ថ្ងៃអង្គារ, 30 មិថុនា 2015

អន្តរជាតិ

ស.រ.អ.​តម្លើង​ពន្ធ​អាករ​លើ​បារី

វ៉ាស៊ីនតោន៖ ក្រុម​អ្នក​តាក់តែង​ច្បាប់​ទូទាំង​ប្រទេសបាន​តម្លើង​ពន្ធអាករ​លើ​បារី​ដើម្បី​ផ្តល់​ថវិកា​ចំណូល​ចាំបាច់​ឲ្យ​រដ្ឋា​ភិបាល​តំបន់។​ តែ​ទី​ផ្សារ​ងងឹតមាន​ការ​លូត​លាស់​ខ្លាំង​ក្នុង​ការ​លក់​បារី​ ដែលបាន​ធ្វើ​ឲ្យ​រដ្ឋា​ភិបាល​បាត់​បង់​ប្រាក់​ចំណូល​ប្រចាំ​ឆ្នាំច្រើន​ពាន់​លាន​ដុល្លារ។ ​ដូច​សេច​ក្ដី​រាយ​ការណ៍​របស់ ​Faiza Elmasry ​ឲ្យ​ដឹង​ថា​ ​ទី​ភ្នាក់​ងារ​គ្រប់​ថ្នាក់​បាន​សហការ​គ្នា​ក្នុង​ការ​ស៊ើប​អង្កេត​ និង​ប្រយុទ្ធតទល់​នឹង​ការ​លក់​បារី​ក្នុង​ផ្សារ​ងងឹត។

តម្លៃ​បារី​ខុសៗ​គ្នា​ដ៏​ច្រើន​ ​ពី​ទី​កន្លែង​មួយ​ទៅ​ទី​កន្លែង​មួយ​ ​នៅ​ក្នុង​ស.រ.អ. ​ដោយ​សារ​រដ្ឋ​និមួយៗ​បាន​ដាក់​កម្រិត​ពន្ធអាករ មក​លើតម្លៃ​លក់​រាយ​ នៃ​កញ្ចប់​បារី​មួយ​ៗ​។

ក្នុង​រដ្ឋ​ខ្លះ ​ពន្ធ​អាករ ​មាន​តែ​ប៉ុន្មាន​សេន​ប៉ុណ្ណោះ​។ ​តែ​រដ្ឋ​ដទៃ​ទៀត ​តម្លៃខុស​គ្នា​ដល់​ច្រើន​ដុល្លារ។ ​ហេតុដូច្នេះ​ហើយ​ ដោយសារ​មាន​ជន​ជាតិ ​អាមេរិកាំង​ជិត​៤៥​ លាន​នាក់​ជក់​បារី​ ​ ការ​លក់​បារី ​ជាមុខ​របរ​ដ៏ធំ​មួយ​ ដូច​គ្នា​នឹងពាណិជ្ជកម្ម​ជួញ​ដូរ​រត់​ពន្ធ​បារី​ដែរ ។​ ​ឈ្មួញ​បាន​ប្រមូល​ទុក​បារីដែល​ទិញពីរដ្ឋ​ដែលយក​ពន្ធអាករ​តិច ​ឬ​ទិញ​បារី​ពី​តំបន់​មិន​យក​ពន្ធអាករ​ក្នុង​ទី​កន្លែង​កាន់កាប់​ដោយជនជាតិឥណ្ឌា​ស្បែកក្រហម​ រួច​ដឹក​យក​មក​លក់ក្នុង​រដ្ឋដែល​លក់បារី​តាម​ត​ម្លៃ​ខ្ពស់។ ​នៅ​ទីកន្លែង​មាន​ពន្ធ​បារីខ្ពស់​ ឈ្មួញ​ក៏​លក់​បារី​បាន​ច្រើន​ ​រួច​ទទួល​ប្រាក់​ចំណេញ​ក៏​ច្រើន​ដែរ។

«ពេល​នេះ រថយន្ដ​កាមីយ៉ុង​វែង​មួយ​ ​ដែល​ផ្ទុក​ទៅ​ដោយ​បារី​ខុស​ច្បាប់​ ​នឹង​ផ្ដល់​ទៅ​ឲ្យ​អ្នក​បើកបរ​អាច​ទទួល​ប្រាក់​ចំណេញ​ប្រហែលពីរលាន​ដុល្លារ»។

