កម្ពុជា

    អុ្នក​នយោបាយខ្មែរ៖ វិធាន​ការទប់​ស្កាត់គ្រោះ​ថ្នាក់​សារពើពន្ធ​ជា​គំរូ​ល្អ​

    ​លោក​ប្រធានាធិបតី​បារ៉ាក អូបាម៉ា ​នៅវិមានបញ្ចកោណ។​លោក​ប្រធានាធិបតី​បារ៉ាក អូបាម៉ា ​នៅវិមានបញ្ចកោណ។
    x
    ​លោក​ប្រធានាធិបតី​បារ៉ាក អូបាម៉ា ​នៅវិមានបញ្ចកោណ។
    ​លោក​ប្រធានាធិបតី​បារ៉ាក អូបាម៉ា ​នៅវិមានបញ្ចកោណ។
    សុខ ខេមរា
    វ៉ាស៊ីនតោន៖ ក្រុមអ្នក​នយោបាយ​កម្ពុជា​បាន​អះអាង​ថា​ ការព្រមព្រៀង​គ្នា​នៅ​សភា​ស.រ.អា.​ដើម្បី​បញ្ជៀស​មហន្តរាយ​សារពើពន្ធ​ឆ្នាំ​នេះ​ ជា​ពិសោធន៍​និង​ជាគំរូ​សម្រាប់​ប្រទេស​កម្ពុជា។​

    លោក ​សុខ ខេមរា​នៃ​វីអូអេ​ពី​រដ្ឋធានី​វ៉ាស៊ីនតោន​រាយ​ការណ៍​ថា​ ក្រុម​អ្នក​វិភាគ​ និង​អ្នក​នយោបាយ​កម្ពុជា​ត្រេកអរ​ដែល​គណបក្ស​ទាំងពីរ​អាច​ទម្លុះ​ទម្លាយ​ភាព​ទល់ច្រក​បាន​ ដែល​ពួក​គេ​ចាត់​ទុក​ថា ​នឹង​អនុញ្ញាត​ឲ្យ​សេដ្ឋកិច្ច​ពិភព​លោក ​និង​សេដ្ឋកិច្ច​ស.រ.អា.​មិន​ជាប់​គាំង។​

    សភា​ស.រ.អា.​បានបញ្ជៀស​មហន្តរាយ​សារពើពន្ធឆ្នាំ​២០១៣​ជា​បណ្តោះ​អាសន្ន​សម្រាប់​រដ្ឋបាល​របស់​លោក​អូបាម៉ា​ ដែល​មាន​ន័យ​ថា ​មិនមានការ​កាត់​ចំណាយ​រដ្ឋ​ច្រើន​ហើយ​នឹង​ការ​មិន​ដំឡើង​ពន្ធដារ​សម្រាប់​ជនជាតិ​អាមេរិកាំង​ភាគ​ច្រើន។​

    ការព្រមព្រៀង​គ្នានេះ​កើតឡើង​ក្រោយ​ពេល​ដែល​ក្រុម​អ្នក​តាក់តែង​ច្បាប់​នៃ​គណបក្ស​ទាំង​ពីរ​គឺគណបក្ស​សាធារណរដ្ឋ​និង​គណបក្ស​ប្រជាធិបតេយ្យ​ បានព្យាយាម​ការពារ​គោល​នយោបាយ​ថវិកា​រៀងៗ​ខ្លួន​យ៉ាង​ស្វិតស្វាញ​រយៈពេល​២ឆ្នាំ​ដែល​គេ​គិត​ថា ​សឹងតែ​ធ្វើឲ្យ​ប្រទេស​អាមេរិក​និង​ពិភព​លោក​ជាប់គាំង​ដំណើរ​ផ្នែក​សេដ្ឋកិច្ច​កាន់តែ​ជ្រៅមួយ​ជាន់​ទៀត។​ គណបក្ស​ទាំងពីរ​នឹង​បន្ត​ពិភាក្សា​គ្នា​បន្ថែមទៀត​លើ​បញ្ហា​បំណុល​និង​ឱនភាព​ថវិកា។​ ទោះជា​យ៉ាងណា​ក៏ដោយ ​ក្រុម​អ្នក​ឃ្លាំ​មើល​ក្នុង​ប្រទេស​កម្ពុជា​និង​ស.រ.អា.​ចាត់ទុក​ការ​ព្រមព្រៀង​គ្នា​មួយ​រយៈ​ពេល​ខ្លី​នៅ​នាទី​ចុងក្រោយ​កាលពី​ថ្ងៃអង្គារដែល​ឈាន​ទៅដល់​ការ បោះឆ្នោតគាំទ្រ​ក្នុង​សភា​នូវ​សំឡេងង​២៥៧​ទល់នឹង​១៦៧​លើបញ្ហា​ថវិកា​ជាតិ​ នេះ​គឺ​ជា​បទពិសោធន៍​និង​គម្រូ​ហើយ​នឹង​ជួយ​ដល់​សេដ្ឋកិច្ច​ពិភព​លោក​និង​ស.រ.អា.​ឲ្យ​មាន​ដំណើរការ​ទៅមុខ​ជាធម្មតា។​

    លោក ​ជៀម យាប​ សមាជិក​សភា​តំណាងរាស្ត្រ​មកពី​គណបក្ស​ប្រជាជន​កម្ពុជា ​និង​ជា​ប្រធាន​គណៈ​កម្មាធិការ​សេដ្ឋកិច្ច ​ហិរញ្ញវត្ថុ​ បាន​អះអាង​ថា​ ស.រ.អា.​ជា​ប្រទេស​ដែល​មាន​ការ​រីកចម្រើន​ តែ​វិបត្តិ​សេដ្ឋកិច្ច​ និង​ហិរញ្ញ​វត្ថុ​ពិភព​លោក​ក៏​កើត​ចេញ​ពី​ប្រទេស​អាមេរិក​ដែរកាលពី​ឆ្នាំ​២០០៨។​ លោក​ ជៀម យាប​បាន​ហៅ​ការ​ឈាន​ដល់​កិច្ចព្រមព្រៀង​រវាង​គណបក្ស​ទាំងពីរ​ថា​ជា​ជំហាន​ដ៏​មាន​សារៈ​ប្រយោជន៍ក្នុង​ការ​រៀបចំ​ពន្ធដារ​ឡើង​វិញ​ដើម្បី​ទ្រទ្រង់​ការ​ចំណាយ​របស់​រដ្ឋ​ផ្សេងៗ​ ទន្ទឹម​គ្នា​ដែល​ស.រ.អា.​មាន​ឱនភាព​ថវិកា​និង​ជំពាក់​បំណុល​ចិន​យ៉ាង​ច្រើន​នោះ។​

    «ខ្ញុំ​ពិនិត្យ​ឃើញ​ថា ​បើសិន​ជា​ការរៀបចំ​ពន្ធដារ​ផ្សេងៗ​ ស.រ.អា.​ហ្នឹង​គឺ​ថាបាន​រឹងមាំគឺ​ជា​បទ​ពិសោធន៍​មួយ​ ឬ​មេរៀន​មួយ​សម្រាប់​បណ្តា​ប្រទេស​ដ​ទៃ​ទៀត»។​

    លោក​យឹម សុវណ្ណ​ អ្នក​តំណាង​រាស្ត្រ​គណក្ស​សម រង្ស៉ី​បាន​ហៅ​ការ​ស្រុះ​ស្រួល​គ្នា​នៅ​នាទី​ចុង​ក្រោយ​នៃ​សភា​អាមេរិកាំង​មក​ពី​បក្ស​កាន់​កាប់​រដ្ឋាភិបាល​និង​បក្ស​មិនកាន់​កាប់រដ្ឋាភិបាល​ថា​ ជា​ការ​តម្កល់​ផល​ប្រយោជន៍​ជាតិ​និង​សាកល​លោក​ជាធំ​ ហើយនឹង​ជា​គម្រូដល់​អ្នក​នយោបាយ​កម្ពុជា។​

