កម្ពុជា

គណបក្ស​ប្រឆាំង​ថា គ.ជ.ប. លម្អៀង​ដែល​បាន​​លុបឈ្មោះ​លោក​សម រង្ស៊ី​ពី​បញ្ជី​ឈ្មោះ​អ្នក​បោះឆ្នោត

លោក​កឹម សុខា​អនុប្រធាន​គណបក្ស​សង្គ្រោះជាតិ​ និងលោក​សម រង្ស៊ី​ប្រធាន​គណបក្ស​សង្គ្រោះ​ជាតិ​លោក​កឹម សុខា​អនុប្រធាន​គណបក្ស​សង្គ្រោះជាតិ​ និងលោក​សម រង្ស៊ី​ប្រធាន​គណបក្ស​សង្គ្រោះ​ជាតិ​
x
លោក​កឹម សុខា​អនុប្រធាន​គណបក្ស​សង្គ្រោះជាតិ​ និងលោក​សម រង្ស៊ី​ប្រធាន​គណបក្ស​សង្គ្រោះ​ជាតិ​
លោក​កឹម សុខា​អនុប្រធាន​គណបក្ស​សង្គ្រោះជាតិ​ និងលោក​សម រង្ស៊ី​ប្រធាន​គណបក្ស​សង្គ្រោះ​ជាតិ​
ហេង រស្មី
ភ្នំពេញ៖ គណបក្ស​សង្គ្រោះជាតិ​បាន​ចោទប្រកាន់​គណៈកម្មាធិការ​ជាតិរៀបចំ​ការបោះឆ្នោត​ដែល​ហៅកាត់​ថា​គជប​មាន​ភាពលម្អៀង​ក្នុង​ការ​លុបឈ្មោះ​លោក​សម រង្ស៊ី​ប្រធាន​គណបក្ស​សង្គ្រោះ​ជាតិ​ចេញ​ពីបញ្ជី​ឈ្មោះ​បោះ​ឆ្នោត​ក៏​ប៉ុន្តែ​មាន​ទណ្ឌិតពីរ​រូបដែល​ល្បី​ខ្ទរខ្ទារក​នៅ​កម្ពុជា គជប​បែរ​ជា​មិន​បាន​លុប​ឈ្មោះចេញ​ពី​បញ្ជី​ឈ្មោះ​បោះ​ឆ្នោតទៅវិញ។
 
ទណ្ឌិត​ទាំង​ពីរ​រូប​ដែល​គណបក្ស​សង្គ្រោះជាតិ​បាន​លើក​ឡើង​នៅ​ក្នុង​សេចក្តី​ថ្ងែការណ៍​របស់​ខ្លួន​គឺ​សំដៅ​ទៅ​លើ​លោក ហេង ពៅ អតីត​ស្នងការ​ប៉ូលីស​ក្រុង​ភ្នំពេញ​និង​អ្នក​ស្រី​ផេង គុន្ឋាបូរី​អតិត​ប្រធាន​ពិធីការ​លោក​ជា ស៊ីម​ប្រធាន​ព្រឹទ្ឋសភាខាង​គណបក្ស​ប្រជាជន​កម្ពុជា។​
 
លោក​កឹម សុខា​អនុប្រធាន​គណបក្ស​សង្គ្រោះជាតិ​បាន​និយាយ​ថា ដោយសារ​តែ​ចង់​លុបឈ្មោះ​លោកសម រង្ស៊ី​ចេញ​ពី​បញ្ជី​ឈ្មោះ​បោះឆ្នោត​ទាំង​រដ្ឋាភិបាល ​ទាំង​ក្រុម​ប្រឹក្សាធម្មនុញ្ញ ​និង​អ្នកច្បាប់​បាន​ធ្វើការ​សម្រេច​ចិត្ត​អត់​បាន​ថ្លឹង​ថ្លែង​ត្រឹមត្រូវ និង​បាន​ធ្វើ​ឲ្យ​ភ្លាត់​ស្នៀត​ដោយ​ខ្លួន​ឯង។​
 
លោក​មាន​ប្រសាសន៍​ថា​ការ​លុប​ឈ្មោះ​លោក​សម រង្ស៊ី​ចេញ​ពី​បញ្ជី​ឈ្មោះ​បោះ​ឆ្នោត​គឺ​ជា​រឿង​នយោបាយ​សុទ្ឋសាធ។​
 
