ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​ Kerry និង Zarif បន្តកិច្ច​ចរចា​ថ្ងៃ​ទី​បី​នៅ​ក្រោយ​សន្ទរកថា​របស់​លោក​ Netanyahu


លោក​រដ្ឋមន្រ្តី​ការបរទេស​សហរដ្ឋ​អាមេរិក​ John​ Kerry​ ទី​៣​រាប់​ពី​ឆ្វេង ជួប​ជាមួយ​នឹង​លោក​រដ្ឋមន្រ្តី​ការ​បរទេស​ប្រទេស​អ៊ីរ៉ង់​ Mohammad​ Javid​ Zarif​ ទី​៣​រាប់​ពី​ស្តាំ សម្រាប់​កិច្ច​ចរចា​ថ្មី​អំពី​បញ្ហា​នុយក្លេអ៊ែរ​ នៅ​ថ្ងៃ​ពុធ​ ទី​៤​ ខែ​មិនា ឆ្នាំ​២០១៥​ នៅ​ក្នុង​ទីក្រុង Montreux ប្រទេស​ស៊្វីស។​
លោក​រដ្ឋមន្រ្តី​ការបរទេស​សហរដ្ឋ​អាមេរិក​ John​ Kerry​ ទី​៣​រាប់​ពី​ឆ្វេង ជួប​ជាមួយ​នឹង​លោក​រដ្ឋមន្រ្តី​ការ​បរទេស​ប្រទេស​អ៊ីរ៉ង់​ Mohammad​ Javid​ Zarif​ ទី​៣​រាប់​ពី​ស្តាំ សម្រាប់​កិច្ច​ចរចា​ថ្មី​អំពី​បញ្ហា​នុយក្លេអ៊ែរ​ នៅ​ថ្ងៃ​ពុធ​ ទី​៤​ ខែ​មិនា ឆ្នាំ​២០១៥​ នៅ​ក្នុង​ទីក្រុង Montreux ប្រទេស​ស៊្វីស។​

លោក​រដ្ឋមន្រ្តី​ការបរទេស​សហរដ្ឋ​អាមេរិក​ John​ Kerry​ និង​លោក​រដ្ឋមន្រ្តី​ការ​បរទេស​ប្រទេស​អ៊ីរ៉ង់​ Mohammad​ Javid​ Zarif​ បាន​បញ្ចប់​ការ​ចរចា​រយៈ​ពេល​បី​ថ្ងៃ​អំពី​បញ្ហា​នុយក្លេអ៊ែរ​ ក្រោយ​សុន្ទរកថា​កាល​ពី​ថ្ងៃ​អង្គារ​របស់​លោក​នាយក​រដ្ឋមន្រ្តី​ប្រទេស​អ៊ីស្រាអែល​ Benjamin​ Netanyahu​ ដែល​បាន​រៀប​រាប់​ក្បោះ​ក្បាយ​នៅ​មុខ​សភា​អាមេរិក​ថា​ ហេតុអ្វី​បាន​ជា​លោក​ជឿ​ថា​កិច្ច​ព្រម​ព្រៀង​នុយក្លេអ៊ែរ​មួយ​ជា​មួយ​អ៊ីរ៉ង់​នឹង​មាន​គ្រោះថ្នាក់​ដល់​ពិភពលោក។

លោក​ Kerry​ និង​គណប្រតិភូ​មួយ​ដែល​មាន​សមាជិក​៤​នាក់​ រួម​ទាំង​លោក​ស្រី​អនុ​រដ្ឋលេខាធិការ​ Wendy​ Sherman​ និង​លោក​រដ្ឋមន្រ្តី​ក្រសួង​ថាមពលអាមេរិក​ Ernest​ Moniz​ បាន​សំដែង​ការ​គួរសម​រាក់ទាក់​ជា​មួយ​លោក​ Zarif​ និង​គណប្រតិភូ​របស់​អ៊ីរ៉ង់​ នៅ​ពេល​ភាគី​ទាំង​ពីរ​ជួប​ចរចា​គ្នា​នៅ​ព្រឹក​ថ្ងៃ​ពុធ​នេះ​ នៅ​ទីក្រុង​ Montreux​ ប្រទេស​ ស៊្វីស។​

កាល​ពី​ថ្ងៃ​អង្គារ​នៅ​រដ្ឋធានី​វ៉ាស៊ីនតោន​ លោក​នាយករដ្ឋមន្រ្តី​អ៊ីស្រាអែល​ Benjamin Netanyahu​ បាន​ថ្លែង​ថា​លោក​មាន​ «កាតព្វកិច្ច​ដ៏​ធំ​មួយ‍»​ ក្នុង​ការ​និយាយ​អំំពី​បញ្ហា​ដែល​លោក​ជឿ​ថា​បាន​គំរាម​ដល់​អាយុ​ជីវិត​របស់​ប្រទេស​លោក។​

នៅ​ចំពោះ​មុខ​កិច្ច​ប្រជុំ​រួម​របស់​សភា​ទាំង​ពីរ​ លោក​បាន​ថ្លែង​ថា​ កិច្ច​ព្រម​ព្រៀង​នុយក្លេអ៊ែរ​ជា​មួយ​អ៊ីរ៉ង់​ជា​ «កិច្ច​ព្រម​ព្រៀង​អាក្រក់‍» ​មួយ​ ពីព្រោះ​តាម​សំដី​លោក​ផ្ទាល់​ថា​ «វា​មិន​បាន​រារាំង​ផ្លូវ​របស់​អ៊ីរ៉ង់​ឆ្ពោះ​ទៅ​ការ​ផលិត​គ្រាប់​បែក​ទេ​ តែ​បើក​ផ្លូវ​ឲ្យ​អ៊ីរ៉ង់​អាច​ផលិត​គ្រាប់​បែក​មួយ​ទៅ​វិញ‍»៕

XS
SM
MD
LG