    «នេះជា​វប្បធម៌​ប្រជាធិបតេយ្យ​ដ៏គួរ​ឲ្យយក​គម្រូ​តាម​ ពីព្រោះ​ថា ​នៅពេល​ដែល​គណ​បក្ស​នយោបាយ​ទាំងអស់​គិត​គូរ​តម្កល់​ផល​ប្រយោជន៍ជាតិ​ជាធំ​គឺ​នឹង​អាច​ដោះស្រាយ​បាន ​ឲ្យ​តែ​គេ​តម្កល់ផល​ប្រយោជន៍​ជាតិ​ជាធំ។ ​ការ​ខុស​គ្នា​រវាង​ទស្សនៈ​នយោបាយ​នៅ​ក្នុង​គណ​បក្សនីមួយៗ​គឺជា​រឿង​ធម្មតា។​ វា​ខុស​ប្លែក​ពី​ប្រទេស​កម្ពុជា​ ដែល​គណបក្ស​កាន់អំណាច​និង​គណបក្ស​ប្រឆាំង​មិន​ដែល​ត្រូវ​គ្នា​សោះ»។​

    លោក​យឹម សុវណ្ណ​ថ្លែងយ៉ាង​ដូច្នេះ​ដោយយោល​ទៅ​លើ​បញ្ហាជាតិ​យ៉ាងតិច​ពីរ ​ដែល​គណបក្ស​កាន់អំណាច​មិន​ទទួល​យក​មក​ពិភាក្សា​រួមគ្នា​គឺរឿង​ព្រំដែន​ដែល​លោក​សម រង្ស៉ី​ ប្រធាន​គណបក្ស​សម រង្ស៉ី​ បាន​ដក​តម្រុយ​កាល​ពី​ឆ្នាំ​២០០៩​ នៅ​ខេត្តស្វាយ​រៀង​ ហើយដែល​មិន​ត្រូវ​មាន​ការ​សម្រុះ​សម្រួល​គ្នា​ តែថែមទាំង​ត្រូវជាប់​ទោស ​ហើយ​និង​បញ្ហា​សើរើ​ច្បាប់​ថវិកា​ជាតិ​ឆ្នាំ​២០១៣​ ដែល​គណបក្ស​ជំទាស់អះអាង​ថា ​មាន​ហេតុផល​សមរម្យ​ ថា​ អាច​ដំឡើង​ប្រាក់ខែ​មន្ត្រីរាជការ​ មនុស្ស​ចាស់​លើស​ពី​អាយុ​៦៥​ឆ្នាំ​ឲ្យ​មាន​ប្រាក់​ខែ​ ហើយនឹង​កាត់បន្ថយ​ការ​ជំពាក់​បំណុល​បរទេស។​

    លោក សុវណ្ណ​អះអាង​ថា​ បញ្ហាទាំង​នេះ​អាច​ធ្វើបាន​គឺពឹង​ទៅលើ​ការ​ប្រមូល​ពន្ធ ឲ្យ​មាន​ប្រសិទ្ធិភាព​ទាំងឡាយ ​ជាពិសេស​ដីក្រុមហ៊ុនធំៗ​ មិន​មែន​ជា​ដី​កសិករ និង​កាស៊ីណូ​ជា​ដើម​នោះ ។​

