ក្រុមមន្ត្រីនៅក្នុងក្រុងអាថែន (Athens) បាននិយាយថាកិច្ចប្រតិបត្តិការជួយសង្គ្រោះមួយកំពុងត្រូវបានធ្វើឡើង បន្ទាប់ពីមានខ្យល់បក់បោកខ្លាំងនៅក្រោយនាវាចម្លងមួយគ្រឿង ដែលបានដឹកទ្បាននិងក្រុមអ្នកដំណើរ៤៦៦នាក់ទទួលរងអគ្គីភ័យនៅក្នុងលំហសមុទ្រទល់មុខឆ្នេរនៃប្រទេសក្រិក។
នាវាចម្លងឈ្មោះ Norman Atlantic ឋិតនៅចម្ងាយ៨០គ.ម.ភាគពាយ័ព្យកោះកូហ្វូ (Corfu) នៅថ្ងៃអាទិត្យនេះនៅពេលវាបញ្ជូនសារគ្រាមានអាសន្នបន្ទាប់ពីមានអគ្គីភ័យនៅជាន់ក្រោមនៃនាវា។នាវាចម្លងនេះបានធ្វើដំណើរពីកំពង់ផែប៉ាត្រាស (Patras) ប៉ែកខាងលិចប្រទេសក្រិកទៅកាន់កំពង់ផែអង់កូណា (Ancona) ប៉ែកខាងកើតប្រទេសអ៊ីតាលី។ ហើយគេមិនទាន់ដឹងច្បាស់ថាតើមានមនុស្សស្លាប់នៅឡើយទេ។
អ្នកដំណើរច្រើននាក់ត្រូវបានផ្ទេរទៅកាន់នាវាជួយសង្គ្រោះមួយគ្រឿងហើយអ្នកដំណើរច្រើននាក់ផ្សេងទៀតបានជិះទូកសង្គ្រោះជីវិតដែលភាសាអង់គ្លេសហៅថា Life boats។
នាវាមួយចំនួននៅក្នុងតំបន់នោះបានប្រញាប់ប្រញាល់ចេញទៅកាន់កន្លែងកើតហេតុជាមួយកងឧទ្ធម្ភាគចក្រនិងយន្តហោះធុន C-130 មួយគ្រឿងដែលផ្តល់ជំនួយបន្ថែមផ្នែកស្វែងរកនិងជួយសង្គ្រោះ៕
