ប្រទេសកម្ពុជាផ្តល់ក្តីសង្ឃឹមលើមធ្យោបាយដឹកជញ្ជូននាថ្ងៃអនាគត
សេវាកម្មដឹកជញ្ជូនអ្នកដំណើរតាមរថភ្លើង បានចាប់ផ្តើមឡើងវិញ ដោយធ្វើការដឹកអ្នកដំណើរចេញពីរាជធានីភ្នំពេញ ទៅកាន់ក្រុងព្រះសីហនុ បន្ទាប់ពីផ្អាកដំណើរការអស់រយៈពេលជាងមួយទសវត្សរ៍។ នេះជាការបោះជំហានដ៏ខ្លីមួយក្នុងប្រទេសដែលវិស័យទេសចរណ៍កំពុងរីកលូតលាស់ ក៏ប៉ុន្តែវិស័យដឹកជញ្ជូននេះ នឹងប្រឈមនឹងការលំបាកធំៗជាច្រើនទៀត ដោយត្រូវការការវិនិយោគបន្ថែមលើវិស័យហេដ្ឋារចនាសម្ព័ន្ធ ដើម្បីតាមឲ្យទាន់កំណើនសេដ្ឋកិច្ចរបស់ប្រទេស។ លោក Daniel de Carteret បានជិះរថភ្លើងដំបូងនេះទៅកាន់ទីក្រុងជាប់ឆ្នេរសមុទ្រហើយរាយការណ៍អំពីរឿងនេះ។ អ្នកស្រី ស៊ូ ពេជ្រចិន្តា ជូនសេចក្តីប្រែសម្រួល៕