Voice of America

Voice of America https://khmer.voanews.com Voice of America is an international news and broadcast organization serving Central and Eastern Europe, the Caucasus, Central Asia, Russia, the Middle East and Balkan countries https://khmer.voanews.com/Content/responsive/VOA/km-KH/img/logo.png Voice of America https://khmer.voanews.com km ២០១២ - វីអូអេ 60 Tue, 29 Dec 2020 20:13:56 +0700 Pangea CMS – VOA គ្រោះទឹកជំនន់នៅព្រំដែនកាមេរូននិងឆាដធ្វើឲ្យមនុស្សរាប់ពាន់នាក់ប្រឈមភាពអត់ឃ្លាននិងបាត់បង់ទីលំនៅ ចំនួនអ្នកបាត់បង់ទីលំនៅដោយសារតែគ្រោះទឹកជំនន់កំពុងតែកើនឡើងនៅតំបន់ព្រំដែនរវាងភាគខាងជើងប្រទេសកាមេរូននិងប្រទេសឆាដដែលស្ថិតនៅជិតខាង។ ក្រុមអាជ្ញាធរកាមេរូននិយាយថា ភ្លៀងធ្លាក់ខ្លាំងដែលបានចាប់ផ្តើមនៅខែកញ្ញានិងកាន់តែអាក្រក់នៅពាក់ណ្តាលខែវិច្ឆិកាបានធ្វើឲ្យបាក់ច្រាំងទន្លេ Logone។ លោក Ali Khadil ដែលជាកសិករមួយរូបនៅក្រុង Kousseri បានប្រាប់ VOA កាលពីថ្ងៃទី២០ ខែវិច្ឆិកាថា ផ្ទះរបស់លោកនិងផ្ទះចំនួន១៥ខ្នងដទៃទៀតត្រូវបានបំផ្លិចបំផ្លាញដោយសារទឹកជំនន់។ លោក Khadil ថ្លែងថា៖«នៅម៉ោងប្រហែល៥ព្រឹក ទន្លេ Logone ជាប់ព្រំដែននឹងប្រទេសឆាដ បានបាក់ច្រាំង និងគួចយកផ្ទះសម្បែងទាំងអស់។ ខ្ញុំដឹងគុណព្រះជាម្ចាស់ដែលបានជួយជីវិតភរិយាចំនួន២នាក់និងកូនចំនួន៤នាក់របស់ខ្ញុំ។ ប៉ុន្តែគ្រួសាររបស់ខ្ញុំកំពុងតែប្រឈមនឹងភាពអត់ឃ្លាន ហើយកូនៗរបស់ខ្ញុំលែងមានមធ្យោបាយធ្វើដំណើរទៅសាលារៀនតទៅទៀតហើយ»។ អាជ្ញាធរនៅតំបន់ជាយភាគខាងជើងប្រទេសកាមេរូននិយាយថា ផ្ទះរាប់រយខ្នង និងកសិដ្ឋានជាច្រើនត្រូវបានបំផ្លាញចាប់តាំងពីថ្ងៃពុធ ទី១៨ ខែវិច្ឆិកាមក។ អ្នកនេសាទលោក Oumar Aziz អាយុ ៣៥ឆ្នាំ គឺជាអ្នកតំណាងឲ្យជនរងគ្រោះពីទឹកជំនន់។ លោក Aziz បានថ្លែងថា៖«ពលរដ្ឋកំពុងរង់ចាំស្បៀងអាហារនិងជំនួយសុខាភិបាលជាបន្ទាន់។ ទឹកទន្លេ Logone និងទន្លេ Chari ដែលហូរកាត់ក្រុង