakuswara) លោកត្រាំរិះគន់វីអូអេ បង្ហាញថា ទីភ្នាក់ងារសារព័ត៌មានដែលឧបត្ថម្ភថវិកាដោយសហរដ្ឋអាមេរិកមិនធ្វើការតាមរដ្ឋាភិបាលអាមេរិកចង់បានទេ សម្រាប់នាយកប្រតិបត្តិគ្រប់គ្រងការផ្សាយព័ត៌មានរបស់វីអូអេ ដែលបានសម្រេចចិត្តផ្សាយយ៉ាងមានគ្រោះថ្នាក់នៅពេលនោះ រឿងផ្តាច់មុខមុនគេបង្អស់មួយ ដែលមានសារៈសំខាន់និងមានលក្ខណៈពិសេសបំផុតមិនអាចរំលងបានទេ។ តែ១០ថ្ងៃប៉ុណ្ណោះ បន្ទាប់ពីការវាយប្រហារថ្ងៃទី១១ ខែកញ្ញា ឆ្នាំ២០០១ មកលើសហរដ្ឋអាមេរិក ដែលបានសម្លាប់ពលរដ្ឋអាមេរិកាំងអស់ ២៩៧៧ នាក់ និងធ្វើឲ្យរបួសមនុស្សម្នាដទៃទៀតរាប់មិនអស់នោះសម្ព័ន្ធមិត្តដ៏ជិតស្និទ្ធបំផុតនិងជាអ្នកការពារ Osama bin Laden ក្នុងប្រទេសអាហ្វ្រហ្គានីស្ថាន គឺ Mullah Omar ដែលរស់នៅផ្តាច់ខ្លួនពីគេឯង បានផ្តល់បទសម្ភាសន៍ផ្តាច់មុខមួយដល់វីអូអេផ្នែកផ្សាយជាភាសា Pashto។ អ្នកស្រី Myrna Whitworth ដែលគ្រានោះគឺជានាយកស្តីទីរបស់វីអូអេ បានប្រគល់ការងារឲ្យអ្នកកាសែតពីរនាក់ធ្វើបទសម្ភាសន៍តាមទូរស័ព្ទជាមួយមេដឹកនាំតាលីបង់ដ៏អាថ៌កំបាំងរូបនេះ ដែលបានអនុញ្ញាតឲ្យ Osama bin Laden ដែលជាមេខ្លោងនៃការវាយប្រហារលើសហរដ្ឋអាមេរិក កាលពីថ្ងៃទី១១ ខែកញ្ញានោះ រស់នៅលើទឹកដីអាហ្វ្រហ្គានីស្ថាន។ ប៉ុន្តែ ក្រោយមក មន្ត្រីរដ្ឋាភិបាលអាមេរិកក្នុងអាណត្តិលោកប្រធានាធិបតី Bush ក៏បានដឹងថាវីអូអេ ត្រៀមផ្សាយរឿងមួយ។ អ្នកស្រី Whitworth បានទទួលទូរស័ព្ទពីក្រសួងការបរទេសអាមេរិក និងត្រូវបានគេប្រាប់អ្នកស្រីថាបើអ្នកស្រីចាក់ផ្សាយបទសម្ភាសន៍របស់លោក Mullah Omar នោះ វាស្មើនឹងការធ្វើ«អត្តឃាតនយោបាយ»ដូច្នេះដែរ។ លោក Richard Boucher អ្នកនាំពាក្យក្រសួងការបរទេសអាមេរិក ក្នុងអាណត្តិលោកប្រធានាធិបតី George W. Bush បាននិយាយក្នុងបទសម្ភាសន៍ជាមួយវីអូអេក្នុងពេលថ្មីៗនេះថា ខណៈដែលរដ្ឋបាលលោក Bush «គោរពសិទ្ធិរបស់វីអូអេ ក្នុងការរាយការណ៍ព័ត៌មានដោយសត្យានុម័ត» មន្ត្រីនៅពេលនោះ មិនចង់ឲ្យវីអូអេ «ធ្វើអ្វីដែលយើងគិតថានឹងជួយពួកសត្រូវនោះទេ»។ វីអូអេ ដែលជាស្ថាប័នពហុប្រព័ន្ធផ្សព្វផ្សាយសកល ឧបត្ថម្ភថវិកាដោយរដ្ឋាភិបាល ផ្សាយព័ត៌មានជាង៤០ ភាសា ដល់ទស្សនិកជន អ្នកអាននិងអ្នកស្តាប់រហូតដល់ ២៨០ លាននាក់ក្នុងមួយសប្តាហ៍។ ស្ថាប័ននេះ មានប្រវត្តិយូរលង់មកហើយ ចាប់តាំងពីសម័យសង្គ្រាមលោកលើកទី២មកម្ល៉េះ ដោយទទួលតម្រូវពីសភា ក្នុងការធ្វើសេចក្តីរាយការណ៍ព័ត៌មានដោយឥតលម្អៀងនិងគ្រប់ជ្រុងជ្រោយ។ ប៉ុន្តែ ភាពតានតឹងរវាងសេតវិមាននិងវីអូអេ តែងតែកើតមានឡើងជាហូរហែរអស់រយៈពេលរាប់ទសវត្សរ៍មកហើយ ភាគច្រើនដោយសារតែលក្ខណៈដាច់ពីគេនៃស្ថាប័នសារព័ត៌មានឯករាជ្យពាក់កណ្តាលស្វយ័ត ដែលមានលក្ខណៈមុះមុតដាច់ខាតម្តងម្កាល ប៉ុន្តែដំណើរការក្រោមក្របខណ្ឌការិយាធិបតេយ្យដ៏មហិមារបស់រដ្ឋាភិបាលថ្នាក់ជាតិ។ កាលពីខែមេសា លោកប្រធានាធិបតី ដូណាល់ ត្រាំ បានចូលរួមជាមួយប្រធានាធិបតីមុនៗមួយចំនួន ដែលបានរករឿងចំពោះសេចក្តីរាយការណ៍ព័ត៌មានរបស់វីអូអេដែរ តែក្នុងកម្រិតនិងភាពស្រួចស្រាវដែលមិនធ្លាប់មានពីមុនមក។ លោក ត្រាំ បាននិយាយក្នុងសន្និសីទសារព័ត៌មានមួយស្តីពីជំងឺកូវីដ១៩ ដែលធ្វើឡើងនៅឯទីធ្លា Rose Garden ក្នុងសេតវិមានកាលពីថ្ងៃទី១៥ ខែមេសា ឆ្នាំ២០២០ ថា៖ «បើលោកអ្នកបានឮអ្វីដែលចេញពីវីអូអេ នោះវាជារឿងគួរឲ្យខ្ពើមរអើម។ អ្វីដែលស្ថាប័ននេះនិយាយ គឺគួរឲ្យជិនឆ្អន់ចំពោះប្រទេសរបស់យើង»។ ការរអ៊ូរទាំរបស់លោក ត្រាំ មានមុខពីរ។ ទី១ គឺការចោទថាវីអូអេ បានប្រើទិន្នន័យដែលគួរឲ្យសង្ស័យរបស់រដ្ឋាភិបាលចិន ស្តីពីករណីឆ្លងនិងស្លាប់ ដោយសារវីរុសកូរ៉ូណានៅក្នុងប្រទេសចិន នៅក្នុងសេចក្តីរាយការណ៍របស់វីអូអេ ប៉ុន្តែស្ថាប័នសារព័ត៌មាននេះ បានច្រានចោលការចោទប្រកាន់នេះយ៉ាងដាច់អហង្ការ។ ទី២ លោកប្រធានាធិបតី ក្រេវក្រោធ ដោយសារលោកមិនអាចលើកបន្តុបប្រធានថ្មីឲ្យគ្រប់គ្រងស្ថាប័នមេរបស់វីអូអេ គឺទីភ្នាក់ងារសហរដ្ឋអាមេរិកសម្រាប់ការផ្សាយព័ត៌មានសកល (U.S. Agency for Global Media) បានអស់រយៈពេលពីរឆ្នាំមកហើយ ពីព្រោះតែការរារាំងរបស់គណបក្សប្រជាធិបតេយ្យ មិនឲ្យមានការអនុម័តក្នុងព្រឹទ្ធសភាទៅលើបេក្ខជនដែលលោកបានតែងតាំង។ លោក ត្រាំ ធ្លាប់បានសម្តែងការសោកស្តាយដែលលោកខ្វះការគ្រប់គ្រងទៅលើប្រព័ន្ធផ្សព្វផ្សាយរបស់រដ្ឋ ដែលផ្សាយឆ្លុះបញ្ចាំងពីគុណតម្លៃរបស់លោកនិងអ្នកគាំទ្ររូបលោក។ កាលពីខែវិច្ឆិកា ឆ្នាំមុន លោក ត្រាំ បានផ្តល់យោបល់ថា សហរដ្ឋអាមេរិក គួរតែបង្កើតបណ្តាញផ្សាយព័ត៌មានសកលមួយដែលរដ្ឋគ្រប់គ្រង ដើម្បីតទល់នឹងអ្វីដែលលោកហៅថា ជាការធ្វើសេចក្តីរាយកាណ៍ព័ត៌មានដែល«មិនស្មើភាព»និង«ក្លែងក្លាយ» ដោយបណ្តាញផ្សាយព័ត៌មានតាមខ្សែកាប CNN និងដើម្បីបង្ហាញទៅកាន់ពិភពលោកថា តើសហរដ្ឋអាមេរិក«អស្ចារ្យ»ប៉ុណ្ណា។ ប៉ុន្តែ ដូចដែលបទសម្ភាសន៍ជាមួយ Mullah Omar និងឧទាហរណ៍ផ្សេងៗទៀត បានបង្ហាញស្រាប់លោក ត្រាំ មិនមែនជាប្រធានាធិបតីដំបូងទេ ដែលបានរិះគន់សេចក្តីរាយការណ៍ព័ត៌មានរបស់វីអូអេនោះ។ នេះគឺដោយសារការណ៍ពិតដែលថាទោះបីជាស្ថាប័នសារព័ត៌មាននេះ ជាទូទៅត្រូវមើលពីលើដោយឥស្សរជននយោបាយ ដែលទទួលបានការតែងតាំងពីសេតវិមានក៏ពិតមែន ក៏ខ្លឹមសារព័ត៌មានរបស់អ្នកកាសែតអាជីពនៃស្ថាប័ននេះ ត្រូវតែគ្មានភាពលម្អៀង ដូចដែលច្បាប់តម្រូវ។ ការវិវត្តផ្នែកសម្រេចអំពីការផ្សាយរបស់ស្ថាប័នផ្សព្វផ្សាយរដ្ឋាភិបាល សេតវិមាននិងក្រសួងការបរទេស បានបដិសេធសំណើរបស់វីអូអេ សុំការពន្យល់បន្ថែមអំពីការរិះគន់របស់លោកប្រធានាធិបតី ដែលត្រូវបានចាក់ផ្សាយតាមទូរទស្សន៍ ឬអំពីការចោទប្រកាន់ដោយឡែកផ្សេងទៀត ដូចដែលបានរៀបរាប់នៅក្នុងខិត្តបណ្ណព័ត៌មានរបស់សេតវិមាន កាលពីដើមខែឧសភានេះ ដែលបានចោទប្រកាន់វីអូអេ ថាបានបំពងសំឡេងដល់ការឃោសនារបស់ចិន ក្នុងការប្រើប្រាស់ទិន្នន័យប្រទេសចិនក្នុងអំឡុងពេលមានការរាតត្បាតជំងឺកូវីដ១៩។ នាយិកាវីអូអេ គឺអ្នកស្រី អាម៉ាន់ដា បេណិត (Amanda Bennett) បានច្រានចោលការចោទប្រកាន់នោះ ដោយនិយាយថាវីអូអេ «ប្រឹងប្រែងធ្វើសេចក្តីរាយការណ៍ព័ត៌មានប្រកបដោយភាពសត្យានុម័តផ្អែកលើការណ៍ពិត ដែលមិនបំពងសាររបស់នរណាម្នាក់ឡើយ»។ តាមពិត វីអូអេ បានបកអាក្រាតព័ត៌មានមិនពិតរបស់ចិនជិត ២០ ដង។ នេះបើយោងតាមអង្គការតស៊ូមតិខាងសេរីភាពសារព័ត៌មានមួយឈ្មោះថា The Reporters Committee [For Freedom of the Press] ដែលមានមូលដ្ឋានក្នុងរដ្ឋធានីវ៉ាស៊ីនតោន។ ការសម្រេចអំពីការផ្សាយដោយអព្យាក្រិតបែបនេះ មិនមែនជាគោលនយោបាយរបស់វីអូអេជានិច្ចនោះទេ។ ក្រោយពីស្ថាប័នសារព័ត៌មាននេះ ត្រូវបានបង្កើតឡើងនៅឆ្នាំ ១៩៤២ ដើម្បីតទល់នឹងយុទ្ធនាការឃោសនារបស់គណបក្ស Nazi អាល្លឺម៉ង់ ដោយប្រើសារព័ត៌មានដែលមានលក្ខណៈសត្យានុម័ត ការធ្វើសេចក្តីរាយការណ៍ព័ត៌មានរបស់វីអូអេក្នុងរយៈពេល ១ទសវត្សរ៍ដំបូង គឺអាស្រ័យលើការយល់ព្រមពីមន្ត្រីរដ្ឋាភិបាល។ នៅគ្រាដែលមានវិបត្តិមីស៊ីលគុយបា ឆ្នាំ ១៩៦២ ក្នុងអាណត្តិលោកប្រធានាធិបតី John F. Kennedy វីអូអេ មួយផ្នែកធំ «ដំណើរការក្រោមការដឹកនាំរបស់រដ្ឋាភិបាល»។ នេះបើផ្អែកតាមលោក Nicholas Cull សាស្ត្រចារ្យខាងការទូតសាធារណៈនៃមហាវិទ្យាល័យសារគមនាគមន៍ និងសារព័ត៌មាន (Annenberg School for Communication and Journalism) នៃសាកលវិទ្យាល័យ University of Southern California និងជាអ្នកនិពន្ធសៀវភៅដែលមានចំណងជើងថា «សង្គ្រាមត្រជាក់និងទីភ្នាក់ងារព័ត៌មានសហរដ្ឋអាមេរិក» ឬ (The Cold War and the United States Information Agency)។ លោក Cull និយាយថា៖ «មានមន្ត្រីរដ្ឋបាលម្នាក់ ត្រូវបានបញ្ជូនទៅវីអូអេ ពីទីភ្នាក់ងារព័ត៌មានសហរដ្ឋអាមេរិកដែលមើលការងារពីលើ។ មន្ត្រីនោះត្រូវអនុម័តគ្រប់អត្ថបទមុនផ្សាយ»។ វិធីសាស្ត្រនេះ រអាក់រអួល ក្នុងពេលមានរឿងអាស្រូវ Watergate ដែលបានឈានទៅដល់ការលាលែងពីតំណែងរបស់លោកប្រធានាធិបតី Richard Nixon នៅឆ្នាំ ១៩៧៤។ លោកសាស្ត្រាចារ្យ Cull និយាយថា អ្នកកាសែតវីអូអេ ដែលបានទទូចធ្វើសេចក្តីរាយការណ៍ពេញលេញអំពីការស៊ើបអង្កេតទៅលើការចោទប្រកាន់ពីការប្រព្រឹត្តខុសឆ្គងរបស់លោកប្រធានាធិបតី