បរិស្ថាន

គណៈប្រតិភូ​កម្ពុជា​នឹង​ទៅ​ពិនិត្យ​ទំនប់​វារី​អគិ្គសនី​សាយ៉ាបូរី​ក្នុង​ប្រទេស​ឡាវ

កម្ពុជា និងវៀតណាម​បាន​ប្រឆាំង​យ៉ាង​ខ្លាំងក្លា​ចំពោះ​ការ​សាងសង់​ទំនប់​វារីអគ្គិសនី​ដែល​មាន​កម្លាំង១.២៨៥មេ​ហ្គា​វ៉ា​ត់​នេះ នៅលើ​ខ្សែទឹក​ទន្លេមេគង្គ​លើ​បើ​សិន​ជា​គ្មាន​ការ​សិក្សា​អំពី​ផលប៉ះពាល់​បរិស្ថាន​ជាមុន​នោះ​ទេ។

ទំ​បន់​វា​រី​អគ្គិសនី​សា​យ៉ា​បូរី​ដ៏​ចម្រូង​ចម្រាស់​នៅ​ក្នុង​ប្រទេស​ឡាវ
ទំ​បន់​វា​រី​អគ្គិសនី​សា​យ៉ា​បូរី​ដ៏​ចម្រូង​ចម្រាស់​នៅ​ក្នុង​ប្រទេស​ឡាវ
គង់ សុឋានរិទ្ធ
ភ្នំពេញ៖ គណៈប្រតិភូរ​ជាន់​ខ្ពស់​កម្ពុជា​នឹង​ធ្វើ​ដំណើរ​ទៅ​ត្រួតពិនិត្យ​ទំ​បន់​វា​រី​អគ្គិសនី​សា​យ៉ា​បូរី​ដ៏​ចម្រូង​ចម្រាស់​នៅ​ក្នុង​ប្រទេស​ឡាវ នៅ​ថ្ងៃ​ទី​៣០ ខែ​តុលា​នេះ​សម្រាប់​រយៈពេល​បី​ថ្ងៃ ដើម្បី​សង្កេត​ដោយ​ផ្ទាល់​អំពី​ដំណើរ​ការ​សាងសង់​ទំនប់​នេះ។
 
កម្ពុជា និងវៀតណាម​បាន​ប្រឆាំង​យ៉ាង​ខ្លាំងក្លា​ចំពោះ​ការ​សាងសង់​ទំនប់​វារីអគ្គិសនី​ដែល​មាន​កម្លាំង១.២៨៥មេ​ហ្គា​វ៉ា​ត់​នេះ នៅលើ​ខ្សែទឹក​ទន្លេមេគង្គ​លើ​បើ​សិន​ជា​គ្មាន​ការ​សិក្សា​អំពី​ផលប៉ះពាល់​បរិស្ថាន​ជាមុន​នោះ​ទេ។
 
លោក ស៊ិន លីនី អនុប្រធាន​គណៈកម្មាធិកា​រ​ជាតិ​ទន្លេមេគង្គ​កម្ពុជា មាន​ប្រសាសន៍​នៅ​ថ្ងៃ​ពុធ​នេះ​ថា លោក​លឹម គានហោ រដ្ឋមន្ត្រី​ក្រសួង​ធនធាន​ទឹក និង​ឧត្តុនិយម និង​ជា​ប្រធាន​គណៈកម្មាធិការ​ជាតិ​ទន្លេ​មេគង្គ​កម្ពុជា​នឹង​ដឹកនាំ​គណៈប្រតិភូ​ដែលមាន​សមាជិក​ចំនួនប្រាំបី​រូប​នៅ​ក្នុង​នោះ​មាន​សមាជិក​ម្នាក់​មក​ពី​អង្គការ​វេទិកា​អង្គការ​មិន​មែន​រដ្ឋាភិបាល​NGOs Forum ដើម្បី​ធ្វើការ​តាមដាន​ការ​សាង​សង់​ទំនប់​វា​រី​អគ្គិសនី​នេះ។
 
