ថ្ងៃព្រហស្បតិ៍, 05 ឧសភា 2016

    ខ្មែរ​ក្រហម

    ការ​សម្លាប់​រង្គាល​ជា​លទ្ធផល​នៃ​ការ​ចោទ​ប្រកាន់​តៗគ្នា​

    មេដឹកនាំ​​សម័យ​កម្ពុជា​ប្រជាធិបតេយ្យ
    មេដឹកនាំ​​សម័យ​កម្ពុជា​ប្រជាធិបតេយ្យ
    គង់ សុឋានរិទ្ធ
    សាក្សី​បាន​លើក​ឡើង​នៅ​ថ្ងៃ​ចន្ទ​នេះ​ថា ការ​ជម្រិត​យក​ចម្លើយ​សារភាព​ដោយ​ជន​ដែល​ត្រូវ​ចោទ​ថា ជា​ខ្មាំង​របស់​អង្គការ​ខ្មែរក្រហម​គឺ​ជា​ដើមហេតុ​នៃ​ការ​កាប់សម្លាប់​ប្រជាពលរដ្ឋ​ខ្មែរ​យ៉ាង​រង្គាល​នៅ​សម័យ​កម្ពុជា​ប្រជាធិបតេយ្យ។

    ក្នុង​សម័យ​នោះ​មានប្រជាពលរដ្ឋ​កម្ពុជា​សរុប​យ៉ាង​តិច​១,៧​លាន​នាក់​បាន​ស្លាប់​បាត់បង់​ជីវិត ក្នុង​នោះ​ភាគច្រើន​គឺ​ស្លាប់​ដោយការ​សម្លាប់​ដោយ​ចោទ​ថា គឺ​ជា​សត្រូវ​របស់​អង្គការ។

    លោកសួង ស៊ីគឿន អតីត​អនុប្រធាន​មន្ទីរ​ពិធីការ​និង​ជា​អ្នកនាំពាក្យ​ក្រសួង​ការបរទេស​ក្រោម​អំណាច​របស់​អៀង សារី បានរៀបរាប់​ក្នុង​ការផ្តល់​សក្ខីកម្ម​នៅ​រសៀល​ថ្ងៃ​ចន្ទ​នេះ​ថា ខ្មែរក្រហម​បាន​ប្រឌិត​ការចោទ​ប្រកាន់​ដែល​នាំ​ឲ្យ​មាន​ការ​ចាប់​ខ្លួន​ជា​ខ្សែ​បណ្តាញ​រួច​នាំឲ្យ​មាន​ការសម្លាប់​ជន​ដែល​ត្រូវ​ចាប់​ខ្លួន​ទាំង​នោះ។

    «កាលណា​មានការចោទ​ប្រកាន់ ឬ​មួល​បង្កាច់​យ៉ាងណា​នោះ​គឺ​បាន (ឈាន​ដល់​ការ​ចាប់​ខ្លួន) ដូច្នេះ​បាន​ជា​មាន​វិនាសកម្ម​។ ហើយ​វិនាសកម្ម​នេះ ពេល​ខ្ញុំ​ទៅ​ដល់​ទួលស្លែង​គឺ​មិត្ត​ភក្តិ​ខ្ញុំ​ដែល​ស្លូតត្រង់​មនុស្ស​ល្អ ធ្វើ​គ្រូពេទ្យ។ ខ្ញុំ​ហួស​ចិត្ត​យក​គ្នា​ទៅ​សម្លាប់​ចោល»។

    សាក្សី​ដដែល​បាន​បញ្ជាក់​ថា កម្មាភិបាល​ជាន់ខ្ពស់​ខ្មែរក្រហម​ក្នុង​ក្រសួង​ការបរទេស​ជា​ច្រើន​ត្រូវ​បាន​ចាប់ខ្លួន​ជា​បន្តបន្ទាប់ ក្រោយ​ពី​មាន​ការចោទ​ប្រកាន់​ពី​អ្នក​ដែល​ត្រូវ​ចាប់​ខ្លួន​មុនៗ​ថា ជា​ខ្មាំង​របស់​បដិវត្តន៍។ រូប​លោក​ផ្ទាល់ និង​លោក​គាត ឈុន បច្ចុប្បន្ន​ជា​ឧបជានាយក​រដ្ឋមន្ដ្រី និង​ជា​រដ្ឋមន្ដ្រី​ក្រសួង​សេដ្ឋកិច្ច និង​ហិរញ្ញវត្ថុ​ កាលនោះ​ក៏ត្រូវ​ចោទប្រកាន់​ត​គ្នា​ដែរ។ អៀង សារី ដែល​ជា​រដ្ឋមន្ដ្រី​ការបរទេស​នៅ​សម័យ​នោះ​បានឲ្យ​លោក​សរសេរ​ប្រវត្តិរូប​ផ្ទាល់​ខ្លួន​ឡើង​វិញ។

    លោក​សួង ស៊ីគឿន ដែល​ជា​កម្មាភិបាល​ខ្មែរក្រហម​តែ​ម្នាក់​គត់​ដែល​បាន​យក​ភរិយា​ជនជាតិ​បារាំង​របស់​ខ្លួន​ចូល​រស់នៅ​មួយរយៈ ជាមួយ​ពួក​ខ្មែរក្រហម​បានបង្ហាញ​ការសោកស្តាយ​ដោយ​ក្តី​ឈឺ​ចាប់​ដោយ​ងាក​ទៅ​សុំទោស​ជន​ជាប់ចោទ​ក្នុង​សំណុំរឿង​០០២​ដែល​កំពុង​ស្ថិត​ក្នុង​ការ​កាត់ទោស។

    «វា​អណោច​អធ័ម​ណាស់។ សុំ​ទោស​បងៗ (មេ​ខ្មែរក្រហម​ដែល​កំពុង​ត្រូវ​កាត់​ទោស) បើ​ខ្ញុំ​ដឹង​មុន​ខ្ញុំ​អត់​ចូល​ជិត​ទេ។ វា​ដល់​ក ដល់​ធ្វើ​ដូច្នេះ​មិនមែន​សង្គមនិយម កុម្មុយនិស្ត​និយម វា​មិនមែន​បដិវត្តន៍​មិន​មែន​បម្រើ​ប្រជាជន បម្រើ​ជាតិ​ទេ ខ្ញុំ​ឈឺចាប់​ណាស់»។

    ក៏​ដូច​ជា​សាក្សី​មុន​ៗ​មួយ​ចំនួន​ដែរ លោក សួង ស៊ីគឿន បាន​បញ្ជាក់​ថា អៀង សារី ដែល​កាន់កាប់​ក្រសួងការ​បរទេស​មាន​អំណាច​ការពារ​បុគ្គលិក​មួយ​ចំនួន​ក្នុង​ក្រសួង​នេះ។ ប៉ុន្តែ​លោក​បញ្ជាក់​ថា អៀង សារី ក៏បាន​អនុញ្ញាត​ឲ្យ​មាន​ការចាប់​ខ្លួន​បុគ្គលិក​របស់​ខ្លួន​ដែរ បន្ទាប់​ពី​មាន​ចម្លើយ​សារភាព​របស់​អ្នក​ទោស​នៅ​គុក​ទួលស្លែង​ដោយ​ចោទ​ប្រកាន់​បុគ្គលិក​របស់​ខ្លួន​ថា ជា​ខ្មាំង​បង្កប់​នោះ៕

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    លោក សម រង្ស៊ី ថា ការនៅ​និរទេស​ខ្លួន​ជួយ​បន្ថយ​ការតានតឹង​នយោបាយ

    ការ​ថ្លែង​ការពារ​យុទ្ធសាស្ត្រ​និរទេស​ខ្លួន​របស់​លោក​សម រង្ស៊ី​ កើត​មាន​ឡើងនៅ​ចំពេល​មេដឹកនាំ​សមាជិក​ និង​​តំណាង​រាស្ត្រ​គណបក្ស​សង្គ្រោះ​ជាតិ​កំពុង​រង​ការ​វាយ​ប្រហារ​មិន​ចេះ​ឈប់​ពី​បក្ស​គ្រប់​គ្រង​ប្រទេស។ ពត៌មាន​លម្អិត

    លោក គឹម សន្តិភាព​ប្រាប់​ឱ្យ​បក្ស​សង្គ្រោះ​ជាតិ​ប្រយ័ត្ន​ពាក្យ​សម្តី

    ការព្រមាន​នេះ​កើតមាន​ឡើង​បន្ទាប់​ពី​សេចក្តី​ថ្លែងការណ៍​របស់​គណបក្ស​សង្គ្រោះ​ជាតិ​ដែល​ចេញ​ផ្សាយ​នៅថ្ងៃ​ទី​៤ខែ​ឧសភា​ដោយ​​ចោទ​ប្រកាន់​តុលាការ​រាជធានី​ភ្នំពេញ​ថា ​បាន​រំលោភ​លើ​អភ័យ​ឯកសិទ្ធិ​អ្នក​តំណាងរាស្រ្ត​។ ពត៌មាន​លម្អិត

