ថ្ងៃអាទិត្យ, 01 កុម្ភៈ 2015

កម្ពុជា

រដ្ឋសភា​កម្ពុជា​អនុម័ត​សមាភាព​គណៈកម្មការ​រៀបចំ​ការ​បោះឆ្នោត​

ជំនួប​ប្រជុំគណៈកម្មការ​រៀបចំ​ការ​បោះឆ្នោត​ជំនួប​ប្រជុំគណៈកម្មការ​រៀបចំ​ការ​បោះឆ្នោត​
x
ជំនួប​ប្រជុំគណៈកម្មការ​រៀបចំ​ការ​បោះឆ្នោត​
ជំនួប​ប្រជុំគណៈកម្មការ​រៀបចំ​ការ​បោះឆ្នោត​
ហេង រស្មី
ភ្នំពេញ៖ រដ្ឋ​សភា​កម្ពុជា​នៅ​ថ្ងៃ​ព្រហស្បតិ៍​នេះ​បាន​បោះ​ឆ្នោតជា​កញ្ចប់គាំ​ទ្រ​សមាសភាព​នៃ​គណៈកម្មាធិការ​រៀប​ចំ​ការ​បោះ​ឆ្នោត​ដែល​ត្រូវ​បាន​ហៅ​កាត់​ថា គជប ឡើងវិញ​ចំនួន​ប្រាំបួន​រូប​ក៏​ប៉ុន្តែ​សមាសភាព​នេះ​មិន​មាន​ការ​ចូល​រួម​ពី​គណ​បក្ស​សម រង្ស៊ី និង​គណ​បក្ស​សិទ្ឋិ​មនុស្សទេ។
 
សមាជិក​រដ្ឋ​សភាចំនួន​៨៧​រូប​ដែល​មាន​វត្តមាន​បាន​បោះ​ឆ្នោត​គាំ​ទ្រ​សមាសភាព​គ​ជ​បក្នុង​សំឡេង​៨៧​ទល់​នឹង​៨៧​សំឡេង។ លោក ហេង សំរិន ប្រធាន​រដ្ឋសភា​ជាតិ​ថ្លែង​ថា៖ 
 
«ទាំង​ប្រាំបួន​រូប​ទទួល​បាន​លទ្ឋផល​ដូច​តទៅ៖ សន្លឹក​ឆ្នោត​ព្រម​ចំនួន​៨៧​លើ​៨៧​សំឡេង។ សន្លឹក​ឆ្នោត​មិន​ព្រម​ចំនួន​សូន្យ។ សន្លឹក​ឆ្នោត​អនុប្បវាទ​ចំនួន​សូន្យ»។​
 
លោក អ៊ឹម សួស្តី នៅ​បន្ត​កាន់​កាប់​មុខ​តំណែង​ជា​ប្រធាន។ ចំណែក​លោក​ស្រី​ ស៊ីន ជុំបូ​ ជា​អនុ​ប្រធាន គ​ជប ដដែល។ សមាសភាព​បន្ថែម​ថ្មី​ចំនួន​ពីរ​រូបគឺ​លោក ស៊ិន ឌឹម​ អតីត​ប្រធាន​តុលាការ​ក្រុង​ព្រះ​ស៊ីហនុ​ និង​លោក​មេធាវី​ សោ សុភរី​ អតីត​ប្រធាន​តុលាការ​ក្រុង​ភ្នំ​ពេញ​និង​ជា​អតីត​ចៅ​ក្រម​ចូល​និវត្តន៍​ត្រូវ​បាន​តែង​តាំង​ជា​សមាជិក។
 
លោក ហេង សំរិន ប្រធាន​រដ្ឋ​សភា​បាន​និយាយ​ថា បន្ទាប់​ពី​រដ្ឋសភា​បាន​បោះឆ្នោត​តែង​តាំង​សមាសភាព​ គ​ជ​ប ឡើងវិញ លោក ឡេង ប៉េង​ឡុង​អគ្គ​លេខា​ធិការ​នៃ​រដ្ឋសភា​នឹង​ចាត់​ការ​តាម​នីតិវិធី​របស់​រដ្ឋ​សភា។
 
