ការបង្រ្កាបលើសេរីភាពតាមប្រព័ន្ធអ៊ីនធឺណិតនៅតែបន្តជះឥទ្ធិពលមិនល្អលើលទ្ធិប្រជាធិបតេយ្យ
ទីភ្នាក់ងារស៊ើបការណ៍សម្ងាត់អាមេរិក និយាយថា ប្រទេសរុស្ស៊ីបានចូលជ្រៀតជ្រែកក្នុងការបោះឆ្នោតជ្រើសរើសប្រធានាធិបតីសហរដ្ឋអាមេរិកកាលពីឆ្នាំ ២០១៦ មួយផ្នែកតាមរយៈការឃោសនាតាមប្រព័ន្ធអ៊ីនធឺណិត។ ប៉ុន្តែរបាយការណ៍ថ្មីមួយបង្ហាញថា សហរដ្ឋអាមេរិកមិនមែនជាគោលដៅវាយប្រហារតែមួយគត់ ប៉ុណ្ណោះទេ។ យោងទៅតាមរបាយការណ៍ "Freedom on the Net” នេះ ការឃោសនាព័ត៌មានមិនពិត ឬ Fake News កំពុងតែកើនឡើង ស្របពេលដែលសេរីភាពតាមប្រព័ន្ធអ៊ីនធឺណិតកំពុងធ្លាក់ចុះនៅលើពិភពលោក។ អ្នកស្រី Jesusemen Oni ជូនសេចក្តីរាយការណ៍អំពីរឿងនេះ ហើយលោក ណឹម សុភ័ក្រ្តបញ្ញា ជូនសេចក្តីប្រែសម្រួល៕