លោក ស៊ិន លី​នី បញ្ជាក់ថា​ដំណើរ​ទស្សនកិច្ច​នេះ​ធ្វើឡើង​បន្ទាប់ពី​មាន​សេចក្តីរាយការណ៍​ថា​ប្រទេស​ឡាវ​កំពុង​សាង់សង់​ទំនប់​វារីអគ្គិសនី​នេះ​ដែល​ផ្ទុយ​ទៅ​នឹង​ការ​សន្យា និង​ការប្រកាស​ជា​ផ្លូវការ​របស់​រដ្ឋាភិបាល​ប្រទេស​ឡាវ​ថា ខ្លួន​នឹងមិន​ធ្វើការ​សាង់សង់​នៅពេលដែល​កម្ពុជា និង​វៀតណាម​មិនទាន់​យល់ព្រម​នោះ​ទេ។
 
«ឡាវ​បាន​បញ្ជាក់​ហើយ​បញ្ជាក់​ទៀត​ថា មិន​ចាប់ផ្តើម​ធ្វើការ​សាងសង់​ទេ នៅ​ពេល​ណា​ដែល​មិន​ទាន់​បាន​ការ​ឯកភាព​គ្នា​ប្រទេស​ជា​សមាជិក​នៅក្នុង MRC។ វា​ជា​សេចក្តីថ្លែងការណ៍​ជា​ផ្លូវការ​របស់​ឡាវ ប៉ុន្តែ​ព័ត៌មាន​ជាច្រើន​តាមរយៈ​អង្គការ​ក្រៅ​រដ្ឋាភិបាល និង​អ្នកស្រាវជ្រាវ​ថា ឡាវ​ចាប់​ផ្តើម​ធ្វើការ​សាង​សង់​ហើយ។ យើង​គ្រាន់តែ​ចង់​ឃើញ​ជាក់​ស្តែង វា​យ៉ាង​ម៉េច»។
 
កាលពី​ខែសីហា ក្រុមហ៊ុន ឆ​កាន​ឆាង របស់​ប្រទេស​ថៃ​ដែល​ធ្វើការ​វិនិយោគ​លើ​ការ​សាង​ស់ង​ទំនប់​វារី​អគ្គិសនី​សា​យ៉ា​បូរី​ដែល​មាន​តម្លៃ​៣.៥០០​លាន​ដុល្លារ​អាមេរិក​នេះ​បាន​ប្រកាស​ថា ក្រុមហ៊ុន កំពុង​តែ​ដំណើរការ​សាងសង់​ហើយ​នៅ​ខែ​ដដែល​នោះ​មន្ត្រី​នៃ​គណៈ​កម្មាធិការ​ទន្លេ​មេគង្គ​នៅ​ឡាវ​ក៏​បាន​អះ​អាង​ដូច​គ្នា​នេះ​ដែរ។
 
ក្រុម​មន្ត្រី​ជំនាញ​ផ្នែក​បរិស្ថាន​បាន​ជំទាស់​យ៉ាងខ្លាំង​ចំពោះ​ការ​សាង​សង់​ទំនប់​វារី​អគ្គិសនី​នេះ ដោយ​បាន​លើក​ឡើង​ពី​ផលប៉ះពាល់​របប​ទឹក ការ​បម្លាស់​ទី​របស់​ត្រី ការ​បាត់​បង់​ទិន្នផល និង​ពូជ​ត្រី រួម​ទាំង​ការ​រស់នៅ​របស់​ប្រជាពលរដ្ឋ​នៅតាម​តំបន់​មាន​ទំនប់​វារីអគ្គិសនី និង​តំបន់​ទន្លេមេគង្គ​ក្រោម​ដូចជា​ប្រទេស​វៀតណាម និង​កម្ពុជា​ជាដើម។
 
លោកស្រី ជា ផល្លី​កា អ្នក​សម្រប​សម្រួល​ផ្នែក​សិទ្ធិ​សហគមន៍ និង​ទំនប់​វារីអគ្គិសនី​របស់​អង្គការ GNOs Forum មាន​ប្រសាសន៍​ថា​ប្រជា​ពលរដ្ឋ​កម្ពុ​ជាជាង​មួយ​លាន​នាក់ នៅតាម​បណ្តោយ​ទន្លេមេគង្គ និង​នៅតាម​តំបន់​បឹង​ទន្លេសាប នឹង​ទទួលរង​ផលប៉ះពាល់​ពី​ការសាងសង់​ទំនប់​សាយ៉ាបូរី​នេះ។
 