លោក​ ​Ted Deeds ​ជា​អ្នក​នាំ​ពាក្យ​នៃ​ក្រសួង​បង្រ្កាប​ការ​ជួញ​ដូរ​បារី​ខុស​ច្បាប់​ ​និង​សណ្ដាប់​ធ្នាប់​ហៅ​ Law Enforcement Alliance of America​ ដែល​ជា​ក្រុម​ឯកជន​មិន​យក​កម្រៃ​ខាង​ការអនុវត្ដន៍​ច្បាប់។​ លោក​ចង្អុល​ឲ្យ​ឃើញ​ថា​ ​ប្រាក់​ចំណេញរបស់​ឈ្មួញ​រត់​ពន្ធ​ ​មាន​ន័យថា​ ​រដ្ឋ​មិន​បាន​ទទួល​យក​ពន្ធ​ ជា​ប្រាក់​ចំណូល​ត្រូវការ​ដើម្បី​យក​ទៅ​ចំណាយ​មក​លើ​សេវា​តំបន់​ ​ជាពិសេស​ក្នុង​ការ​អប់រំ។

កាសែត​ The Wall Street Journal ​រាយ​ការណ៍​ថា​ ​រដ្ឋ​និមួយៗ​ បាន​ខាត​បង់​ប្រាក់​ជិត​ទៅ​៥​ពាន់​លាន​ដុល្លារ ​រាល់ៗ​ឆ្នាំ ​គឺពីព្រោះតែ​គ្មាន​ពន្ធ​នាំចូល​ ​ដែលបណ្ដាល​មក​ពី​ទី​ផ្សារ​ងងឹត​លក់​បារី​ខុស​ច្បាប់​នេះ​ប៉ុណ្ណោះ។

ពន្ធអាករ​លើបារី​ជា​ប្រភព​ប្រាក់​ចំណូល​សំខាន់​សម្រាប់​រដ្ឋ​ ញូយ៉ក​ ​ដែល​លក់​បារីថ្លៃ​ជាង​គេ​បំផុត ​នៅ​ក្នុង​ស.រ.អ.​ តាម​តម្លៃ​១៥​ដុល្លារ​ក្នុង​មួយ​កញ្ចប់។ ​ពន្ធអាករ​របស់​រដ្ឋទទួល​ប្រាក់​ចំណូល​ជាង​៤​ដុល្លារក្នុង​បារី​មួយ​កញ្ចប់។​ ទី​ក្រុង​ញូយ៉ក​យក​ពន្ធ​ប​ន្ថែម​មួយ​ដុល្លារ​កន្លះ។ ​រដ្ឋ​នានា​សហការ​ជា​មួយ​ ក្រសួង​បង្រ្កាប​បទ​ល្មើស​របស់​សហពន្ធគឺការិយាល័យសុរា​ ​ថ្នាំ​ជក់ ​អាវុធ​ និង​គ្រឿងផ្ទុះ​ ឬ ​ATF​ ក្នុង​ការ​បង្រ្កាប​លើ​ផ្សារ​ងងឹត​លក់​បារី។ ​លោក​ Brad Maione ​ ​បុគ្គលិករបស់​ក្រសួង​ពន្ធអាករ​និង​ហិរញ្ញ​វត្ថុ​ក្នុង​រដ្ឋ​ញូយ៉ក​ ​និយាយ​ថា​ ទី​ភ្នាក់ងារ​របស់​លោកបានដឹក​នាំ​ការ​ស៊ើប​អង្កេត​សម្ងាត់រយៈ​ពេល​យូរ។