    លោក ​យឹម សុវណ្ណ​យល់ថា​ ការស្រុះស្រួល​គ្នា​ក្នុង​ការ​ដោះស្រាយ​បញ្ហា​មិន​ឲ្យ​កើត​មហន្តរាយ​សារ​ពើពន្ធ ​ដែលរាប់​ទាំងការ​រៀបចំ​ពន្ធដា​ ការ​ចំណាយ​របស់​រដ្ឋាភិបាល ​បំណុល​ហើយ​នឹង​ឱនភាព​ថវិកា​ជាដើមនោះ​គឺ​ជារឿង​ផ្តល់​ប្រយោជន៍​ដល់​សេដ្ឋកិច្ច​ពិភពលោក ​និង​កម្ពុជា​ដែល​ពឹង​ផ្នែក​មួយ​ផ្នែកធំ​ចំពោះ​ការ​នាំ​ចេញ​សំលៀក​បំពាក់​និង​ផលិផល​ផ្សេងៗ​ទៀត​របស់​កម្ពុជា​ផង​ដែរ។​

    លោក​ យ៉ែម ប៉ុញ្ញឫទ្ធិ​(Yem Ponhearith)​ អ្នក​តំណាងរាស្ត្រ​និង​ជាអគ្គ​លេខាធិការ​បក្ស​នៃ​គណបក្ស​សិទ្ធិ​មនុស្ស​ជាអ្នកចូលរួម​តវ៉ាឲ្យ​មាន​ការ​សើរើ​ថវិកា​ជាតិ​ឆ្នាំ​២០១៣​ និង​ការ​យកពន្ធ​ឲ្យ​មាន​ប្រសិទ្ធិភាព​ដើម្បីជួយ​ដល់​មន្ត្រី​រាជការ​និង​មនុស្ស​ និង​សេដ្ឋកិច្ចកម្ពុជា​ឲ្យមាន​ការ​រីក​ចំរើន​ ហើយ​នឹង​ការ​កាត់បន្ថយ​បំណុល​បរទេស។​

    លោកបាន​អះអាងថា​ គណបក្សកាន់​អំណាច​គឺ​គណបក្ស​ប្រជាជន​កម្ពុជា​មិនគួរ​ផាត់​ចោល​សំឡេងង​ក្រុម​ជំទាស់​ដែល​អាច​ជួយ​ឲ្យ​មាន​ការ​ត្រួតពិនិត្យ​ និងផ្ទៀងផ្ទាត់​ពីដំណើរ​ការ​កសាង​ប្រទេស​ កាត់​បន្ថយ​ភាពក្រីក្រ​ទេ។​ លោក​បាន​ហៅការ​ស្រុះស្រួល​គ្នា​ក្នុងសភា​ស.រ.អា.​មក​ពី​គណបក្ស​សាធារណរដ្ឋ​និងគណ​បក្សកាន់​អំណាច​គឺ​គណ​បក្ស​ប្រជាធិបតេយ្យ​ថា​ ជាគម្រូ​និង​ជាការ​ទទួល​ខុស​ត្រូវខ្ពស់។​

    «ចំណុច​នេះ​ខ្ញុំសង្កេត​ឃើញ​ថា​ ការឯកភាព​គ្នា​លើ​ចំណុច​ដ៏ច្រើន​ដែលគេ​ធ្លាប់​តែ​ខ្វែង​យោបល់គ្នា​ដើម្បី​ដោះស្រាយ​បញ្ហា​វិបត្តិ​សេដ្ឋកិច្ច​ពិភពលោក​ក៏ដូច​ជា​បញ្ហា​សេដ្ឋកិច្ច​ស.រ.អា.​ ​គឺជា​គម្រូមួយ​ដ៏ល្អ​សម្រាប់​អ្នក​ដឹកនាំ​ឲ្យ​មាន​ការ​ទទួល​ខុសត្រូវខ្ពស់ ​ការទទួល​ខុសត្រូវ​រួម​ក្នុង​ការ​ដឹកនាំ​ប្រទេស​ជាតិ»។​