លោក អ៊ឹម សួស្តី ដែល​ទើប​នឹងជាប់​ឆ្នោត​ថ្មី​ជា​ប្រធាន​គ​ជ​បបាន​និយាយ​ប្រាប់​អ្នក​កាសែត​នៅ​ឯ​អគារ​រដ្ឋ​សភា​ថា ​លោក​តាំង​ចិត្ត​នឹង​បម្រើ​ការ​ងារ​ស្រប​ទៅ​តាម​ច្បាប់ និង​បទ​បញ្ជា​របស់​និតិ្តវិធី។
 
«ដូច​ខ្ញុំ​បាន​និយាយ​អញ្ចឹង​កន្លង​មក​ត្រូវ​មើល​សកម្មភាព​របស់​គ​ជ​ប ដែល​ធ្វើ​កន្លង​មក​ថា​តើ​វា​ល្អៀង​កន្លែង​ណា​មិន​អព្យាក្រិត​កន្លែង​ណា​យើង​និយាយ​គ្នា​ទៅ​អាច​ចោទ​មក​ហើយ​ឲ្យ​គ​ជ​ប​គេ​បកស្រាយ​ទៅ​វីញ​មក»។
 
គណបក្ស​ប្រឆាំង​ចំនួន​ពីរ​គឺ​គណបក្ស​សម រង្ស៊ី និង​គណបក្ស​សិទ្ឋិ​មនុស្ស​មិន​បាន​បញ្ជូន​ឈ្មោះ​និង​បាន​ធ្វើ​ពហិការ​មិន​ចូល​រួម​ប្រជុំ​រដ្ឋ​សភា​ដើម្បី​បោះ​ឆ្នោត​គាំ​ទ្រ​ជា​កញ្ចប់​ចំពោះ​សមាស​ភាព គ​ជ​ប ឡើង​វិញ។
 
លោក យឹម សុវណ្ណ អ្នក​នាំ​ពាក្យ​គណ​បក្ស​សង្គ្រោះ​ជាតិ​ដែល​ត្រូវ​បាន​បង្កើត​ឡើង​ដោយ​គណ​បក្ស​ប្រឆាំង​ទាំង​ពីរ​បាន​និយាយ​ថា ការ​ជ្រើស​រើស​សមាភាព​នេះ​មិន​មាន​ឯកភាព​ជាតិ​ដោយ​មិន​មាន​សមាសភាព​ចម្រុះ​មក​ពី​គណ​បក្ស​ដែល​មាន​អសនៈក្នុង​រដ្ឋ​សភា​ចូល​រួម។ លោក​បាន​និយាយ​ថា លោក​គ្មាន​ជំនឿ​លើ​សមាស​ភាព​គ​ជ​ប​នេះ​ទេ ហើយ​នឹង​មិន​អាច​ឲ្យដំណើរការ​បោះឆ្នោត​ដោយ​សេរី​និង​យុត្តិ​ធម៌​បាន​ទេ។ 
 
«ពីព្រោះ​សមាសភាព​នេះ​គឺ​គណបក្ស​ប្រជាជន​ជា​អ្នក​រៀប​ចំ​ម្នាក់​ឯង។ សមាសភាព​នេះ​នឹង​បម្រើតែ​ផលប្រយោជន៍ឲ្យ​គណបក្ស​ប្រជា​ជន​ដែល​ផ្ទុយ​ពី​គោលការណ៍​ប្រជា​ធិបតេយ្យ​ទៅ​លើ​ឯក​ភាព​ជាតិ​អំពី​ការ​រៀប​ចំ​ការ​បោះ​ឆ្នោត​ដែល​ជា​អ្នក​រៀប​ចំ​អាជ្ញា​កណ្តាល​ក្នុង​ការ​រៀប​ចំ​ដែល​មាន​គណ​បក្ស​នយោ​បាយ​ចូល​រួម​នោះ​ឡើយ»។
 
លោក គុល បញ្ញា នាយក​ប្រតិបត្តិ​នៃ​អង្កការ​ឃ្លាំ​មើល​ដំណើរ​ការ​បោះ​ឆ្នោត​មួយ​ដែល​មាន​ឈ្មោះ​ថា​ខុមហ្វ្រែល បាន​និយាយ​ថា ការ​រៀបចំ​សមាសភាព​គ​ជ​ប​ដោយ​មិន​មាន​ការ​ចូល​រួម​ពី​គណ​បក្ស​នយោបាយ​ដែល​មាន​អសនៈ​ក្នុង​រដ្ឋ​សភា​នឹង​ធ្វើ​ឲ្យ​គ​ជប​មិន​មាន​ការ​ទុក​ចិត្ត​ពេញ​លេញ​ពី​ភាគ​គី​ដែល​បាន​ចូល​រួម​ប្រកួត​ប្រជែង។
 