«កិច្ចការ​នោះ​មាន​គ្រោះថ្នាក់​ច្រើន​ ​ហើយលំបាកពាក់ព័ន្ធ​នឹង​កិច្ច​ប្រតិបត្ដិការ​ជា​មួយ​រដ្ឋ​ខាង​ក្រៅ។ ​យើង​បាន​ជោគ​ជ័យ​ខ្លះ​ៗ​ជា​ច្រើន​ឆ្នាំ​មក​ហើយក្នុង​ការ​ប្រយុទ្ធ​ត​ទល់​នឹង​ជំនួញ​ស្រា​ខុ​ស​ច្បាប់។​ យើង​បាន​បំពេញ​ករណី​មួយ​ដែល​បណ្ដាល​ឲ្យ​មាន​ការ​ចាប់ខ្លួនមនុស្ស​ច្រើន​នាក់។ ​សហ​គ្រាស​ជួញ​ស្រា​ខុស​ច្បាប់​នោះ ​បាន​ធ្វើ​ឲ្យ​រដ្ឋខាតបង់ពន្ធអាករប្រហែល​១១​លាន​ដុល្លារ»។

លោក ​Cohen ​និយាយ​ថា​៖

«ATF​ បាន​ធ្វើការ​ជា​មួយ​ករណី​ច្រើន​រយ​ ​នៅ​ក្នុង​ប្រទេស​ទាំងមូលកាល​ពី​ប៉ុន្មានឆ្នាំ​ថ្មីៗ​នេះ»។

Jeff ​Cohen ​គឺ​ជា​អ្នក​នាំពាក្យរបស់​ទី​ភ្នាក់ងារ ​ATF។ ​លោក​បន្ថែម​ថា៖

«ជោគជ័យ​ដ៏​ត្រចះ​ត្រចង់​របស់​យើង​មួយគឺ​ករណី​មួយ​កាល​ពី​ប៉ុន្មានឆ្នាំ​កន្លង​ទៅ​នេះពាក់​ព័ន្ធ​នឹង​ភ្នាក់ងារ​របស់​ក្រុម​ភេរវ​កម្ម​ហេបូឡា​នៅ​ក្នុង​រដ្ឋ​ North Carolina ​ ដែល​ដឹក​បារី​ចូល​ទៅ​ក្នុង​រដ្ឋ​ Michigan​ ​ហើយ​ទទួល​ប្រាក់​ចំណេញ​ដ៏​ច្រើន​សន្ធឹក​ពី​បារីគ្មាន​ពន្ធ​ ​ហើយ​យក​ប្រាក់​ចំណូល​ទាំង​នោះ​ទៅទិញ​អាវុធ​យុទ្ធ​ភណ្ឌ»។

ទោះ​បីជា​មាន​ជោគ​ជ័យ​ជា​ច្រើន​ក៏​ដោយ​ ​លោក​Cohen​ និយាយថា​ ​ការ​ប្រយុទ្ធ​ប្រឆាំង​ឈ្មួញ​រត់ពន្ធ​បារី​កាន់​តែ​លំបាក​ខ្លាំង។

«បញ្ហា​មួយ​ដ៏ធំ​នៅ​ជុំវិញ​ពិភព​លោក​ ​គឺ​ការ​ធ្វើ​បារីក្លែងក្លាយ​ និង​ការ​ចែក​ ​បោះ​ លក់​បារី​ក្លែងក្លាយ។​ ក្នុង​ប៉ុន្មានឆ្នាំ​ថ្មីៗ​នេះ​ ​ ក្រុម​ហ៊ុន​ទាំង​នោះ​មាន​ល្បិច​កាន់​តែខ្ពស់​ ​រ​ហូត​ដល់​ចំណុច​មួយដែល​គេ​មិន​អាច​ដឹង​ថា​ ​បារី​ណា​មួយ​ក្លែងក្លាយ​ ឬ​ណា​មួយ​មិន​ក្លែង​ក្លាយ»។

លោក​ Cohen ​ថ្លែង​ទៀត​ថា​ កិច្ច​ប្រឹង​ប្រែង​របស់​ក្រុម​អនុវត្ដ​ច្បាប់​ក្នុង​កិច្ចការ​បង្រ្កាប​ត្រូវ​រារាំង​ដោយមិន​សូវ​មាន​ធនធាន​ច្រើន​ទេ​ ​ ហើយ​ដាក់​អាទិភាព​ទៅលើ​រឿង​ដទៃ។

