អាមេរិក​ / ខ្មែរ​នៅ​អាមេរិក

ខ្មែរអាមេរិកាំង​នឹងគាំទ្រ​បេក្ខជន​ដែល​ជួយ​សហគមន៍​ខ្មែរ ​និង​កម្ពុជា​

​ពលរដ្ឋខ្មែរ​អាមេរិកាំង​នៅ​តាម​បណ្តារដ្ឋនានា​ កំពុង​សំឡឹង​មើល​បេក្ខជន​ប្រធានាធិបតីយ​ស.រ.អា.ណា ​ដែល​អាច​ជួយ​សហគមន៍​និង​ប្រទេស​កំណើត​ពួក​គេ។​​

Republican Convention Push On Despite Storm SetbacksRepublican Convention Push On Despite Storm Setbacks
x
Republican Convention Push On Despite Storm Setbacks
Republican Convention Push On Despite Storm Setbacks
​វ៉ាស៊ីនតោន៖ ក្នុង​អំឡុង​ពេលឃោសនា​បោះឆ្នោតជ្រើស​រើស​ប្រធានាធិបតីស.រ.អា.​លើកនេះ ​ពលរដ្ឋខ្មែរ​អាមេរិកាំង​នៅ​តាម​បណ្តារដ្ឋនានា​ កំពុង​សំឡឹង​មើល​បេក្ខជន​ប្រធានាធិបតីយ​ស.រ.អា.ណា ​ដែល​អាច​ជួយ​សហគមន៍​និង​ប្រទេស​កំណើត​ពួក​គេ។

ការប្រកួត​ប្រជែង​យក​តំណែង​ប្រធានាធិបតីយ​ស.រ.អា.​រវាង​លោក​ប្រធានាធិបតី​ ប៉ារ៉ាក់ អូបាម៉ានៃ​គណបក្ស​ប្រជាធិបតេយ្យ​ និង​លោក​មីត រ៉ុមនី​នៃ​គណបក្ស​ សាធារណរដ្ឋ​ កំពុង​ធ្វើការ​ឃោសនា​រក​សម្លេង​ឆ្នោត​យ៉ាង​ស្រួចស្រាលទៅ​តាម​ កម្មវិធី​នយោបាយរបស់​ពួក​អស់​លោក​រៀងៗ​ខ្លួន​ដើម្បីទាក់ទាញ​យក​សម្លេង​ គាំទ្រ​នៅ​ថ្ងៃ​បោះឆ្នោត​ទី៤​ខែ​វិច្ឆិកា​ខាង​មុខ។​

ពលរដ្ឋ​អាមេរិកាំង​ដើម​កំណើត​ខ្មែរ​ ដែល​បាន​រួចផុត​ពីការ​កាប់​សម្លាប់​នៃ​របប​ខ្មែរក្រហម ​ហើយ​កំពុង​រស់នៅ​តាម​ បណ្តា​រដ្ឋ​ជាច្រើន​ក្នុង​ស.រ.អា.​ បាន​អះអាង​ថា​ ពួក​គេ​កំពុង​សម្លឹង​មើល​ ថា​តើ​បេក្ខជន​ណាមួយ​អាចផ្តល់​ផលប្រយោជន៍​ដល់​សហគមន៍ខ្មែរ​និង​ប្រទេស​កម្ពុជា។

លោកចាន់លី គុជ​ ពលរដ្ឋ​ខ្មែរ​អាមេរិកាំង​ក្នុង​រដ្ឋម៉ារីឡែន​ បាន​អះអាង​ថា​ លោក​ ចេញ​ទៅបោះឆ្នោត​ជា​រៀង​រាល់​អាណតិ្ត​ ដូចពលរដ្ឋ​ខ្មែរ​អាមេរិកាំង​ដទៃ​ទៀត​ដែរ​ ដើម្បី​ជ្រើស​រើស​មេដឹក​នាំ​ស.រ.អា.​ណា ​ដែល​ផ្តល់​ជីវភាព​រស់​នៅ​ធូរ​ធារ​ដល់​ជនជាតិ​អាមេរិកាំង​ និង​ជនជាតិ​អាមេរិកាំង​ដើម​កំណើតខ្មែរ​ ហើយ​គិតគូ​ពី​សេរីភាព​ ប្រជាធិបតេយ្យ​ក្នុង​ប្រទេស​កម្ពុជា ជា​ប្រទេស​កំណើត​ផង​ដែរ។​

