ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

យន្តហោះ​អាកាសចរណ៍​អាល់ហ្សេរី​បាត់​ដាន​​នៅ​ក្នុង​ដែន​អាកាស​ប្រទេស​ម៉ាលី


រូបថត​ឯកសារ៖ យន្តហោះ​អាកាសចរណ៍​ Air Algerie Boeing 737-200 នៅ​អាកាសយានដ្ឋាន​ក្រុង​ប៊ែរឡាំង​ប្រទេស​អាល្លឺម៉ង់។
រូបថត​ឯកសារ៖ យន្តហោះ​អាកាសចរណ៍​ Air Algerie Boeing 737-200 នៅ​អាកាសយានដ្ឋាន​ក្រុង​ប៊ែរឡាំង​ប្រទេស​អាល្លឺម៉ង់។

យន្តហោះ​មួយ​គ្រឿង​របស់​ក្រុមហ៊ុន​អាកាសចរណ៍​ Air​ Algerie​ ដែល​មាន​ដឹក​មនុស្ស​១១៦​នាក់​ បាន​បាត់​ខ្លួន​ នៅ​ក្នុង​ដំណើរ​ពី​ប្រទេស​បួគីណាហ្វាសូ (Burkina​ Faso)​ ឆ្ពោះ​ទៅ​ប្រទេស​អាល់ហ្សេរី​នៅ​ទ្វីប​អាហ្វ្រិក។​

ទី​ភ្នាក់ងារ​ព័ត៌មាន​ផ្លូវការ​របស់​អាល់ហ្សេរី​និយាយ​ថា​ ប៉ម​ត្រួត​ត្រា​ចរាចរណ៍​ផ្លូវ​អាកាស​បាន​ដាច់​គមនាគមន៍​ជា​មួយ​យន្តហោះ​នេះ​ នៅ​ពេល​ប្រហែល​៥០​នាទី​ក្រោយ​ការ​ហោះ​ឡើង​ចេញ​ពី​ក្រុង​ Ouagadougou​ ប្រទេស​បួគីណាហ្វាសូ​ក្នុង​ការ​ធ្វើ​ដំណើរ​ជា​ប្រក្រតី​ក្នុរ​រយៈ​ពេល​៤​ម៉ោង។​

ប្រភព​ប្រទេស​អាល់ហ្សេរី​បាន​ឲ្យ​ដឹង​ថា​ គមនាគមន៍​ចុង​ក្រោយ​ជាមួយ​យន្តហោះ​នេះ​បាន​ធ្វើ​នៅ​ពេល​យន្តហោះ​នេះ​កំពុង​ហោះ​ពី​លើ​ប្រទេស​ម៉ាលី (Mali)​ ភាគ​ខាង​ជើង។​

ផែនទី​ផ្លូវ​ហោះហើរ​ពី​ប្រទេសបួគីណាហ្វាសូ​ទៅ​កាន់​ប្រទេស​អាល់ហ្សេរី
ផែនទី​ផ្លូវ​ហោះហើរ​ពី​ប្រទេសបួគីណាហ្វាសូ​ទៅ​កាន់​ប្រទេស​អាល់ហ្សេរី

យន្តហោះ​នេះ​ជា​កម្មសិទ្ធិ​របស់​ក្រុមហ៊ុន​ឯកជន​ប្រទេស​អេស្ប៉ាញ​ឈ្មោះ​ Swiftair​ ដែល​បាន​ប្រកាស​ថា​ គេ​បាន​ដាក់​រាយ​សម្ភារៈ​និង​បុគ្គលិក​សម្រាប់​គ្រា​មាន​អាសន្ន​ ដើម្បី​ឲ្យ​ដឹង​អំពី​ឧបទ្វវហេតុ​នៃ​យន្តហោះ​នេះ៕

XS
SM
MD
LG