«ជា​ពិសេស​នៅ​ក្នុង​ក្រសួង ​ATF​ ​យើង​ផ្ដោត​ទៅ​លើ​ឧក្រិដ្ឋ​កម្ម​ឃោរឃៅ​មុន​គេបង្អស់។ ​ពេល​ដែល​មាន​មនុស្ស​ជួញដូរ​អាវុធ​ ឬពាក់ព័ន្ធ​នឹង​ការ​ដាក់គ្រាប់​បែកផ្ទុះ​មក​លើ​អគារ ​ឬ​រត់​គ្រឿង​ញៀន​ ជួន​កាល​ ​ការ​រត់ពន្ធ​បារី​ខុសច្បាប់​មិន​បាន​ចាត់​ទុក​ជា​អាទិភាព​ខ្ពស់​ទេ​ ​ហើយ​ម្យ៉ាង​ទៀត​គឺ​ឧក្រិដ្ឋ​ជន​មាន​ល្បិច​ច្រើន។​ ពួក​គេ​ចេះ​លាក់​ខ្លួននៅពី​ក្រោយ​ការ​ទិញ​ដូរ​ច្រើន​កន្លែង​ ​ដើម្បី​បំភ័ន្ត​ភ្នែក​នៅ​ទី​កន្លែង​ដែល​បារី ​បាន​ត្រូវ​យក​ទៅ​លក់ជា​ទីចុង​ក្រោយ»។

ការ​ផ្សព្វ​ផ្សាយ​ឲ្យ​សាធារណ​ជន​យល់​ដឹង​អំពី​ឧក្រិដ្ឋ​កម្ម​ដូច្នេះ ​មាន​សារៈ​សំខាន់​ណាស់​ក្នុង​ការ​បញ្ឈប់​ជំនួញ​ខុសច្បាប់​នេះ​ ​នេះ​បើ​តាម​ពាក្យ​របស់​លោក​ ​Ted Deeds ​នៃ​ក្រុម ​Law Enforcement of Alliance of America។

«ប៉ូលិស​នៅ​ស.រ.អ. ​ត្រូវ​ធ្វើការ​ឲ្យ​ប្រសើរ​ឡើង​ ​ដោយ​ប្រាប់​គេ​គ្រប់​គ្នា​ឲ្យ​ដឹង​ថា​ ប្រទេស​អាមេរិក​មាន​ ទី​ផ្សារ​ងងឹត​លក់បារី។ ​គ្រប់​រូបនៅ​ក្នុង​ប្រទេស​អាមេរិក​ត្រូវ​មាន​ជម្រើស​ល្អ​ជាង​មុន ​ដោយ​ចៀស​វាង​មិន​ទិញ​បារី​ខុស​ច្បាប់។ ​បើ​គេ​មើល​ឃើញ​ថា​ ​មាន​នរណា​មួយ​លក់​វត្ថុខុស​ច្បាប់​ ​លាក់​ទុក​នៅ​ក្នុង​ឡាន​កាំមីយ៉ុង​ ​គេ​ត្រូវ​ហៅ​ប៉ូលិស​ ​ហើយ​រាយ​ការណ៍​ប្រាប់​ក្រសួង​នោះ។ ទីពីរ ​ក្រសួង​បង្ក្រាប​ត្រូវ​មាន​មុខ​នាទី​នៅ​ពេល​មាន​កិច្ច​ប្រជុំអំពី​មធ្យោបាយ​បន្ដបន្ទាប់​ ​ប្រហែល​ជា​យើង​ត្រូវ​ការពារ​ព្រំ​ប្រទល់​ ឬ​តម្លើង​ប្រាក់ផាក​ពិន័យ​មក​លើជន​រត់​ពន្ធ​បារី​ខុស​ច្បាប់នោះ​ ​ប្រហែល​ជា​យើង​អាច​កាត់​បន្ថយ​ប្រាក់​ចំណេញ​របស់ឈ្មួញ​ខុស​ច្បាប់​បាន។ ខ្ញុំ​មិន​ច្បាស់​ទេ​ តែ​ខ្ញុំ​ដឹង​ថា ដើម្បី​ឲ្យ​មាន​មធ្យោបាយ​ហ្មត់ចត់​ ​យើង​ត្រូវ​ឲ្យ​មាន​ប៉ូលិស​ជួយ​រៀប​ចំ​រូបមន្ដ​មក​លើ​មធ្យោ​បាយ​នោះ»។