    ជីវិត​ស្ត្រី​ខ្មែរ​រៀបការ​ប្ដី​ចិន​ ជួប​ការ​លំបាក​មិន​ដូច​ក្តី​ស្រមៃ​ចង់​មាន​បាន

    នាង​ យ៉ាន កុង អ្នក​ថត​រូប​ឯកសារ​ជនជាតិ​ចិន ​បាន​ដាក់​តាំង​ពិព័រណ៍​រូប​ថត​ទាំង​នេះ ដែល​មាន​ចំណងជើង​ថា​«ការ​ពិត​មិន​ដូច​ជា​ការ​រំពឹង​ទុក»នេះ។ ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    ភ្លេង​បុរាណ​ខ្មែរ​ដ៏​កម្រ​បាន​ទទួល​​​ការស្វាគម​យ៉ាង​កក់​ក្តៅ​នៅ​ស.រ.អាi
    X
    04 ឧសភា 2016
    តន្ត្រីករ​ខ្មែរ​ឆ្នើម​បី​នាក់​ថ្មីៗ​នេះ​បាន​សម្តែង​ទេព​កោសល្យ​ភ្លេង​បុរាណ​ខ្មែរ​នៅ​តាម​​ទីក្រុង​មួយ​ចំនួន​​នៅ​ស.រ.អា ដើម្បី​បង្ហាញ​ទស្សនិកជន​អាមេរិក នូវ​ស្នា​ដៃ​របស់​ខ្មែរ។ អ្នក​ទាំង​បី គឺ​កញ្ញា យឹម ចន្ធី  ដែល​ជា​អ្នក​ផ្លុំ​ខ្លុយ លោក លន់ ជំនិត ដែល​ជា​អ្នក​កេះ​សាដៀវ និង​លោក ញ៉ុក ស៊ីណាត​ ដែល​ជា​អ្នក​កូតទ្រ។ អ្នក​ទាំង​បី បាន​មក​កាន់​បន្ទប់​ផ្សាយ​របស់​ VOA ​ដើម្បី​ចែក​រំលែក​បទ​ពិសោធន៏​របស់​ពួក​គាត់ ព្រម​ទាំង​បង្ហាញ​នូវ​ស្នា​ដៃដ៏​ឆ្នើម​ ក្នុង​ការ​ប្រគុំ​​ភ្លេង​បុរាណ​ខ្មែរ​ទៀត​ផង៕
    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ក្មេង​អនាថា​នៅ​ទីក្រុង​ញូឌេលី បោះពុម្ព​កាសែតi
    X
    04 ឧសភា 2016
    ជារឿយៗ នៅ​ក្នុង​កាសែត​តែងតែ​មាន​ការសរសេរ​អំពី​ស្ថានភាព​ដ៏លំបាក​របស់​កុមារ ដែល​រស់​នៅ​តាម​ចញ្ចើម​ផ្លូវ ប៉ុន្តែ​កុមារ​អនាថា​មួយ​ក្រុម​នៅ​រដ្ឋធានី​ញូឌេលី​ក្នុង​ប្រទេស​ឥណ្ឌា កំពុង​សរសេរ​អំពី​រឿងរ៉ាវ​តស៊ូ​និង​ក្តីបារម្ភ​របស់​ពួកគេ​ចងក្រង​ជា​កាសែត​ចេញ​ផ្សាយ​ជារៀងរាល់​ខែ។ កាសែត «Balaknama» ឬ​មាន​ន័យ​ថា​ «សំឡេង​កុមារ» ត្រូវ​បាន​សរសេរ កែសម្រួល និង​ចងក្រង​ដោយ​ក្រុម​កុមារ​ដែល​មាន​អាយុ​ក្រោម​១៩​ឆ្នាំ ហើយ​កាសែត​មាន​អ្នកអាន​ប្រមាណ​មួយ​ម៉ឺន​នាក់។ អ្នកស្រី Zlatica Hoke រាយការណ៍​ពី​រដ្ឋធានី​វ៉ាស៊ីនតោន។ នាង ស្រេង លក្ខិណា ជូន​សេចក្តី​ប្រែសម្រួល៕