បានធ្វើឲ្យមានការជំទាស់ពីមន្ត្រីនៃទីភ្នាក់ងារព័ត៌មានសហរដ្ឋអាមេរិក ដែលចង់បានរឿងដែលមានលក្ខណៈវិជ្ជមានជាងនេះ។ លោក Cull និយាយថាអ្នកកាសែតវីអូអេ ចង់ប្រែក្លាយរឿងអាស្រូវ Watergate នោះ ទៅជា«មេរៀនពលរដ្ឋវិជ្ជាចាក់ផ្សាយតាមរលកធាតុអាកាស ដែលបង្ហាញថា កម្លាំងនៃសហរដ្ឋអាមេរិក មិនមែនស្ថិតនៅលើប្រធានាធិបតីដែលមិនចេះធ្វើខុសនោះទេ តែស្ថិតនៅលើសមត្ថភាពរបស់សភានៃប្រទេសនេះ ដើម្បីកែកំហុសនោះតាមនីតិវិធីច្បាប់»។ ទីបំផុត មានការសម្រុះសម្រួលគ្នាមួយថា ពេលណាដែលមានការផ្សាយរឿងអវិជ្ជមានអំពីប្រធានាធិបតី នោះត្រូវតែមានការផ្សាយរឿងវិជ្ជមានដែរ។ លោក Cull និយាយថា៖ «ការធ្វើបែបនេះ នាំឲ្យមានការផ្សាយព័ត៌មានយ៉ាងចម្លែកមួយ ។ គេផ្សាយថាថ្ងៃនេះលោកប្រធានាធិបតីត្រូវបានចាត់ទុកថា ជាសហអ្នកសមគំនិតម្នាក់ក្នុងរឿងអាស្រូវWatergate ដែលមិនត្រូវបានចោទប្រកាន់ជាផ្លូវការ។ល។ ហើយក្រោយមកព័ត៌មានផ្សាយថា ភរិយារបស់លោកប្រធានាធិបតី Nixon បានបើកសម្ភោធសាលារៀនថ្មីមួយសម្រាប់កុមារក្នុងរដ្ឋធានីវ៉ាស៊ីនតោន»។ ទីភ្នាក់ងារសារព័ត៌មានដែលត្រូវបានហាមប្រាម មិនឲ្យបង្ហាញភាពលម្អៀង ដល់ឆ្នាំ១៩៧៦ សភានិងថ្នាក់ដឹកនាំវីអូអេ បានកំណត់ថា ស្ថាប័នសារព័ត៌មាននេះ ចាំបាច់ត្រូវមានការសម្រេចចិត្តខាងការផ្សាយឲ្យបានច្បាស់លាស់ជាងមុន ដើម្បីធានាថាស្ថាប័ននេះ អាចរក្សាភាពគួរឲ្យជឿជាក់ចិត្តបាន សម្រាប់ទស្សនិកជន អ្នកអាននិងអ្នកស្តាប់របស់ខ្លួននៅក្រៅសហរដ្ឋអាមេរិក។ សភាក៏បានព្រាងធម្មនុញ្ញមួយដែលចែងថា វីអូអេត្រូវតែផ្សាយព័ត៌មានពិត ផលិតខ្លឹមសារដែលតំណាងឲ្យសង្គមអាមេរិកាំងទាំងមូល និងផ្តល់ការពន្យល់និងការពិភាក្សាយ៉ាងច្បាស់អំពីគោលនយោបាយរបស់សហរដ្ឋអាមេរិក។ ធម្មនុញ្ញ វីអូអេ ១. វីអូអេ នឹងជាប្រភពព័ត៌មានដែលទុកចិត្តបាន និងផ្លូវការជានិច្ចកាល។ ព័ត៌មាន វីអូអេ នឹងត្រឹមត្រូវ មិនលំអៀង និងគ្រប់ជ្រុងជ្រោយ។ ២. វីអូអេ នឹងតំណាងឲ្យសហរដ្ឋអាមេរិក មិនមែនតំណាងឲ្យតែផ្នែកណាមួយនៃសង្គមអាមេរិកាំងទេ។ ហេតុដូច្នេះ វីអូអេ នឹងឆ្លុះបញ្ចាំងផ្នត់គំនិត និងស្ថាប័នអាមេរិកាំងសំខាន់ៗ ដោយមានតុល្យភាព និងគ្រប់ជ្រុងជ្រោយ។ ៣. វីអូអេ នឹងបង្ហាញគោលនយោបាយសហរដ្ឋអាមេរិក យ៉ាងច្បាស់លាស់ ប្រកបដោយប្រសិទ្ធភាព ហើយថែមទាំងនឹងមានការពិភាក្សា និងការបញ្ចេញមតិដោយមានការទទួលខុសត្រូវ លើគោលនយោបាយទាំងនេះ។ ការអនុវត្តសេចក្តីសម្រេចក្នុងការផ្សាយរបស់ស្ថាប័នសារព័ត៌មាននេះ ត្រូវបានកំណត់បន្ថែមទៀតនៅក្នុងច្បាប់ឆ្នាំ ១៩៩៤ និងឆ្នាំ ២០១៦ ដែលបានចែងជាក់លាក់អំពីវិធានការការពារអ្នកកាសែត កុំឲ្យរងឥទ្ធិពលនយោបាយ និងឲ្យស្ថាប័ននេះ គោរព «បទដ្ឋានវិជ្ជាជីវៈខ្ពស់បំផុតនៃវិជ្ជាជីវៈសារព័ត៌មានផ្សព្វផ្សាយតាមរលកអាកាស» ខណៈដែលត្រូវរក្សាឲ្យខ្ជាប់ខ្ជួនស្របតាម «គោលបំណងនៃគោលនយោបាយការបរទេសទូលំទូលាយរបស់សហរដ្ឋអាមេរិក»។ លោក Richard Stengel អតីតនិពន្ធនាយកម្នាក់នៃទស្សនាវដ្តី Time និងជាអតីតរដ្ឋលេខាធិការម្នាក់ទទួលបន្ទុកកិច្ចការការទូតសាធារណៈក្នុងអាណត្តិលោកប្រធានាធិបតី បារ៉ាក់ អូបាម៉ា បាននិយាយថា អ្វីដែលធ្វើឲ្យវីអូអេខុសពីគូប្រជែងរបស់ខ្លួនខ្លះទៀតនោះ គឺឯករាជ្យភាពនេះឯង។ លោក Stengel និយាយថា៖ «វីអូអេ មិនមែនជាស្ថាប័នផ្សាយព័ត៌មានរដ្ឋរបស់សហរដ្ឋអាមេរិក ដូចស្ថាប័នទូរទស្សន៍រដ្ឋនៅក្នុងប្រទេសផ្តាច់ការនានាមាន ដើម្បីឆ្លុះបញ្ចាំងពីគោលបំណងនៃគោលនយោបាយការបរទេស ឬគោលការណ៍របស់ប្រទេសនោះទេ។ វីអូអេ មិនមែនដូចអ្វីដែលកូរ៉េខាងជើងមាន ឬចិនមាន ឬគុយបាមាន ឬប្រទេសផ្សេងៗទៀតបែបហ្នឹងមាននោះទេ។ វីអូអេ ជាស្ថាប័នផ្សាយព័ត៌មានឯករាជ្យ ហើយនេះគឺជាមូលហេតុមួយដែលវីអូអេ មានអ្នកគាំទ្រនិងស្ងើចសរសើររាប់លាននាក់នៅជុំវិញពិភពលោក»។ ស្ថាប័នផ្សាយព័ត៌មានសហរដ្ឋអាមេរិក និងថ្នាក់ដឹកនាំដែលមានការយល់ព្រមពីសេតវិមាន ទោះបីជាអ្នកកាសែតវីអូអេ ត្រូវផលិតព័ត៌មានប្រកបដោយសន្យានុម័តក៏ដោយ ក៏ស្ថាប័នសារព័ត៌មាននេះ ស្ថិតក្រោមការគ្រប់គ្រងរបស់នីតិប្រតិបត្តិ ដែលមានសិទ្ធិអំណាចតែងតាំងនាយកប្រតិបត្តិមួយរូបឲ្យដឹកនាំស្ថាប័នមេរបស់វីអូអេ គឺទីភ្នាក់ងារសហរដ្ឋអាមេរិកសម្រាប់ការផ្សាយព័ត៌មានសកល (the U.S. Agency for Global Media) ឬហៅកាត់ថា USAGM។ ទីភ្នាក់ងារ USAGM មើលពីលើបណ្តាញផ្សព្វផ្សាយសាធារណៈចំនួន ៥ ដែលឧបត្ថម្ភដោយថវិកាជាតិ។ បណ្តាញទាំងនេះ ផ្សាយព័ត៌មានទៅកាន់ប្រទេសនានាដែលមានការរឹតត្បិតសារព័ត៌មាន។ នាយកប្រតិបត្តិនៃទីភ្នាក់ងារ USAGM រួមជាមួយក្រុមប្រឹក្សាភិបាលនៃអ្នកដឹកនាំប្រព័ន្ធផ្សព្វផ្សាយ និងអ្នកជំនាញខាងកិច្ចការអន្តរជាតិ ដែលទទួលបានការគាំទ្រពីគណបក្សនយោបាយធំៗទាំងពីររបស់សហរដ្ឋអាមេរិក ជាអ្នកតែងតាំងនាយក ឬនាយិកានៃបណ្តាញទាំង ៥ របស់ USAGM រួមទាំងវីអូអេដែរ។ លោក ត្រាំ បានតែងតាំងលោក Michael Pack ដែលជាអ្នកដឹកនាំប្រព័ន្ធផ្សព្វផ្សាយនិងជាផលិតករភាពយន្តឯកសារ ដែលមាននិន្នាការនយោបាយអភិរក្សនិយម ឲ្យធ្វើជានាយកប្រតិបត្តិនៃទីភ្នាក់ងារ USAGM កាលពីខែមិថុនា ឆ្នាំ២០១៨។ សមាជិកព្រឹទ្ធសភាខាងគណបក្សប្រជាធិបតេយ្យ លោក Bob Menendez មកពីរដ្ឋ New Jersey ថ្មីៗនេះ បានសរសេរលិខិតទៅកាន់សេតវិមាន ដោយរៀបរាប់ថា លោក Pack មិនទាន់បានឆ្លើយសំណួររបស់គណៈកម្មាធិការព្រឹទ្ធសភា អំពីការចោទប្រកាន់ទាក់ទងនឹងការធ្វើជំនួញផ្ទាល់ខ្លួនរបស់លោក និងរបាយការណ៍បង់ពន្ធលើប្រាក់ចំណូលរបស់លោកក្នុងពេលកន្លងមក ព្រមទាំងការចោទប្រកាន់អំពី «កាលៈទេសៈអវិជ្ជមាន» ជុំវិញការចាកចេញពីការងារចាស់របស់លោក ពីការងារមុនមួយ។ ស្ត្រីអ្នកនាំពាក្យម្នាក់របស់លោក Pack បានប្រាប់វីអូអេថា លោក Pack បដិសេធ មិនធ្វើអត្ថាធិប្បាយចំពោះរឿងនេះទេ ដោយសាររូបលោក កំពុងស្ថិតក្នុងដំណាក់កាលសួរដេញដោលរបស់ព្រឹទ្ធសភាក្នុងដំណើរការតែងតាំងដែលនៅមានជាបន្តនៅឡើយ។ លោក Clifford May នាយកស្ថាប័នស្រាជ្រាវគោលនយោបាយអភិរក្សនិយមមួយឈ្មោះថា មូលនិធិការពារប្រជាធិបតេយ្យ (Foundation for Defense of Democracies) បាននិយាយថាការរិះគន់របស់លោក ត្រាំ ទៅលើវីអូអេ គឺសមហេតុផល ដោយសារតែការមិនសប្បាយចិត្តរបស់លោកប្រធានាធិបតីចំពោះការដែលលោកមិនអាចឲ្យព្រឹទ្ធសភាអនុម័តយល់ព្រមលើបេក្ខជនដែលលោកបានស្នើតែងតាំង។ លោក May បានចាត់ទុកនាយិកា VOA គឺអ្នកស្រី Bennett ថា ជាមន្ត្រីសល់ពីរដ្ឋបាលលោកប្រធានាធិបតី បារ៉ាក់ អូបាម៉ា ខាងគណបក្សប្រជាធិបតី ដែលបានបរាជ័យក្នុងការពន្យល់ឲ្យបានគ្រប់គ្រាន់នូវគោលនយោបាយរបស់រដ្ឋបាលលោកត្រាំ ទៅកាន់ពិភពលោក។ លោក May និយាយថា៖ «គោលនយោបាយនោះគួរតែត្រូវបានពន្យល់តាមវីអូអេ។ បើមិនតាមរយៈវីអូអេ ពន្យល់តាមណាទៀត? នេះមិនមែនមានន័យថា មិនអាចមានបទវិចារណកថា ឬការរិះគន់ទៅលើលោកប្រធានាធិបតីនោះទេ។ អ្វីៗទាំងអស់អាចឲ្យមាននៅជាមួយគ្នា ឲ្យមានតុល្យភាព។ ការធ្វើបែបនេះបាន ត្រូវការអ្នកកាសែតល្អ។ វាច្បាស់ណាស់ថារដ្ឋបាលបច្ចុប្បន្ន គិតថាអ្នកគ្រប់គ្រងស្ថាប័ននេះសព្វថ្ងៃ ធ្វើការមិនបានសមស្របទេ»។ អ្នកស្រី Bennett អតីតអ្នកដឹកនាំស្ថាប័នសារព័ត៌មាន Bloomberg News និងជានិពន្ធនាយក កាសែត Philadelphia Inquirer ត្រូវបានតែងតាំងជានាយិកាវីអូអេនៅខែមីនា ឆ្នាំ២០១៦ ហើយបានបន្តមើលការខុសត្រូវទីភ្នាក់ងារសារព័ត៌មាននេះ រហូតចូលដល់អាណត្តិលោក ត្រាំ។ ក្នុងពេលមានជម្លោះកាលពីឆ្នាំ ២០០១ ពាក់ព័ន្ធនឹងបទសម្ភាសន៍ជាមួយ Mullah Omar នោះ អ្នកកាសែតវីអូអេជាង ១០០ នាក់ បានតវ៉ា ដោយនាំគ្នាដាក់ញត្តិ ជំរុញឲ្យស្ថាប័នសារព័ត៌មាននេះ តតាំងនឹងសម្ពាធនយោបាយ។ ទីបំផុត វីអូអេ ក៏បានចាក់ផ្សាយផ្នែកខ្លះនៃបទសម្ភាសន៍នោះ ហើយបានចេញសេចក្តីថ្លែងការណ៍មួយ ទៅកាន់ក្រុមអ្នករិះគន់ ដើម្បីការពារសេចក្តីរាយការណ៍របស់ខ្លួន។ ផ្នែកមួយនៃសេចក្តីថ្លែងការណ៍នោះ សរសេរថា៖ «ពលរដ្ឋក្នុងប្រទេសអាហ្វ្រហ្គានីស្ថាន កំពុងចាំស្តាប់យើង ដោយសារពួកគេទុកចិត្តពួកយើង ហើយយើងប្រាប់រឿងទាំងមូល»។ លោក Boucher ដែលបច្ចុប្បន្ន គឺជាសាស្ត្រាចារ្យខាងគោលនយោបាយការបរទេសនៅសាកលវិទ្យាល័យ Brown University បាននិយាយថា ក្រោយមក ភាគីទាំងសងខាង «ក៏បានបំភ្លេច»រឿងទាស់គ្នានោះ។ ប៉ុន្តែ មិនដល់២សប្តាហ៍ផង