Voice of America

Voice of America https://khmer.voanews.com Voice of America is an international news and broadcast organization serving Central and Eastern Europe, the Caucasus, Central Asia, Russia, the Middle East and Balkan countries https://khmer.voanews.com/Content/responsive/VOA/km-KH/img/logo.png Voice of America https://khmer.voanews.com km ២០១២ - វីអូអេ 60 Wed, 30 Dec 2020 03:55:08 +0700 Pangea CMS – VOA តុលាការបារាំង កាត់ទោសជន១៤នាក់ទាក់ទិននឹងការវាយប្រហារនៅការិយាល័យទស្សនាវដ្តី Charlie Hebdo កាលពីឆ្នាំ២០១៥ កាលពីថ្ងៃពុធទី១៦ ខែធ្នូ តុលាការមួយក្នុងប្រទេសបារាំងបានកាត់ទោសមនុស្ស១៤នាក់ដែលបានជួយពួកអ្នកវាយប្រហារឥស្លាមនិយមនៅក្នុងការវាយប្រហាររបស់ពួកគេកាលពីខែមករាឆ្នាំ២០១៥ ប្រឆាំងនឹងទស្សនាវដ្តី Charlie Hebdo និងផ្សារទំនើបជ្វីសមួយ។ ជ័យជម្នះមួយសម្រាប់ក្រុមជនរងគ្រោះនិងសេរីភាពខាងការនិយាយស្តី-នេះជាអ្វីដែលពួកសកម្មជននិងពួកមេធាវីបានពណ៌នាសេចក្តីសម្រេចនៅក្នុងក្រុង Paris នៅក្រោយពួកគេចាកចេញពីតុលាការកាលពីថ្ងៃពុធ១៦ ខែធ្នូ។ ពួកអ្នកឃុបឃិតទាំងអស់១៤នាក់ បានត្រូវកាត់ទោសដោយសារការវាយប្រហារទាំងនោះ។ ពួកជនទាំងនេះ បានត្រូវរកឃើញថាមានទោស ដោយសារបានជួយឈ្មោះ Said និងឈ្មោះ Cherif Kouachi ដែលបានធ្វើការវាយប្រហារលើទស្សនាវដ្តី Charlie Hebdo និងអ្នកឃុបឃិតជាមួយពួកគេឈ្មោះ Amedy Coulibaly ដែលបានវាយប្រហារក្នុងផ្សារទំនើបជ្វីសមួយ។ មនុស្ស១៧នាក់ បានត្រូវសម្លាប់នៅក្នុងការវាយប្រហារកាលពីខែមករា ឆ្នាំ២០១៥។ Ali Riza Polat ដែលជាចុងចោទសំខាន់ជាងគេ បានត្រូវកាត់ក្តីឱ្យជាប់ទោសពីបទឃុបឃិតក្នុងឧក្រិដ្ឋកម្មភេរវកម្ម ហើយបានត្រូវកាត់ទោសឱ្យជាប់គុក៣០ឆ្នាំ។ តុលាការនេះ ក៏បានដាក់ទោសដោយកំបាំងមុខដូចនេះដែរដល់ឈ្មោះ Hayat Boumeddienne ដែលជាដៃគូរបស់អ្នកវាយប្រហារម្នាក់ក្នុងបណ្តាពួកអ្នកវាយប្រហារទាំងនេះ។ ស្ត្រីរូបនេះ បានរត់គេចខ្លួនទៅកាន់ប្រទេសស៊ីរីនៅក្រោយការវាយប្រហារទាំងនេះ។ លោក Richard Malika មេធាវីរបស់ទស្សនាវដ្តី Charlie Hebdo បាននិយាយថា លោកពេញចិត្តនឹងសេចក្តីសម្រេខរបស់តុលាការនេះ។ លោកបាននិយាយថា សាលក្រមខ្លះដាក់ទោសធ្ងន់ធ្ងរតែអ្វីដែលសំខាន់បំផុតនោះ គឺសារផ្តល់ឲ្យសង្គមបារាំងតាមរយៈប្រព័ន្ធតុលាការជាមួយសេចក្តីសម្រេចនេះ។ លោកបានព៌ណនាពួកចុងចោទទាំងនេះថា ជាផ្នែកមួយនៃបណ្តាញគាំទ្រស្រពិចស្រពិលមួយដែលអាចជួយពួកអ្នកវាយប្រហារឱ្យបង្ហូរឈាមបាន។ លោកថ្លែងថា គ្មានលេសសម្រាប់ជនឥស្លាមនិយមជ្រុលម្នាក់ដែលជាជនហ្វាស៊ីសទេ។ លោក Christophe Deloire ប្រធាននៃអង្គការអ្នកសារព័ត៌មានគ្មានព្រំដែនក៏បានស្វាគមន៍ដល់សាលក្រមនេះដែរ។ លោកបានសរសេរតាម Twitter ថា «នេះជាភ័ស្តុតាងថា ពួកជ្រុលនិយមឃោរឃៅគ្មានអំណាចធ្វើសេចក្តីសម្រេចចុងក្រោយទេ។ សួមអរគុណដល់យុត្តិធ៌ម គឺសេរីភាពដែលមានអំណាចធ្វើសេចក្តីសម្រេចចុងក្រោយ»។ ចុងចោទសំខាន់ជាងគេបានប្រកាសស្រេចហើយថា ខ្លួននឹងតវ៉ាឡើងឧទ្ធរណ៍ហើយការកាត់ទោសម្តងទៀត អាចត្រូវកំណត់នៅឆ្នាំក្រោយ៕ ប្រែសម្រួលដោយលោក ឈឹម សុមេធ https://khmer.voanews.com/a/french-court-sentences-14-in-connection-with-2015-charles-hebdo-attack/5705148.html https://khmer.voanews.com/a/french-court-sentences-14-in-connection-with-2015-charles-hebdo-attack/5705148.html Sat, 19 Dec 2020 03:05:55 +0700 សិទ្ធិមនុស្សអន្តរជាតិkhmerservicevoa@gmail.com (Nicolas Pinault) ពេលលោក Biden កាន់តំណែង ទ្វីបអឺរ៉ុបសង្ឃឹមថានឹងមានការសម្របសម្រួលគ្នាអំពីពន្ធដារលើក្រុមហ៊ុន Digital អាមេរិកាំង ក្រុមហ៊ុន Google, Amazon, Facebook និង Apple ជាក្រុមហ៊ុនបួនត្រូវដាក់ឈ្មោះថា GAFA នៅក្នុងប្រទេសបារាំងដោយក្រុមជនដែលរិះគន់អ្វីពួកគេថាជាការចៀសវាងមិនបង់ពន្ធដារអឺរ៉ុបដោយក្រុមហ៊ុនពហុជាតិ។ លទ្ធផលត្រូវព្យាករណ៍នៃការបោះឆ្នោតប្រធានាធិបតីស.រ.អ.មិនបានផ្លាស់ប្តូរការអន្ទះសារបស់អឺរ៉ុបក្នុងការដោះស្រាយបញ្ហានេះជាមួយរដ្ឋបាលលោក Biden នៅក្រោយមានការជំទាស់ពីរដ្ឋបាលលោក Trumpអស់ជាច្រើនឆ្នាំ។ លោក Thierry Breton ជាស្នងការទីផ្សារក្នុងប្រទេសនៃសហភាពអឺរ៉ុប។ លោកបាននិយាយថា៖ «លោកពន្យល់ថាអឺរ៉ុបមិនឆោតល្ងង់ទៀតទេនៅក្នុងការរំពឹងរបស់ខ្លួនអំពីភាពដៃគូជាមួយស.រ.អ.។ លោកថ្លែងថាជនជាតិអឺរ៉ុបមិនអាចឆោតល្ងង់ទៀតទេ»។ អង្គការកិច្ចសហប្រតិបត្តិការសេដ្ឋកិច្ចនិងអភិវឌ្ឍន៍ហៅកាត់ថា OECD បានធ្វើជាម្ចាស់ផ្ទះចាត់ចែងកិច្ចចរចាអន្តរជាតិមួយអំពីការយកពន្ធលើក្រុមហ៊ុនdigital។ ពួកសមាជិកបានពន្យាពេលកំណត់ចុងក្រោយបង្អស់ដល់ឆ្នាំ២០២១សម្រាប់ឱ្យមានកិច្ចព្រមព្រៀងមួយ នៅក្រោយពីស.