ថ្ងៃព្រហស្បតិ៍, 05 ឧសភា 2016

    អន្តរជាតិ

    សង្រ្គាម​យ៉ាង​យូរ​បំផុត​របស់​សហរដ្ឋអាមេរិក នៅ​តែ​ជា​បញ្ហាគន្លឹះសម្រាប់​លោក អូបាម៉ា

    កងកម្លាំង​យោធាសហរដ្ឋអាមេរិក ស្ថិត​នៅក្នុង​ប្រទេស អាហ្វកានីស្ថាន អស់រយៈពេល​ជាង​១១ឆ្នាំ។កងកម្លាំង​យោធាសហរដ្ឋអាមេរិក ស្ថិត​នៅក្នុង​ប្រទេស អាហ្វកានីស្ថាន អស់រយៈពេល​ជាង​១១ឆ្នាំ។
    x
    កងកម្លាំង​យោធាសហរដ្ឋអាមេរិក ស្ថិត​នៅក្នុង​ប្រទេស អាហ្វកានីស្ថាន អស់រយៈពេល​ជាង​១១ឆ្នាំ។
    កងកម្លាំង​យោធាសហរដ្ឋអាមេរិក ស្ថិត​នៅក្នុង​ប្រទេស អាហ្វកានីស្ថាន អស់រយៈពេល​ជាង​១១ឆ្នាំ។
    Andre Nesnera
    ប្រែសម្រួលដោយ ឌី ខាំបូលី
     
    ការបញ្ចប់​សង្រ្គាម​នៅក្នុង​ប្រទេស អាហ្វកានីស្ថាន (Afghanistan) នឹងនៅ​តែជា​បញ្ហា​គោលនយោបាយ​ការបរទេស​ដ៏ចម្បង​មួយ ដែល​លោក​ប្រធានា​ធិបតី បារ៉ាក់ អូបាម៉ា (Barack Obama) កំពុង​ប្រឈមមុខ​ ​ក្នុង​អំឡុងអណត្តិ​ទីពីរនៃ​ការ​កាន់​តំណែង​របស់​លោក។ 
     
    កងកម្លាំង​យោធាសហរដ្ឋអាមេរិក ស្ថិត​នៅក្នុង​ប្រទេស អាហ្វកានីស្ថាន អស់រយៈពេល​ជាង​១១ឆ្នាំ ដែលយូរ​ជាង​វត្តមាន​របស់​សូវៀតកាល​ពី​ទសវត្សរ៍​ឆ្នាំ​១៩៨០ទៅ​ទៀត​ ដែលមាន​រយៈពេល​ជាង​៩ឆ្នាំប៉ុណ្ណោះ។
     
    មាន​កងទ័ព​សហរដ្ឋអាមេរិក​ប្រហែល​៦ម៉ឺន​៨ពាន់​នាក់​នៅក្នុង​ប្រទេស​នេះ។ ផែនការ​បច្ចុប្បន្នគឺត្រូវដក​កងកម្លាំង​ប្រយុទ្ធ​របស់​សហរដ្ឋអាមេរិក និងក្រុម​ចម្រុះអន្តរជាតិ​ទាំងអស់ ចេញពី​អាហ្វកានីស្ថាន នៅត្រឹម​ចុងឆ្នាំ​២០១៤ ដែល​នៅទីបញ្ចប់​នឹង​ផ្ទេរ​ការ​ទទួល​ខុសត្រូវ​ផ្នែកយោធា​និង​សន្តិសុខ​ទៅឱ្យ​ជន​ជាតិ​អាហ្វកានីស្ថាន​វិញ។
     
    ប៉ុន្តែ លោក ចន បុលតុន (John Bolton) អតីត​ឯកអគ្គរដ្ឋទូត​សហរដ្ឋអាមេរិក​ប្រចាំនៅ​អង្គការ​សហប្រជាជាតិ (២០០៥-២០០៦) ជឿជាក់​ថា កងកម្លាំង​សន្តិសុខអាហ្វកានីស្ថាន នឹង​មិនទាន់​ត្រៀមខ្លួន​រួចរាល់ ដើម្បី​កាន់​កាប់បន្ត​ពី​សហរដ្ឋអាមេរិក​នោះទេ ហើយ​លោក​មាន​ទុទិដ្ឋិនិយម​ចំពោះ​អនាគត​របស់​ប្រទេស​អាហ្វកានីស្ថាន បន្ទាប់ពី​ការដក​កងទ័ពសហរដ្ឋអាមេរិក។
     