«ចំពោះ​ប្រជាពល​រដ្ឋខ្មែរ​ ខ្ញុំឃើញ​ថា ​វាជា​កិច្ចការ​មួយ​ដែល​ចាំបាច់​ត្រូវ​តែ​ធ្វើការ​ សម្រេច​ចិត្ត​ ថា​តើយើង​ជ្រើស​យក​ការ​ពង្រីក​ពង្រឹង​សេដ្ឋកិច្ច​នៅ​ក្នុង​សង្គម​ក្នុង​ ប្រទេស​អាមេរិក​ ឬមួយ​យើង​គិត​គូរ​ដល់​ប្រទេស​ខ្មែរ​យើង​ដែល​កំពុងតែ​ស្ថិត​នៅ​ ក្នុង​ដំណាក់​កាល​រៀបចំ​ប្រទេស​យើង​ឲ្យ​បានចម្រើន​ រុងរឿង។ហើយ​ផ្នែក​ខាង​សិទ្ធិ​មនុស្ស ​សិទ្ធិសេរីភាព ​លទ្ធិ​ប្រជាធិបតេយ្យ​ក៏​កំពុង​ត្រូវការ​ការ​ជ្រោមជ្រែង​ពី​ប្រទេស​មហា​អំណាច​នោះ​ដែរ។​ ដូច្នេះ​ហើយ ​ធ្វើការ​សម្រេចចិត្ត​ ខ្ញុំ​យល់​ថា​ មិន​ជា​ការ​ពិបាក​ទេ​ចំពោះ​ប្រជា​ពលរដ្ឋខ្មែរ​ក្នុង​ពេល​ដែល​អាមេរិកាំង​បោះ​ឆ្នោត​រើស​ប្រធានាធិបតី​នេះ»។​

លោក​អះអាង​ថា​ នៅ​អាណតិនេះ​លោក​នឹង​មិន​បោះឆ្នោត​ជូន​គណបក្ស​របស់​លោកទេ​ ដោយសារ​បេក្ខជន​ប្រធានាធិបតី​មក​ពី​គណបក្ស​ជាដៃគូ​មានគោល​នយោបាយ​ល្អ​ដែល​លោក​ចាត់​ទុក​ថា​ ប្រសើរ​ជាង​បេក្ខជន​គណ​បក្សលោក។​

ពលរដ្ឋខ្មែរ​អាមេរិកាំង​ដែល​បោះឆ្នោត​ជូន​គណបក្ស​សាធារណ​រដ្ឋ​ភាគ​ច្រើន​គិត​ដល់ភាព​រុងរឿង​នៃ​ប្រជាធិបតេយ្យ​ ការ​គោរព​សិទ្ធិមនុស្ស​ និង​សេរីភាព​ពេញ​លេញ​នៅក្នុង​ប្រទេស​កម្ពុជា​ ដែល​គណបក្ស​សាធារណរដ្ឋ​មាន​នយោបាយ​ការ​បរទេស​ប្រឆាំង​នឹង​អំណាច​ផ្តាច់ការ​ របប​ជិះជាន់​ក្នុង​ពិភព​លោក។​ ចំណែក​ពលរដ្ឋ​ខ្មែរ​អាមេរិកាំង​ដែល​បោះឆ្នោត​ឲ្យគណបក្ស​ប្រជាធិបតេយ្យ​គឺ​ពលរដ្ឋខ្មែរ​អាមេរិកាំង​ដែល​គិតគូ​ពី​ជីវភាព​ធូរធារ​របស់​ពលរដ្ឋខ្មែរ​នៅក្នុង​ប្រទេស​អាមេរិក​ ប្រាក់​ឧបត្ថម​សង្គម​ សន្តិសុខ​ផ្ទៃ​ក្នុង​ប្រទេស​ជា​ដើម។​

