បរិស្ថាន

    ខ្សែភាពយន្ត​ខ្មែរ​រឿង​«ក្បង់​ទឹកទន្លេ»​ឈាន​មក​ដល់​កម្រិត​អន្តរជាតិ​នៅ​សាន់ដាន

    រឿង​«ក្បង់​ទឹក​ទន្លេ»​បាន​ចំណាយ​ពេល​ថត​អស់​រយៈ​ពេល​បួន​ឆ្នាំ​។ ​រឿង​«ក្បង់​ទឹក​ទន្លេ»​បាន​ចំណាយ​ពេល​ថត​អស់​រយៈ​ពេល​បួន​ឆ្នាំ​។ ​
    x
    រឿង​«ក្បង់​ទឹក​ទន្លេ»​បាន​ចំណាយ​ពេល​ថត​អស់​រយៈ​ពេល​បួន​ឆ្នាំ​។ ​
    រឿង​«ក្បង់​ទឹក​ទន្លេ»​បាន​ចំណាយ​ពេល​ថត​អស់​រយៈ​ពេល​បួន​ឆ្នាំ​។ ​
    ម៉ែន គឹមសេង
    វ៉ាស៊ីនតោន៖ បញ្ហា​លំបាក​ដែល​ពលរដ្ឋ​កម្ពុជា​កំពុង​ជួប​ប្រទះក្នុង​ជីវភាព​ប្រចាំ​ថ្ងៃដូច​ជា​ការ​កាប់​បំផ្លាញ​ព្រៃ​ធម្មជាតិ ការនេសាទត្រីច្រើន​ហួស​ប្រ​មាណ និងការ​ជំពាក់​បំណុល​វ័ណ្ឌ​ករនឹង​ត្រូវ​បង្ហាញដល់​អន្តរជាតិ​ឱ្យ​បាន​ដឹង​ជាលើក​ដំបូង​តាម​រយៈ​ខ្សែភាពយន្ត​ឯកសារ​រឿង «ក្បង់​ទឹក​ទន្លេ»។

    ភាពយន្ត​នេះ​នឹង​ត្រូវប្រកួត​ប្រជែង​នៅ​ឯ​មហោស្រព​ភាពយន្តទីក្រុង​សាន់​ដាន​ ក្នុង​រដ្ឋ​យូតា សហរដ្ឋ​អាមេរិក​ពីថ្ងៃ​ទី​២១​ដល់​២៦​ខែ​មករា​ឆ្នាំ​២០១៣​នេះ។​ ​នេះ​ជា​មហោស្រព​ភាពយន្ត​ប្រចាំ​ឆ្នាំ​ដ៏​មាន​កិត្តិយស​បំផុតនៅ សហរដ្ឋ​អាមេរិក​ដែល​អនុញ្ញាត​ឱ្យ​ផលិតករ​ភាព​យន្ត​បរទេស​អាច​យក​ខ្សែភាព​យន្ត​របស់​ខ្លួន​មក​ចូលរួម​ប្រកួត​បាន។ ​

    រឿង​«ក្បង់​ទឹក​ទន្លេ»​បាន​ចំណាយ​ពេល​ថត​អស់​រយៈ​ពេល​បួន​ឆ្នាំ​ដោយ​តាម​ដាន​ជីវិត​ពលរដ្ឋខ្មែរ​ស្រករ​ក្រោយ​ចំនួន​បីនាក់​ដែល​ខិតខំ​ពុះ​ពារ​តស៊ូ​ប្រឈម​មុខ​នឹង​ឧបសគ្គ​ដែល​បណ្តាល​មក​ពីការ​អភិវឌ្ឍ​របស់​កម្ពុជា។ 

