ទីប្រឹក្សាសន្តិសុខជាតិអាមេរិកព្រមានតុលាការ ICC ទាក់ទងនឹងសកម្មភាពទាហានអាមេរិកាំងនៅអាហ្វហ្គានីស្ថាន
ទីប្រឹក្សាសន្តិសុខជាតិសហរដ្ឋអាមេរិក លោក John Bolton បានព្រមានតុលាការឧក្រិដ្ឋកម្មអន្តរជាតិ ICC មិនឲ្យកាត់ទោសពលរដ្ឋអាមេរិកាំងណាទាក់ទងនឹងសកម្មភាពរបស់ពួកគេ នៅក្នុងប្រទេសអាហ្វហ្គានីស្ថាននោះទេ។ លោក Bolton បានបញ្ជាក់នៅឯអង្គការ Federalist Society ក្នុងរដ្ឋធានីវ៉ាស៊ីនតោន កាលពីពេលថ្មីៗនេះថា តុលាការ ICC គឺជាតុលាការខុសច្បាប់ ហើយសហរដ្ឋអាមេរិកគ្មានផ្លូវនឹងសហការជាមួយនឹងតុលាការនេះទេ។ ប៉ុន្តែ អ្នកវិភាគម្នាក់បានប្រាប់ VOA ថា ការថ្លែងរបស់លោក Bolton ដូចនេះ គឺមិនផ្ដល់ផលប្រយោជន៍ដល់សហរដ្ឋអាមេរិកឡើយ។ អ្នកស្រី Zlatica Hoke នៃ VOA រាយការណ៍អំពីរឿងនេះពីរដ្ឋធានីវ៉ាស៊ីនតោន។ ហើយលោក ភី សុភាដា ជូនសេចក្ដីប្រែសម្រួល៕