លោកគួង ឃុន​ ពលរដ្ឋខ្មែរ​អាមេរិកាំង​រស់​នៅ​ក្នុង​សង្កាត់​លីន​ រដ្ឋ​ម៉ាសាជូសេត​ បាន​ថ្លែងប្រាប់​វីអូអេ​ថា​ លោក​និង​គ្រួសារ​ត្រូវ​ទៅ​បោះឆ្នោត​ដើម្បី​បំពេញ​កាតព្វ​កិច្ច​ជា​ពលរដ្ឋ​អាមេរិកាំង។​ លោក​អះអាង​ថា ​លោក​ត្រូវតែ​មាន​ចំណែក​ក្នុង​ការ​ជ្រើស​រើស​មេដឹក​នាំ​ដ៏​ល្អមួយ​ដែល​អាច​គ្រប់គ្រង​ប្រទេស​បាន​ ដោយ​មិន​ចង់​ឃើញ​ប្រទេស​ធ្លាក់ចុះ​អន់ថយ​នោះ​ទេ។ ​

«វាមាន​ផល​ប្រយោជន៍​ច្រើន​ បើសិន​ជា​ ឧទាហរណ៍​ថា ​យើង​បោះ​ឲ្យ​នរណា​ម្នាក់​ ហើយ​គេ​គិតគូរ​ពី​ជនជាតិ​អាស៊ី​យើង​ មិន​មែន​តែ​ខ្មែរទេ​ ឲ្យ​តែ​ប្រជាជន​ភាគតិច​ ដែល​នៅ​លើ​សកល​លោក​ ​ដែល​នៅ​ប្រទេស​អាមេរិក​នេះ​ ដែល​គេ​គិតគូរ​ពី​រឿង​ ហ្នឹង។​ អាហ្នឹង​ក៏​ជា​ការមួយ​ដែល​មាន​ប្រយោជន៍​ដល់​ជនជាតិ​ខ្មែរ​ដែរ»។​

ទោះ​ជាយ៉ាងណា​ក៏​ដោយ​ លោកគួង​អះអាង​ថា​មក​ដល់ពេល​នេះ​លោក​មិន​ទាន់​សម្រេច​ចិត្ត​ឡើយ​ទេ​ថា​ បេក្ខជន​ណា​មួយ​ក្នុង​ចំណោម​បេក្ខជន​ទាំងពីរ​ដែល​លោក​កំណត់​ក្នុងចិត្ត​លោក។​ លោក​អះអាង​ថា ​លោកត្រូវ​ការ​ពេល​វេលា​តាម​ដាន​និង​ពិចារណា​បន្តទៀត ​ហើយ​នឹង​រង់ចាំ​ដល់​២​សប្តាហ៍​មុន​ការ​បោះ​ឆ្នោត​ ទើប​សម្រេចចិត្ត​ថា​ បេក្ខជន​ណាមួយ​ដែល​លោក​គិត​ថា​ ជាអ្នក​អាច​ដឹក​នាំ​ប្រទេស​បាន។ ​