    នាង​ ម៉ម កល្យាណនី ជា​ផលិត​ករ​ខ្សែ​ភាព​យន្ត​បាន​បញ្ជាក់ប្រាប់​វីអូអេថា៖

    «ខ្សែភាពយន្ត​នេះ​រៀបរាប់​អំពី​ការ​រីក​ចម្រើន​នៅ​ក្នុង​ស្រុក​ខ្មែ​រ​យើង​បាន​ប៉ះពាល់​ទៅលើ​ជីវិត​ប្រជាជន​យើង​ បរិស្ថាន​ស្រុក​ខ្មែរ​ប៉ុន្តែ​ជាពិសេស​ខ្ញុំ​គ្រាន់​តែ​ចង់​បង្ហាញ​ថា​បាន​ប៉ះពាល់​ទៅ​លើ​ជីវិត​ប្រជាជនយើង​យ៉ាង​ម៉េច​ទៅជាពិសេស​នៅ​ក្នុង​ព្រៃ​និង​នៅ ជាមួយ​ជន​ជាតិ​ភាគ​តិច​នៅ​តាម​ព្រៃ​ ហើយ​មួយ​ទៀត​នៅ ជាមួយ​ជន​ជាតិ​របស់​យើង​ជាពិសេស​ចាម​នៅ​តាម​ទន្លេយើង​ហើយ​ប្រជាជន​យើង​នៅ​តាម​ខេត្ត​តាម​អី​បាន​កូនគេ​បាន​បញ្ជូន​ទៅ​ភ្នំពេញ​ទៅ​ធ្វើ​ការ​នៅ​ក្នុង​រោងចក្រ​។ ខ្ញុំ​ចង់​មើល​ថា​ជីវិត​របស់​គាត់​បាន​ផ្លាស់​ប្តូរ​យ៉ាង​ម៉េច​»។ 

    នាង​ម៉ម កល្យាណនី​ធ្លាប់ជា​អ្នក​ដឹកនាំ​ផ្នែក​រូប​ភាព​នៃ​ខ្សែ​ភាព​យន្ត រឿង​«កិច្ច​ការ​អ្នក​ផ្ទៃក្នុង» ឬ​ «Inside Job»ដែល​ទទួល​បាន​ពាន​រង្វាន់​អូស្កា​កាលពី​ឆ្នាំ២០១១។ 

    មាន​ខ្សែ​ភាពយន្ត​ខ្នាតវែងចំនួន​១១៩​ដែល​មក​ពី​ប្រទេស​ចំនួន​៣២​ត្រូវ​បាន​ជ្រើស​រើស​ចេញ​ពី​ខ្សែ​ភាព​យន្ត​ចំនួនជាង៤.០០០ដែល​បាន​ដាក់​ចូលរួម​ប្រកួតសម្រាប់​មហោស្រព​ភាពយន្ត​ឆ្នាំ​នេះ។  

    យោង​តាម​សេចក្តី​ប្រកាស​ព័ត៌មានរបស់ក្រុម​អ្នក​រៀប​ចំ​មហោស្រព​នេះ​ឱ្យ​ដឹង​ថា​មាន​ខ្សែ​ភាព​យន្ត​បរទេស​ចំនួន​១១​ផ្សេង​ទៀត​នឹង​ត្រូវ​ប្រកួត​ជាមួយ​ខ្សែ​ភាពយន្តរឿង​«ក្បង់​ទឹក​ទន្លេ»​នៅក្នុង​ប្រភេទ​«ភាព​យន្ត​ឯកសារ​ពិភពលោក»។​ ខ្សែ​ភាពយន្ត​ទាំង​នោះ មាន​មក​ពី​ឥណ្ឌា ចិន ចក្រភព​អង់​គ្លេស រុស្ស៊ី និង​អេហ្ស៊ីបជា​ដើម។​

    សំឡេង​ម៉ាស៊ីន​ដេរ​បាន​ទាក់​ទាញ​ស្រ្តីក្មេងៗជន​បទខ្មែរ​រាប់​សែន​នាក់​ឱ្យ​ចាកចេញ​ពី​លំនៅដ្ឋានមកធ្វើ​ការ​នៅ​ទីក្រុង​ដើម្បី​យកប្រាក់​ផ្គត់​ផ្គង់​ដល់​ជីវភាព​ក្រី​ក្រ​ដែល​គ្រួសារ​ជួប​ប្រទះ​ ក្នុង​នោះ មាន​ទាំង​នាង ​ខៀវផង​ដែល​បាន​ចាក​ចេញ​ពី​ផ្ទះ​សម្បែងមក​ធ្វើ​ការ​ជា​កម្មករ​កាត់​ដេរ​នៅ រោង​ចក្រ​នៅ​ទីក្រុង​ភ្នំពេញ​ដើម្បីយក​ប្រាក់​ទៅ​ដោះ​បំណុល​គ្រួសារ​។ នាង​ខៀវ​បង្ខំ​ចិត្ត​ធ្វើដូច​នេះបើ​ទោះ​បី​ជា​អារម្មណ៍​របស់​គេ​នៅ ផ្តោត​ជាប់​នឹង​ការងារ​ស្រែ​ក៏​ដោយ។

