កម្មវិធីទូរទស្សន៍វីអូអេ «វ៉ាស៊ីនតោនសប្តាហ៍នេះ» ០៧ កក្កដា ២០១៤
កម្មវិធី «វ៉ាស៊ីនតោនសប្តាហ៍នេះ» ឬ VOA Khmer SAPADA ជាកម្មវិធីទូរទស្សន៍ប្រចាំសប្តាហ៍របស់វីអូអេ ដែលមានផ្សាយនៅលើកញ្ចក់ទូរទស្សន៍ CNC កម្មវិធីក្នុងសប្តាហ៍នេះមានព័ត៌មានអំពី សង្គ្រាមនៅកាហ្សា(Gaza) កើតឡើងទាំងនៅលើប្រព័ន្ធអ៊ីនធឺណេត និងនៅលើដី។ អ្នកជំនាញថា ភាពក្រីក្រមានចំណែកក្នុងការធ្វើឲ្យមានការរាតត្បាតនៃជំងឺអេបូឡា។ ក្រុមហ៊ុនខ្លះនៅប្រទេសថៃ ខិតខំធ្វើឲ្យស្ថានភាពការងារប្រសើរឡើង។ ការធ្វើសមាធិ ក្លាយជាបដិវត្តន៍មួយ គ្រាដែលពលរដ្ឋអាមេរិកាំងស្វែងរកវិធីបន្ធូបន្ថយភាពតានតឹងក្នុងចិត្ត។ កុមារ ធ្វើឲ្យរូបគំនូរតុក្កតា មានចលនា។ លោកប្រធានាធិបតីកាហ្សៃ បន្សល់ទុកកេរដំណែលចំរុះ សម្រាប់អាហ្វហ្កានិស្ថាន។ ការបង្រៀនគ្រាមភាសាអង់គ្លេសបែបអាមេរិកាំង គឺឃ្លា «wild goose chase» និងបញ្ចប់ដោយឈុតខ្លះពីភាពយន្តអាមេរិករឿង«Step Up All In»៕