រ.អ.បានដកខ្លួនថយចេញពីការចរចាគ្នាដោយសារការរាតត្បាតវីរុសកូរ៉ូណា។ លោក Bruno Le Maire ដែលជារដ្ឋមន្ត្រីសេដ្ឋកិច្ចបារាំងបាននិយាយថារដ្ឋាភិបាលក្រុង Washington មិនទំនងជានឹងទម្លាក់ចោលអ្វីដែលលោកហៅថាគោលជំហរប្រទាំងប្រទាស់អំពីបញ្ហានេះទេទោះណាជានរណាកាន់តំណែងកំពូលក្នុងសេតវិមានក៏ដោយ។ លោក Le Maire បាននិយាយថា«នៅពេលនេះពួកមហាក្រុមហ៊ុន digital ជាសត្រូវរបស់រដ្ឋាភិបាលនានា»។ លោកបានសន្យាថាក្នុងពេលឆាប់ៗនេះ មហាក្រុមហ៊ុនទាំងនេះនឹងត្រូវហូតពន្ធ«តាមអត្រាដូចគ្នានឹងក្រុមហ៊ុនបារាំងដែរ»។ នេះជាគោលជំហរមួយត្រូវនិយាយជាថ្មីដោយលោកស្នងការ Breton។ លោកបានថ្លែងថា៖ «លោកនិយាយថាការពិភាក្សាគ្នាមួយបានត្រូវផ្តើមគំនិតដោយ OECD ហើយទោះជាស.រ.អ.បានដកខ្លួនចេញពីការពិភាក្សាគ្នានេះក៏ដោយ ពួកគេអាចវិលមកវិញបាន។ លោក Breton បានថ្លែងថាពួកអឺរ៉ុបបានកំណត់ពេលចុងក្រោយបង្អស់រហូតដល់ខែមិថុនាឆ្នាំ២០២១ដើម្បីធ្វើការចរចាគ្នានេះឱ្យបានចប់សព្វគ្រប់។ លោក Breton បាននិយាយទទូចថាប្រសិនបើប្រទេសទាំងអស់មានការយល់ស្របគ្នា តែស.រ.អ.មិនវិលមកកាន់តុធ្វើការចរចាវិញទេ អឺរ៉ុបនឹងធ្វើតាមការទទួលខុសត្រូវរបស់ខ្លួនហើយយើងនឹងដាក់កំហិតពន្ធដារមួយ»។ មនុស្សខ្លះនៅអឺរ៉ុបព្រមានថារដ្ឋបាលលោក Biden នឹងនៅតែជំទាស់នឹងការដកពន្ធលើក្រុមហ៊ុនបច្ចេកវិទ្យាស.រ.អ.។ គេរាយការណ៍ថាលោក Biden ប្រធានាធិបតីជាប់ឆ្នោតនិងលោកស្រី Kamala Harris អនុប្រធានាធិបតីជាប់ឆ្នោតរបស់លោកមានការទាក់ទងច្រើនជាមួយពួកក្រុមហ៊ុននៅ Silicon Valley ដូចដែលរដ្ឋបាលលោកអូបាម៉ាមានដែរពីឆ្នាំ២០០៩រហូតដល់ឆ្នាំ២០១៧។ លោក Arno Pons ជាប្រធានអង្គការ Digital New Deal ដែលជាអង្គការស្រាវជ្រាវមួយនៅ Paris។ លោកបាននិយាយថា៖ «លោក Pons និយាយថាលោក Joe Biden ជាអនុប្រធានាធិបតីរបស់លោកអូបាម៉ានៅក្នុងរដ្ឋបាលមួយលម្អៀងទៅខាង GAFA ហើយប្រហែលនៅពេលនេះក៏មានការយល់ឃើញដដែលទៀត។ ចំណែកឯលោកស្រី Kamala Harris វិញដែលមានដើមកំណើតពីរដ្ឋ California លោក Pons ឃើញថាលោកស្រីមានចំណងទាក់ទងជិតស្និទ្ធជាមួយពួកអ្នកចាត់ចែងកិច្ចការប្រតិបត្តិនៃមហាក្រុមហ៊ុនបច្ចេកវិទ្យា»។ លោក Pons និយាយយោងដល់ឧទាហរណ៍មួយនៃការតែងតាំងពួកអតីតបុគ្គលិកក្រុមហ៊ុន Apple និង Facebook កាលពីពេលថ្មីៗនេះក្នុងក្រុមអន្តរកាលរបស់លោក Biden។ កាលពីខែមុន OECD បានព្រមានថាភាពតានតឹងអំពីពន្ធដារលើក្រុមហ៊ុន digital អាចបណ្តាលឱ្យមានសង្គ្រាមពាណិជ្ជកម្មមួយដែលអាចបន្ថយការលូតលាស់សាកលចំនួនមួយភាគរយរៀងរាល់ឆ្នាំ។ ប្រែសម្រួលដោយលោក ឈឹម សុមេធ https://khmer.voanews.com/a/europe-us-digital-tax/5674750.html https://khmer.voanews.com/a/europe-us-digital-tax/5674750.html Tue, 24 Nov 2020 23:31:33 +0700 ការបោះឆ្នោតនៅអាមេរិកអន្តរជាតិkhmerservicevoa@gmail.com (Nicolas Pinault) នៅក្នុងទ្វីបអាហ្វ្រិក មេរោគកូរ៉ូណាជាបញ្ហាបន្ថែមលើការខ្វះម្ហូបអាហារ នៅមុនមានការរាតត្បាតជាសាកលនៃជំងឺកូវីដ១៩ (COVID-19) មនុស្ស១១៣លាននាក់នៅលើផែនដីបានរងគ្រោះស្រេចហើយដោយសារអសន្តិសុខខាងម្ហូប អាហារយ៉ាងធ្ងន់ធ្ងរបណ្តាលមកពីបញ្ហាដែលមានតាំងពីដូចជាមហន្តរាយធម្មជាតិឬវិបត្តិនានា។ ឧទាហរណ៍អាក្រក់បំផុតគឺប្រទេសអេត្យូពី ប្រទេសកេនយ៉ា និងប្រទេសសូម៉ាលី។ ទីភ្នាក់ងារខាងម្ហូបអាហាររបស់អ.ស.ប.និយាយថា នៅក្នុងប្រទេសទាំងនេះ មនុស្ស១២លាននាក់មានបញ្ហាធ្ងន់ធ្ងរស្រេច ហើយដោយសារការរាំងស្ងួតអូសបន្លាយយូរ ការច្រូតកាត់មិនបានផលល្អ និងលើសពីនេះទៅទៀតគឺ ហ្វូងកណ្តូបធំៗបានបំផ្លាញដំណាំនិងវាលស្មៅកាលពីខែធ្នូនិងខែមករា។ នៅក្នុងរបាយការណ៍មួយចេញផ្សាយពីខែមេសា បណ្តាញបញ្ចៀសវិបត្តិម្ហូបអាហារនិយាយថា សង្គ្រាមបានបង្កើតឱ្យមានការខ្វះខាតម្ហូបអាហារនិងខ្វះអាហារូបត្ថម្ភនៅក្នុងអាងបឹង Chad តំបន់ Liptako-Gourma នៃប្រទេសម៉ាលី នីហ្សេរីយ៉ា និងប្រទេស Burkina Faso និងនៅក្នុងផ្នែកនានានៃប្រទេសនីហ្សេរីយ៉ាផងដែរ។ បណ្តាញនេះនិយាយថា មនុស្សប្រមាណ១៧លាននាក់នឹងប្រឈមនឹងវិបត្តិម្ហូបអាហារនិងអាហារូបត្ថម្ភនៅក្នុងខែមិថុនានិងខែសីហានៅក្នុងតំបន់នោះ។ លោក Issoufou Baoua ជាអ្នកជំនាញធ្វើការនៅអង្គការគណៈកម្មាធិការអន្តររដ្ឋអចិន្ត្រៃយ៍សម្រាប់ការគ្រប់គ្រងការរាំងស្ងួតនៅក្នុងតំបន់ Sahel។ លោកព្រមានថាមនុស្ស៥០លាននាក់កំពុងមាន «ការថប់អារម្មណ៍» និងអាចមានហានិភ័យធ្លាក់ទៅក្នុងវិបត្តិនេះ។ លោក Issoufou Baoua បានពន្យល់ថា ពួកមនុស្សដែលកំពុងតប់ប្រម៉ល់ទាំងនេះ អាចមានម្ហូបអាហារបរិភោគបាន