    «ជីវិត​ខ្ញុំ​ដូច​បែក​ជាពីរ ...និយាយ​ទៅ​ស្រ្តី​ខ្មែរ​មួយ​រោងចក្រ​ហ្មង ទូទៅ​ហ្មងហ្នឹង​តែង​តែ​បែក​ជាពីរ...ព្រោះ អី​យើង​នៅ ស្រែ​វាគ្មាន​ដី​ស្រែ​អី​គ្រប់​គ្រាន់»។

    ប៉ុន្តែ​សំឡេងត្រាក់​ទ័រ​ឈូសដី​នៅ​តាម​ដង​ភ្នំភាគ​ឥសាន​ប្រទេសប្រៀប​បាន​ជាស្នូ​ផ្តាច់​ព្រលឹង​មួយ​សម្រាប់នាង​សាវ សាមួន​ដោយ​សារ​វា​កាត់​ផ្តាច់​ទំនៀម​ទម្លាប់ប្រពៃ​ណីបុរាណ​និងព្រៃ​ធម្មជាតិ​របស់​ពួកគេ។ នាង​សាមួន​និង​ក្រុម​គ្រួសារ​ដែល​ជាក្រុម​ជន​ជាតិភាគតិច​មួយ​ក្នុងចំណោម​ជនជាតិ​ភាគ​តិច​២៤​រស់​នៅ​ដោយ​ពឹង​ពាក់​ដី​និង​ព្រៃ​ឈើ​សម្រាប់​រក​អាហារ​និង​ជីវភាព​រស់​នៅ។ ប៉ុន្តែ​ការអភិវឌ្ឍ​បាន​ធ្វើ​ឱ្យ​ផ្លាស់ប្តូរ។ 

    «រាល់​ដង​អត់​ហ៊ាន​ដើរ​តាម​នេះ​ទេ​...សុទ្ធ​តែ​ខ្លា​សុទ្ធ​តែ​ខ្លាឃ្មុំ​សុទ្ធ​តែ​ដំរី​...ឥឡូវ​នេះ​ទេ​អត់​មាន​សត្វ​ដូច​សត្វ​ព្រៃ​ដូច​ជា​ខ្មោច​អី​គេ​អត់​ខ្លាច​ទេ​ឥឡូវ​នេះ​គេ​ខ្លាច​តែ​មនុស្ស​វិញ​ទេ។ អ្នក​ចាស់​ៗ​ថា​ខ្លាច​មនុស្ស​គេ​កាប់​ចម្ការ​ពេញ​ព្រៃ»។ 

    ផល​ប៉ះពាល់នេះ​បាន​បន្ត​ធ្លាក់​មកដល់​ជីវភាព​អ្នក​នេសាទ​ត្រី​វ័យ​ក្មេង​ដូច​ជា​សារី​ដែល​បាន​បង្ខំ​ចិត្ត​ឈប់​រៀន​ដើម្បី​មក​ជួយ​នេសាទ​ចិញ្ចឹម​គ្រួសារ​ហើយ​ត្រូវ​ទៅ​ស៊ីឈ្នួល​ក្រុម​ហ៊ុន​ចិន​ធ្វើ​ចម្ការ​ដោយ​សារ​តែ​ផល​នេសាទ​កាន់​តែ​តិចទៅៗ។

    ខ្សែ​ភាព​យន្ត​រឿង​«ក្បង់​ទឹក​ទន្លេ»នេះ​ជា​របស់​ផលិតកម្ម​ភាព​យន្ត​Migrant Films សហការ​ជាមួយ​នឹង មជ្ឈ​មណ្ឌល​ឯកសារ​កម្ពុជា ។​ 