    «លទ្ធភាព​នៃ​ការដកកងកម្លាំង​របស់​សហរដ្ឋអាមេរិក​នៅក្នុង​ឆ្នាំ​២០១៤ គឺ​គ្រាន់តែ​នាំមក​នូវលទ្ធភាព​សម្រាប់​ពួក​តាលីបាន (Taliban) ក្នុងការ​ដណ្តើម​ការគ្រប់គ្រង​ប្រទេស​នេះ​ម្តងទៀត កាន់តែ​ច្បាស់​ថែមទៀត​តែប៉ុណ្ណោះ។ ហើយ​ខ្ញុំ​គិត​ថា ប្រសិនបើ​ខ្ញុំ​ព្យាករណ៍ទុក​វិញ​ ខ្ញុំ​នឹង​ព្យាករណ៍​ថា នេះគឺជា​លទ្ធផល​ដែល​នឹង​អាចកើតមាន​ឡើង ដែលគឺជា​លទ្ធផល​អវិជ្ជមាន​ ផុស​ចេញពី​ទស្សនៈ​របស់​សហរដ្ឋអាមេរិក។ គំនិត​ដែល​ថា​យើង​នឹង​ដក​កង​ទ័ព ទោះបីជាលទ្ធផល​ដែល​ស្ទើរតែ​ច្បាស់លាស់​នោះគឺថា ការវិលត្រឡប់​របស់​ពួកតាលីបាន/អាល់កៃដា (Taliban/al-Qaida) មកកាន់​អំណាច​វិញ និង​គ្រោះថ្នាក់​ទាំងឡាយ ដែល​នឹង​ទាក់ទង​ដល់​សហរដ្ឋអាមេរិក​និង​ប្រទេស​ផ្សេង​ទៀត។ ខ្ញុំ​គ្រាន់តែ​គិត​ថា វា​គឺជា​ភាព​ល្ងិតល្ងង់​មួយតែប៉ុណ្ណោះ»។
     
    ក្រុមមន្រ្តី​សហរដ្ឋអាមេរិក​និងអាហ្វកានីស្ថាន បានចូលរួមក្នុង​ការចរចារស្តីពីទំហំ​នៃ​វត្តមាន​យោធា​សហរដ្ឋអាមេរិក បន្ទាប់ពី​ឆ្នាំ​២០១៤ ដែល​ជា​វត្តមាន ដែល​ត្រូវបាន​រំពឹង​ថានឹង​មាន​ទំហំ​តូចជាង​យ៉ាងខ្លាំង​ បើប្រៀបធៀបទៅនឹង​វត្តមាន​នាពេល​បច្ចុប្បន្ន។
     
    អតីត​រដ្ឋមន្រ្តីការពារជាតិ (១៩៩៧-២០០១) លោក វីលៀម កូហេន (William Cohen) ថ្លែង​ថា ត្រូវតែ​មាន​កម្លាំង​យោធា​អន្តរជាតិសេសសល់​មួយ​នៅក្នុង​ប្រទេស អាហ្វកានីស្ថាន។
     