លោក​ Deeds ​និយាយ​ទៀត​ថា​ ​ការ​ស្ថាបនា​ឲ្យ​មាន​កិច្ច​សហប្រតិ​បត្ដិការ​គ្នាក្នុង​ចំណោម​ទីភ្នាក់ងារសហ​ព័ន្ធ និង​តំបន់អាច​ជួ​យ​ក្នុង​កិច្ច​ការ​ប្រយុទ្ធ​តទល់​នឹងអំពើ​រត់ពន្ធ។ ​លោក​ថ្លែង​បន្ថែម​ថា​ ​វា​នឹង​មាន​ប្រយោជន៍​សំខាន់​ដល់​មន្ដ្រី​នៃ​ក្រសួង​បង្រ្កាប​ច្បាប់​អាមេរិកាំង​ក្នុង​កិច្ចការ​សម្រួល​ជា​មួយ​ទីភ្នាក់ងារ​ និង​រដ្ឋា​ភិបាល​បរទេស​ ​ដោយ​មក​ពី​ការ​រត់ពន្ធ​ ការ​ជួញ​ដូរបារី​បាន​កើន​ខ្លាំង រួច​ក្លាយ​ទៅ​ជារឿង​ឧក្រិដ្ឋ​កម្ម​គ្មាន​ព្រំដែន៕

ប្រែសម្រួលដោយលោក​ ​អ៊ូ​ ធួក

វេទិកា​​​បញ្ចេញ​​​មតិ​​​នេះ​​​ត្រូវ​​​បាន​​​បិទ។
មតិ
     
មិន​​​មាន​​​មតិ​​​នៅ​​​ក្នុង​​​វេទិកា​​​បញ្ចេញ​​​មតិ​​​នេះ​​​ទេ។ សូម​​​បញ្ចេញ​​​មតិ​​​ឲ្យ​​​បាន​​​មុន​​​គេ។
Your JavaScript is turned off or you have an old version of Adobe's Flash Player. Get the latest Flash player.
ជនជាតិ​ខ្មែរ ​ម៉ុងតាញ៉ា​ និង​ឡាវ​នៅ​ស.រ.អា.​បាតុកម្ម​នៅមុខ​សភា​ឲ្យ​អាមេរិក​ដាក់​សម្ពាធ​លើ​វៀតណាមi
X
27 មិថុនា 2015
អាមេរិកាំង​សហគមន៍​ខ្មែរ​អាមេរិកាំង​ម៉ុងតាញ៉ានិង​ឡាវ​បាន​មកធ្វើ​បាតុកម្ម​កាលពី​ថ្ងៃសុក្រ​នៅពី​មុខវិមាន​រដ្ឋ​សភា​សហ​រដ្ឋ​អាមេរិក​ដើម្បី​ស្នើ​សុំកុំ​ឱ្យសហ​រដ្ឋ​អាមេរិក​លក់​អាវុធ​ទៅឱ្យ​រដ្ឋាភិបាល​វៀតណាម​និង​រារាំង​ប្រទេស​កុម្មុយនិស្ត​នេះ​មិនឱ្យ​ចូលរួម​ក្នុង​កិច្ច​ព្រមព្រៀង​ពាណិជ្ជ​កម្មដៃ​គូឆ្លង​មហា​សមុទ្រ​ប៉ាស៊ីហ្វិក​ដោយ​សារតែ​ប្រទេស​នេះ​នៅ​តែ​រំលោភ​សិទ្ធិ​មនុស្ស​ក្នុងប្រទេស​និង​ពង្រីក​ឥទ្ធិពល​របស់ខ្លួន​មក​លើ​ប្រទេស​ជិតខាង។​ សូម​លោក​អ្នក​ទស្សនា​សេចក្តី​រាយការណ៍​របស់​លោក​ម៉ែន គឹមសេង​ នៃ​វីអូអេ​​ដូចតទៅ៖
Your JavaScript is turned off or you have an old version of Adobe's Flash Player. Get the latest Flash player.
ចៅប្រុសលោកស៊ីន ស៊ីសាមុតប្តេជ្ញាបន្តអាជីពសិល្បៈរបស់គ្រួសារi
X
សឹង សុផាត
19 មិថុនា 2015
លោក ស៊ីន សេដ្ឋកុល ជា​ចៅប្រុស​របស់​អធិរាជ​សំឡេង​មាស ស៊ីន ស៊ីសាមុត និង​​ជា​កូន​ប្រុស​របស់​អ្នក​ចម្រៀង​ ​លោក ស៊ីន ច័ន្ទ​ឆាយ៉ា ដែលបាន​ទទួល​មរណភាព​កាល​ពី​​ខែ​មករា​​ឆ្នាំ​នេះ។ លោក ស៊ីន ​សេដ្ឋកុល​ ក៏​ជា​តារា​ចម្រៀង​មួយ​រូប ដែល​​បាន​​បន្ត​​អាជីព​ប្រចាំ​គ្រួសារ​ពី​​​ជីតា​និង​ឪពុក។ នៅ​ក្នុង​បទ​សម្ភាសន៍​ផ្តាច់​មុខ​មួយ​ជាមួយ VOA ក្នុង​អំឡុង​ការ​សម្តែង​នៅ​សហរដ្ឋ​អាមេរិក​កាល​ពី​ខែ​ឧសភា លោក ស៊ីន សេដ្ឋាកុល បាន​ប្តេជ្ញា​បន្ត​​អាជីព​​ខាង​​វិស័យ​សិល្បៈ​តន្ត្រី​ចម្រៀង បើ​ទោះ​បី​ជួប​ការ​លំបាក​​ខាង​ជីវភាព​និង​ពិការភាព​​ក្តី​។ ត​ទៅ​នេះ​ជា​បទ​សម្ភាសន៍​រវាង​លោក សឹង សុផាត នៃ VOA ជាមួយ​លោក ស៊ីន សេដ្ឋកុល។ សូម​ជម្រាប​ថា នៅ​​ក្រោយ​​​បទ​សម្ភាសន៍​​នេះ ​​លោក​ ស៊ីន សេដ្ឋកុល បាន​​​ច្រៀង​​ចម្រៀង​​ពីរ​បទ​​តាម​សំណូមពរ​របស់​ប្រិយមិត្ត​ Facebook របស់ VOA។

