មហាក្រុមហ៊ុនបណ្តាញសង្គមអាមេរិកប្តេជ្ញាទប់ស្កាត់ព័ត៌មានប្រឌិតដោយបរទេស
មហាក្រុមហ៊ុនបណ្តាញសង្គមអាមេរិកប្តេជ្ញាទប់ស្កាត់ព័ត៌មានប្រឌិតដោយបរទេស។ បណ្តាមហាក្រុមហ៊ុនបណ្តាញសង្គមនៅអាមេរិកបានទទួលស្គាល់ថា ទីភ្នាក់ងាររុស្ស៊ីនានាបានប្រើប្រាស់បណ្តាញរបស់ខ្លួនដើម្បីធ្វើឲ្យមានភាពចម្រូងចម្រាសនិងបង្ហាញព័ត៌មានប្រឌិតក្នុងអំឡុងពេលនិងក្រោយពីការធ្វើយុទ្ធនាការឃោសនាបោះឆ្នោតប្រធានាធិបតីអាមេរិកកាលពីឆ្នាំ២០១៦ ហើយក្រុមហ៊ុនទាំងនោះក៏បានប្តេជ្ញាថា នឹងទប់ស្កាត់ការបំពានរបៀបនេះនៅពេលអនាគត។ លោក Michael Bowman នៃ VOA រាយការណ៍ថា អ្នកតំណាងមកពីក្រុមហ៊ុន Facebook ក្រុមហ៊ុន Twitter និងក្រុមហ៊ុន Google បានផ្តល់សក្ខីកម្មនៅចំពោះមុខអនុគណៈកម្មាធិការព្រឹទ្ធសភាអាមេរិកមួយកាលពីថ្ងៃទី៣១ ខែតុលាកន្លងទៅនេះ ខណៈដែលអ្នកតំណាងរាស្ត្រពិចារណាទៅលើការបង្កើតច្បាប់មួយដើម្បីលើកកម្ពស់តម្លាភាពលើប្រព័ន្ធអ៊ីនធឺណិត។ អ្នកនាង ហុង ចិន្តា ជូនសេចក្តីប្រែសម្រួល៕