    «វា​មិនអាច​នៅ​ត្រឹម​តែសហរដ្ឋអាមេរិក​នោះទេ។ ត្រូវតែ​មាន​ការទទួល​ស្គាល់​មួយ​ទៅលើផ្នែក​នៃ​ប្រទេស​ជាច្រើន​ទៀត ដែល​វាស្ថិត​ក្នុងផល​ប្រយោជន៍​របស់​ពិភពលោក ក្នុង​ការមើលឃើញ​ស្ថិរភាព​នៅតែ​បន្តកើតមាន ឬ​ត្រូវបាន​នាំយក​ទៅដល់អាហ្វកានីស្ថាន។ ប្រសិន​បើ​យើង​ចាកចេញ ហើយ​គ្រប់គ្នា​ចាកចេញ នៅពេល​នោះ​ខ្ញុំ​គិត​ថា យើង​នឹង​មើល​ឃើញ​ពីការវិលត្រឡប់​ទៅរក​ស្ថានភាព​កាលពីមុនវិញ។ នេះ​មិនមែន​ជា​អ្វី​ដែល​យើង​ចង់បាន​នោះទេ។ ប៉ុន្តែ សហរដ្ឋអាមេរិក​មិនអាច​ជាប្រទេស​តែមួយគត់ ដែល​ខ្វល់ខ្វាយពី​ស្ថិរភាព​នៅក្នុង​ប្រទេសអាហ្វកានីស្ថាននោះទេ។ ដូច្នេះ វា​ត្រូវតែមាន​កម្លាំង​អន្តរជាតិ ប្រសិន​បើ​ការចង់បាននេះ​ត្រូវ​សម្រេច​ឱ្យបាន»។
     
    អស់រយៈពេល​ជាច្រើន​ឆ្នាំ​មកហើយ ការទាមទារ​ចម្បង​មួយ​របស់​សហរដ្ឋអាមេរិក និង​បស្ចិម​ប្រទេស​ផ្សេងទៀត គឺ​សុំឱ្យ​ប្រធានាធិបតី អាហ្វកានីស្ថាន លោក ហាមីដ កាហ្សៃ (Hamid Karzai) ប្រយុទ្ធប្រឆាំង​នឹង​អំពើពុករលួយ។
     
    ប៉ុន្តែ អតីត​មន្រ្តី​រដ្ឋាភិបាល​សហរដ្ឋអាមេរិក​ជាច្រើន ដែល​រួមទាំង​ឯកអគ្គ​រដ្ឋទូត ចន បុលតុន ផង និយាយ​ថា គោលដៅ​ក្នុង​ការ​លុបបំបាត់អំពើពុករលួយ គឺជា​គោលដៅ​ខ្ពស់​មួយ ដែល​លោក កាហ្សៃ មិនអាច​សម្រេចបានទេ។
     
    «ទោះបីជា​យើង​ពិត​ជាចង់បាន​ប្រទេស អាហ្វកានីស្ថាន មួយ​ដែល​គ្មាន​អំពើពុករលួយក៏ដោយ​ លទ្ធភាពដែល​សហរដ្ឋអាមេរិកអាច​ធ្វើឱ្យ​រឿងនេះ​កើតឡើង ឬ​របប​របស់​លោក កាហ្សៃ ឬ​អ្នកផ្សេងទៀត​អាចធ្វើឱ្យ​រឿងនេះ​កើតឡើង នៅក្នុង​រយៈពេល​ដ៏ខ្លី គឺគ្មានភាព​ប្រាកដ​និយម​នោះ​ទេ។ វាគឺជា​សច្ចៈភាព​នៃ​ជីវិតនៅទីនោះ ដែល​ប្រជាពលរដ្ឋ អាហ្វកានីស្ថានខ្លួនឯង ត្រូវ​សម្រេចចិត្តថាតើ​ត្រូវដោះស្រាយ​បញ្ហា​នេះ​ដោយ​របៀបណា។ វា​ប្រហែលជា​ផ្នែក​មួយនៃ​ការរំពឹងទុក​ប្រកប​ដោយ​ភាព​មិន​ប្រាកដនិយម​ ដែល​យើង​មាន​ចំពោះ​រដ្ឋាភិបាល​ជាតិ អាហ្វកានីស្ថាន»។
     
    អតីត​ទីប្រឹក្សា​សន្តិសុខ​ជាតិ (១៩៧៤-៧៧, ១៩៨៩-៩៣) គឺ​ឧត្តមសេនីយ​កងទ័ពអាកាស​ដែល​ចូលនិវត្តន៍ លោក ប្រែនត៍ ស្កូក្រូហ្វ (Brent Scowcroft) ក៏និយាយ​ផងដែរ​ថា សហរដ្ឋអាមេរិក​មានការរំពឹង​ទុក​ប្រកប​ដោយ​ភាព​មិនប្រាកដ​និយម​អំពីអ្វីដែលខ្លួន​អាចសម្រេចបាន​នៅក្នុង​ប្រទេស អាហ្វកានីស្ថាន និងអ៊ីរ៉ាក់។
     
