សិទ្ធិ​មនុស្ស

    តុលាការ​ឃុំ​ឃាំង​អ្នក​តវ៉ា​ដីធ្លី​នៅ​បឹងកក់​និង​បូរីកីឡា​ជាបន្ត​បន្ទាប់

    ថត​នៅថ្ងៃទី១១ កក្កដា ២០១១ រូបថតនេះ​បង្ហាញ​ពី​ទិដ្ឋភាព​បឹងកក់ពីខាងលើ។ថត​នៅថ្ងៃទី១១ កក្កដា ២០១១ រូបថតនេះ​បង្ហាញ​ពី​ទិដ្ឋភាព​បឹងកក់ពីខាងលើ។
    x
    ថត​នៅថ្ងៃទី១១ កក្កដា ២០១១ រូបថតនេះ​បង្ហាញ​ពី​ទិដ្ឋភាព​បឹងកក់ពីខាងលើ។
    ថត​នៅថ្ងៃទី១១ កក្កដា ២០១១ រូបថតនេះ​បង្ហាញ​ពី​ទិដ្ឋភាព​បឹងកក់ពីខាងលើ។
    ហេង រស្មី
    ភ្នំពេញ៖ ក្រុម​កុមារ​តូចៗ ​ដោយ​បូក​រួម​ទាំង​ប្រជា​ពលរដ្ឋ​នៅ​តំបន់​បឹងកក់​និង​តំបន់​បូរី​កីឡា​បាន​ប្រមូលផ្តុំ​គ្នា​តវ៉ា​នៅ​ពីមុខ​តុលាការ​ក្រុង​ភ្នំពេញ​នៅ​ថ្ងៃ​ពុធ​នេះ ​ដើម្បី​ស្នើសុំ​ឲ្យ​ដោះលែង​អ្នកស្រី ​យោ​ម បុប្ផា ​និង​គាំទ្រ​ដល់​អ្នកភូមិ​បូរី​កីឡា​ម្នាក់ទៀត ​ដែល​តុលាការ​បាន​កោះហៅ​មក​សាកសួរ។ អ្នកស្រី​ ទឹម សាក់​មុន្នី ​ប្រជា​ពលរដ្ឋ​រស់នៅ​តំបន់​បុរី​កីឡា​ត្រូវបាន​តុលា​ការចេញ​ដីកា​កោះហៅ​ឲ្យ​ចូលមក​បំភ្លឺ​នៅក្នុង​សំណុំរឿង​ញុះញង់​ឲ្យ​ប្រព្រឹត្ត​បទឧក្រិដ្ឋ​តាម​បណ្តឹង​មួយ​របស់​លោកស្រី ស៊ុយ ស៊ី​ផាន ​ប្រធាន​ក្រុមហ៊ុន​ផាន​អ៊ី​ម៉ិច។ ក្នុង​ខណៈ​ពេលដែល​អ្នក​ស្រី​ចូល​បំភ្លឺ ​ដោយ​មាន​ការគាំទ្រ​ពី​ប្រជា​ពលរដ្ឋ​នៅ​ពីមុខ​តុលាការ​ លោក​ចៅក្រម លី លី​ប​ម៉េង​ បានសម្រេច​ឃុំខ្លួន​អ្នកស្រី ​ទឹម សាក់​មុន្នី ​នៅ​ពន្ធនាគារ​ម២។ ចំណែកឯ​ពលរដ្ឋ​ម្នាក់​ផ្សេង​ទៀត​គឺ​លោក​តុ​ប គឹមហុង ​ប្រធាន​ភូមិ​បូរី​កីឡា​ត្រូវ​បាន​តុលាការ​សម្រេច​ឲ្យ​ឃុំខ្លួន​នៅ​ពន្ធនាគារ​ព្រៃ​ស​ក្រោម​បទចោទ​ប្រកាន់​សង្ស័យ​ថា ​ជាប់​ពាក់ព័ន្ធ​នឹង​ការប្រព្រឹត្តិ​អំពើ​ពុករលួយ។ លោក លី លី​ប​ម៉េង ​ចៅក្រម​ស៊ើបសួរ​នៃ​តុលាការ​ក្រុងភ្នំពេញ​ពុំ​អាច​ស្នើសុំ​ដើម្បី​សេចក្តី​អត្ថាធិប្បាយ​បំភ្លឺ​បានទេ​នៅ​ថ្ងៃ​ពុធ​នេះ ​ដោយ​ទូរស័ព្ទ​របស់​លោក​ត្រូវបាន​បិទ។ អ្នកស្រី ទឹម សាក់​មុន្នី ​ប្រជាពលរដ្ឋ​នៅ​តំបន់​បុរី​កីឡា​បាន​ថ្លែងប្រាប់​ក្រុមអ្នកកាសែត​នៅ​ពីមុខ​តុលាការ ​មុន​ពេល​ដែល​អ្នកស្រី​ចូល​បំភ្លឺ​នៅក្នុង​តុលាការ​ថា ​អ្នកស្រី​មិនបាន​ញុះញង់​ឲ្យ​ប្រជា​ពលរដ្ឋ​ប្រើ​អំពើ​ហិង្សា​ទេ។ អ្នកស្រី​បាន​និយាយ​ថា​ការចោទ​ប្រកាន់​របស់​អ្នកស្រី ស៊ុយ ស៊ី​ផាន ដោយសារ​តែ​អ្នកស្រី​និង​កូនប្រុស​មិន​ព្រម​ទទួល​យក​ដី ​ដែល​អ្នកស្រី​បានផ្តល់​ឲ្យ​នៅ​ភ្នំ​បាត ​និង​តំបន់​ទួល​សម្បូរណ៍។ «នាង​ខ្ញុំ​មិនបាន​ដឹង​សោះ​ថា ញុះញង់​ដោយ​ប្រព្រឹត្ត​បទឧក្រិដ្ឋ​ហ្នឹង​ដោយ​វិធី​ណា ​របៀប​ណា ​ព្រោះ​អី​នាង​ខ្ញុំ​មិនសូវ​យល់​ច្បាប់​ហើយ​មិនចេះ​ច្បាប់​ទៀត​ផង។ ព្រោះ​ខ្ញុំ​ល្ងង់ ​គាត់​គិតថា​ប្រជា​ពលរដ្ឋ​ល្ងង់ខ្លៅ​ ចេះតែ​ដើរ​ញុះញង់​គេ​បាន​ទៅ។ គឺ​មិនមែន​ទេ។ គឺ​ខ្ញុំ​ឥតមាន​ទេ ​គឺ​ខ្ញុំ​ធ្វើ​ដើម្បី​តែ​ផ្ទះ​កូន​ខ្ញុំ​ទេ ឯ​បងប្អូន​ដទៃ​ទៀត​ក៏​គេ​ធ្វើ​ដើម្បី​ផ្ទះ​គេ​ដែរ»។ កាលពី​ថ្ងៃ​អង្គារ​ អ្នកស្រី យោ​ម បុប្ផា ​សកម្មជន​តវ៉ា​រឿង​វិវាទ​ដីធ្លី​ដ៏​លេចធ្លោ​មួយរូប​នៅ​តំបន់​បឹងកក់ ត្រូវបាន​តុលាការ​បាន​បញ្ជូន​ទៅ​ឃុំឃាំង​នៅ​ពន្ធនាគារ​ព្រៃ​ស ​ក្រោម​បទ​សង្ស័យថា​ជាប់​ពាក់ព័ន្ធ​នឹង​ការប្រើប្រាស់​ហិង្សា​ដោយ​ចេតនា​ក្នុង​រឿង​ទំនាស់​ឯកជន​មួយ។ ក៏ប៉ុន្តែ​តុលាការ​បាន​ដោះលែង​ប្តី​របស់​អ្នកស្រី​មកវិញ​ឲ្យ​មាន​សេរីភាព ​ដោយ​យល់ឃើញ​ថា​មិនមាន​ភាពចាំបាច់ ​ដែល​ត្រូវ​ជាប់​ឃុំ។ លោក លួស សា​ខន ​អាយុ៥៦ឆ្នាំ ​ស្វាមី​របស់​អ្នកស្រី​យោ​ម បុប្ផា​ បាន​ទ្រ​ហ៊ោ​យំ​នៅពេល​ដែល​លោក​បានឃើញ​ក្រុមអ្នកតវ៉ា​កាន់​រូបថត​ភរិយា​របស់​លោក​មក​ត​វ៉ា​នៅ​ពីមុខ​តុលាការ​ក្រុងភ្នំពេញ។ «ប្រពន្ធ​របស់ខ្ញុំ​ឥតមាន​កំហុស​អី​ទេ។ បើ​ខ្ញុំ​មានទោស ​ហើយ​ខ្ញុំ​មានទោស​ទៀត​ខ្ញុំ​មិនតូច​ចិត្ត​ទេ តែ​នេះ​ធ្វើ​ដោយ​បំពាន ​ដោយ​គ្មាន​យុត្តិធម៌។ ដោយ​គ្មាន​ច្បាប់​ច្បាស់លាស់»។ ក្រុមអ្នកតវ៉ា​បាន​ស្លៀក​សម្លៀក​បំពាក់​ពណ៌​ខ្មៅ ​និង​មាន​ចង​បូរ​ពណ៌​ស​នៅលើ​ក្បាល ​ព្រមទាំង​មាន​កាន់​រូបថត ​និង​បដា​ជាច្រើន​ផ្ទាំង​ដើម្បី​ទាមទារ​ឲ្យ​តុលាការ​ដោះលែង​អ្នកស្រី ​ យោ​ម បុប្ផា​ ឲ្យ​មាន​សេរីភាព​ឡើងវិញ។ អ្នកស្រី ​ទេព វ​ន្នី ​តំណាង​ប្រជាពលរដ្ឋ​នៅ​តំបន់​បឹងកក់​បាន​និយាយថា ​សម្លៀកបំពាក់​ពណ៌​ខ្មៅ​នេះ​គឺ​ពួកគេ​កាន់ទុក្ខ​ចំពោះ​ការចាប់ខ្លួន​អ្នក​ស្រី​យោ​ម បុប្ផា​ និង​ស្វាមី​កន្លងមក​ដោយ​អយុត្តិធម៌។ «ការដែល​ធ្វើ​បែបនេះ ​គឺ​ដើម្បី​បំ​ភិតបំភ័យ​បំបាក់​ស្មារតី​ពួក​ខ្ញុំ ​មិន​ឲ្យ​ពួក​ខ្ញុំ​ហ្នឹង​មាន​ទឹកចិត្ត​ក្លា​ហាន​ក្នុង​ការ​ទាមទារ ​និង​ការពារ​ដី​ចំនួន១២,៤៤ហិក​តា​ដែល​សម្តេច​បាន​ប្រទានកម្ម​ឲ្យ»។ លោ​ក អំ សំអាត ​មន្ត្រី​ឃ្លាំមើល​ការរំលោភ​សិទ្ធិ​មនុស្ស​របស់​អង្គការ​លីកាដូ​បាន​និយាយថា​ចំណាត់ការ​របស់​តុលាការ​ជា​ទង្វើ​មួយ​បំបាក់​ស្មារតី​ដល់​សហគមន៍​បឹងកក់ ​និង​បូរី​កីឡា​កុំ​ឲ្យ​ហ៊ាន​ចេញមុខ​តវ៉ា​ប្រឆាំង​រឿង​វិវាទ​ដីធ្លី៕