    លោក​ឆាង យុ​នាយ​ក​មជ្ឈមណ្ឌល​ឯកសារកម្ពុជា​ដែល​បាន​ស្រាវជ្រាវ​ពី​របប​ខ្មែរ​ក្រហម​បាន​បញ្ជាក់​ពី​បំណង​នៃ​ការ​ថត​ខ្សែ​ភាពយន្ត​នេះ​ថា៖

    «ទីមួយ​គឺ​យើង​មិន​អាច​ហើយ​យើង​ក៏​មិន​មែន​ជា​ជន​រងគ្រោះ​នៃ​របប​ខ្មែរ​ក្រហម​អស់​មួយ​ជីវិត​ទេ​ហើយ​ការ​ធ្វើ​ឯកសារ​នេះ​បង្ហាញ​ថា​យើង​លែង​ជា​ជន​រង​គ្រោះ​។ យើង​បាន​រស់​យើង​បាន​កសាង​ស្រាវជ្រាវ​ប្រវត្តិសាស្រ្ត​នៃ​ការ​កាប់​សម្លាប់​ ចាប់​មេដឹកនាំ​ខ្មែរ​ក្រហម​ដាក់​គុក​ បាន​បង្រៀន​កូនចៅ​របស់​យើង​ហើយ​នឹង​បន្ត​បង្រៀន​នឹង​ចងចាំ​ហើយ​នឹង​បន្ត​ការពារ​មិន​ឱ្យ​អំពើ​នេះ​កើត​ឡើង​មកវិញ​។ហើយ​ការ​ដែល​យើង​សំឡឹង​ទៅ​លើ​បញ្ហា​នេះ​ព្រោះ​ថា​យើង​លែង​ជា​ជន​រងគ្រោះ ទៀត​ហើយ​។ យើង​ជា​ប្រជាជន​កម្ពុជា​យើង​ប្រកួត​ប្រជែ​ង​នៅ ក្នុង​សាកល​ភាវូបនីយកម្ម​ដើម្បី ជីវិត​ប្រសើរ​ឡើង​ដើម្បី កសាង​អនាគត​កូន​ចៅ របស់​យើង​»។ 

    លោក​ឆាង យុ​បន្ថែម​ថា​ក្នុង​ខណៈ​ដែល​ខិត​ខំ​ប្រឹងប្រែង​ដើម្បី​រស់​ឡើង​វិញ​គឺ​ពលរដ្ឋ​បាន​ជួប​ប្រទះ​នូវ​បញ្ហា​ទាំង​អស់​នេះ​ដែល​ជា​បញ្ហា​មួយ​មិន​ត្រឹម​តែ​កើត​មាន​នៅ​កម្ពុជា​ទេ។​

    ឧស្សាហកម្ម​កាត់​ដេរ​កម្ពុជា​បាន​ផ្តល់​ការងារ​ធ្វើ​ដល់​ពលរដ្ឋ​កម្ពុជា​ប្រហែល​ជា​ង៤០០,០០០​នាក់​ហើយ​ផលិតផល​៧៥​ភាគរយ​នាំ​មក​ទីផ្សារ​សហរដ្ឋ​អាមេរិកប៉ុន្តែ​កម្មករ​ទទួលបាន​ប្រាក់​ខែ​ជា​មធ្យម​តែ​៦១​ដុល្លារ​តែ​ប៉ុណ្ណោះដោយ​ត្រូវ​ធ្វើ​ការ​ប្រឈម​មុខ​នឹង​ស្ថាន​ភាព​លំបាក​ជាច្រើន។ រីឯ​ការចាប់​យក​ដី​ធ្លី​ប្រជាពលរដ្ឋ​ក្នុង​ប្រទេស​កម្ពុជាសម្រាប់​ក្រុមហ៊ុន​អភិវឌ្ឍន៍​ត្រូវ​បាន​សកម្មជន​សិទ្ធិ​លំនៅដ្ឋាន​ឱ្យ​ដឹង​ថា​បាន​ប៉ះពាល់​ដល់​ប្រពៃ​ណី​ជន​ជាតិដើម​ហើយ​នឹង​ការ​ជម្លៀស​ពលរដ្ឋ​ក្រីក្រ​ចេញ​ជាដើម។ 
     