    «យើង​មិនអាច​ធ្វើ​អន្តរាគមន៍ក្នុង​រយៈយ៉ាងខ្លី​ ហើយ​កែប្រែសង្គម​នោះឡើង​វិញបានទេ។ យើង​បាន​សាកល្បង​ជាច្រើន​លើក​មកហើយ ហើយ​វាហួសពី​លទ្ធភាព​របស់​យើង។ ដូច្នេះ យើង​ត្រូវតែ​ដឹងថា នៅពេល​ដែល​យើង​សម្លឹងមើល​សកម្មភាព​នៅក្នុង​ប្រទេស​មួយផ្សេង​ទៀត អ្វី​ដែល​មានភាព​ប្រាកដនិយមសម្រាប់​យើង​ដើម្បី​សម្រេច​ឱ្យ​បាន និង​អ្វី​ដែលមិនមាន​ភាព​ប្រាកដនិយម។ ដោយសារតែ​នៅក្នុង​ប្រទេស អ៊ីរ៉ាក់ និងអាហ្វកានីស្ថាន យើង​មាន​ទស្សនៈធំធេង​ក្នុងការ​បង្កើត​សង្គម​ទាំងពីរនេះ​ឡើង​វិញ ហើយ​ប្រែក្លាយ​សង្គម​ទាំងនោះ​ឱ្យទៅជាសង្គម​ប្រកាន់យកលទ្ធិ​ប្រជាធិបតេយ្យ។ អ្នក​មិនអាច​ធ្វើដូច្នេះភ្លាមៗបានទេ។ ហើយ​វា​ត្រូវការ​ការយកចិត្តទុកដាក់​និង​ការលះបង់​ ដែល​យើង​មិនអាចធ្វើឱ្យមាន​និរន្តរភាព​នោះទេ។ ដូច្នេះ យើង​ត្រូវតែ​គ្រប់គ្រងលើ​សេចក្តី​ប៉ង​ប្រាថ្នា​របស់​យើង»។
     
    លោក​ឧត្តមសេនីយ ស្កូក្រូហ្វ និយាយ​ថា មានការធុញថប់នឹង​សង្រ្គាមហើយ នៅក្នុង​សហរដ្ឋអាមេរិក។
     
    «ដោយ​មាន​សង្គ្រាម​នៅអាហ្វកានីស្ថាន និងដោយ​មានភាពប្រទូស្តរ៉ាយ​នៅក្នុង​ប្រទេស អ៊ីរ៉ាក់ ខ្ញុំគិតថា មាន​មនោសញ្ចេតនា​ដ៏​ខ្លាំងក្លា​មួយ​ដែល​ថា «ឈប់​ចូលពាក់ព័ន្ធតទៅទៀត។ ដកកងទ័ពចេញមកវិញ។» តាមផ្លូវចិត្តសាស្រ្ត ប្រការនេះ​អាច​មាន​គ្រោះថ្នាក់។ ខ្ញុំ​មិនដឹង​ថា​នឹងមានអ្វី​នឹង​ចេញ​មក​នាពេល​អនាគត​នោះទេ ប៉ុន្តែ​ការឈានពីភាពជ្រុល​និយមមួយ​ទៅកាន់​ភាពជ្រុល​និយមមួយទៀត គឺជា​រឿង​គ្រោះថ្នាក់»។
     
    អ្នកជំនាញ​និយាយ​ថា ក៏មាន​ការធុញថប់​នឹង​សង្រ្គាម​ផងដែរ​នៅអឺរ៉ុប។ ហើយ​ពួកគេ​និយាយ​ថា នេះ​មិនមែន​ជាប្រផ្នូលល្អ​ទេ ក្នុងការដាក់បញ្ចូល​គ្នា​នូវ​កងកម្លាំងយោធា​អន្តរជាតិ​តូចជាង​មុន​ ដើម្បី​ជំនួស​កងកម្លាំង​បច្ចុប្បន្ន​នៅក្នុង​ប្រទេស អាហ្វកានីស្ថាន រហូតដល់​ចុងឆ្នាំ២០១៤នោះ៕

