ថ្ងៃព្រហស្បតិ៍, 11 កុម្ភៈ 2016

    ប័ណ្ណសារ

    ក្រុមហ៊ុនឯកជនប្រកួតប្រជែង កៀងគរមូលធន

    VOA

    ដើម្បីស្តាប់ព័ត៌មាននេះ

    ក្រុមហ៊ុនឯកជនធំៗចំនួន៨នៅក្នុងប្រទេសកម្ពុជា កំពុងពង្រឹងខ្លួនដើម្បីចូលរួម
    ប្រកួតប្រជែងកៀងគរមូលធន ពីផ្សារមូលបត្ររបស់ខ្មែរដើម្បីយកទៅពង្រីកអា-
    ជីវកម្ម។ ផ្សារមូលបត្រដំបូងបំផុតរបស់កម្ពុជាគ្រោងបើកដំណើរការនៅដំណាច់
    ឆ្នាំនេះ។

    នាង រស់ សុធា សូមជូនសេចក្តីរាយការណ៍ពិស្តារអំពីរឿងនេះដូចតទៅ៖

    “មានក្រុមហ៊ុនយ៉ាងហោចណាស់៨ មានឆន្ទៈពិតប្រាកដក្នុងការប្រឡូកក្នុងផ្សារ
    មូលបត្ររបស់ខ្មែរ ហើយពួកគេ កំពុងពង្រឹងខ្លួនបណ្តើរៗដើម្បីចុះបញ្ជីក្នុងផ្សារ
    មូលបត្រ។ នេះបើយោងតាមលោកធី ខេមរ៉ា អ្នកវិភាគការស្រាវជ្រាវនៃក្រុមសា-
    ជីវកម្មហិរញ្ញវត្ថុនៃក្រុមហ៊ុន Tong Yang Securityជាក្រុមហ៊ុនមូលបត្រតែមួយ
    គត់ដែលកំពុងជួយផ្តល់ប្រឹក្សាពីដំណើរការចុះបញ្ជីក្នុងផ្សារមូលបត្រដល់ក្រុម
    ហ៊ុនរដ្ឋ និងក្រុមហ៊ុនឯកជន។

    លោក ធី ខេមរ៉ា បានប្រាប់ VOA សម្លេងសហរដ្ឋអាមេរិកថា ផ្អែកតាមការស្រាវ
    ជ្រាវរបស់ក្រុមហ៊ុនលោកបានបង្ហាញថា ក្នុងចំណោមក្រុមហ៊ុនទាំង៨មានតែ
    ក្រុមហ៊ុន២ ឬ ៣ ដែលភាគច្រើនជាស្ថាប័នធនាគារ មានសមត្ថភាពគ្រប់គ្រាន់
    សម្រាប់ការចុះបញ្ជីភ្លាមៗ នៅពេលផ្សារមូលបត្របើកដំណើរការ។ ចំណែកក្រុម
    ហ៊ុន៤ ឬ៥ទៀត រួមបញ្ចូលទាំងក្រុមហ៊ុននាំចូលទំនិញសម្រាប់ចែកចាយដុំផង
    នោះ អាចនឹងប្រឡូកក្នុងផ្សារមូលបត្រ បន្ទាប់ពីផ្សារនេះដំណើរការបាន២ឬ៣
    ឆ្នាំ។

    "អាចមានក្រុមហ៊ុនពីរបីដែលគេអាចធ្វើក្នុងពេលណា Stock Exchange នៅ
    ស្រុកខ្មែរកើត។ បួនប្រាំទៀត យើងគិតថា ពួកហ្នឹងអាច២ទៅ៣ឆ្នាំទៀត"។

    សូមបញ្ជាក់ថា កាលពីថ្ងៃពុធ ក្រុមហ៊ុនឯកជនធំៗជាង៧០បានជួបគ្នាសិក្សា
    ស្វែងយល់ពីការបោះផ្សាយលក់មូលបត្របំណុលក្នុងទីផ្សារមូលបត្រ នៅទីក្រុង
    ភ្នំពេញ។ ក្រុមហ៊ុនទាំងនោះរួមបញ្ចូលទាំងធនាគារកម្ពុជាសាធារណៈធនាគារ
    អេស៊ីលីដា ធនាគារពាណិជ្ជទី១ ធនាគារម៉ារ៉ូហាន់ជប៉ុន ធនាគារមេគង្គ ធនាគារ
    វឌ្ឍនៈ ធនាគារOSK Indochina គ្រឹះស្ថានមីក្រូហិរញ្ញវត្ថុអម្រិត គ្រឹះស្ថានមីក្រូ
    ហិរញ្ញវត្ថុហត្ថកសិករ ក្រុមហ៊ុនកាំមីតែលនិងក្រុមហ៊ុន Forte Insurance ជា
    ដើម។