«យល់​ឃើញ​ថា ការ​សម្រេច​ចិត្ត​នេះ​ជា​ការ​សម្រេច​ចិត្ត​មួយ​មិន​ត្រឹម​ត្រូវ។ បើសិន​យើង​ធ្វើ​ យើងធ្វើ​ករណី​ទាំង​អស់​គ្នា​ហើយ​ប្រទេស​កម្ពុជា​យើង​អត់​ដែល​ធ្វើ​ផង​រឿង​ហ្នឹង។ វា​ទើប​តែ​ធ្វើចំពោះ​លោក​សម រង្ស៊ី»។​
 
លោក ហេង ពៅ ត្រូវ​បាន​តុលាការ​កាត់ទោស​ឲ្យ​ជាប់​ពន្ឋនាគារ​ជាង​១០០​ឆ្នាំ បន្ទាប់​ពី​តុលាការ​រក​ឃើញ​ថា​លោក​ជាប់ ពាក់ព័ន្ឋ​នឹង​បទ​ជាច្រើន​ករណី​រួម​ទាំង​ករណី​ចាប់​ជំរិត​ និង​អំពើឃាតកម្ម​ធំៗនៅ​ពេល​ដែល​លោក​មាន​តួនាទី​ជា​ស្នងការ​ប៉ូលីស​ក្រុង​ភ្នំពេញ។​
 
ចំណែក​អ្នក​ស្រី​ផេង គន្ឋាបូរី អតីត​ប្រធាន​ពិធីការ​លោក​ជា ស៊ីម ត្រូវ​បាន​តុលាការ​កាត់​ទោស​ឲ្យ​ជាប់​ពន្ឋនាគារ​បួន​ឆ្នាំ ​និង​ពិន័យ​ជា​ប្រាក់​ចំនួន​៩.០០០ដុល្លារអាមេរិក ពី​បទ​ឆបោក​ដែល​មាន​ទំហំ​ទឹក​ប្រាក់​ជាង​៥០០​លាន​ដុល្លារ​សហរដ្ឋ​អាមេរិក។​
 
សេចក្តី​ថ្លែងការណ៍​របស់​គណបក្ស​សង្គ្រោះជាតិ​បាន​បញ្ជាក់​ថា ឈ្មោះ​ទណ្ឌិត​ទាំង​ពីរ​នេះ​មិន​ទាន់​ត្រូវ​បាន​លុប​ចេញ​ពី​បញ្ជី​ឈ្មោះ​បោះ​ឆ្នោត​នៅ​ឡើយ​ទេ។ ចំណែក​ករណី​លោក​សម រង្ស៊ី​បន្ទាប់​ពី​តុលាការ​កាត់ទោស​កំបាំង​មុខ​ឲ្យ​ជាប់​ពន្ឋនាគារ​១០​ឆ្នាំពីបទ​ដក​តម្រុយ​បង្គោល​ព្រំដែន​លេខ​១៨៥​នៅ​ស្រុក​ចន្ទ្រា​ខេត្ត​ស្វាយរៀងនិង​ក្លែង​ឯងសារ​សារធារណៈ​ត្រូវ​បាន​គជប​លុប​ឈ្មោះ​ចេញ​ពី​បញ្ជី​ឈ្មោះ​បោះ​ឆ្នោត​ភ្លាម។​
 
លោក​ទេព នីថា​អគ្គលេខាធិការ​នៃ​គជប​បាន​និយាយ​ថា ករណី​មិន​បាន​លុប​ឈ្មោះ​លោក ហេង ពៅ​និង​អ្នកស្រី​ផេង គុន្ឋាបូរី លោក​មិន​ទាន់​បាន​ដឹង​នៅ​ឡើយ​ទេ​ដោយ​សារ​តែ​បញ្ជី​ឈ្មោះ​កំពុងតែ​បញ្ចូល​ទិន្ន័យ។ លោក​បានបន្ត​ថា ការ​មិន​បាន​លុប​ឈ្មោះ​ទណ្ឌិត​ខ្លះ​វា​ទាក់​ទង​ទៅ​នឹង​ឯកសារ​ឬ​ក៏ការ​អនុវត្ត​មិន​បាន​ត្រឹម​ត្រូវ​តាម​ការណែនាំរបស់​គជប។​
 
