លោក ដូណាល់ ត្រាំ ធ្វើការផ្លាស់ប្តូរដោយច្របូកច្របល់នៅថ្ងៃដំបូងៗរបស់លោកក្នុងតំណែងជាប្រធានាធិបតី
ចាប់តាំងពីការស្បថចូលកាន់តំណែងរបស់លោកនៅថ្ងៃទី២០ ខែមករាមក លោកប្រធានាធិបតីសហរដ្ឋអាមេរិក ដូណាល់ ត្រាំ បានចាត់វិធានការផ្លាស់ប្តូររបៀបវារៈរបស់លោកយ៉ាងឆាប់រហ័ស។ លោកប្រធានាធិបតី បានចុះហត្ថលេខាលើបទបញ្ជាប្រធានាធិបតីដែលមានគោលបំណងចាប់ផ្តើមយ៉ាងឆាប់រហ័សនូវផ្នែកសំខាន់ៗនៃគោលនយោបាយអាទិភាពនៅក្នុងប្រទេសរបស់លោក។ ក៏ប៉ុន្តែ ចំណាត់ការរបស់លោកប្រធានាធិបតី Trump ដើម្បីរឹតបន្តឹងជនអន្តោប្រវេសន៍ ហើយនឹងបន្តស៊ើបអង្កេតការលួចបន្លំសន្លឹកឆ្នោតនៅក្នុងការបោះឆ្នោតជ្រើសរើសប្រធានាធិបតីកាលពីខែវិច្ឆិកាឆ្នាំទៅ អាចធ្វើឲ្យមានការខ្វល់ខ្វាយនៅថ្ងៃដំបូងៗនៃការកាន់តំណែងប្រធានាធិបតីរបស់លោក។ លោក Jim Malone អ្នកយកព័ត៌មានថ្នាក់ជាតិរបស់ VOAរាយការណ៍អំពីរឿងនេះពីរដ្ឋធានីវ៉ាស៊ីនតោន។ លោក ជឹង ប៉ូជីន ជូនសេចក្តីប្រែសម្រួល៕