«តាម​ទន្លេសាប​យើង​នេះ​គឺ​ច្រើន​ជាង​មួយ​លាន​នាក់​ហើយ ដែល​គាត់​ពឹង​ផ្អែក​លើ​ធនធាន​ជលផល។ រឿង​ហ្នឹង​គឺ​វា​អាច​ប៉ះពាល់​ដល់​ប្រជាជន​ដែល​នៅតាម​ដង​ទន្លេសាប ហើយ​នៅលើ​ទន្លេមេគង្គ។ ទន្លេ​មេគង្គ​ប៉ុន្មាន​ខេត្ត​ដែល គឺ​គាត​ត់​អាច​ប៉ះពាល់​ដែរ»។
 
គណៈប្រតិភូ​ជាន់ខ្ពស់​កម្ពុជា បំពេញ​ទស្សនៈកិច្ច​នៅ​ពេល​នេះ​បន្ទាប់ពី​មានការ​លើក​ទឹក​ចិត្ត​ពី​នាយ​រដ្ឋមន្ត្រី​នៃ​ប្រទេស​ឡាវ នៅក្នុង​ពេលដែល​លោក​ចូល​សម្តែង​មរណៈទុក្ខ​ចំពោះ​ព្រះ​បរមសព​នៃ​សម្តេចឪ​នរោត្តម​សីហនុ​កាលពី​សប្តាហ៍​មុន។ នេះ​បើ​យោងទៅតាម​លោក ស៊ិន លី​នី អនុប្រធាន​គណៈកម្មាធិកា​រ​ជាតិ​ទន្លេ​មេគង្គ​កម្ពុជា៕
Your JavaScript is turned off or you have an old version of Adobe's Flash Player. Get the latest Flash player.
ជ័យលាភី​កម្មវិធីពិភាក្សា​«អ្នកបន្តវេន»​មកទស្សនកិច្ច​ស.រ.អា.i
X
21 ធ្នូ 2014
កម្មវិធី​មួយ​ឈ្មោះ ​«អ្នក​បន្តវេន»​ដែលឧបត្ថម្ភ​ដោយ​វិទ្យាស្ថាន​សាធារណៈ​របស់ស.រ.អា.​បាន​លើកស្ទួយ​ការ​យល់​ដឹង​និង​ការ​ចូលរួម​របស់​យុវជន​ខ្មែរ​ក្នុង​នយោបាយ​​និង​ការ​អភិវឌ្ឍ​សង្គម។​ ជ័យលាភី​លេខមួយ​នៃ​កិច្ចពិភាក្សា​នេះ​ត្រូវ​អញ្ជើញ​មក​ទស្សនកិច្ច​នៅ​ស.រ.អា.។  តើជ័យ​លាភី​នោះ​ជា​អ្នក​ណា?​ ជា​យុវជន​ ឬ​យុវតី?​ ដើម្បីេ​ដឹង​ច្បាស់​ សូម​លោក​អ្នក​ទស្សនា​បទ​សម្ភាសន៍​រវាង​លោក​មែ៉ន គឹមសេង​នៃវីអូអេ​ជាមួយ​នឹង​ជ៍័យលាភី​​នេះ​ដូច​ត​ទៅ៖
  ទាញ​យក​កម្មវិធី VOA App ថ្មី!
Your JavaScript is turned off or you have an old version of Adobe's Flash Player. Get the latest Flash player.
កម្ម​វិធី​អភិរក្ស​វិធី​រក​ឃ្មុំ​ និង​ទឹកឃ្មុំ​នៅ​​កម្ពុជាi
X
17 ធ្នូ 2014
ប្រទេស​កម្ពុជា​ត្រូវគេគិតថា ជា​ប្រទេស​មាន​ទឹកឃ្មុំព្រៃ​ល្អបំផុត​នៅ​តំបន់​អាស៊ី​អាគ្នេយ៍​ ដោយសារ​អាកាសធាតុ​ និងស្ថានដីភូមិ​សាស្ត្រ។ ​ទឹកឃ្មុុំនៅប្រទេស​កម្ពុជា​ភាគ​ច្រើន​គេយក​តាម​លក្ខណៈ​ធម្មជាតិ  ហើយ​លក់តម្លៃថោកនៅ​តាមផ្សារក្នុង​ស្រុក។  បច្ចុប្បន្ន​មាន​ក្រុមហ៊ុន​មួយ​កំពុង​ជួយ​ប្រជាជន​ក្រីក្របំផុត​នៅប្រទេស​កម្ពុជា​ ដោយ​ជួល​គេរក​ទឹកឃ្មុំឲ្យ ហើយ​រក​ទីផ្សារ។  ទីភ្នាក់ងារ​ព័ត៌មាន​AP រាយ​ការណ៍​ពី​ខេត្ត​កោះកុង។ ​លោក​ពិន ស៊ីសុវណ្ណ​ជូន​សេចក្តី​ប្រែសម្រួល