    អ្នក​ប្រហែល​ចូលចិត្ត​ព័ត៌មាន​ទាំង​នេះ​

    លោក សម រង្ស៊ី ថា ការនៅ​និរទេស​ខ្លួន​ជួយ​បន្ថយ​ការតានតឹង​នយោបាយ

    ការ​ថ្លែង​ការពារ​យុទ្ធសាស្ត្រ​និរទេស​ខ្លួន​របស់​លោក​សម រង្ស៊ី​ កើត​មាន​ឡើងនៅ​ចំពេល​មេដឹកនាំ​សមាជិក​ និង​​តំណាង​រាស្ត្រ​គណបក្ស​សង្គ្រោះ​ជាតិ​កំពុង​រង​ការ​វាយ​ប្រហារ​មិន​ចេះ​ឈប់​ពី​បក្ស​គ្រប់​គ្រង​ប្រទេស។ ពត៌មាន​លម្អិត

    លោក គឹម សន្តិភាព​ប្រាប់​ឱ្យ​បក្ស​សង្គ្រោះ​ជាតិ​ប្រយ័ត្ន​ពាក្យ​សម្តី

    ការព្រមាន​នេះ​កើតមាន​ឡើង​បន្ទាប់​ពី​សេចក្តី​ថ្លែងការណ៍​របស់​គណបក្ស​សង្គ្រោះ​ជាតិ​ដែល​ចេញ​ផ្សាយ​នៅថ្ងៃ​ទី​៤ខែ​ឧសភា​ដោយ​​ចោទ​ប្រកាន់​តុលាការ​រាជធានី​ភ្នំពេញ​ថា ​បាន​រំលោភ​លើ​អភ័យ​ឯកសិទ្ធិ​អ្នក​តំណាងរាស្រ្ត​។ ពត៌មាន​លម្អិត

    ជីវិត​ស្ត្រី​ខ្មែរ​រៀបការ​ប្ដី​ចិន​ ជួប​ការ​លំបាក​មិន​ដូច​ក្តី​ស្រមៃ​ចង់​មាន​បាន

    នាង​ យ៉ាន កុង អ្នក​ថត​រូប​ឯកសារ​ជនជាតិ​ចិន ​បាន​ដាក់​តាំង​ពិព័រណ៍​រូប​ថត​ទាំង​នេះ ដែល​មាន​ចំណងជើង​ថា​«ការ​ពិត​មិន​ដូច​ជា​ការ​រំពឹង​ទុក»នេះ។ ពត៌មាន​លម្អិត