«គជប​អត់​ដឹង​គេ​ស្រង់​ឈ្មោះ​លោក សម រង្ស៊ី​លុប​ចេញ​ពី​បញ្ជី​ឈ្មោះ​បោះឆ្នោតទេ។ នៅ​ពេល​ដែល​គេ​បិទ​ផ្សាយ​លើ​បញ្ជី​ដំបូង​ហើយ​គណបក្ស​សម រង្ស៊ី​ប្តឹង​បាន​គជប​ដឹង​ហើយ​ដោយ​យើង​ផ្អែក​លើ​ច្បាប់​ផ្អែក​លើ​បទបញ្ជា​នីតិវិធី​ទៅ យើង​ឃើញ​ថា ការ​អនុវត្ត​នោះ​ត្រឹមត្រូវ​ហើយ​ក៏អនុវត្ត​តាម​ច្បាប់​ទៅ»។​
 
គជប​បាន​ទុករយៈពេល​៤៥​ថ្ងៃ​ដើម្បី​ឲ្យ​ប្រជាពលរដ្ឋ​ទៅ​ពិនិត្យ​បញ្ជី​ឈ្មោះ និង​ចុះឈ្មោះ​បោះឆ្នោត​ហើយ​ការ​ចុះ​ឈ្មោះ​បាន​បិទ​បញ្ចប់​កាល​ពី​ចុង​ខែតុលា។ គជប​បាន​រក​ឃើញ​ថា មាន​ចំនួន​អ្នក​ចុះ​ឈ្មោះ​បោះ​ឆ្នោត​ថ្មី​មាន​ជាង​៨សែន​៣​ម៉ឺន​នាក់ និង​បាន​លុប​ឈ្មោះ​ជាង​៣សែន​៤​ម៉ឺន​នាក់​ក្នុង​ឃុំ​សង្កាត់​ប្រមាណ​១.៦៣៣។​
 
មន្រ្តី​គណបក្ស​ប្រឆាំង​បាន​ចាត់ទុក​ការ​លុប​ឈ្មោះ​លោក​សម​រង្ស៊ី​ចេញ​ពី​បញ្ជី​ឈ្មោះ​បោះ​ឆ្នោត​ជា​ការ​បង្ហាញ​ពី​បំណងបិទផ្លូវ​លោក​ក្នុង​ការចូល​រួម​ឆាក​នយោបាយ​តទៅទៀត៕
Your JavaScript is turned off or you have an old version of Adobe's Flash Player. Get the latest Flash player.
បូជនីយដ្ឋាន​រំឭក​​វិញ្ញាណ​ក្ខន្ធ​​ជន​រងគ្រោះ​​​នៅក្នុង​គុក​ទួលស្លែងi
X
26 មិនា 2015
នៅ​ថ្ងៃ​ព្រហស្បតិ៍ទី​២៦​ ខែមីនានេះ ​បូជនីយដ្ឋាន​រំឭក​​វិញ្ញាណ​ក្ខន្ធ​​ជន​រងគ្រោះ​​នៃ​របប​ខ្មែរក្រហម​នៅក្នុង​គុកទួលស្លែង​​បាន​ត្រូវ​សម្ពោធ​​ដើម្បី​ឧទ្ទិស​ដល់​បុរស ​ស្រ្តី​និង​កុមារ​​​ដែល​ត្រូវ​បាន​នាំ​យក​មក​កាន់​គុក​ដ៏​ព្រៃផ្សៃស-២១​នេះ​នៅចន្លោះ​ឆ្នាំ​១៩៧៥​ដល់​ឆ្នាំ​១៩៧៩។​ មនុស្ស​ជា​ច្រើន​បាន​​ស្វាគមន៍​​ ​តែ​បូជនីយដ្ឋាន​នេះ​ក៏​បាន​មាន​​ភាព​ចម្រូង​ចម្រាស់​ផង​ដែរ។ ​លោក Robert Carmichael  រាយការណ៍​ឲ្យ​ VOA ​ពីរាជ​ធានី​ភ្នំពេញ។​ ហើយ​លោក ​ជឹង ​ប៉ូជីន​ប្រែសម្រួល​សេចក្តី​រាយការណ៍​នេះ៕
Your JavaScript is turned off or you have an old version of Adobe's Flash Player. Get the latest Flash player.
កម្ពុជា​រំពឹងថា​ ទស្សន​កិច្ច​លោកស្រី​ Michelle ​នឹង​លើក​ស្ទួយ​ការ​សិក្សា​របស់​សិស្សស្រីi
X
22 មិនា 2015
ប្រជាពល​រដ្ឋកម្ពុជា​បង្ហាញក្តី​សង្ឃឹម​ចំពេាះ​ឥទ្ធិពល​នៃដំណើរ​ទស្សន​កិច្ច​របស់​លោកស្រី​ Michelle Obama​ ទៅ​កាន់ប្រទេស​កម្ពុជា​កាលពីចុង​សប្តាហ៍ ​ដោយ​លើកឡើង​ថា ​កម្មវិធី «ចូរឲ្យ​ក្មេងស្រី​ទៅរៀន​ »​ដែល​លោកស្រីនាំមក​ជាមួយ​នឹងជួយ​ឲ្យ​ក្មេងស្រី​នៅកម្ពុជា​កាន់តែ​ច្រើន​ឡើង​ បាន​ទទួល​ការអប់រំ​រហូតដល់​កម្រិតខ្ពស់។​ ​លោក​សាយ មុន្នី នៃ​វីអូអេ​រាយ​ការណ៍​អំពី​រឿង​នេះ​ពី​ខេត្ត​សៀមរាប៕