ក្រោយពីការចាក់ផ្សាយបទសម្ភាសន៍នោះ អ្នកស្រី Whitworth ត្រូវបានដកចេញពីតំណែងជានាយិកាស្តីទី ហើយជំនួសមកវិញដោយលោក Robert R. Reilly ដែលសេតវិមានជាអ្នកតែងតាំង។ អ្នកស្រី Whitworth ដែលជាអ្នកកាសែតអាជីពនៅស្ថាប័នសារព័ត៌មាននេះ និងដែលមិនមែនជាបេក្ខនារីទទួលបានការតែងតាំងតាមបន្ទាត់នយោបាយនោះ បាននិយាយថា៖ «សម្ពាធនោះ មិនច្បាស់ក្រឡែតទេ ប៉ុន្តែពួកគេបានបង្ហាញច្បាស់លាស់ថា ខ្ញុំនឹងគ្មានតួនាទីអ្វីទៀតក្នុងការសម្រេចខាងការផ្សាយទៀតទេ»។ អ្នកស្រី ក៏បានសម្រេចចិត្តចូលនិវត្តន៍មុនកាលកំណត់។ ស្ថាប័នផ្សព្វផ្សាយរដ្ឋាភិបាលដែលបត់បែនតាមស្ថានភាពតានតឹងនយោបាយ អ្នកស្រី Lata Nott នៃវេទិកាសេរីភាព (Freedom Forum) បាននិយាយថា រយៈកាលដែលមានការចែងចែកខាងនយោបាយក្នុងសហរដ្ឋអាមេរិក ដូចជាពេលមានសង្គ្រាម ឬការចោទប្រកាន់ដកតំណែងប្រធានាធិបតីជាដើម អាចធ្វើឲ្យវីអូអេ ឈរនៅទីតាំងដ៏ពិបាកមួយ។ ប៉ុន្តែ អ្នកស្រី និយាយទៀតថា គ្រាទាំងនោះ ក៏ជាពេលដែលស្ថាប័នផ្សាយព័ត៌មាននេះ កសាងភាពគួរឲ្យជឿជាក់បាន ជាមួយទស្សនិកជន អ្នកអាននិងអ្នកស្តាប់របស់ខ្លួនបានដែរ។ អ្នកស្រី Nott និយាយថា៖ «ការណ៍ដែលស្ថាប័នប្រព័ន្ធផ្សព្វផ្សាយដែលឧបត្ថម្ភដោយថវិកាជាតិរបស់យើង មិនមែនជាប្រព័ន្ធផ្សព្វផ្សាយគ្រប់គ្រង់ដោយរដ្ឋ តែជាប្រព័ន្ធផ្សព្វផ្សាយឯករាជ្យ គឺពិតជាមានសារៈសំខាន់ក្រៃលែង»។ លោក Cull ដែលជាប្រវត្តិវិទូនៃសាកលវិទ្យាល័យ University of Southern California បាននិយាយថា៖ «វាជារឿងធម្មតាទេដែលរដ្ឋាភិបាលមួយអាចនិយាយថា យើងជាអ្នកចំណាយលុយទៅលើស្ថាប័ននេះ ដូច្នេះយើងចង់ឲ្យស្ថាប័ននេះផ្សាយរឿងល្អបំផុតរបស់យើង»។ លោក Cull បន្តទៀតថា៖ «ប៉ុន្តែវាក៏ជារឿងធម្មតាដែរសម្រាប់អ្នកកាសែតដែលត្រូវតបតវិញ ហើយនិយាយថាក្រមសីលធម៌វិជ្ជាជីវៈសារព័ត៌មានទាក់ទងនឹងការប្រាប់រឿងពីគ្រប់ភាគី ហើយដើម្បីឲ្យមានប្រសិទ្ធភាព យើងត្រូវតែធ្វើឲ្យគេជឿជាក់បាន»៕ ចាប់ពីកកើតឡើងតាំងពីឆ្នាំ ១៩៤១ មក ដើម្បីតទល់នឹងយុទ្ធនាការឃោសនារបស់គណបក្ស Nazi អាល្លឺម៉ង់ និងទោះបីជាមានច្បាប់ជាហូរហែដែលការពារឯករាជ្យភាពក្នុងការសម្រេចចិត្តផ្សាយរបស់វីអូអេក៏ដោយ ក៏ស្ថាប័នសារព័ត៌មាននេះ បានប្រឹងប្រែងប្រយុទ្ធ ដើម្បីរក្សាឯករាជ្យភាពរបស់ខ្លួនដែរ។ ខាងក្រោមនេះគឺជាឧទរហណ៍មួយចំនួន៖ នៅដើមទសវត្សរ៍៦០ វីអូអេ មិនអាចផ្សាយព័ត៌មានអំពីវិបត្តិមីស៊ីលគុយបា ដោយគ្មានការយល់ព្រមពីទីភ្នាក់ងារព័ត៌មានសហរដ្ឋអាមេរិក (USIA) ដែលជាស្ថាប័នមេមើលពីលើវីអូអេនៅគ្រានោះបានទេ។ ពេលធ្វើសេចក្តីរាយការណ៍ព័ត៌មានអំពីរឿងអាស្រូវ Watergate ដែលបាននាំឲ្យមានការលាលែងពីតំណែងរបស់លោកប្រធានាធិបតី Richard Nixon នៅឆ្នាំ ១៩៧៤ វីអូអេ បានប៉ះទង្គិចគ្នាជាមួយមន្ត្រី USIA ដែលចង់ឲ្យវីអូអេ ផ្សាយទិដ្ឋភាពវិជ្ជមានអំពីរឿងអាស្រូវនោះ។ មានការសម្រុះសម្រួលគ្នាមួយថាពេលណាដែលមានការផ្សាយរឿងអវិជ្ជមានអំពីលោក Nixon នោះត្រូវតែមានការផ្សាយរឿងវិជ្ជមានដែរ។ ក្នុងអាណត្តិប្រធានាធិបតី George H.W. Bush ទីភ្នាក់ងារ USIA បានព្យាយាមរារាំងមិនឲ្យវីអូអេចាក់ផ្សាយបទសម្ភាសន៍ជាមួយលោក Fang Lizhi បន្ទាប់ពីអ្នកប្រឆាំងចិនរូបនេះ បានមកដល់សហរដ្ឋអាមេរិកនៅឆ្នាំ ១៩៩០។ លោក Fang បានយកស្ថានទូតអាមេរិកប្រចាំទីក្រុងប៉េកាំងជាកន្លែងលាក់ខ្លួន ហើយផ្នែកមួយនៃកិច្ចព្រមព្រៀងគ្នាក្នុងការអនុញ្ញាតឲ្យលោកចាកចេញពីប្រទេសចិនបាន គឺថារដ្ឋាភិបាលក្រុងវ៉ាស៊ីនតោន នឹងមិន«ទាញប្រយោជន៍»ពីរឿងរបស់លោកទេ។ ហេតុការណ៍ស្រដៀងគ្នានេះ បានកើតឡើងនៅឆ្នាំ ១៩៩៧ ពេលដែលរដ្ឋបាលលោក ប៊ីល គ្លីនតុន បានជួយធានាឲ្យមានការដោះលែងលោក Wei Jingsheng ហើយបានព្យាយាមរារាំងវីអូអេ កុំឲ្យចាក់ផ្សាយបទសម្ភាសន៍ជាមួយលោក Wei ដោយបារម្ភថា ការផ្សាយនោះ អាចធ្វើឲ្យអន្តរាយដល់ការដោះលែងអ្នកប្រឆាំងក្រោយៗទៀតនៅពេលអនាគត។ ប៉ុន្មានសប្តាហ៍ក្រោយពីមានការវាយប្រហារថ្ងៃទី១១ ខែវិច្ឆិកា ក្រសួងការបរទេស ក្នុងអាណត្តិលោក George W. Bush បានព្យាយាមរារាំងវីអូអេ មិនឲ្យផ្សាយបទសម្ភាសន៍ផ្តាច់មុខមួយជាមួយមេដឹកនាំតាលីបង់ Mullah Omar ដែលបានអនុញ្ញាតឲ្យ Osama bin Laden រស់នៅក្នុងប្រទេសអាហ្វហ្គានីស្ថាន។ ការពិភាក្សាអំពី «តួនាទីរបស់វីអូអេ ក្រោយថ្ងៃ១១ ខែវិច្ឆិកា» បានបន្ត ក្រោយពីស្ថាប័នសារព័ត៌មាននេះ បានផ្សាយផ្នែកមួយនៃបទសម្ភាសន៍នោះ។ មន្ត្រីខ្លះក្នុងអាណត្តិលោកបារ៉ាក់ អូបាម៉ា បានសម្តែងការព្រួយបារម្ភថាសេចក្តីរាយការណ៍ព័ត៌មានរបស់វីអូអេ មិនបានឆ្លុះបញ្ចាំងពីអាទិភាពនៃគោលនយោបាយការបរទេសសហរដ្ឋអាមេរិក ប្រឆាំងនឹងអំពើហិង្សាជ្រុលនិយម។ ប្រែសម្រួលដោយ សាយ មុន្នី https://khmer.voanews.com/a/trump-voa-criticism-shows-us-funded-news-does-not-mean-us-approved/5420068.html https://khmer.voanews.com/a/trump-voa-criticism-shows-us-funded-news-does-not-mean-us-approved/5420068.html Fri, 15 May 2020 01:31:07 +0700 សេរីភាពសារព័ត៌មានអាមេរិកអន្តរជាតិkhmerservicevoa@gmail.com (Patsy Widakuswara) ចំណាត់ការរបស់លោក ដូណាល់ ត្រាំ អំពីវិបត្តិកូវីដ១៩អាចឱ្យលោកជាប់ឆ្នោតជាថ្មី នៅពេលដែលមេរោគវីរុសកូរ៉ូណារាតត្បាតស.រ.អា. លោកប្រធនាធិបតី ដូណាល់ ត្រាំ បានខិតខំព្យាយាមបង្ហាញថាលោកជាមេដឹកនាំម្នាក់អាចជឿទុកចិត្តបាន នៅពេលមានវិបត្តិ។ https://khmer.voanews.com/a/covid-trump-leadership/5359977.html https://khmer.voanews.com/a/covid-trump-leadership/5359977.html Sat, 04 Apr 2020 09:45:32 +0700 អន្តរជាតិអាមេរិកkhmerservicevoa@gmail.com (Patsy Widakuswara) លោក Trump មានសុទិដ្ឋិនិយមចំពោះការព្យាបាល និងការបង្ការជំងឺ COVID-19 គិតត្រឹមព្រឹកថ្ងៃអង្គារ យ៉ាងហោចណាស់មានមនុស្ស ៦ នាក់បានស្លាប់នៅក្នុងសហរដ្ឋអាមេរិកដោយសារមេរោគកូរ៉ូណាថ្មី ឬ COVID-19 និងជាង ១០០ នាក់ បានឆ្លងមេរោគនេះ។ កាលពីថ្ងៃច័ន្ទ ប្រធានាធិបតីសហរដ្ឋអាមេរិកលោក Donald Trump បានជួបជាមួយនឹងថ្នាក់ដឹកនាំក្រុមហ៊ុនឱសថសាស្ត្រនានា និងបានស្នើពួកគេឲ្យបង្កើនល្បឿនផលិតវ៉ាក់សាំង និងស្វែងរកវិធីព្យាបាលដើម្បីព្យាបាលអ្នកជំងឺ COVID-19។ លោក Trump ថ្លែងដូច្នេះថា៖ «វាអាចទៅរួចដែលថាវិធីព្យាបាលមេរោគនេះនឹងអាចរកឃើញមុនពេលផលិតវ៉ាក់សាំង ហើយយើងនឹងចែកចាយវិធីព្យាបាលដ៏មានប្រសិទ្ធភាពទាំងនោះទៅកាន់ទីផ្សារកាន់តែឆាប់តាមតែអាចធ្វើទៅបាន‍»។ ការពិសោធន៍ប្រើវិធីព្យាបាលលើអ្នកជំងឺអាចនឹងចាប់ផ្ដើមនៅដើមខែមេសាខាងមុខ ប៉ុន្តែវាអាចចំណាយពេលយ៉ាងតិចមួយឆ្នាំ និងថវិកាជាច្រើន ដើម្បីផលិតបាននូវវ៉ាក់សាំងដ៏មានសុវត្ថិភាព និងប្រសិទ្ធភាពបាន។ លោក William Schaffner សាស្ត្រាចារ្យផ្នែកវេជ្ជសាស្ត្របង្ការរោគ នៃសាកលវិទ្យាល័យ Vanderbilt នៅរដ្ឋ Tennessee និយាយថា៖ «មើលទៅរដ្ឋាភិបាលត្រូវតែតាំងចិត្តទិញវ៉ាក់សាំងនោះក្នុងកម្រិតមួយចំនួនជាមុន មុនពេលដែលវាចាប់ផ្ដើមមានតម្លៃសមរម្យសម្រាប់ក្រុមហ៊ុនបន្តទិញ និងបង្កើតនូវដំណើរការផលិត‍»។ លោក Trump បានសន្យាថានឹងកាត់បន្ថយនីតិវិធីស្មុគស្មាញបែបការិយាធិបតេ្យសម្រាប់ក្រុមហ៊ុននានាដែលប្រឹងប្រែងស្វែងរកវិធីព្យាបាលជំងឺ COVID-19 នេះ ប៉ុន្តែលោកមិនបានសន្យាថា រដ្ឋាភិបាលសហព័ន្ធនឹងជួយជាថវិកាណាមួយទេ។ លោក Trump បញ្ជាក់ដូច្នេះថា៖ «ខ្ញុំស្គាល់ក្រុមហ៊ុនទាំងនោះច្បាស់ណាស់។ ក្រុមហ៊ុនមួយចំនួនមានថវិកាច្រើនណាស់។ ខ្ញុំគិតថា ពួកគេអាចផ្ដល់កម្ចីដល់រដ្ឋាភិបាលសហព័ន្ធបាន‍»។ លោក Trump ក៏កំពុងពិចារណាផងដែរនូវការដាក់កំហិតការធ្វើដំណើរលើប្រទេសមួយចំនួនបន្ថែមទៀត ក៏ដូចជាបិទព្រំដែនរវាងសហរដ្ឋអាមេរិក និងប្រទេសម៉ិកស៊ិក។ ដោយសារតែការឆ្លងមេរោគនេះភាគច្រើននៅក្នុងសហរដ្ឋអាមេរិកមិនពាក់ព័ន្ធនឹងការធ្វើដំណើរ អ្នកជំនាញនានាហាក់មិនគាំទ្រវិធានការដែលលោក Trump កំពុងពិចារណាទាំងនេះ និងជំនួសមកវិញ គាំទ្រឲ្យមានការធ្វើតេស្តបន្ថែមទៀតដើម្បីរកអ្នកឆ្លងមេរោគនេះ។ អ្នកស្រីសាស្ត្រាចារ្យ Jennifer Nuzzo ដែលជាអ្នកជំនាញផ្នែករោគរាតត្បាតនៃមជ្ឈមណ្ឌលសុវត្ថិភាពផ្នែកសុខភាពនៃសាកលវិទ្យាល័យ Johns