ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប៉ាគីស្ថាន​តាម​ប្រមាញ់​ក្រុម​សកម្ម​ប្រយុទ្ធ បន្ទាប់ពី​ការសម្លាប់​រង្គាល​នៅ​សាលារៀន​មួយ


ក្រុមសិស្សនិកាយស៊ីអ៊ីតកាន់បដាបង្ហាញការប្រឆាំង នឹងការសម្លាប់សិស្សសាលាដោយក្រុមតាលីបង់ នៅខេត្ត Peshawar។ រដ្ឋាភិបាលប៉ាគីស្ថាន បានចាត់វិធានការប្រមាញ់ក្រុមសកម្មប្រយុទ្ធតាលីបង់ បន្ទាប់ពីសោកនាដកម្មនោះ។
ក្រុមសិស្សនិកាយស៊ីអ៊ីតកាន់បដាបង្ហាញការប្រឆាំង នឹងការសម្លាប់សិស្សសាលាដោយក្រុមតាលីបង់ នៅខេត្ត Peshawar។ រដ្ឋាភិបាលប៉ាគីស្ថាន បានចាត់វិធានការប្រមាញ់ក្រុមសកម្មប្រយុទ្ធតាលីបង់ បន្ទាប់ពីសោកនាដកម្មនោះ។

មន្រ្តី​ប៉ាគីស្ថាន​បាន​និយាយ​ថា​ យន្តហោះ​ប្រតិកម្ម​និង​កង​ទ័ព​ជើង​គោក​បាន​សម្លាប់ជន​សកម្ម​ប្រយុទ្ធ​៥៨​ នាក់​ ប៉ុន្មាន​ថ្ងៃ​បន្ទាប់​ពី​ពួក​តាលីបង់​ បាន​វាយ​ប្រហារ​ទៅ​លើ​សាលារៀន​មួយ​នៅ​ក្រុង​ ប៉េសាវ៉ា (Peshawar)​ នៅ​ភាគ​ពាយ័ព្យ​ប៉ាគីស្ថាន ដោយ​បាន​សម្លាប់​មនុស្ស​ ១៤៩​ នាក់​ ដែល​ភាគ​ច្រើន​ជា​កុមារ។​

នៅ​ស្រប​ពេល​ដែល​ប៉ាគីស្ថាន​ចាប់​ផ្តើម ​កាន់​មរណទុក្ខ​ក្នុង​ថ្ងៃ​ទី​បី​ កង​ទ័ព​ប៉ាគីស្ថាន​បាន​ឡោម​ព័ទ្ធ​ហើយ​សម្លាប់​ជន​សកម្ម​ប្រយុទ្ធ​ចំនួន​យ៉ាង ​តិច​ ៥០​ នាក់​ នៅ​ជ្រលង​ភ្នំ​ធីរ៉ា (Tirah)​ ក្នុង​តំបន់ឃីប៊ឺ​ (Khyber)​ នៅ​ជិត​ព្រំដែន​ជា​មួយ​អាហ្វហ្កានីស្ថាន។​

ជន​សកម្មប្រយុទ្ធ​ ៨​ នាក់​ទៀត​បាន​ត្រូវ​ប្រហារ​ជីវិត​នៅខេត្ត​ ប៉ាលូឈីស្ថាន (Baluchistan)​ ភាគ​និរតី​ប្រទេស​ ដោយ​ក្នុង​នោះរួម​មាន​មេ​បញ្ជាការជាន់​ខ្ពស់​ក្រុមតាលីបង់​ម្នាក់​ផង។

ការសម្លាប់​រង្គាល​នៅ​សាលារៀន​ដោយ​ក្រុម​សកម្ម​ប្រយុទ្ធ​នៅ​ក្រុង​ Peshawar​ កាល​ពី​ថ្ងៃ​អង្គារ​បាន​ធ្វើ​ឲ្យ​ពិភពលោក​តក់​ស្លុត​ និង​ជំរុញ​ឲ្យ​លោក​នាយក​រដ្ឋមន្រ្តី ណាវ៉េ ហ្សារីហ្វ ​ (Nawaz Sharif​) លុប​ចោល​បំរាម​លើ​ទោស​ប្រហារ​ជីវិត៕​

XS
SM
MD
LG