អង់គ្លេស​ជាមួយ​ម៉ានី​និង​ម៉ូរី

Your JavaScript is turned off or you have an old version of Adobe's Flash Player. Get the latest Flash player.
You've Got to Be Kidding Me និយាយ​លេងi
X
01 ធ្នូ 2014
យើង​និយាយ​ឃ្លា​ថា you've got to be kidding me គឺ​ពេល​ដែល​យើង​ស្ថិត​ក្នុង​ស្ថានភាព​មួយ ឬ ពេល​យើង​ឮ​អ្វី​មួយ​ហើយ យើង​នឹក​ស្មាន​មិន​ដល់ ធ្វើ​ឲ្យ​យើង​ភ្ញាក់ផ្អើល​ថា វា​មិន​អាច​ជា​ការពិត​បាន គឺ​មិន​គួរ​ឲ្យ​ជឿ​សោះ។ កម្មវិធី​នេះ ក៏​មាន​ដាក់​ផ្សាយ​ជូន​លើ​គេហទំព័រ YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
Your JavaScript is turned off or you have an old version of Adobe's Flash Player. Get the latest Flash player.
ជម្រក​អភិរក្ស​បរិស្ថាន Ol Pejeta នៃ​ប្រទេស​កេនយ៉ា​ ធ្វើ​ឲ្យ​សត្វ​នៅ​ឆ្ងាយ​ពី​មនុស្សi
X
25 មិនា 2015
នៅ​ក្នុង​សង្កាត់ Laikipia អ្នកល្បាត​ជនជាតិ​កេនយ៉ា បាន​បើក​រថយន្ត​ដឹក​សត្វព្រៃ​ចូល​កាន់តែ​ជ្រៅ​ទៅ​ក្នុង​តំបន់​អភិរក្ស​បរិស្ថាន​ដែល​មាន​ទំហំ ៣ម៉ឺន ៦ពាន់​ហិកតា ដើម្បី​ការពារ​សត្វទាំង​នោះ ពី​ជម្លោះ​ដែល​កើត​ឡើង​ដោយសារ​ការឈ្លានពាន​របស់​មនុស្ស។ លោក Lenny Ruvaga បាន​ធ្វើ​ដំណើរ​ទៅ​ជាមួយ​មន្រ្តី​អភិរក្ស​សត្វព្រៃ ដែល​បើក​រថយន្ត​ធុន​ធំ និង​ឧត្ថម្ភាគចក្រ​ទៅក្នុង​ជម្រក​អភិរក្ស​បរិស្ថាន Ol Pejeta ដើម្បី​ការពារ​កុំ​ឲ្យ​សត្វព្រៃ​ទាំងនេះ ត្រូវ​មនុស្ស​ក្នុង​តំបន់​សម្លាប់​ដើម្បី​ការពារ​ខ្លួន ឬ​ប្រម៉ាញ់​យក​សាច់​ធ្វើ​ជា​ម្ហូប​អាហារ។ លោក Lenny Ruvaga  រាយការណ៍​ឲ្យVOA ពី​សង្កាត់ Laikipia នៃ​ប្រទេស​កេនយ៉ា ហើយ​អ្នកស្រី នុច សារីតា ជូន​សេចក្តី​ប្រែសម្រួល​៕