ក្រុមអ្នកឃ្លាំមើលស្ថានការណ៍នយោបាយនិងបញ្ហាព្រំដែនបាននិយាយថា អ្នក នយោបាយកម្ពុជាមិនគួរបង្កជម្លោះរវាងខ្មែរនិងខ្មែរនៅពេលប្រទេសត្រូវការឯកភាពជាតិដើម្បីដោះស្រាយបញ្ហាព្រំដែនទេ។
ការថ្លែងយ៉ាងដូច្នេះក្រោយពីមានភាពតានតឹងនយោបាយឈានដល់ការចាប់ខ្លួនក្រុមមន្ត្រីគណបក្សជំទាស់ រួមទាំងសមាជិកព្រឹទ្ធសភា លោក ហុង សុខហួរ និងទំនោរទៅរកការធ្វើវិសោតនកម្មរដ្ឋធម្មនុញមាត្រា២ ដែលអ្នកឃ្លាំមើលស្ថានការណ៍អះអាងថា គេគួរស្រាវជ្រាវនិងពិចារណាឲ្យបានច្បាស់ជាមុនដើម្បីភាពគង់វង្សនៃទឹកដីខ្មែរ។
នេះជាការអះអាងរបស់លោកជាមួយលោក សឺន ស៊ូប៊ែរ្តិ៍ អតីតសមាជិកក្រុមប្រឹក្សាធម្មនុញ្ញ និងជាមេដឹកនាំគណបក្សសិទ្ធិមនុស្ស និងលោក នី ចរិយា ប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុក ដែលបានថ្លែងក្នុងកម្មវិធី Hello VOA កាលពីយប់ថ្ងៃច័ន្ទទី១៧ ខែសីហា ឆ្នាំ២០១៥ អំពី «ភាពតានតឹងផ្នែកនយោបាយចុងក្រោយនិងដំណោះស្រាយបញ្ហាព្រំដែនដ៏រសើបក្នុងប្រទេសកម្ពុជា»។
សូមស្តាប់កម្មវិធី Hello VOA ទាំងស្រុងដូចតទៅ៖