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    មេឃុំ​គណបក្ស​សម រង្ស៊ី​ត្រូវ​តុលាការ​សម្រេច​ឃុំ​ខ្លួន​ជា​បណ្តោះ​អាសន្ន

    មេ​ឃុំ​ម្នាក់​របស់​គណបក្ស​សម រង្ស៊ី​ ដែល​ត្រូវ​នាង​ខុម ចាន់តារ៉ាទី​​ប្តឹង​ពី​បទ​ឲ្យ​លុយ​គ្រួសារ​នាង​៥០០​ដុល្លារ​ដើម្បី​កុំឲ្យ​គ្រួសារ​នេះ​និយាយ​ប៉ះ​ពាល់​កិត្តិយស​លោក​កឹម សុខានោះ​ ត្រូវ​តុលាការ​ក្រុង​ភ្នំពេញ​​សម្រេច​ឃុំ​ខ្លួន​បណ្តោះ​អាសន្ន​ នៅ​ថ្ងៃ​ពុធ​នេះ។ ពត៌មាន​លម្អិត

    មន្រ្តី​គណបក្ស​ប្រឆាំង​បារម្ភ​ពី​សុវត្ថិភាព​សហការី​នៅ​ក្នុង​ពន្ធនាគារ​

    មន្ត្រី​គណបក្ស​សង្គ្រោះជាតិ​បង្ហាញ​ក្តី​បារម្ភអំពី​សន្តិសុខ​របស់​​តំណាង​រាស្ត្រ​គណបក្ស​សង្គ្រោះជាតិ​​នៅ​ក្នុង​ពន្ធនាគារ ​ដោយ​សារ​លោក​ត្រូវ​បាន​ដាក់​នៅ​ក្នុង​បន្ទប់​ជាមួយ​ទណ្ឌិត​ផ្សេង​ទៀត​ ដែលខ្លះ​ជាប់​ទោស​ពី​បទ​ឧក្រិដ្ឋកម្ម។ ពត៌មាន​លម្អិត

    អ្នក​វិភាគ​ឯករាជ្យ៖ កម្ពុជា​អាច​រៀន​ពី​អ្នក​នយោបាយ​និង​ដំណើរការ​ឃោសនា​បោះឆ្នោត​នៅ​សហរដ្ឋ​អាមេរិក