«បញ្ហា​ទំនាស់​គ​ជ​ប​នៅ​តែ​មាន​ការ​ជ្រាល​ជ្រៅ​ជាង​មុនៗ​ទៅ​ទៀត។ ពី​មុនៗ​យើង​ឃើញ​ការ​អនុវត្ត​កន្លង​មក​មាន​ការ​ចូល​រួម​ពី​គណបក្ស​ប្រឆាំង​ក៏​ប៉ុន្តែ​ឥឡូវ​យើង​នៅ​មាន​ការ​ព្រួយ​បារម្មណ៍​នៅ​ការ​បោះឆ្នោត​ខាង​មុខ​នេះ​ដែល​ការ​រៀប​ចំ​គ​ជ​ប​មួយ​អត់​មាន​តម្លាភាព​ហើយ​អត់​មាន​ការ​ចូល​រួម»។​
 
គណបក្ស​ប្រឆាំង​ធ្លាប់​បាន​ទាម​ទារ​ឲ្យ​មាន​ការ​កែ​ប្រែ​សមាភាព​គ​ជ​ប​ក៏​ប៉ុន្តែ​ភាគច្រើន​នៃ​សមាភាព​គជប ថ្មី​នេះ​ជា​មនុស្ស​ដដែលៗ​មក​ពី​គណបក្ស​គ្រប់​គ្រង​អំណាច៕
Your JavaScript is turned off or you have an old version of Adobe's Flash Player. Get the latest Flash player.
កម្ពុជា​កាត់​បន្ថយ​ឥទ្ធិពល​បស្ចិម​ប្រទេស​ហើយ​ងាក​មក​តម្រូវ​ការ​ក្នុង​ស្រុកi
X
01 កុម្ភៈ 2015
ប្រទេស​កម្ពុជា​បាន​ងាក​មក​រក​ប្រទេស​ចិន​ ហើយ​ការ​ទទួល​យក​ជំនួយ​ចិន​ជាបន្ត​បន្ទាប់​បាន​ជួយ​ឱ្យ​ប្រទេស​ដ៏ក្រីក្រ​ជាង​គេ​បំផុត​នេះ​កាត់​បន្ថយ​ឥទ្ធិពល​របស់​អ្នក​ផ្តល់​ជំនួយ​អន្តរជាតិ​ដែល​ខិតខំ​ជំរុញ​ឱ្យ​គោរព​តាម​អភិបាល​កិច្ច​ប្រកប​ដោយ​លទ្ធិ​ប្រជាធិបតេយ្យ។ ​លោក​ Sebastian ​Strangio​ អ្នក​និពន្ធ​សៀវភៅ​«កម្ពុជា​របស់​ហ៊ុន​សែន‍»​បាន​ប្រាប់​ដល់​អ្នក​ចូលរួម​ស្តាប់​នៅ​រដ្ឋ​ធានី​វ៉ាស៊ីនតោន​កាល​ពីថ្ងៃ​ព្រហស្បតិ៍​ថា​ ​តុល្យ​ភាព​រវាង​ផល​ប្រយោជន៍​ក្នុង​ស្រុក​និង​អន្តរជាតិ​ក្នុង​ប្រទេស​កម្ពុជា​បាន​ចាប់​ផ្តើ​ម​ផ្អៀង​ទៅរក​ទិស​អ្នក​នៅ​ក្នុង​ប្រទេស។​ លោក​ម៉ែន​គឹមសេង​នៃ​វីអូអេ​រាយការណ៍​ពី​រដ្ឋ​ធានី​វ៉ាស៊ីនតោនដូច​តទៅ៖
Your JavaScript is turned off or you have an old version of Adobe's Flash Player. Get the latest Flash player.
តុលាការ​ព្រហ្មទណ្ឌ​អន្តរជាតិ​(ICC)​​កំពុង​តែ​ពិនិត្យ​មើល​សំណុំរឿង​​របស់​កម្ពុជាi
X
30 មករា 2015
សំណុំរឿង​ដែល​ប្តឹង​ទៅ​តុលាការ​ព្រហ្មទណ្ឌ​អន្តរជាតិ​(ICC)​ពាក់ព័ន្ធ​នឹង​ការ​រឹបអូស​ដីធ្លី​នៅ​ក្នុង​ប្រទេស​កម្ពុជា​ដែល​មេធាវី​នៃ​អង្គការ​Global​Diligence​បាន​ដាក់​ប្តឹង​ត្រូវ​បាន​តុលាការ​ទទួល​យក​ហើយ ​ហើយ​កំពុង​តែ​ពិនិត្យ​មើល​ថា​ នឹង​ត្រូវ​ធ្វើ​ការ​អង្កេត​ជា​បឋម​ឬ​យ៉ាង​ណា។ នៅ​ក្នុង​អំឡុង​ពេល​នេះ​លោក​Richard​Rogers​មេធាវី​ដែល​តំណាង​ឱ្យ​ពលរដ្ឋ​រងគ្រោះ​នៅ​ក្នុង​ប្រទេស​កម្ពុជា​កំពុង​តែ​ធ្វើ​ដំណើរ​ទៅ​ប្រទេស​ធំៗ​មួយ​ចំនួន​ដើម្បី​ស្វែងរក​ការគាំទ្រ​ឱ្យ​តុលាការ​ចាត់​ការ​សំណុំរឿង​នេះ។ លោក​ម៉ែន​គឹមសេង​នៃ​វីអូអេ​បាន​ជួបសម្ភាស​លោក​Richard​Rogers​ក្នុង​ពេល​ដែល​លោក​អញ្ជើញ​មក​រដ្ឋ​ធានី​វ៉ាស៊ីនតោន​កាលពី​ពាក់​កណ្តាល​ខែ​មករា៕