Kousseri បានកួចយកបាវខ្សាច់ដែលត្រូវបានដាក់ដើម្បីរារាំងការខូចខាតបន្ថែមទៀតដោយសារទឹកជំនន់នៅក្នុងភូមិ។ ទឹកជំនន់បានបំផ្លាញផ្ទះប្រមាណ៧០ភាគរយតាមបណ្តោយច្រាំងទន្លេ Logone ទាំងនៅក្នុងប្រទេសកាមេរូន និងប្រទេសឆាដ»។ នៅមិនទាន់អាចបញ្ជាក់លម្អិតពីចំនួនផ្ទះសម្បែងដែលត្រូវបានបំផ្លាញដោយសារទឹកជំនន់នៅប្រទេសឆាដនោះទេ។ ប៉ុន្តែប៉ុស្តិ៍ទូរទស្សន៍ជាតិ Tele Chad បានរាយការណ៍ថា រដ្ឋាភិបាលបានបញ្ជូនជំនួយស្បៀងអាហារទៅកាន់ជនរងគ្រោះ។ ចៅហ្វាយក្រុង Kousseri លោក Esseini Darkadre និយាយថា សាលាក្រុងកំពុងផ្តល់ស្បៀងអាហារនិងជំនួយសុខាភិបាលទៅកាន់ភាគីប្រទេសកាមេរូន។ លោក Darkadre ថ្លែងថា៖«កសិករជាច្រើននាក់មកពីតំបន់ដែលឥឡូវនេះ មានសភាពស្ងួតបានទៅស្នាក់នៅតាមបណ្តោយទន្លេដើម្បីដាំនិងលក់ដំណាំនៅប្រទេសកាមេរូននិងប្រទេសឆាដ។ សាលាក្រុងមានគម្រោងផ្លាស់ប្តូរទីតាំងពលរដ្ឋពីតំបន់ងាយរងគ្រោះតាមបណ្តោយទន្លេទៅកាន់ទីដែលមានសុវត្ថិភាពជាងនេះ»។ អាជ្ញាធរកាមេរូននិយាយថា កាកបាទក្រហមអន្តរជាតិនិងអង្គការសហប្រជាជាតិក៏កំពុងផ្តល់នូវជំនួយផងដែរ។ ភ្លៀងធ្លាក់ប្រចាំរដូវពីតំបន់ភ្នំនិងបឹង Chad តែងតែបង្កគ្រោះទឹកជំនន់នៅទន្លេ Logone និង Chari។ គ្រោះទឹកជំនន់ដ៏អាក្រក់បំផុតនៅភាគខាងជើងប្រទេសកាមេរូនកាលពីឆ្នាំ ២០១២ បានសម្លាប់មនុស្ស ៦០នាក់ បន្ទាប់ពីមានភ្លៀងធ្លាក់ខ្លាំងអស់រយៈពេលជាងមួយខែ។ អាជ្ញាធរកាមេរូននិយាយថា គ្រោះទឹកជំនន់កាលពីឆ្នាំមុនបានបណ្តាលឲ្យមនុស្សមួយសែននាក់នៅសងខាងព្រំដែនប្រទេសទាំងពីរបាត់បង់ទីលំនៅ៕ ប្រែសម្រួលដោយលោក ណឹម សុភ័ក្រ្តបញ្ញា https://khmer.voanews.com/a/cameroon-chad-flood/5684279.html https://khmer.voanews.com/a/cameroon-chad-flood/5684279.html Wed, 02 Dec 2020 18:52:36 +0700 សង្គមអន្តរជាតិkhmerservicevoa@gmail.com (Moki Edwin Kindzeka) គ្រូពេទ្យបូរាណនៅកាមេរូនប្រញ៉ាប់រកថ្នាំបូរាណដើម្បីព្យាបាលជំងឺកូវីដ១៩ គ្រូពេទ្យបូរាណដែលសុំបញ្ចេញតែឈ្មោះផ្ទាល់ខ្លួនឈ្មោះលោក