    អ្នកវិភាគ​សេដ្ឋកិច្ច ​លោក​សាស្ត្រាចារ្យ​ឌុច ដារិន​នៃសាកល​វិទ្យាល័យ​មួយ​ក្នុង​រដ្ឋហ្លរីដា​ ស.រ.អា.​បាន​ថ្លែង​ថា៖​

    «ខ្ញុំ​សង្កេត​ឃើញ​ថា​ គណបក្ស​សាធារណ​រដ្ឋ​ក៏ដូច​ជា​គណបក្ស​ប្រជាធិបតេយ្យ​កាត់​បាន​បង្រួមបង្រួម​គ្នា។ វាជា​សញ្ញាមួយ​ដែល​ថា​នៅ​ស.រ.អា.​ពេល​ណា​ដែល​មាន​គ្រោះ​មហន្តរាយ​ធំ​គឺគេ​ចូល​មក​ជួយ​ដោះសា្រយ​បញ្ហា​រួមគ្នា​ ហើយ​បង្រួម​បង្រួម​គ្នាដើម្បី​ធ្វើឲ្យ​សេដ្ឋកិច្ច​ស.រ.អា.​រីកចម្រើន។​ វា​ជា​ចំណុច​មួយ​ដែល​ឃើញ​ថា​ ក្នុង​អាណតិ​ទី២​ហ្នឹង​គឺរវាង​គណ​បក្ស​ប្រជាធិបតេយ្យ​និង​គណបក្ស​សាធារណរដ្ឋ​ ដូចជា​ធ្វើការ​រួមគ្នា​គឺមិន​ដូច​ពី​អាណតិ​ទី១»។​

    ដោយឡែក​ លោកគុជ ចាន់លី​ អ្នកវិភាគ​ម្នាក់ក្នុង​រដ្ឋម៉ារីឡែន​ ស.រ.អា.​បាន​សាទរ​ចំពោះការ​ព្រមព្រៀង​គ្នា​រវាង​គណបក្ស​ទាំងពីរ​ ដែលធ្វើ​កិច្ចការ​ដ៏​លំបាក​លំបិន​ក្នុងការ​ដោះស្រាយ​បញ្ហា​មិន​ឲ្យ​ស.រ.អា.​ មិន​ឲ្យ​ពលរដ្ឋ​អាមេរិកាំង​ភាគ​ច្រើន​ ដែល​មានចំណូល​ក្រោម​២៥​ម៉ឺនដុល្លារ​ក្នុងមួយ​ឆ្នាំៗ ​ត្រូវ​បង់ពន្ធ​បន្ថែម​ ហើយ​ដោះ​ស្រាយ​បញ្ហា​ពលរដ្ឋ​ដែល​អត់​ការងារធ្វើ​បាន​បន្ត​ទទួល​ប្រាក់​ឧបត្ថម​ ហើយ​នឹង​មាន​ការ​ផ្តត់ផ្គង់​ប្រាក់​សម្រាប់​ធានា​សុខភាព​ជាដើម​ ដែល​លោក​ចាត់ទុក​ថា ​មាន​ប្រយោជន៍​ខ្លាំង​ដល់​ប្រទេស​និង​ពលរដ្ឋ​អាមេរិកាំង។​

    «ទោះជា​យ៉ាងណា​ក៏ដោយ​ ​នៅស.រ.អា.​នេះ​ក្នុង​លក្ខណៈ​ប្រជាធិបតេយ្យ ​គណ​បក្ស​ដែល​មាន​សំឡេង​ច្រើន​នៅក្នុង​សភា​ជា​អ្នកត្រួតត្រា ​និង ​កាន់​អំណាច​ ត្រូវមាន​ការ​គោរព​ដល់​គណបក្ស​ដែល​មាន​សំឡេង​តិច។​ ដូច្នេះ​ហើយ​ការ​គោរព​ពី​គណបក្ស​ដែល​មាន​សំឡេងតិច​ទៅ​វិញ​ទៅមក​ហ្នឹង​ស​បញ្ជាក់​ឲ្យឃើញ​ថា​ នេះ​ជាលក្ខណៈ​ប្រជាធិបតេយ្យ​នៅ​ក្នុង​ស.រ.អា.។​ គណបក្ស​ដែល​មាន​សំឡេងង​ច្រើន​មិន​ចេះតែ​អនុម័ត ​អត្តនោម័ត​ម្នាក់​ឯង​ក្នុង​ការ​ធ្វើ​អ្វី​មួយ​នោះ​ទេ»។​