អង់គ្លេស​ជាមួយ​ម៉ានី​និង​ម៉ូរី

Your JavaScript is turned off or you have an old version of Adobe's Flash Player. Get the latest Flash player.
You've Got to Be Kidding Me និយាយ​លេងi
X
01 ធ្នូ 2014
យើង​និយាយ​ឃ្លា​ថា you've got to be kidding me គឺ​ពេល​ដែល​យើង​ស្ថិត​ក្នុង​ស្ថានភាព​មួយ ឬ ពេល​យើង​ឮ​អ្វី​មួយ​ហើយ យើង​នឹក​ស្មាន​មិន​ដល់ ធ្វើ​ឲ្យ​យើង​ភ្ញាក់ផ្អើល​ថា វា​មិន​អាច​ជា​ការពិត​បាន គឺ​មិន​គួរ​ឲ្យ​ជឿ​សោះ។ កម្មវិធី​នេះ ក៏​មាន​ដាក់​ផ្សាយ​ជូន​លើ​គេហទំព័រ YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
Your JavaScript is turned off or you have an old version of Adobe's Flash Player. Get the latest Flash player.
មាត្រា​ស្តី​អំពី​សិទ្ធិ​បោះ​ឆ្នោត​ត្រូវ​បាន​ចងចាំ​អស់​រយៈពេល​៥០​ឆ្នាំ​ក្រោយ​មកi
X
26 មករា 2015
កាល​ពី​ខែ​មិនា ឆ្នាំ១៩៦៥ មនុស្ស​៦០០នាក់ ដែល​ត្រូវ​បាន​ដឹក​នាំ​ដោយ​លោក Martin Luther King Jrមេដឹកនាំ​សិទ្ធិ​ពលរដ្ឋ បាន​ដើរ​ពី​ក្រុង Selma ទៅ​កាន់​ក្រុង Montgomery រដ្ឋ Alabama ក្នុង​ក្បួន​ដង្ហែរ​ដោយ​អហិង្សា​មួយ ដើម្បី​ទាមទារ​សិទ្ធិ​បោះ​ឆ្នោត​ដោយ​សេរី និង​យុត្តិធម៌។ លោក​ស្រី Ava DuVernay បាន​បក​ស្រាយ​អំពី​ព្រឹត្តិការណ៍​ទាំង​នេះ​នៅ​ក្នុង​ខ្សែ​ភាពយន្ត​ដ៏​មាន​ន័យ​របស់​លោកស្រី ដែល​មាន​ចំណងជើង​ថា «Selma» ។ អ្នកស្រី Penelope Poulou នៃ​វីអូអេ ជូន​សេចក្តី​រាយការណ៍ ហើយ​នាង ទែន សុខស្រីនិត ជូន​សេចក្តី​ប្រែសម្រួល​ដូច​តទៅ៖