Dewah បាននិយាយថា បណ្តាញ គ្លីនិកនៃថ្នាំបូរាណរបស់លោកនៅទូទាំងប្រទេសកាមេរូនមានអ្នកជំងឺច្រើននាក់ចាប់តាំងពីមានការរាតត្បាតនៃជំងឺកូវីដ១៩តាំងពីខែមីនាមក។ លោកបាននិយាយតាមរយៈបណ្តាញ messaging application ពីក្រុង Kumba នៅក្នុងប៉ែកនិរតីនៃប្រទេសកាមេរូនថា ក្នុងរយៈពេលពីរខែកន្លងទៅនេះ លោកបានទទួលមនុស្សយ៉ាងតិចណាស់៨រយនាក់ពីប្រទេសកាមេរូន ពីសាធារណរដ្ឋអាហ្វ្រិកកណ្តាល និងប្រទេសឆាដ ដែលនិយាយថា ពួកគេប្រញាប់ប្រញ៉ាល់រកថ្នាំបូរាណអាហ្វ្រិក ពីព្រោះមានគេនិយាយថា គ្មានការព្យាបាលជំងឺកូវីដ១៩ឱ្យជាសះស្បើយតាមវេជ្ជសាស្ត្រទំនើបទេ។ លោក Dewah បានថ្លែងថា មានតម្រូវការឱសថបូរាណច្រើនដែលនាំឱ្យលោកមិនអាចព្យាបាលអ្នកជំងឺខ្លះដោយសារលោកអស់ថ្នាំផលិតពីរុក្ខជាតិដែលលោករកបានពីព្រៃ។ ទោះណាជាគ្មានភស្តុតាងខាងវិទ្យាសាស្ត្រក៏ដោយក៏លោកនិយាយអះអាងថា ថ្នាំបូរាណនេះអាចព្យាបាលរោគសញ្ញាទាំងអស់នៃជំងឺកូវីដ១៩ ហើយបានជួយពួកអ្នកជំងឺឱ្យផុតពីការស្លាប់ថែមទៀតផង។ អ្នកស្រី Dianne Sop ដែលជាពេទ្យបុរាណម្នាក់នៅក្នុងក្រុង Yaounde បាននិយាយថា កាលពីខែមុន អ្នកស្រីបានទទួលអ្នកជំងឺប្រមាណ២០០នាក់ដែលស្វះស្វែងរកការព្យាបាលជំងឺកូវីដ១៩។ អ្នកស្រី Sop បាននិយាយថា កាលពីព្រឹកថ្ងៃអង្គារទី១២ ខែឧសភា អ្នកស្រីបានទទួលអ្នកជំងឺ១០នាក់ក៏ប៉ុន្តែអ្នកស្រីត្រូវតែបញ្ជូនអ្នកជំងឺបួននាក់ទៅវិញ ពីព្រោះអ្នកស្រីរង់ចាំទទួលឱសថបូរាណថែមទៀត។ ពួកអ្នកស្រាវជ្រាវខាងវេជ្ជសាស្ត្រ ពួកវេជ្ជបណ្ឌិត និងរដ្ឋាភិបាលប្រទេសកាមេរូនបានសុំឲ្យពួកអ្នកជំងឺកុំពឹងពាក់លើថ្នាំបូរាណសម្រាប់ព្យាបាលជំងឺកូវីដ១៩ ហើយត្រូវតែរកការព្យាបាលនៅក្នុងមន្ទីរពេទ្យវិញ។ អ្នកស្រី Merilyne Peyou ដែលជាឱសថការិនីនៅក្នុងក្រុង Douala កត់សម្គាល់ថា ពលរដ្ឋកាមេរូនច្រើននាក់រស់នៅឆ្ងាយពីមន្ទីរពេទ្យ ក៏ប៉ុន្តែអាចរកឱសថបូរាណបានដោយងាយ។ អ្នកស្រី Peyou និយាយថា ឱសថជាច្រើនដែលលក់នៅក្នុងមន្ទីរពេទ្យនិងឱសថស្ថាននៅក្នុងទ្វីប អាហ្វ្រិកមានប្រភពពីរុក្ខជាតិមានក្លិនក្រអូបប្រើធ្វើគ្រឿងទេស