    លោក ​ចាន់លី​ បាន​បន្ថែមថា​ ពលរដ្ឋ​អាមេរិកាំង​ ក៏ដូច​បណ្តា​ប្រទេស​នៅ​ក្នុង តំបន់​អឺរ៉ុប​ អាស៊ី​និង​តំបន់ផ្សេង​ទៀត​ ដែល​មាន​ការ​រង់ចាំ​មើល​ពីការ​ដោះស្រាយ ​បញ្ហា​វិបត្តិ​ថវិកា​ជាតិ​ស.រ.អា.​នេះ ​អាច​មាន​អារម្មណ៍​ធូស្រាល ​ហើយ​សេដ្ឋកិច្ច​ពិភពលោក​នឹង​ដំណើរការ​ជា​ប្រក្រតី​ ក្រោយពេល​លោក​ប្រធានាធិបតី​បារ៉ាក អូបាម៉ា ​ចុះ​ហត្ថលេខា​លើច្បាប់​សារពើពន្ធ​នេះ។​ ច្បាប់នេះ​តម្រូវឲ្យ​ពលរដ្ឋ​អាមេរិកាំង ​ជាអ្នកមាន ​ដែល​គ្រួសារ​រក​ចំណូល​លើស​ពី​២៥ម៉ឺន​ដុល្លារ​ ឬលើស​ពីកន្លះ​លានដុល្លា​រ​ក្នុងមួយឆ្នាំៗ​ ត្រូវ​បង់ពន្ធ​បន្ថែម​ច្រើន​ជាង​ធម្មតា៕

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    សំណុំរឿងមន្ត្រីអាដហុក និងលោក នី ចរិយា ទៅដល់ដៃតុលាការ

    មន្ត្រី​ជាន់​ខ្ពស់​ផ្នែក​ស៊ើប​អង្កេត​របស់​សមាគម​សិទ្ធិ​មនុស្ស​អាដ​ហុក​ចំនួន​៤រូប និង​លោក នី ចរិយា ត្រូវ​បាន​បញ្ជូន​ទៅ​បង្ហាញ​ខ្លួន​នៅ​ចំពោះ​​មុខ​​ស្ថាប័ន​​អយ្យការ​​នៃ​​សាលា​ដំបូង​រាជធានី​ភ្នំពេញ នៅ​ល្ងាច​ថ្ងៃ​សៅរ៍ ទី៣០ ខែមេសា ឆ្នាំ​២០១៦​នេះ។ ពត៌មាន​លម្អិត

    វីដេអូ បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិ

    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោក។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។ ពត៌មាន​លម្អិត

    បទ​សម្ភាសន៍ VOA៖ លោក​សុន ឆ័យ​ថា​គណបក្ស​សង្គ្រោះ​ជាតិ​កំពុង​ពង្រឹង​សមត្ថភាព​ផ្ទៃ​ក្នុង​ ទោះ​បី​មេដឹកនាំ​កំពុង​រង​បញ្ហា​នយោបាយ​ក៏​ដោយ