បញ្ហា​ស្តារ​សេដ្ឋកិច្ច​របស់​ស.រ.អា.​ឲ្យរីក​ចម្រើន​រួច​ផុត​ពីវបត្តិ​ បញ្ហា​បង្កើត​ការងារ​ធ្វើ ​បញ្ហា​អន្តោ​ប្រវេសន៍​ បញ្ហា​ធានា​សុខ​ភាព​និង​នយោបាយ​ការបរទេស​សំខាន់ៗ​ខ្លះ​ ក្លាយ​ទៅ​ជា​ប្រធាន​បទ​ដ៏​ក្តៅ​ដែល​គូប្រជែង​ជា​បេក្ខជន​ប្រធានាធិបតី​ទាំង​ពីរ​គឺ​លោកបារ៉ាក់ អូបាម៉ា​ និង​លោក​មីត រ៉ុមនី​ កំពុង​វាយ​ប្រហារ​គ្នា​ទៅវិញ​ទៅមក​ដើម្បី​ទាញ​យក​សម្លេង​គាំទ្រ​មុន​ការ​បោះឆ្នោត​ជាង​២​ខែ​នេះ។​ លោក​មីត រ៉ុមនី​បេក្ខជន​ខាង​គណ​បក្ស​សាធារណរដ្ឋ​បាន​វាយ​ប្រហារ​ដល់​រដ្ឋបាល​លោក​បារ៉ាក់ អូបាម៉ា​ ថា​បាន​ធ្វើឲ្យ​ចុះ​អន់ថយ​ផ្នែក​សេដ្ឋ​កិច្ច ​មាន​ឱភាព​ថវិកា ចំណាយ​លើស​ចំណូល​ ជំពាក់​បំណុល​បរទេស​ច្រើន​ និង​មិន​បានធ្វើ​តាម​ការ​សន្យា។​ លោក រ៉ុមនី​បាន​ផ្តល់​នូវ​យុត្តិសាស្រ្ត​របស់​លោក​ក្នុង​ការ​ជួយ​ឲ្យរីក​ចម្រើន​ផ្នែក​ សេដ្ឋកិច្ច​ ដូចជា​ការ​ទាញ​យក​ប្រយោជន៍​ពី​ប្រភព​ធន​ធាន​រ៉ែ ​ ផ្តល់​ឲ្យ​មនុស្ស​ពេញ​វ័យ​ និងក្មេង​នូវមុខ​ជំនាញ​នានា​ ពង្រីក​ពាណិជ្ជកម្ម​ក្នុង​ស្រុក​ បញ្ចុះ​ការ​ចំណាយ​លើស​ចំណូល​និង​ជំរុញ​ដល់​ពាណិជ្ជកម្ម​ខ្នាត​តូច​ដែល​បង្កើត​ការងារ​ច្រើន។​ ប៉ុន្តែ​លោក​អូបាម៉ា​បាន​ការពារ​រដ្ឋាភិបាល​របស់​លោក​ដោយ​និយាយថា​ ​ការ​ចុះ​ឱនភាព​សេដ្ឋកិច្ច​ ចំណាយ​ ច្រើន​ជាង​ចំណូល​ និង​ការ​អត់ការងារ​ធ្វើ​ដ៏​ច្រើននោះ​គឺកើត​មាន​ឡើង​យូរ​មក​ហើយ ​ហើយ​ពល​រដ្ឋអាមេរិកាំង​ដឹង​គ្រប់គ្នា​ពី​រឿង​នេះ​ គឺ​មុន​ពេល​ដែល​លោក​ចូល​កាន់ដំណែង។ ​លោក​បាន​វាយ​ប្រហារ​គោល​នយោបាយ​លោកមីត រ៉ុមនី​ខ្លះ​ថា​ ដូច​នឹង​គោល​នយោបាយ​មួយ​ទសវត្សរ៍​កន្លង​មក​ដែល​មាន​លក្ខណៈ​អន់​ថយ។​

លោក​សំដៅ​ទៅ​លើ​គោល​នយោបាយ​លោក​អតីត​ប្រធានាធិបតី​ ចច ដាប់ប៊ែលយូ​ប៊ូស។​
លោក​ថ្លែង​ថា​ការ​រីក​ចម្រើន​ផ្នែក​សេដ្ឋកិច្ច​ខ្លាំង​គឺត្រូវ​ពឹង​លើ​អ្នក​មាន​ចំណូល​ថ្នាក់​កណ្តាល​ជា​ច្រើន។​ លោក​ជឿថា ​នយោបាយ​របស់​លោក​អាច​នាំឲ្យ​សេដ្ឋ​កិច្ច​រីក​ចម្រើន​គឺផ្តល់​ការ​អប់រំ​ និង​ហ្វឹកហ្វឺន​ ការ​ប្រើប្រាស់​ធនធាន​រ៉ែ ​ការ​ស្រាវជ្រាវ ​ ការ​សាសង់​ហេដ្ឋារចនា​សម្ព័ន្ធ​ ការ​ប្រមូល​ពន្ធ ​ដែល​អាច​បង្កើត​ការងារ​ធ្វើ​ច្រើន​ និង​កាត់​បន្ថយ​ចំណាយ​ច្រើន​ជាង​ចំណូល។​

លោក ​យ័ប​ ​គឹមទឹង​ ពល​រដ្ឋខ្មែរ​អាមេរិកាំង​ក្នុង​រដ្ឋវីជីនៀ​ បាន​អះអាង​ថា ​លោក​នឹង​ទៅ​បោះឆ្នោត​រើស​មេដឹក​នាំ​ដែល​គោរព​ពាក្យ​សន្យា​ ដែល​អាច​ដឹក​នាំ​ប្រទេស​ឲ្យ​បាន​ជឿន​លឿន។​