    លោក ឈុន សម្បត្តិ ប្រធាននាយកដ្ឋានគ្រប់គ្រងការបោះផ្សាយលក់មូលបត្រ
    នៃគណៈកម្មការមូលបត្រកម្ពុជា បដិសេធមិនបញ្ចេញឈ្មោះនិងចំនួនក្រុមហ៊ុន
    ដែលត្រៀមខ្លួនចុះបញ្ជីក្នុងផ្សារទុនឲ្យបានច្បាស់លាស់ទេ។ ប៉ុន្តែលោកមានប្រ-
    សាសន៍ថា ក្រុមហ៊ុនដែលមានសក្តានុពលអាចរៀបចំខ្លួនចូលក្នុងផ្សារទុន និង
    អាចបោះផ្សាយលក់មូលបត្របាន គឺស្ថិតក្នុងចំណោមក្រុមហ៊ុនឯកជនធំៗទាំង
    អស់ខាងលើ។

    "ក្រុមហ៊ុននេះសុទ្ធតែជាប្រភេទក្រុមហ៊ុនសក្តានុពល មានន័យថា អ្នកដែលមាន
    លទ្ធភាពអាចបោះផ្សាយបាន។ គេកំពុងតែរៀបចំហើយ គេកំពុងតែធ្វើកិច្ចការជា
    មួយគណៈកម្មការមូលបត្រកម្ពុជាហើយ។ មានន័យថា មានចំនួនក្រុមហ៊ុនគ្រប់
    គ្រាន់អាចឲ្យផ្សារដើរបាន បើសិនយើងបើកផ្សារក្នុងរយៈពេលបន្តិចទៀតហ្នឹង"។

    លោកធី ខេមរ៉ា និយាយថា ក្រុមហ៊ុនTong Yang Security កំពុងផ្តល់ប្រឹក្សាឲ្យ
    ក្រុមហ៊ុនទាំងអស់នេះ ជាពិសេស ការពន្យល់ពីថា តើផ្សារទុនដំណើរការដោយ
    របៀបណា ហើយពួកគេត្រូវរៀបចំកិច្ចការអ្វីខ្លះដើម្បីមានសិទ្ធិចុះបញ្ជីក្នុងផ្សារ
    នេះ។

    ស្របពេលជាមួយគ្នានោះ ក្រុមហ៊ុនមេធាវី ABS and Consultant ក៏កំពុងផ្តល់
    ប្រឹក្សាផ្នែកច្បាប់ដល់ក្រុមហ៊ុនមួយចំនួនដែរ។លោកលី តៃសេងជានាយកប្រតិ-
    បត្តិនៃក្រុមហ៊ុននេះមានប្រសាសន៍ថា លោកកំពុងសហការជាមួយស្ថាប័នធនា-
    គារចំនួន២ដែលជាសាខារបស់ធនាគារបរទេសទៅលើបទបញ្ញតិ្តពាក់ព័ន្ធនឹងផ្សារ
    មូលបត្រ។

    សូមបញ្ជាក់ថា កម្ពុជាគ្រោងបើកផ្សារមូលបត្រលើកដំបូងរបស់ខ្លួន នៅដំណាច់
    ឆ្នាំ២០០៩នេះ។ ក៏ប៉ុន្តែកន្លងមកមាន ការវាយតម្លៃថា ផ្សារមូលបត្ររបស់ខ្មែរមិន
    អាចដំណើរការតាមការកំណត់នេះឡើយ។ ទោះយ៉ាងណា ក្រុមមន្ត្រីរដ្ឋាភិបាល
    នៅតែអះអាងថា ពួកគេកំពុងខំប្រឹងសម្រេចឲ្យបាននូវផែនការនេះ។