ឬថ្នាំនិងស្លឹកឈើ ដែលបានត្រូវប្រើដោយមានប្រសិទ្ធភាពសម្រាប់ព្យាបាលពលរដ្ឋអាហ្វ្រិកនៅមុនពេលមានវេជ្ជសាស្ត្រទំនើប។ អ្នកស្រី Peyouបានថ្លែងបន្ថែមទៀតថា ឧបសគ្គនៃថ្នាំបូរាណអាហ្វ្រិកគឺមានការពិបាកក្នុងការរក្សាទុកថ្នាំទាំងនេះ។ឱសថបូរាណទាំងនេះអាចធ្វើឲ្យពុលហើយពួកពេទ្យបូរាណមិនដឹងអំពីខ្នាតថ្នាំដែលពួកគេឱ្យអ្នកជំងឺប្រើទេ។ កាលពីថ្ងៃព្រហស្បតិ៍ទី៧ ខែឧសភា ក្រសួងសុខាភិបាលប្រទេសកាមេរូនបានចេញផ្សាយសេចក្តីថ្លែងការណ៍មួយព្រមានថា ការអះអាងដោយពួកពេទ្យបូរាណដែលនិយាយថា ពួកគេអាចព្យាបាលជំងឺកូវីដ១៩នោះគឺគ្រាន់តែជាការទាញយកប្រយោជន៍ខាងហិរញ្ញវត្ថុពីពួកជនដែលរងគ្រោះដោយសារវីរុសនេះឬដែលព្រួយបារម្ភអំពីជំងឺកូវីដ១៩។ លោក Gidium Peliegho ដែលជាអ្នកស្រាវជ្រាវខាងឱសថបុរាណបាននិយាយថា អាជ្ញាធរគួរធ្វើការដើម្បីឱ្យដឹងថា រុក្ខជាតិមានក្លិនក្រអូបប្រើធ្វើគ្រឿងទេស ឬថ្នាំណាខ្លះដែលអាចព្យាបាលជំងឺកូវីដ១៩បានហើយអាជ្ញាធរគួរជួយអភិវឌ្ឍការព្យាបាលជំងឺនេះឱ្យជាសះស្បើយផង។ លោក Peliegho និយាយថា៖ «យើងត្រូវការជំនួយហិរញ្ញវត្ថុនិងជំនួយផ្លូវចិត្ត។ នេះមិនមែនជាពេលវេលាដែលគិតតែពីការសង្ស័យថា ថ្នាំបូរាណអាហ្វ្រិកមិនអាចជួយអ្វីកើតនោះទេ។ អ្វីដែលយើងយកចិត្តទុកដាក់បំផុតគឺជួយសង្គ្រោះមនុស្សក្នុងពិភពលោកដែលរងគ្រោះដោយសារជំងឺនេះ»។ អង្គការសុខភាពពិភពលោក (WHO) បានកត់សម្គាល់ថា ការប្រើឱសថដើម្បីព្យាបាលជំងឺកូវីដ១៩ដែលមិនបានត្រូវស្រាវជ្រាវមាំទាំអាចធ្វើឱ្យមានគ្រោះថ្នាក់ដល់មនុស្ស។ នៅក្នុងសេចក្តីថ្លែងការណ៍មួយកាលពីថ្ងៃទី៤ ខែឧសភា អង្គការសុខភាពពិភពលោកបាននិយាយថា ឱសថដែលមិនបានត្រូវធ្វើតេស្ត និងមិនបានបង្ហាញថា មានប្រសិទ្ធភាពនោះនាំឱ្យមានការយល់ច្រឡំហើយបំបែកអារម្មណ៍ពីវិធានការដែលមានប្រសិទ្ធភាពដូចជាការលាងសម្អាតដៃនិងការនៅឃ្លាតពីគ្នាជាដើម៕ ប្រែសម្រួលដោយលោកឈឹម សុមេធ https://khmer.voanews.com/a/covid-cameroon-herbal-medicine/5420956.html https://khmer.voanews.com/a/covid-cameroon-herbal-medicine/5420956.html