លោក​ថ្លែង​ថា​ ​សំឡេង​ឆ្នោត​ក្នុង​ចំណោម​ពលរដ្ឋ​ខ្មែរ​អាមេរិកាំង​បែក​ខ្ញែក​ខ្លះ​ ដែរ​ដោយ​សារ​ពលរដ្ឋ​ខ្មែរ​ខ្លះ​បោះ​ឆ្នោត​ដល់​គណបក្ស​ប្រជាធិបតេយ្យ​ដែល​គិត​បញ្ហា​ផ្ទៃ​ក្នុង​ច្រើន​ជាង​ក្រៅ​ប្រទេស​ មិន​ដូចជា​គណបក្ស​សាធារណរដ្ឋ​ តែ​មាន​អ្នក​ខ្លះ​សម្រេច​ចិត្ត​បោះឆ្នោត​ជូន​គណបក្ស​សាធារណរដ្ឋ​ ដែល​គេ​គិត​ថា ​ជួយ​ដល់​ប្រទេស​កម្ពុជា​ច្រើន ដូចជា​ផ្នែក​ប្រជាធិបតេយ្យ​ ការ​គោរព​សិទ្ធិ​មនុស្ស​ជាដើម។​

«ខ្មែរ​យើង​មួយ​ចំនួន​ទៀត​ដែល​ថា​ ចង់​ឃើញ​គណបក្ស​ខ្លះ​ដែល​ថា​ ជួយ​ទៅ​ស្រុក​ខ្មែរ​យើង​បាន​ច្រើន​ជាង​ ពីព្រោះ​គេ​ឃើញ​ថា​ ក្រុម​អាមេរិកាំង​ខ្លះ​អាច​លូកដៃ​ទៅ​ស្រុក​ខ្មែរ​បាន​ច្រើន​ជាង​ក្រុម​មួយ​ផ្សេង​ទៀត»។​

ពលរដ្ឋ​ខ្មែរ​ប្រមាណ​ជិត​កន្លះ​លាន​នាក់​ដែល​បាន​រត់​ភៀស​ខ្លួន​ពី​ប្រទេស​កម្ពុជា ​គេច​ចេញ​ពី​ការ​កាប់សម្លាប់​របស់​ពួក​ខ្មែរ​ក្រហម​ កាលពី​ទសវត្សរ៍​១៩៧០​ កំពុង​រស់នៅ​តាម​រដ្ឋនានា​លើ​ទឹកដី​អាមេរិក។​ ពលរដ្ឋ​កម្ពុជា​ខ្លះ​បាន​ក្លាយ​ជា​ពលរដ្ឋ អាមេរិកាំង​ ពល​រដ្ឋខ្លះ​មិន​បាន​ដាក់​ពាក្យសុំ​ចូល​សញ្ជាតិ​អាមេរិកាំង​ទេ​ដែល​ធ្វើឲ្យបាត់​សិទ្ធិ​បោះឆ្នោត។​

អ្នកស្រី ​សារ៉ា ​ប៉ូលីម ​សកម្មជន​ខាង​តស៊ូមតិ​នៃ​អង្គការ ​United Cambodian ​Community​ នៅ​ឯរដ្ឋ​កាលីហ្វ័រញ៉ា​ ​ដែល​ជា​រដ្ឋ​មានជនជាតិ​ខ្មែរ​ច្រើន​ជាង​គេ​នៅ​ស.រ.អា. ​បាន​អះអាង​ថា ​នៅ​ឆ្នាំ​នេះ​អង្គការ​របស់អ្នក​ស្រី​បាន​ជួយពលរដ្ឋ​កម្ពុជា​ ប្រមាណ​៥​ពាន់​នាក់​បានចុះ​ឈ្មោះ​ ដាក់ពាក្យ​សុំ​សញ្ជាតិ​អាមេរិកាំង ​ហើយ​បាន​ភ្ជាប់​ទំនាក់ទំនង ធ្វើ​ឲ្យ​មានការ​យល់​ដឹងច្រើន​ពី​សហគមន៍​ខ្មែរ។​ អ្នកស្រី​អះអាង​ថា​ ពលរដ្ឋ​ខ្មែរ​អាមេរិកាំង​ក្នុង​សង្កាត់​ឡូសអាន់ជឺឡេស​ នឹងមាន​ទម្រង់​បែប​បទចុះ​ឈ្មោះ​បោះ​ឆ្នោត​បកប្រែ​ជាភាសាខ្មែរ​ ជាលើកដំបូង​ដែល​ពុំ​ធ្លាប់​មាន​ពី​មុន ​ដោយសារ​ការ​គិតគូរ​ពី​រដ្ឋការ​អាមេរិកាំង។​