ក៏ប៉ុន្តែពួកគេគ្មានប្រាក់គ្រប់គ្រាន់សម្រាប់ចំណាយក្រៅពីម្ហូបអាហារទេ។ ជាឧទាហរណ៍ប្រសិនបើមាននរណាម្នាក់ឈឺ ពួកគេត្រូវតែលក់ស្តុកខ្លះនៃម្ហូបអាហាររបស់ពួកគេ ដើម្បីបង់សោហ៊ុយក្នុងការព្យាបាលជំងឺ។ លោកនិយាយថា បន្ទាប់មកពួកគេក៏មានបញ្ហាធ្ងន់ធ្ងរ។ ការរាតត្បាតជាសាកលនៃមេរោគកូរ៉ូណានិងវិធានការទប់ទល់នឹងជំងឺនេះក៏ជាឧបសគ្គមួយដែរ។ ប្រទេសអាហ្វ្រិកខាងត្បូងបានបន្តការបិទប្រទេសរហូតដល់ចុងខែមេសា ពីព្រោះការឆ្លងជំងឺនេះនៅតែមានតទៅទៀត។ ប្រទេសឯទៀតៗបានដាក់បំរាមគោចរ។ លោក Sekou Sangare ជាស្នងការខាងកសិកម្ម បរិស្ថាន និងប្រភពទឹកនៃសហគមន៍សេដ្ឋកិច្ចពពួករដ្ឋក្នុងប៉ែកខាងលិចនៃទ្វីបអាហ្វ្រិក ហៅកាត់ថា ECOWAS។ លោកនិយាយថា ទោះណាជាមានការបិទព្រំដែននិងការរឹតត្បិតនៅខាងក្នុងប្រទេសក៏ដោយ ក៏ត្រូវតែមានម្ហូបអាហារដែរ។ លោក Sekou Sangare និយាយថា វិធានការចាំបាច់ក្នុងការបិទប្រទេសនេះមិនគួររារាំងក្រុមកសិករមិនឱ្យលក់ផលិតផលរបស់ពួកគេក្នុងផ្សារទេ។ លោកថ្លែងថា បើមិនធ្វើដូច្នេះទេ ការណ៍នេះអាចនាំឱ្យមានការបង្អាក់ខ្សែចង្វាក់ផ្គត់ផ្គង់ម្ហូបអាហារ បណ្តាលឱ្យមានការខ្វះខាតម្ហូបអាហារនិងមានការបង្កើនតម្លៃផងដែរ។ អង្គការក្រៅរដ្ឋាភិបាលខ្លះព្រមានថា វិធីដោះស្រាយមិនល្អអាចនាំឲ្យមានបញ្ហាអាក្រក់ជាងជំងឺទៅទៀតនៅក្នុងប្រទេសនានាដែលមានសេដ្ឋកិច្ចមិនមាំទាំ។ អង្គការសកម្មភាពប្រឆាំងនឹងការស្រេកឃ្លានព្រមានថា ការស្រេកឃ្លានអាចនាំឱ្យមានជនរងគ្រោះច្រើនជាងមនុស្សស្លាប់ដោយសារមេរោគនេះទៅទៀត។ លោក Pierre Micheletti ជាប្រធាននៃអង្គការនេះ។ លោកនិយាយថា វិធានការនៃការបិទប្រទេសមានន័យថា ជាការបញ្ឈប់ការងារសម្រាប់ពួកមនុស្សដែលខិតខំប្រឹងប្រែងដើម្បីរស់ ដែលភាគច្រើនជាអ្នកមានការងារក្រៅផ្លូវការ។ លោកយល់ថា ប្រព័ន្ធសន្តិសុខទាំងមូលនិងការផ្តល់ប្រាក់ជំនួយបង្គ្រប់ដែលពួកប្រទេសអភិវឌ្ឍន៍អាចធ្វើបាននោះ មិនមែនជាការយល់ឃើញប្រាកដនិយមមួយនៅក្នុងពួកប្រទេសកំពុងអភិវឌ្ឍន៍ទេ៕ ប្រែសម្រួលដោយឈឹម សុមេធ https://khmer.voanews.com/a/covid-africa-food-security/5374319.html https://khmer.voanews.com/a/covid-africa-food-security/5374319.html Thu, 16 Apr 2020 12:09:56 +0700 អន្តរជាតិសេដ្ឋកិច្ចសុខភាពkhmerservicevoa@gmail.com (Nicolas Pinault)