Hopkins បញ្ជាក់ដូច្នេះថា៖ «តាមពិត អ្នកខ្លះមិនមានរោគសញ្ញាអ្វីទេ ប៉ុន្តែធ្វើតេស្តទៅឃើញមានឆ្លងមេរោគនេះ។ គេនៅមិនទាន់ច្បាស់ទេថាតើអ្នកទាំងនោះនឹងចេញរោគសញ្ញានៅពេលបន្ទាប់ទៀត ឬក៏នឹងចម្លងមេរោគនេះដល់អ្នកដទៃនោះ‍»។ កន្លងមកមានការរិះគន់ថា រដ្ឋាភិបាលសហរដ្ឋអាមេរិកបានប្រើឧបករណ៍ធ្វើតេស្តរកមេរោគនេះមិនត្រឹមត្រូវ និងកាលពីដំបូងបានកម្រិតចំនួនអ្នកដែលត្រូវធ្វើតេស្ត។ មេរោគ COVID-19 នេះ បានឆ្លងដល់មនុស្សជាង ៩ ម៉ឺននាក់នៅទូទាំងពិភពលោក និងបានសម្លាប់មនុស្សជាង ៣ ពាន់នាក់៕ ប្រែសម្រួលដោយលោក ភី សុភាដា https://khmer.voanews.com/a/trump-is-optimistic-on-the-treatment-and-prevention-of-covid19/5312861.html https://khmer.voanews.com/a/trump-is-optimistic-on-the-treatment-and-prevention-of-covid19/5312861.html Tue, 03 Mar 2020 19:39:43 +0700 សុខភាពkhmerservicevoa@gmail.com (Patsy Widakuswara) លោក ត្រាំ បង្ហាញផែនការសម្រាប់តំបន់មជ្ឈិមបូព៌ា ប្រធានាធិបតីសហរដ្ឋអាមេរិកលោក ដូណាល់ ត្រាំ កាលពីថ្ងៃអង្គារទី ២៨ ខែមករា កន្លងទៅបានបង្ហាញផែនការសន្តិភាពសម្រាប់តំបន់មជ្ឈិមបូព៌ា នៅឯសេតវិមាន ដោយមានវត្តមានប្រធានាធិបតីអ៊ីស្រាអ៊ែលលោក Benjamin Netanyahu នៅជាមួយនឹងលោក។ ផែនការនេះ រួមបញ្ចូលទាំងការគូសផែនទីតំបន់ West Bank ឡើងវិញ ដើម្បីធ្វើឲ្យអ៊ីស្រាអែលពេញចិត្ត ហើយក៏បើកផ្លូវឲ្យប្រជាពលរដ្ឋប៉ាឡេស្ទីនបង្កើតជារដ្ឋ។ ប្រជាពលរដ្ឋប៉ាឡេស្ទីនបានច្រានចោលផែនការនេះ ហើយបានអំពាវនាវឲ្យប្រទេសអារ៉ាប់ដែលនៅជិតខាងធ្វើពហិកា។ ប្រជាពលរដ្ឋប៉ាឡេស្ទីន នៅតំបន់ Gaza បានដុតរូបលោក ដូណាល់ ត្រាំ និងលោក Benjamin Netanyahu គ្រាដែលមេដឹកនាំទាំងពីររូបបានជួបគ្នានៅសេតវិមាន ទីដែលលោក ត្រាំ បានប្រកាសអំពីទស្សនៈវិស័យរបស់លោកក្នុងការដោះស្រាយជម្លោះរវាងអ៊ីស្រាអ៊ែល និងប៉ាឡេស្ទីន។ ផែនការរបស់លោកត្រាំ គឺទទួលស្គាល់អធិបតេយ្យភាពរបស់អ៊ីស្រាអែលលើក្រុងយេរូសាឡិម និងគូសព្រំដែនតំបន់ West Bank ឡើងវិញ។ លោកប្រធានាធិបតី ត្រាំ ថ្លែងថា៖ «យើងនឹងបង្កើតគណៈកម្មការចម្រុះមួយជាមួយអ៊ីស្រាអ៊ែល ដើម្បីបំលែងផែនទីដែលនៅត្រឹមជាការព្រាងនៅឡើយ ឲ្យទៅជាផែនការលំអិតនិងក្រិតតាមខ្នាតដើម្បីមានការទទួលស្គាល់ភ្លាមៗ»។ ផែនការនោះមិនបានបោះបង់ចោលដំណោះស្រាយឲ្យមានរដ្ឋពីរនោះទេ ដោយអំពាវនាវឲ្យមានរដ្ឋប៉ាឡេស្ទីនមួយក្នុងពេលអនាគត ដែលមានរដ្ឋធានីនៅទីក្រុងយេរូសាឡិមខាងកើត។ លោក ត្រាំ បានថ្លែងថា ផែនការនោះនឹងធ្វើឲ្យដែនដីប៉ាឡេស្ទីនមានទំហំទ្វេដង ជាថ្នូរនឹងអធិបតេយ្យភាពរបស់អ៊ីស្រាអ៊ែលលើប្លុកតាំងទីលំនៅក្នុងតំបន់ West Bank ហើយនឹងផ្អាករយៈពេល៤ឆ្នាំទៅលើការសាងសង់នៃការតាំងទីលំនៅរបស់អ៊ីស្រាអ៊ែល។ លោក Thomas Schwartz បង្រៀនអំពីទំនាក់ទំនងការបរទេសរបស់សហរដ្ឋអាមេរិកនៅសាកលវិទ្យាល័យ Vanderbilt។ លោកថ្លែងថា៖ «បើប៉ាឡេស្ទីនមិនទទួលយកផែនការនេះមានន័យថា ប៉ាឡេស្ទីននឹងបន្តបាត់បង់ដែនដីដោយសារការតាំងទីលំនៅរបស់អ៊ីស្រាអែល។ ក្នុងពេលនេះមើលទៅ ពលរដ្ឋប៉ាឡេស្ទីនហាក់មិនមានច្រកចេញដែលប្រសើរជាងនេះទេ។ ពួកគេ លែងមានការគាំទ្រផ្នែកហិរញ្ញវត្ថុពីប្រទេសអារ៉ាប់ដែលមានអំណាចជាច្រើន។ ដូច្នេះ និយាយទៅ វាហាក់ដូចជាថា ពួកគេមានជម្រើសតែពីរ គឺយក ឬ មិនយក ក៏ប៉ុន្តែផែនការនេះ គឺជាដំណោះស្រាយល្អបំផុតសម្រាប់ពួកគេ»។ មុនពេលបង្ហាញផែនការនេះលោក ត្រាំ បានទទួលស្គាល់បញ្ចូលតំបន់ជម្លោះ Golan Heights ក្នុងអធិបតេយ្យភាពរបស់អ៊ីស្រាអែល ហើយបានប្តូរទីតាំងស្ថានទូតសហរដ្ឋអាមេរិកពីទីក្រុង Tel Aviv ទៅទីក្រុងយេរូសាឡិមវិញ។ ភាគីប៉ាឡេស្ទីនមិនបានចូលពាក់ព័ន្ធនៅក្នុងផែនការនេះទេ ហើយបានច្រានចោលផែនការនោះយ៉ាងឆាប់រហ័ស។ ។ អ្នកនាង Halah Ahmad មកពីបណ្តាញគោលនយោបាយប៉ាឡេស្ទីន Al Shabaka។ អ្នកនាងថ្លែងថា៖ «ផែនការនោះ ធ្វើឱ្យប្រជាពលរដ្ឋប៉ាឡេស្ទីនមិនធ្វើការសម្រេចចិត្តដោយខ្លួនឯងទេ ហើយផែនការនោះបោះបង់ចោលទាំងស្រុងនូវច្បាប់អន្តរជាតិ និងសិទ្ធិមនុស្ស។ ផែនការនោះបង្ហាញការទទួលស្គាល់ការតាំងទីលំនៅហើយបង្ហាញការទទួលស្គាល់លើស្ថានការមួយ ដែលត្រូវបានថ្កោលទោសដោយគ្រប់ស្ថាប័នសិទ្ធិមនុស្សធំ ៗ ហើយវាមិនមែនជាបរិបទសម្រាប់សន្តិភាពទេ»។ ផែនការនេះ អាចនាំទៅឲ្យមានការដាក់បញ្ចូលជ្រលងភ្នំហ្ស៊កដានីមួយផ្នែកទៅក្នុងទឹកដីអ៊ីស្រាអែល ដែលនោះជាការសន្យាក្នុងពេលយុទ្ធនាការរកសំឡេងឆ្នោតរបស់លោក Benjamin Netanyahu។ លោកប្រធានាធិបតី Benjamin Netanyahu បាននិយាយថា៖ «ផែនការជាច្រើនណាស់បានព្យាយាមដាក់សំពាធឲ្យអ៊ីស្រាអ៊ែលដកខ្លួនចេញពីដែនដីដ៏សំខាន់ដូចជាជ្រលងភ្នំហ្ស៊កដានី។ ក៏ប៉ុន្តែលោកប្រធានាធិបតី លោកទទួលស្គាល់ថាអ៊ីស្រាអ៊ែលត្រូវតែមានអធិបតេយ្យភាពលើដែនដីជ្រលងភ្នំហ្ស៊កដានីនេះ និងតំបន់យុទ្ធសាស្រ្តដទៃទៀតនៅតំបន់ Judea និងSamaria»។ ទាំងលោកត្រាំនិងលោក Netanyahu នឹងឈរឈ្មោះបោះឆ្នោតនាពេលខាងមុខនេះ។ ក្រុមអ្នករិះគន់សង្ស័យអំពីពេលវេលានៃការបង្ហាញផែនការនេះ។ អ្នកនាងHalah Ahmad មកពីបណ្តាញគោលនយោបាយប៉ាឡេស្ទីន Al Shabaka ថ្លែងបន្តថា៖ «វាជាឧបាយកលដើម្បីអំពាវនាវដល់ចលនាអ្នកតាំងទីលំនៅអ៊ីស្រាអែលដែលអភិរក្សនិយម និងអ្នកផ្សព្វផ្សាយសាសនានៅសហរដ្ឋអាមេរិក ហើយពិតណាស់ថា ផែនការនោះមិនមានលក្ខណៈជាផែនការសន្តិភាពទេ»។ លោក Netanyahu កំពុងប្រឈមនឹងការចោទប្រកាន់ពីបទប្រព្រឹត្តអំពើពុករលួយ រីឯព្រឹទ្ធសភាសហរដ្ឋអាមេរិកកំពុងជំនុំជម្រះដើម្បីសម្រេចថា តើត្រូវដកប្រធានាធិបតីលោក Donald ត្រាំ ចេញពីតំណែង ឬ យ៉ាងណា។ លោក Thomas Schwartz នៃសាកលវិទ្យាល័យ Vanderbilt ថ្លែងបន្តទៀតថា៖ «លោកត្រាំកំពុងព្យាយាមបង្ហាញថា រដ្ឋបាលរបស់លោកមាននយោបាយការបរទេសមានឥទ្ធិពលដោយព្យាយាមនិងជំរុញឲ្យមានដំណោះស្រាយសម្រាប់តំបន់មជ្ឈឹមបូព៌ា។ ហើយនយោបាយនេះមានប្រសិទ្ធភាពក្នុងការជជែកមិនឲ្យមានការកាត់ទោសលោក និងមិនឲ្យដកលោកចេញពីតំណែងប្រធានាធិបតីពេលឥឡូវនេះ ព្រោះលោកកំពុងអនុវត្តនយោបាយការបរទេសរបស់ស.រ.អា.»។ តាំងពីមានកិច្ចព្រមព្រៀងសន្តិភាពទីក្រុង Oslo ឆ្នាំ១៩៩៣មក ប្រធានាធិបតីអាមេរិកជាច្រើនបានព្យាយាមសម្របសម្រួលកិច្ចព្រមព្រៀងសន្តិភាពនៅមជ្ឈឹមបូព៌ាតែមិនមានលទ្ធផល។ កាលពីខែមិថុនាឆ្នាំមុន លោកត្រាំបានបញ្ចេញផែនការសេដ្ឋកិច្ចមួយផ្នែកដែលប៉ាឡេស្ទីនក៏បានបដិសេធផងដែរ៕ ប្រែសម្រួលដោយអ្នកស្រី លី ម៉ូរីវ៉ាន់ https://khmer.voanews.com/a/trump-unveils-middle-east-plan/5269440.html https://khmer.voanews.com/a/trump-unveils-middle-east-plan/5269440.html Sat, 01 Feb 2020 09:09:41 +0700 អន្តរជាតិអាមេរិកkhmerservicevoa@gmail.com (Patsy Widakuswara) សហរដ្ឋអាមេរិកនិងចិនបន្ធូរបន្ថយភាពតានតឹងដោយមានកិច្ចព្រមព្រៀងពាណិជ្ជកម្ម ក៏ប៉ុន្តែ ជម្លោះនៅតែមាន សហរដ្ឋអាមេរិកនិងចិន បានចុះហត្ថលេខាដំណាក់កាលទី១នៃកិច្ចព្រមព្រៀងពាណិជ្ជកម្មដែលអាចជួយបន្ធូរបន្ថយភាពតានតឹងរវាងប្រទេសដែលមានសេដ្ឋកិច្ចធំបង្អស់ទាំង២របស់ពិភពលោក។ https://khmer.voanews.com/a/us-china-lower-tension-with-trade-deal-but-disputes-remain/5249565.html https://khmer.voanews.com/a/us-china-lower-tension-with-trade-deal-but-disputes-remain/5249565.html Fri, 17 Jan 2020 20:44:35 +0700 អន្តរជាតិសេដ្ឋកិច្ចអាមេរិកអាស៊ីkhmerservicevoa@gmail.com (Patsy Widakuswara) តុលាការកំពូលអាមេរិកគ្រោងបើកសវនាការមួយចំនួនទាក់ទិននឹងឯកសារហិរញ្ញវត្ថុរបស់លោក Trump ឆ្នាំ ២០១៩ គឺជាឆ្នាំដែលមានសំណុំរឿងមួយចំនួនដែលចង់ឲ្យមានការបង្ហាញឯកសារហិរញ្ញវត្ថុរបស់លោកប្រធានាធិបតី Donald Trump តាមរយៈការចេញដីកាពីសភា និងរដ្ឋអាជ្ញាក្រុង New York។ https://khmer.voanews.com/a/us-supreme-court-trial-trump-finance/5249407.html https://khmer.voanews.com/a/us-supreme-court-trial-trump-finance/5249407.html Fri, 17 Jan 2020 14:39:25 +0700 អន្តរជាតិនយោបាយអាមេរិកkhmerservicevoa@gmail.com (Patsy Widakuswara)