«ដូច្នេះ​ខ្ញុំគិត​ថា​ នេះជាឆ្នាំ​ដ៏សំខាន់​ជាងគេបំផុត​ដែល​សហគមន៍​ខ្មែរ​នឹង​ចូល​រួម​ច្រើន​ក្នុងការ​បោះឆ្នោត​ឆ្នាំ​២០១២»។​

អ្នកស្រី​អះអាង​ថា​ សហគមន៍​ខ្មែរ​ក្នុង​រដ្ឋ​កាលីហ្វ័រញ៉ាបាន​យល់​ដឹង​ពី​តម្លៃ​របស់​ពួក​គេ​ ដែល​ជាម្ចាស់សហគមន៍​ យល់​ពីការ​ដែល​ពួក​គេ​ត្រូវ​ចូលរួម​ក្នុង​ការ​បោះ​ឆ្នោត​ផ្លាស់ប្តូរ​គោល​នយោបាយ​ដោយ​ការ​ប្រើ​សន្លឹកឆ្នោត​មួយ​សន្លឹក​ដើម្បីការ ផ្លាស់ប្តូរ​ក្នុង​សហគមន៍​របស់​ពួកគេ​ ដែល​មាន​កម្រិត​ទាប​ខាង​ជីវភាព​ មាន​ការ​យល់ដឹង​តិច​ខាង​ភាសា​ វប្បធម៌​ និង​សិទ្ធិ​ផ្សេងៗ​ផង​នោះ។​

អ្នកស្រី ​ហ៊ឹម ស៊ីនួន​ ពលរដ្ឋខ្មែរ​នៅទី​ក្រុង​ស៊ីអាថុល ​រដ្ឋ​វ៉ាស៊ីនតោន​ដែល​ចូលរួម​ពាក់ព័ន្ធ​ជ្រៅ​ក្នុង​នយោបាយ​ បាន​អំពាវនាវ​ឲ្យ​ពលរដ្ឋខ្មែរ​អាមេរិកាំង​ចូលរួម​ក្នុងការ​បោះឆ្នោត​និង​កិច្ចការ​សហគមន៍​ដើម្បី​ឲ្យ​សិទ្ធិ​ជា​ជនជាតិ​ភាគ​តិច​ របស់​កម្ពុជា​ត្រូវ​គេ​ទទួល​ស្គាល់ ​និង​គ្មាន​ការ​រំលោភ​បំពាន។​