    Your JavaScript is turned off or you have an old version of Adobe's Flash Player. Get the latest Flash player.
    ភ្លេង​បុរាណ​ខ្មែរ​ដ៏​កម្រ​បាន​ទទួល​​​ការស្វាគម​យ៉ាង​កក់​ក្តៅ​នៅ​ស.រ.អាi
    X
    04 ឧសភា 2016
    តន្ត្រីករ​ខ្មែរ​ឆ្នើម​បី​នាក់​ថ្មីៗ​នេះ​បាន​សម្តែង​ទេព​កោសល្យ​ភ្លេង​បុរាណ​ខ្មែរ​នៅ​តាម​​ទីក្រុង​មួយ​ចំនួន​​នៅ​ស.រ.អា ដើម្បី​បង្ហាញ​ទស្សនិកជន​អាមេរិក នូវ​ស្នា​ដៃ​របស់​ខ្មែរ។ អ្នក​ទាំង​បី គឺ​កញ្ញា យឹម ចន្ធី  ដែល​ជា​អ្នក​ផ្លុំ​ខ្លុយ លោក លន់ ជំនិត ដែល​ជា​អ្នក​កេះ​សាដៀវ និង​លោក ញ៉ុក ស៊ីណាត​ ដែល​ជា​អ្នក​កូតទ្រ។ អ្នក​ទាំង​បី បាន​មក​កាន់​បន្ទប់​ផ្សាយ​របស់​ VOA ​ដើម្បី​ចែក​រំលែក​បទ​ពិសោធន៏​របស់​ពួក​គាត់ ព្រម​ទាំង​បង្ហាញ​នូវ​ស្នា​ដៃដ៏​ឆ្នើម​ ក្នុង​ការ​ប្រគុំ​​ភ្លេង​បុរាណ​ខ្មែរ​ទៀត​ផង៕
    Your JavaScript is turned off or you have an old version of Adobe's Flash Player. Get the latest Flash player.
    បទសម្ភាសន៍​ VOA ជាមួយ​លោក ម៉េង គឹម​ឡុង៖ ការថតរូបនិងវីដេអូពីលើអាកាស ដោយយន្តហោះបញ្ជាដោយស្វ័យប្រវត្តិi
    X
    នូវ ពៅលក្ខិណា
    30 មេសា 2016
    ការថត​រូប​និង​វីដេអូ​ពី​លើ​អាកាស​ដោយ​យន្តហោះ​បញ្ជា​ drone (ដ្រូន) កំពុង​តែ​មាន​ការពេញ​និយម​នៅ​ទូទាំង​ពិភព​លោកដោយ​សារ​ drone នា​ពេល​បច្ចុប្បន្ន​មាន​តម្លៃ​សមរម្យ​ ។ ប៉ុន្តែ​ការប្រើប្រាស់ drone ក៏​មាន​ភាព​ចម្រូង​ចម្រាស​ផង​ដែរ​ ដោយ​សារ​វា​អាច​ប៉ះ​ពាល់​សិទ្ធិ​រស់នៅ​ជា​ឯកជន​របស់​ប្រជាពលរដ្ឋ​ទូទៅ​និង​សន្តិសុខ​សាធារណៈ​។

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    Get Over It ឈប់​គិត​ពី​រឿង​នេះ​ទៅi
    X
    06 មេសា 2016
    ឃ្លា get over it ប្រើ​នៅ​ពេល​ណា​ដែល​យើង ចង់​ប្រាប់​នរណា​ម្នាក់ ឲ្យ​ឈប់​បារម្ភ ឈប់​ត្អូញត្អែរ ឈប់​វក់ ឬ​ក៏​ឈប់​ពិបាក​ចិត្ត​នឹង​អ្វី​មួយ។ ហើយ ឃ្លា​នេះ​ក៏​មាន​ន័យ​ថា ត្រូវតែ​ជម្នះ ពេល​ជួប​ការលំបាក​នោះ​ផងដែរ។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    ក្មេង​អនាថា​នៅ​ទីក្រុង​ញូឌេលី បោះពុម្ព​កាសែតi
    X
    04 ឧសភា 2016
    ជារឿយៗ នៅ​ក្នុង​កាសែត​តែងតែ​មាន​ការសរសេរ​អំពី​ស្ថានភាព​ដ៏លំបាក​របស់​កុមារ ដែល​រស់​នៅ​តាម​ចញ្ចើម​ផ្លូវ ប៉ុន្តែ​កុមារ​អនាថា​មួយ​ក្រុម​នៅ​រដ្ឋធានី​ញូឌេលី​ក្នុង​ប្រទេស​ឥណ្ឌា កំពុង​សរសេរ​អំពី​រឿងរ៉ាវ​តស៊ូ​និង​ក្តីបារម្ភ​របស់​ពួកគេ​ចងក្រង​ជា​កាសែត​ចេញ​ផ្សាយ​ជារៀងរាល់​ខែ។ កាសែត «Balaknama» ឬ​មាន​ន័យ​ថា​ «សំឡេង​កុមារ» ត្រូវ​បាន​សរសេរ កែសម្រួល និង​ចងក្រង​ដោយ​ក្រុម​កុមារ​ដែល​មាន​អាយុ​ក្រោម​១៩​ឆ្នាំ ហើយ​កាសែត​មាន​អ្នកអាន​ប្រមាណ​មួយ​ម៉ឺន​នាក់។ អ្នកស្រី Zlatica Hoke រាយការណ៍​ពី​រដ្ឋធានី​វ៉ាស៊ីនតោន។ នាង ស្រេង លក្ខិណា ជូន​សេចក្តី​ប្រែសម្រួល៕