អង់គ្លេស​ជាមួយ​ម៉ានី​និង​ម៉ូរី

No records found for this widget:5692

Your JavaScript is turned off or you have an old version of Adobe's Flash Player. Get the latest Flash player.
Your JavaScript is turned off or you have an old version of Adobe's Flash Player. Get the latest Flash player.
បរិវេណ​នៃ​អតីត​អគារ​ភ្លោះ​នៅ​បុរី​ញូយ៉ក ចាប់ផ្តើម​មាន​សកម្មភាព​ឡើង​វិញi
X
29 មិថុនា 2015
ពី​រដ្ឋ New Jersey ទៅ​សង្កាត់ Long Island នៃ​ទីក្រុង​ញូយ៉ក ពី​តំបន់ ជាយ​ក្រុង​ខាងជើង​ទៅ​ដល់​មហា​សមុទ្រAtlantic ដោយ​មាន​បុរី​ញូយ៉កទាំងមូល​នៅ​ចន្លោះ​ទីនោះ។ ទស្សនីយភាព​នេះ ចាប់ផ្តើម​មាន​សម្រាប់​សាធារណជន​ទស្សនា​កាលពី​ថ្ងៃសុក្រ ទី២៩ខែ ឧសភា កន្លង​ទៅ​នេះ នៅ​ពេល​ដែល​មាន​ការបើក​​​កន្លែង​មើល​ទស្សនីយភាព​នៃ​អគារ One World Trade Center នៅ​បុរី​ញូយ៉ក នៅ​ជាន់​លើ​បំផុត​នៃ​អគារ​ដែល​ជំនួស​អគារ​ភ្លោះ​ដែល​ត្រូវបាន​បំផ្លាញ​នៅក្នុង​ការវាយ​ប្រហារ​ភេរវកម្ម​កាលពី​ថ្ងៃទី១១ ខែកញ្ញា ឆ្នាំ២០០១។ លោក Bernard Shusman នៃ VOA រាយការណ៍​អំពី​រឿង​នេះ ហើយ លោក ឈឹម សុមេធ ជូនសេចក្តី​ប្រែសម្រួល៕