    មហោស្រព​ភាព​យន្ត​ទីក្រុង​សាន់​ដាន​ឆ្នាំ​២០១៣​នេះ​បាន​ចាប់ផ្តើម​តាំង​ពី​ថ្ងៃ​ទី​១៧​ហើយ​នឹង​បន្ត​រហូត​ដល់​ថ្ងៃ​ទី​២៧​ខែ​មករាមុន​នឹង​ប្រកាស​ពី​ជ័យ​លាភី។ សម្រាប់​ខ្សែភាព​យន្តនានា ការឈ្នះ​បាន​រង្វាន់​គឺ​ជាកិត្តិយសមួយ​ប៉ុន្តែ​ចំពោះ​ផលិតករ​ជាច្រើន​ក៏​ដូច​ជា​នាង​ម៉ម កល្យាណនី​ ការដែល​ខ្សែ​ភាពយន្ត​របស់​ពួកគេ​បាន​ឈាន​មកដល់ចូលរួម​ប្រកួត​ប្រជែ​ង​នៅ មហោស្រព​នេះ​គឺ​ជា​កិត្តិយស​ដ៏ធំ​មួយរួច​ស្រេច​ទៅ​ហើយដែល​ជួយឱ្យ​គេបង្ហាញ​បញ្ហា​ដែល​គេ​ចាប់​អារម្មណ៍​ទៅ​ផ្សព្វផ្សាយ​នៅ​ឯវេទិកា​ផ្សេងៗ​ទៀត៕ ​

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    អ្នក​វិភាគ៖ បណ្តឹង​ប្រឆាំង​លោក​​ អ៊ូ វីរៈ​ បង្ហាញ​ពី​ចេតនា​រឹតត្បិត​លើ​សេរីភាព​បញ្ចេញ​មតិ

    ការ​ដំណើរ​ការ​ពាក្យ​បណ្តឹង​លើ​រូប​លោក​ អ៊ូ វីរៈ​ គឺ​ហាក់​ដូច​ជា​មាន​ល្បឿន​លឿន​ខុស​ពី​ករណី​បណ្តឹង​ផ្សេងៗ ហើយ​ការ​ប្តឹង​លើ​អ្នក​វិភាគ​រូប​នេះ​ គឺ​បង្ហាញ​ពី​ដំណើរ​ចាក​ឆ្ងាយ​ពី​នីតិរដ្ឋ​ និង​លទ្ធិប្រជាធិបតេយ្យ។ ពត៌មាន​លម្អិត

    ការ​ស្លាប់​របស់​នាយ​ទាហាន​បង្ហាញ​ពី​អំណាច​ខ្លាំងក្លា​របស់​ក្រុម​ជួញ​ដូរ​គ្រឿង​ញៀន

    លោក​នាយក​ឧត្តមសេនីយ៍ ខៀវ សុភ័គ ​អ្នក​នាំ​ពាក្យ​ក្រសួង​មហាផ្ទៃ​បាន​ប្រាប់ VOA ​នៅ​ថ្ងៃ​ច័ន្ទ​នេះ​ថា ​រថយន្ត​ពាក់​ស្លាក​លេខ​នគរបាល​នោះ​ ត្រូវ​បាន​ឧត្តម​សេនីយ៍​ទោ​ម្នាក់​ឈ្មោះ​ រស់ ​ឧស្សាហ៍ ​លក់​ទៅ​ឲ្យ​ភរិយា​របស់​ក្រុម​អ្នក​ជួញដូរ​ថ្នាំ​ញៀន​ម្នាក់។​ ពត៌មាន​លម្អិត

    អ្នក​សារព័ត៌មាន​ខ្មែរ​មួយ​ក្រុម នឹង​ត្រូវ​ជ្រើសរើស​ឲ្យ​ធ្វើ​ទស្សនកិច្ច​​សិក្សា​នៅ​សហរដ្ឋ​អាមេរិក