Fri, 15 May 2020 12:33:54 +0700 អន្តរជាតិសុខភាពkhmerservicevoa@gmail.com (Moki Edwin Kindzeka) នៅទិវាសេរីភាពសារព័ត៌មានពិភពលោក អ្នកយកព័ត៌មានជនជាតិកាមេរូនតវ៉ាប្រឆាំងនឹងការយាយី និងការចាប់ខ្លួនដោយបំពាន អ្នកយកព័ត៌មានជនជាតិកាមេរូន បានប្រារព្ធទិវាសេរីភាពសារព័ត៌មានពិភពលោក ដោយការតវ៉ាប្រឆាំងនឹងការរំលោភបំពានពីសំណាក់រដ្ឋាភិបាល ក៏ដូចជាពីក្រុមឧទ្ទាមដែលកំពុងប្រយុទ្ធទាមទារឲ្យមានរដ្ឋឯករាជ្យមួយ ដែលនិយាយភាសាអង់គ្លេស។ នៅក្នុងសន្ទស្សន៍សេរីភាពសារព័ត៌មានពិភពលោកឆ្នាំ ២០២០របស់ខ្លួន អង្គការអ្នកសារព័ត៌មានគ្មានព្រំដែន បានដាក់ចំណាត់ថ្នាក់ឲ្យ ប្រទេសកាមេរូននៅលំដាប់ទី ១៣៤ ក្នុងចំណោមប្រទេស ១៨០។ អ្នកកាសែតកាមេរូនខ្លះ ត្រូវបានឃុំខ្លួនដោយសារការរាយការណ៍របស់ពួកគេ ឬ ក៏កំពុងរត់គេចពីយោធា ឬ ក្រុមបំបែកខ្លួន។ សាររបស់សមាគមអ្នកកាសែតនិយាយភាសាអង់គ្លេសនៃប្រទេសកាមេរូនដែលថា អ្នកកាសែតមានគោលការណ៍ បទបញ្ញត្តិនិងក្រមសីលធម៌វិជ្ជាជីវៈ ត្រូវបានចាក់ផ្សាយតាមកញ្ចក់ទូរទស្សន៍ និងវិទ្យុ ហើយត្រូវបានចែករំលែកនៅលើប្រព័ន្ធផ្សព្វផ្សាយសង្គមដោយអ្នកសារព័ត៌មាននៅប្រទេសកាមេរូន ដើម្បីជាសញ្ញានៃការតវ៉ាប្រឆាំងនឹងការរំលោភបំពាន ដែលពួកគេប្រឈម។ នៅក្នុងសារនោះទទូចថា អ្នកសារព័ត៌មាន គួរតែត្រូវបានទទួលការអនុញ្ញាតឲ្យមានសេរីភាព ក្នុងការអនុវត្តវិជ្ជាជីវៈរបស់ពួកគេ។ នៅក្នុងសារចម្បងរបស់ពួកគេ មានខ្លឹមសារថា៖ «យើងនិយាយ ទេ ចំពោះការយាយីជាប្រចាំ និងការចាប់ខ្លួនតាមទំនើងចិត្តទៅលើអ្នកកាសែត ដែលកំពុងបំពេញភារកិច្ចរបស់ពួកគេ»។ អ្នកសារព័ត៌មាន មិនបានរៀបចំប្រារព្ធពិធីដ៏មានប្រជាប្រិយភាពនេះ និងការតវ៉ាជាសាធារណៈដូចឆ្នាំមុនៗនោះទេ ដោយសារតែអ្នកឆ្លងវីរុសកូរ៉ូណាមានជាង ២,០០០ នាក់នៅប្រទេសកាមេរូន។ ទោះជាយ៉ាងនេះក្តី ពួកគេបាននិយាយថា ពួកគេបានចូលរួមរំលែកការឈឺចាប់របស់មិត្តភក្ដិ ដែលត្រូវបានគេឃុំឃាំងដូចជា Mancho Bibixy និង Tsi Conrad ដែលត្រូវបានចាប់ខ្លួន