    លោក ​ស៊ុន ឆ័យ​ ប្រធាន​ក្រុម​តំណាងរាស្ត្រ​របស់​គណបក្ស​សង្គ្រោះ​ជាតិ​និយាយ​ថា​ លោក​និង​ក្រុម​ការងារ​របស់​លោក​កំពុង​តែ​ខិត​ខំ​ធ្វើ​ការ​ដើម្បី​ពង្រឹង​សមត្ថភាព​របស់​សមាជិក​គណបក្ស​សង្គ្រោះ​ជាតិ​សម្រាប់​ការ​បោះ​ឆ្នោត​ឃុំ​សង្កាត់​និង​ការ​បោះ​ឆ្នោត​ជ្រើសរើស​តំណាងរាស្ត្រ​សម្រាប់​នីតិកាល​ទី​៦​នៃ​រដ្ឋសភា។ ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។
    Your JavaScript is turned off or you have an old version of Adobe's Flash Player. Get the latest Flash player.
    រាជធានី​ភ្នំពេញ​ផ្លាស់ប្តូរ​ក្នុង​ពេល​មួយ​ប៉ប្រិច​ភ្នែក​ដោយសារ​វិនិយោគ​បរទេសi
    X
    28 មេសា 2016
    អ្នក​វិនិយោគ​បរទេស​កំពុង​តែ​ប្រញាប់​ប្រញ៉ាល់​បណ្តាក់​ទុន​នៅ​ក្នុង​ទីផ្សារ​អចលនទ្រព្យ ដែល​ទើបតែ​ងើប​ឡើង​វិញ​នៅ​កម្ពុជា។ សំណង់​អាគារ​ខ្ពស់ៗ​ក្នុង​រាជធានី​ភ្នំពេញ​កំពុង​រីកលូត​លាស់​ក្នុង​រយៈ​ពេល​មួយ​ប៉ប្រិច​ភ្នែក ប៉ុន្តែ​ការ​លូតលាស់​យ៉ាង​លឿន​នេះ​កំពុង​តែ​ចោទ​ជា​សំណួរ​ជាច្រើន​អំពី​ ថា​តើ​វិនិយោគ​ទាំង​អស់​នេះ​មក​ពី​ណា​ និង​ថា​តើ​វា​ផ្តល់​ផល​ប៉ះពាល់​អ្វី​ខ្លះ​ដល់​ទីផ្សារ​ក្នុង​ស្រុក។​ លោក​ David Boyle រាយការណ៍​អំពី​រឿងនេះ​ពី​រាជធានី​ភ្នំពេញ។​ នាង​ ហុង​ ចិន្តា​ជូន​សេចក្តី​ប្រែ​សម្រួល៕

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ការកើន​ឡើង​យ៉ាង​ខ្លាំង​ផ្នែក​បច្ចេកវិទ្យា​ធ្វើ​ឲ្យ​តម្លៃ​ជួល​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ​កើន​ឡើង​កប់​ពពកi
    X
    29 មេសា 2016
    តម្លៃ​ផ្ទះ​នៅ​ទីក្រុង​សាន់ហ្រ្វាន់ស៊ីស្កូ ឡើង​ខ្ពស់​កប់​ពពក​ ដោយ​សារ​តែ​ការលូតលាស់​នៃ​សេដ្ឋ​កិច្ច​និង​ការ​កើន​ឡើង​នៃ​ឧស្សាហកម្ម​បចេ្ចកវិទ្យា​ជាន់​ខ្ពស់។ បញ្ហា​នេះ​គឺ​មាន​នៅ​ទីក្រុង​រហូត​ដល់​ជាយ​ក្រុង​ ប៉ុន្តែ​លោក​ Mike O'Sullivan រាយការណ៍​មក​ថា​ តំបន់​ប្រវត្តិសាស្ត្រ​ Chinatown ឬ​ភូមិ​ចិន​នោះ​ តម្លៃ​អចលនទ្រព្យ​នៅ​ទី​នោះ​ខ្ពស់​កប់​ពពក​រាប់​ទសវត្សរ៍​មក​ហើយ។​ នាង​ ស្រេង​ លក្ខិណា​ ជូន​សេចក្តី​ប្រែ​សម្រួល៕