    លោក ​អ៊ូ វីរៈ ​ប្រធាន​វេទិកា​អនាគត ​បាន​និយាយ​ថា ​ការ​ដេញដោល​តាម​ទូរទស្សន៍​នឹង​ផ្តល់​ឱ្យ​សាធារណៈ​ជន​នូវ​ឱកាស​ដើម្បី​ធ្វើ​ការ​ប្រៀបធៀប​សមត្ថភាព​របស់​បេក្ខជន​នីមួយ​ៗ​ដោយ​តម្លាភាព។ ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    ពលរដ្ឋ​ខ្មែរ​មួយ​ចំនួន​ធំ​ប្រារព្ធ​ពិធី​បុណ្យ​ចូល​ឆ្នាំ​ប្រពៃណី​ខ្មែរ នៅ​តំបន់​រដ្ឋធានី​វ៉ាស៊ីនតោនi
    X
    26 មេសា 2016
    ពលរដ្ឋ​អាមេរិកាំង​ដើម​កំណើត​ខ្មែរ នាំ​គ្នា​ប្រារព្ធ​ពិធី​បុណ្យ​ចូល​ឆ្នាំ​ប្រពៃណី​ខ្មែរ នៅ​តាម​វត្ត​អារាម​​ក្នុង​រដ្ឋ​ផ្សេងៗ ក្នុង​ស.រ.អា កាលពី​សប្តាហ៍​មុន។ ក្នុង​តំបន់​រដ្ឋធានី​វ៉ាស៊ីនតោន​ឯណោះ បង​ប្អូន​ខ្មែរ​នាំ​គ្នា​ទៅ​វត្ត​ពុទ្ធិការាម នៅ​ទីក្រុង Silver Spring រដ្ឋ Maryland។ នាង ស្រេង លក្ខិណា បាន​ចុះ​ទៅ​រាយការណ៍​ផ្ទាល់​ពី​វត្ត​ពុទ្ធិការាម៕
    Your JavaScript is turned off or you have an old version of Adobe's Flash Player. Get the latest Flash player.
    លោក​ហ៊ុន ម៉ាណែត​ហៅ​​ទស្សនកិច្ច​​នៅ​​​អាមេរិក​ថា​ជា​ជោគជ័យ ទោះ​ជា​មាន​បាតុកម្ម​ប្រឆាំង​លោក​ក៏ដោយi
    X
    26 មេសា 2016
    លោក ហ៊ុន ម៉ាណែត​ បាន​ប្រាប់​អ្នក​យក​ព័ត៌មាន​ថា​ មាន​ការ​ផ្សព្វផ្សាយ​ព័ត៌មាន​បំភ្លៃ​ជា​ច្រើន​ថា​ ទស្សន​កិច្ច​របស់​លោក​នៅ​សហរដ្ឋ​អាមេរិក​និង​ប្រទេស​កាណាដាប្រឈម​មុខ​ជា​មួយ​បញ្ហា​ជា​ច្រើន ​ដូចជា​លោក​ត្រូវ​សមត្ថកិច្ច​អាមេរិកឃាត់​ខ្លួន។​ ផ្ទុយ​ទៅ​វិញ​លោក​និយាយ​ថា ទស្សនកិច្ច​របស់​លោក​ទទួល​បាន​ជោគជ័យ ថ្វី​បើ​មាន​បាតុកម្ម​ប្រឆាំង​លោក​ និង​មាន​ព័ត៌មាន​អំពី​ពាក្យ​បណ្តឹង​ប្រឆាំង​លោក​ក្តី។ លោកពិន ស៊ីសុវណ្ណរាយការណ៍​ពីភ្នំពេញ​

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ប្រទេស​នៅ​តំបន់​មេដីទែរ៉ាណេ​ចំនួន​ពីរ​ងាក​ទៅ​ប្រើ​ថាមពល​ព្រះអាទិត្យ (VOA វិទ្យាសាស្ត្រ ៦២)i
    X
    22 មេសា 2016
    តំបន់​មេដីទែរ៉ាណេ គឺជា​តំបន់​ដែល​សម្បូរ​ទៅ​ដោយ​ពន្លឺ​ព្រះអាទិត្យ ប៉ុន្តែ​មិន​សូវ​មាន​រោចក្រ​ផលិត​ថាមពល​ព្រះអាទិត្យ​ច្រើន​ទេ​នៅ​ទីនោះ។ ប៉ុន្តែ ឥឡូវ​នេះ មាន​ការប្រែប្រួល​ហើយ។ ដោយសារតែ​បច្ចេកវិទ្យា​ថ្មី ប្រទេស​ចំនួន​ពីរ​នៅ​តំបន់​ឆ្នេរ​ គឺ​ប្រទេស​ម៉ារុក និង​អ៊ីស្រាអែល បច្ចុប្បន្ន​នេះ កំពុង​តែពង្រីក​ប្រតិបត្តិការ​របស់​ខ្លួន​ទ្រង់ទ្រាយ​ធំ។ លោក George Putic នៃ VOA រាយការណ៍​អំពី​រឿង​នេះ។ នាង ហុង ចិន្តា ជូន​សេចក្តី​ប្រែសម្រួល៕