អ្នកស្រី​បាន​អះអាង​ថា ​អ្នក​នយោបាយ​ខ្លះ​បាន​តាក់តែង​ច្បាប់​មិន​សមរម្យ​ ហើយ​រំលោភ​ដល់​សហគមន៍។​ ហើយ​បើ​ជន​ជាតិ​ខ្មែរ​អាមេរិកាំង​មិន​ចូលរួម​ ពាក់ព័ន្ធ​ទេនោះ គេ​នឹង​គ្មាន​ដំណឹង​ រួច​ខកខាន​ក្នុង​ការ​ចូលរួម​តវ៉ា​លុប​បំបាត់​ច្បាប់នោះ។​ ទីចុង​បំផុត​ សិទ្ធិនានា​នឹង​ត្រូវ​គេ​រំលោភ​បំពាន​ ហើយ​គេ​គ្មាន​អ្នក​ចូល​រួម​ដែល​គិត​គូរ​ជំនួស​សហគមន៍​នោះ​ទេ៕​
Your JavaScript is turned off or you have an old version of Adobe's Flash Player. Get the latest Flash player.
ព្រឹទ្ធ​សភា​បាន​អនុុម័ត​ច្បាប់​អង្គការ​ថ្វីបើ​មាន​ពហិការ​​និង​បាតុកម្ម​​​i
X
24 កក្កដា 2015
ព្រឹទ្ធសភានៅព្រឹក​ថ្ងៃ​សុក្រនេះ​ បាន​អនុម័ត​សេចក្តី​ព្រាងច្បាប់​ស្តីពីសមាគម​ និង​អង្គការ​មិន​មែន​​រដ្ឋាភិបាល​ដ៏ចម្រូងចម្រាស់​ ទោះបី​ជាក្រុម​អង្គការ​សង្គមស៊ីវិល​ក្នុងស្រុក ​និង​អន្តរជាតិ​អំពាវ​នាវ​ឲ្យ​ច្រាន​ចោល​សេក្តី​ព្រាងច្បាប់​នេះ​យ៉ាង​ណាក៏ដោយ។ ​លោកហ៊ុល រស្មី​នៃ​វីអូអេ​ជូន​សេចក្តី​រាយ​ការណ៍​ពីរាជធានី​ភ្នំពេញ៕​​
Your JavaScript is turned off or you have an old version of Adobe's Flash Player. Get the latest Flash player.
សង្គម​ស៊ីវិល​បន្ត​សម្តែង​ក្តី​កង្វល់​បន្ទាប់​ពី​សភា​អនុម័តច្បាប់​អង្គការ​i
X
21 កក្កដា 2015
សកម្មជន​អង្គការ​សង្គម​ស៊ីវិល​បន្ត​សម្តែង​ក្តី​កង្វល់​បន្ទាប់​ពី​សភាជាតិ​​បាន​អនុម័ត​សេចក្តី​ព្រាងច្បាប់​អង្គការ​កាលពី​សប្តាហ៍​មុន។ ពួកគេ​បាន​ស្នើ​សុំ​ឱ្យ​ព្រឹទ្ធសភា​ពិចារណា​លើ​មាត្រា​មួយ​ចំនួន​ដើម្បី​ឱ្យ​ច្បាប់​នេះ​អាច​ទទួល​យក​បាន។​ លោក​ម៉ែន គឹមសេង​នៃ​វីអូអេ​បាន​ជួប​សម្ភាស​ជាមួយ​នឹង​លោក​សឿង សារឿន ​នាយក​ប្រតិបត្តិ​នៃគណៈកម្មាធិការ​សហប្រតិបត្តិការ​ដើម្បី​កម្ពុជា​ក្នុង​ពេល​ដែល​លោក​មក​ដល់​រដ្ឋ​ធានី​វ៉ាស៊ីនតោន៕

អង់គ្លេស​ជាមួយ​ម៉ានី​និង​ម៉ូរី

No records found for this widget:5692

Your JavaScript is turned off or you have an old version of Adobe's Flash Player. Get the latest Flash player.
Your JavaScript is turned off or you have an old version of Adobe's Flash Player. Get the latest Flash player.
លោក Donald Trump លេច​មុខ​ក្នុង​ចំណោម​ អ្នកឈរ​ឈ្មោះ​ជា​ប្រធានាធិបតី​ខាង​គណបក្ស​សាធារណរដ្ឋi
X
27 កក្កដា 2015
ការស្ទង់​មតិ​មួយ​កាលពី​ពេល​ថ្មីៗ​នេះ បាន​បង្ហាញ​ថា មហា​សេដ្ឋី​ខាង​អចលនទ្រព្យ​មួយ​រូប គឺ​លោក Donald Trump បាន​ឈាន​ចូល​ក្នុង​លំដាប់​កំពូល​ក្នុង​ចំណោម​អ្នកឈរ​ឈ្មោះ​ជា​ប្រធានាធិបតី​ខាង​គណបក្ស​សាធារណរដ្ឋ នេះ​មួយ​ផ្នែក​ធំ គឺ​ដោយសារ​តែ​ការនិយាយ​មិន​សំចៃ​មាត់​របស់​លោក​ប្រឆាំង​នឹង​ជន​អន្តោប្រវេសន្ត៍​ខុស​ច្បាប់។ តើ​មូលហេតុ​អ្វី បាន​ជា​លោក Trump ក្លាយជា​ផ្នែក​ដ៏​សំខាន់​មួយ​នៅក្នុង​ការប្រកួត​ប្រជែង​តំណែង​ប្រធានាធិបតី​អាមេរិក? ហើយ​តើ​លោក នឹង​អាច​ទទួល​ការតែងតាំង​ជា​បេក្ខជន​ប្រធានាធិបតី​ពី​គណបក្ស​សាធារណរដ្ឋ​ដែរ​ឬ​ទេ? លោក Jim Malone អ្នកឆ្លើយឆ្លង​ព័ត៌មាន​ជាតិ​របស់ VOA នឹង​មាន​ចម្លើយ​ខ្លះ​ចំពោះ​សំណួរ​ទាំងនេះ ហើយ​លោក ជឹង ប៉ូជីន ប្រែសម្រួល​ជូន​៕