ប្រទេសអ៊ូហ្គាន់ដាពឹងផ្អែកលើកម្ចីចិនដើម្បីសាងសង់ផ្លូវថ្នល់របស់ខ្លួន
ប្រទេសចិន បានផ្ដល់កម្ចីរាប់រយលានដុល្លារអាមេរិកដល់ប្រទេសអ៊ូហ្គាន់ដានៅក្នុងរយៈពេលប៉ុន្មានឆ្នាំថ្មីៗនេះ ដើម្បីឲ្យប្រទេសនេះ សាងសង់ផ្លូវថ្នល់ថ្មីៗ។ ប៉ុន្តែ ប្រជាពលរដ្ឋអ៊ូហ្គាន់ដាមួយចំនួនមានចម្ងល់ចំពោះផលប្រយោជន៍នៃគម្រោងទាំងនេះ។ ភាគច្រើននៃការសាងសង់ គឺធ្វើឡើងដោយក្រុមហ៊ុនចិន ហើយនៅទីបំផុតគឺប្រជាពលរដ្ឋអ៊ូហ្គាន់ដាដែលជាអ្នកបង់ពន្ធជូនរដ្ឋ និងទទួលបន្ទុកនៅក្នុងការសងកម្ចីទាំងនេះ។ អ្នកស្រី Halima Athumani រាយការណ៍ឲ្យ VOA អំពីរឿងនេះពីទីក្រុង Kampala ប្រទេសអ៊ូហ្គាន់ដា។ លោក ភី សុភាដា ជូនសេចក្ដីប្រែសម្រួល៕