    វគ្គ​បណ្ដុះបណ្ដាល​សម្រាប់​អ្នក​កាសែត​ខ្មែរ​នេះ គឺ​ជា​កម្មវិធី​តាម​បណ្ដាញ​អ៊ីនធឺណិត ជា​ភាសា​ខ្មែរ ដែល​នឹង​រួមបញ្ចូល​ការ​បង្រៀន​តាម​បណ្ដាញ​អ៊ីនធឺណិត​សម្រាប់​សិក្ខាកាម​ម្នាក់ៗ និង​ការ​បំពេញ​ទស្សនកិច្ច​សិក្សា​នៅ​ក្នុង​សហរដ្ឋ​អាមេរិក​ សម្រាប់​សិក្ខា​កាម​ចំនួន​១៥​នាក់ ​ដែល​នឹង​ត្រូវ​ជ្រើសរើស​ចេញ​ពី​អ្នក​ចូល​រួម​ទាំង​អស់។ ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។
    Your JavaScript is turned off or you have an old version of Adobe's Flash Player. Get the latest Flash player.
    រាជធានី​ភ្នំពេញ​ផ្លាស់ប្តូរ​ក្នុង​ពេល​មួយ​ប៉ប្រិច​ភ្នែក​ដោយសារ​វិនិយោគ​បរទេសi
    X
    28 មេសា 2016
    អ្នក​វិនិយោគ​បរទេស​កំពុង​តែ​ប្រញាប់​ប្រញ៉ាល់​បណ្តាក់​ទុន​នៅ​ក្នុង​ទីផ្សារ​អចលនទ្រព្យ ដែល​ទើបតែ​ងើប​ឡើង​វិញ​នៅ​កម្ពុជា។ សំណង់​អាគារ​ខ្ពស់ៗ​ក្នុង​រាជធានី​ភ្នំពេញ​កំពុង​រីកលូត​លាស់​ក្នុង​រយៈ​ពេល​មួយ​ប៉ប្រិច​ភ្នែក ប៉ុន្តែ​ការ​លូតលាស់​យ៉ាង​លឿន​នេះ​កំពុង​តែ​ចោទ​ជា​សំណួរ​ជាច្រើន​អំពី​ ថា​តើ​វិនិយោគ​ទាំង​អស់​នេះ​មក​ពី​ណា​ និង​ថា​តើ​វា​ផ្តល់​ផល​ប៉ះពាល់​អ្វី​ខ្លះ​ដល់​ទីផ្សារ​ក្នុង​ស្រុក។​ លោក​ David Boyle រាយការណ៍​អំពី​រឿងនេះ​ពី​រាជធានី​ភ្នំពេញ។​ នាង​ ហុង​ ចិន្តា​ជូន​សេចក្តី​ប្រែ​សម្រួល៕

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ការកើន​ឡើង​យ៉ាង​ខ្លាំង​ផ្នែក​បច្ចេកវិទ្យា​ធ្វើ​ឲ្យ​តម្លៃ​ជួល​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ​កើន​ឡើង​កប់​ពពកi
    X
    29 មេសា 2016
    តម្លៃ​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ ឡើង​ខ្ពស់​កប់​ពពក​ ដោយ​សារ​តែ​ការលូតលាស់​នៃ​សេដ្ឋ​កិច្ច​និង​ការ​កើន​ឡើង​នៃ​ឧស្សាហកម្ម​បចេ្ចកវិទ្យា​ជាន់​ខ្ពស់។ បញ្ហា​នេះ​គឺ​មាន​នៅ​ទីក្រុង​រហូត​ដល់​ជាយ​ក្រុង​ ប៉ុន្តែ​លោក​ Mike O'Sullivan រាយការណ៍​មក​ថា​ តំបន់​ប្រវត្តិសាស្ត្រ​ Chinatown ឬ​ភូមិ​ចិន​នោះ​ តម្លៃ​អចលនទ្រព្យ​នៅ​ទី​នោះ​ខ្ពស់​កប់​ពពក​រាប់​ទសវត្សរ៍​មក​ហើយ។​ នាង​ ស្រេង​ លក្ខិណា​ ជូន​សេចក្តី​ប្រែ​សម្រួល៕