    នៅពេលនេះ សហគ្រាសរដ្ឋចំនួន៣ រួមមានទូរគមនាគមន៍កម្ពុជា រដ្ឋាករទឹក
    ស្វយ័តក្រុងភ្នំពេញ និងកំពង់ផែស្វយ័តក្រុងព្រះសីហនុ ត្រូវគេរំពឹងថា នឹងចាប់
    ផ្តើមដំណើរការផ្សារមូលបត្រមុនគេ។ សហគ្រាសរដ្ឋទាំង៣នេះបាន និងកំពុង
    ពង្រឹងខ្លួនឲ្យរឹងមាំចាប់តាំងពីពាក់កណ្តាលឆ្នាំ២០០៩មកម្ល៉េះ។

    ចំណែកក្រុមហ៊ុនឯកជនមួយចំនួនដែលស្ថិតក្នុងចំណោមក្រុមហ៊ុនទាំងអស់ខាង
    លើ ក៏កំពុងចាប់ផ្តើមពង្រឹងសមត្ថភាពរបស់ពួកគេជាបណ្តើរៗដែរ បើទោះជា
    ប្រកាសស្តីពីលក្ខន្តិកៈសម្រាប់ចុះបញ្ជីក្នុងផ្សារទុនមិនទាន់មានក៏ដោយ។

    លោកសុខ សុផល នាយកប្រតិបត្តិកិច្ចការវិនិយោគ និងមូលបត្រ នៃធនាគារ
    អេស៊ីលីដា មានប្រសាសន៍ថា ដោយសារការប៉ុនប៉ងក្នុង ការចុះបញ្ជីក្នុងផ្សារ
    មូលបត្រ ធនាគាររបស់លោកបានបង្កើតក្រុមការងារមូលបត្រមួយដើម្បីយកចិត្ត
    ទុកដាក់លើកិច្ចការផ្សារមូលបត្រនេះ។

    លោក សុផល និយាយថា ប្រសិនបើតម្រូវការឥណទានកើនឡើងខ្ពស់នោះ ធនា-
    គារអេស៊ីលីដានឹងសម្រេចចុះបញ្ជីភ្លាមៗដើម្បីបោះផ្សាយលក់មូលបត្រកៀងគរទុន
    ជំនួសឲ្យការខ្ចីពីវិនិយោគគិនបរទេស។

    "វាស្ថិតនៅដំណាក់កាលបន្ទាប់ទៀតថា តើនៅពេលទីផ្សារហ៊ុនបើកហ្នឹង តើ
    សន្ទុះឥណទានស្ថិតនៅកម្រិតណាមួយ ដែលយើងគួរតែត្រូវការប្រភពធនធាន
    ថែមឬអត់។ បើសិនក្នុងករណីពេលនោះ តម្រូវការខ្លាំង យើងអាចធ្វើការពិចារ-
    ណាថា តើយើងគួរបោះផ្សាយមូលបត្រកម្មសិទ្ធិ ឬមូលបត្របំណុល។

    ស្រដៀងគ្នានេះដែរ លោកCheong Kin Soon អ្នកគ្រប់គ្រងជាន់ខ្ពស់នៃធនា-
    គារOSK Indochina អះអាងថា ធនាគារ របស់លោកក៏តាមដានយ៉ាងយកចិត្ត
    ទុកពីដំណើរវិវត្តន៍នៃផ្សារមូលបត្រនេះដែរ ព្រោះថា ការប្រឡូកក្នុងផ្សារមូលបត្រ
    គឺជាគោលការណ៍ចម្បងមួយរបស់ធនាគារលោក។

    សូមបញ្ជាក់ថា ក្រុមហ៊ុនដែលចុះបញ្ជីក្នុងផ្សារទុន មានសិទ្ធិលក់មូលបត្រចំនួន
    ពីរប្រភេទទៅឲ្យសាធារណជនដើម្បីកៀងគរទុន។ គឺមូលបត្រកម្មសិទ្ធិ និងមូល
    បត្របំណុល។ លក់មូលបត្រកម្មសិទ្ធិគឺជាការលក់សន្លឹកហ៊ុន ដែលនឹងធ្វើឲ្យអ្នក
    ទិញក្លាយជាសមាជិកឬម្ចាស់ភាគហ៊ុនម្នាក់ក្នុងក្រុមហ៊ុននោះ ហើយអ្នកទិញនឹង
    ទទួលបានផលចំណេញ ឬ ខាតតាមកម្រិតនៃភាពជោគជ័យរបស់ក្រុមហ៊ុន។
    ចំណែកអ្នកទិញមូលបត្របំណុលនឹងទទួលបានអត្រាការប្រាក់តាមការកំណត់
    របស់ក្រុមហ៊ុនដោយគ្មានភាគហ៊ុនក្នុងក្រុមហ៊ុននោះទេ។