អង់គ្លេស​ជាមួយ​ម៉ានី​និង​ម៉ូរី

Your JavaScript is turned off or you have an old version of Adobe's Flash Player. Get the latest Flash player.
You've Got to Be Kidding Me និយាយ​លេងi
X
01 ធ្នូ 2014
យើង​និយាយ​ឃ្លា​ថា you've got to be kidding me គឺ​ពេល​ដែល​យើង​ស្ថិត​ក្នុង​ស្ថានភាព​មួយ ឬ ពេល​យើង​ឮ​អ្វី​មួយ​ហើយ យើង​នឹក​ស្មាន​មិន​ដល់ ធ្វើ​ឲ្យ​យើង​ភ្ញាក់ផ្អើល​ថា វា​មិន​អាច​ជា​ការពិត​បាន គឺ​មិន​គួរ​ឲ្យ​ជឿ​សោះ។ កម្មវិធី​នេះ ក៏​មាន​ដាក់​ផ្សាយ​ជូន​លើ​គេហទំព័រ YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
Your JavaScript is turned off or you have an old version of Adobe's Flash Player. Get the latest Flash player.
សម្រាប់​លោក​ប្រធានា​ធិបតី អូបាម៉ា បញ្ហា​ពូជ​សាសន៍​ជា​រឿង​ផ្ទាល់​ខ្លួនi
X
22 ធ្នូ 2014
សម្រាប់​លោក​ប្រធានាធិបតីសហរដ្ឋ​អាមេរិក បារ៉ាក់ អូបាម៉ា បញ្ហា​ពូជ​សាសន៍ គឺជា​រឿង​ផ្ទាល់​ខ្លួន​​ដ៏​ស៊ី​ជម្រៅ។ សម្រាប់​ភាព​វឹក​វរ​នៅ​ Ferguson នៃ​រដ្ឋ​ Missouri លោក​ប្រធានាធិបតី បាន​ជំរុញ​ឲ្យ​មាន​ភាពស្ងប់ស្ងាត់ ការដកថយ និង​ការ​គោរព​នីតិរដ្ឋ។ បើ​តាម​លោក Luis Ramirez អ្នក​ឆ្លង​ឆ្លើយ​ព័ត៌​មាន​ឲ្យ​វីអូអេ​រាយការណ៍​ពី​សេតវិមាន​ថា ព្រឹត្តិការណ៍​ដែល​បាន​កើត​ឡើង​នៅ Ferguson បាន​ជំរុញ​ឲ្យ​លោក អូបាម៉ា អំពាវ​នាវ​ដ៏​បើក​ចំហរ​ជាង​មុន ឲ្យ​មាន​ការផ្លាស់ប្តូរ ដើម្បី​បំបាត់​ការរើសអើង​ពូជ​សាសន៍ និង​ភាព​មិន​ជឿ​ទុក​ចិត្ត​រវាង​ជន​ជាតិ​ស្បែក​ស និង​ស្បែក​ខ្មៅ ដែល​លោក អូបាម៉ា ជឿ​ថា នៅតែ​កើតមាន​ឡើង​នៅ​សហរដ្ឋ​អាមេរិក។ នាង ទែន​ សុខស្រីនិត ជូន​សេចក្តី​ប្រែ​សម្រួល៕