គ្រាប់កាំភ្លើងត្រូវបានរចនាជានិមិត្តរូបនៃជីវិត
សកម្មជនមួយរូបនៅក្នុងទីក្រុង Miami រដ្ឋ Flordia សហរដ្ឋអាមេរិក កំពុងប្រើប្រាស់ជំនាញសិល្បៈរបស់អ្នកស្រី ដើម្បីរចនាគ្រាប់កាំភ្លើងឲ្យមានលក្ខណៈបែបថ្មី។ អ្នកស្រីបានធ្វើយុទ្ធនាការសង្គមមួយ ដែលហៅថា «គ្រាប់កាំភ្លើងសម្រាប់ជីវិត» ដើម្បីប្រែក្លាយគ្រាប់កាំភ្លើងប្រល័យជីវិតមនុស្សឲ្យទៅជាគ្រឿងអលង្ការ និងគ្រឿងតុបតែងសំលៀកបំពាក់ផ្សេងៗ។ បេសកកម្មរបស់អ្នកស្រីគឺដើម្បីបញ្ជូនសារនៃក្ដីសង្ឃឹម និងការយល់ដឹងមួយអំពីការគំរាមកំហែងដោយអំពើហិង្សាដែលបង្កឡើងដោយកាំភ្លើងនៅក្នុងសហរដ្ឋអាមេរិក។ លោក Jose Pernalete នៃ VOA រាយការណ៍អំពីរឿងនេះ។ លោក ភី សុភាដា ជូនសេចក្ដីប្រែសម្រួល៕