និងត្រូវបានចោទប្រកាន់ពីបទបះបោរប្រឆាំងនឹងរដ្ឋកាមេរូន ហើយដែលត្រូវបានឃុំខ្លួនចាប់តាំងពីឆ្នាំ ២០១៧ Samuel Wazizi ត្រូវបានចាប់ខ្លួនកាលពីចុងឆ្នាំមុន ហើយត្រូវជាប់ពន្ធនាគារពីបទសហការជាមួយអ្នកប្រយុទ្ធបំបែកខ្លួន និង Wawa Jackson ដែលត្រូវបានចាប់ខ្លួនក្នុងឆ្នាំ ២០១៩ និងត្រូវបានចោទប្រកាន់ពីបទឃោសនារបៀបវារៈរបស់ក្រុមអបគមន៍នៅក្នុងតំបន់និយាយភាសាអង់គ្លេស ដែលក្រុមបំបែកខ្លួន កំពុងប្រយុទ្ធដើម្បីបំបែកចេញពីប្រទេសដែលភាគច្រើន និយាយភាសាបារាំង។ លោកNgah Christian Mbipgo ចាងហ្វាងកាសែតGuardian Post ដែលបោះពុម្ពផ្សាយ ប្រចាំថ្ងៃជាភាសាអង់គ្លេសតែមួយគត់នៅប្រទេសកាមេរូន បាននិយាយថា អង្គភាពព័ត៌មានរបស់លោកបានរងគ្រោះដោយសារការរំលោភបំពានខាងសារព័ត៌មាន នៅពេលដែលរាយការណ៍អំពីវិបត្តិនៃការបំបែកខ្លួន ដែលបានសម្លាប់មនុស្សប្រមាណជា ៣,០០០ នាក់នៅក្នុងប្រទេសកាមេរូនក្នុងរយៈពេលបីឆ្នាំកន្លងមកនេះ។ លោកបាននិយាយថា អ្នកយកព័ត៌មានរបស់លោកចំនួន ១៥ នាក់ អ្នកលក់កាសែត និងសមាជិកគ្រួសាររបស់ពួកគេ បានភៀសខ្លួនចេញពីតំបន់ដែលមានអរិភាពនៅក្នុងតំបន់ភាគពាយព្យនិងភាគនិរតី ដែលជាតំបន់និយាយភាសាអង់គ្លេស។ លោកMbipgo បានថ្លែងបន្តក្នុងសម្តីដើមថា៖ «ក្រុមបំបែកខ្លួនគិតថា យើងមិនបានធ្វើអ្វីច្រើនដើម្បីបង្ហាញអំពីមនោគមវិជ្ជាឯករាជ្យរបស់ពួកគេនោះទេ ហើយនោះជាមូលហេតុដែលអ្នកយកព័ត៌មានរបស់យើងដែលបានចុះទៅយកព័ត៌មាន ត្រូវបានគេកំណត់ជាគោលដៅ។ ខ្ញុំមិនបានចាកចេញពី ទីក្រុង Yaoundé [ទៅកាន់តំបន់ភាគពាយព្យនិងភាគនិរតីដែលជាតំបន់និយាយភាសាអង់គ្លេស] ចាប់តាំងពីឆ្នាំ ២០១៧ ដែលនៅពេលនោះ វិបត្តិ បានឈានដល់ជម្លោះប្រដាប់អាវុធ ពីព្រោះពួកគេបានអំពាវនាវដោយបើកចំហដើម្បីប្រាប់ខ្ញុំថា ខ្ញុំគឺជាគោលដៅរបស់ពួកគេ។ យើងក៏បានទទួលការហៅទូរស័ព្ទ ពីមន្ត្រីរដ្ឋាភិបាលជាន់ខ្ពស់ ដែលនិយាយថា យើងជាកាសែតដែលកំពុងធ្វើការឲ្យក្រុមបំបែកខ្លួន»។ រដ្ឋាភិបាលរបស់ប្រទេសកាមេរូន មិនបានចេញសេចក្តីថ្លែងការណ៍ស្តីពីទិវាសេរីភាពសារព័ត៌មានពិភពលោកទេ ក្នុងគ្រាដែលមិនមានពិធីសាធារណៈដោយសារតែការរាតត្បាតនៃជំងឺកូវីដ១៩។ តែទោះជាយ៉ាងនេះក្តី រដ្ឋាភិបាលតែងតែអះអាងថា មានសេរីភាពសារព័ត៌មាននៅក្នុងប្រទេសកាមេរូន ហើយអ្នកសារព័ត៌មាន ត្រូវបានចាប់ខ្លួននៅពេលពួកគេធ្វើសកម្មភាពមិនគោរពទៅតាមវិជ្ជាជីវៈ។ លោកJude Viban ប្រធានសមាគមអ្នកកាសែតនិយាយភាសាអង់គ្លេសនៃប្រទេសកាមេរូននិយាយថា រដ្ឋាភិបាលគួរតែលែងចាត់ទុកបទល្មើសនៃប្រព័ន្ទផ្សព្វផ្សាយថាជាបទល្មើសព្រហ្មទណ្ឌ ហើយនឹងធ្វើឲ្យប្រាកដថា ការរំលោភបំពានលើសិទ្ធិរបស់អ្នកសារព័ត៌មានដោយមន្ត្រីរដ្ឋាភិបាល និងអ្នកប្រយុទ្ធបំបែកខ្លួនត្រូវបានបញ្ឈប់។ លោកJude Viban បានថ្លែងបន្តក្នុងសម្តីដើមថា៖ «អ្វីដែលយើងកំពុងធ្វើ គឺដើម្បីជូនព័ត៌មាន ហើយយើងធ្វើដូចនោះ គឺដើម្បីផលប្រយោជន៍របស់ប្រជាពលរដ្ឋ ដូច្នេះមនុស្សមួយចំនួនតូច មិនគួរវាយប្រហារសារព័ត៌មានទេ។ នៅពេលដែលរឿងរ៉ាវមិនត្រូវបានគេរាយការណ៍ ដោយសារតែ អ្នកសារព័ត៌មានរងការវាយប្រហារនោះ ប្រជាពលរដ្ឋនឹងមិនបានទទួលព័ត៌មាន ដែលប្រាកដណាស់ គឺជាសិទ្ធិរបស់ពួកគេ ដែលត្រូវបានទទួលព័ត៌មាននានា នៅក្នុងសង្គមលទ្ធិប្រជាធិបតេយ្យដូចដែលយើងមាននេះ»។ អង្គការអ្នកសារព័ត៌មានគ្មានព្រំដែននិយាយថា សេរីភាពសារព័ត៌មាននៅតែបន្តធ្លាក់ចុះទៀត ដែលការធ្លាក់ចុះនេះ មានជាយូរមកហើយនៅក្នុងប្រទេសកាមេរូន ហើយអ្នកសារព័ត៌មាននៅតែបន្តទទួលរងការគំរាមកំហែង ការវាយប្រហារ ការបំភិតបំភ័យ និងការចាប់ខ្លួន បន្ទាប់ពីការជាប់ឆ្នោតជាថ្មីរបស់លោកប្រធានាធិបតី Paul Biya សម្រាប់អាណត្តិទី ៧ កាលពីខែតុលា ឆ្នាំ ២០១៨៕ ប្រែសម្រួលដោយអ្នកស្រី លី ម៉ូរីវ៉ាន់ https://khmer.voanews.com/a/cameroon-journalists-protest-harassment-and-abusive-arrests/5406069.html https://khmer.voanews.com/a/cameroon-journalists-protest-harassment-and-abusive-arrests/5406069.html Tue, 05 May 2020 21:14:51 +0700 សេរីភាពសារព័ត៌មានអន្តរជាតិkhmerservicevoa@gmail.com (Moki Edwin Kindzeka)