    ប៉ុន្តែមុននឹងមានសិទ្ធិចុះបញ្ជីដើម្បីចេញលក់មូលបត្រនេះ លោកឈុន សម្បតិ្ត
    នៃគណៈកម្មការមូលបត្រមានប្រសាសន៍ថា ក្រុមហ៊ុនទាំងអស់នឹងត្រូវបានតម្រូវ
    ឲ្យមានការវាយតម្លៃពីភ្នាក់ងារវាយតម្លៃឯករាជ្យជាចាំបាច់ដើម្បីឲ្យដឹងថា តើអាជីវ
    កម្មរបស់ពួកគេកំពុងដំណើរការជោគជ័យកម្រិតណា ហើយមូលបត្ររបស់ពួកគេ
    អាចលក់បានក្នុងតម្លៃប៉ុន្មាន ។ ប៉ុន្តែភ្នាក់ងារវាយតម្លៃនេះមិនទាន់ត្រូវបានបង្កើត
    ឡើងនៅឡើយនៅប្រទេសកម្ពុជា។

    ពីរាជធានីភ្នំពេញ ខ្ញុំ រស់ សុធា VOA សម្លេងសហរដ្ឋអាមេរិក៕

    វេទិកា​​​បញ្ចេញ​​​មតិ​​​នេះ​​​ត្រូវ​​​បាន​​​បិទ។
    មតិ
         
    មិន​​​មាន​​​មតិ​​​នៅ​​​ក្នុង​​​វេទិកា​​​បញ្ចេញ​​​មតិ​​​នេះ​​​ទេ។ សូម​​​បញ្ចេញ​​​មតិ​​​ឲ្យ​​​បាន​​​មុន​​​គេ។
    Your JavaScript is turned off or you have an old version of Adobe's Flash Player. Get the latest Flash player.
    បក្ស​សង្គ្រោះ​ជាតិ​ថា នឹង​មិន​ប៉ះពាល់​ក្រុម​យោធា​ពេល​ជាប់​ឆ្នោតi
    X
    09 កុម្ភៈ 2016
    លោក សម រង្ស៊ី បាន​វិល​មក​ជួប​អ្នក​គាំទ្រ​នៅ​តំបន់​រដ្ឋ​ធានី​វ៉ាស៊ីនតោន​ជាថ្មី​ទៀត​កាលពីថ្ងៃ​ព្រហស្បតិ៍​សប្តាហ៍​មុន​ដោយ​នាំ​មក​នូវ​សារ​នយោបាយ​ថ្មី​ដែល​មាន​លក្ខណៈ​ទន់​ភ្លន់​ជាង​ឆ្នាំ​មុន។ គណបក្ស​សង្គ្រោះ​ជាតិ នឹង​មិន​ប៉ះពាល់​ក្រុម​យោធា​ទេ ដោយ​ផ្តោត​តែ​កិច្ចការ​ផ្នែក​ស៊ីវិល​ដើម្បី​លើក​កម្ពស់​ជីវភាព​ប្រជា​ពលរដ្ឋ​ដូច​ជា​ប្រព័ន្ធ​សុខាភិបាល​ទន់​ខ្សោយ​និង​ពលករ​ចំណាក​ស្រុក​ជាដើម។ លោក ម៉ែន គឹមសេង នៃ VOA ជូន​សេចក្តី​រាយការណ៍​នេះ៕
    Your JavaScript is turned off or you have an old version of Adobe's Flash Player. Get the latest Flash player.
    ឯកអគ្គ​រដ្ឋទូត​ស.រ.អា.​ និង​លោក​កឹម សុខា​ពិភាក្សា​អំពី​ទំនាក់​ទំនង​ស.រ.អា.-កម្ពុជា​i
    X
    09 កុម្ភៈ 2016
    លោក​​ឯកអគ្គរដ្ឋទូត​ស.រ.អា.​ និង​លោក​កឹម សុខា ​ប្រធានស្តីទី​គណបក្ស​សង្គ្រោះ​ជាតិ​ នៅថ្ងៃច័ន្ទនេះ​ជួប​ពិភាក្សា​គ្នា​អំពី​ទំនាក់ទំនង​រវាង​ស.រ.អា.​និង​កម្ពុជា​ ហើយនឹង​បញ្ហា​នយោបាយ​ក្នុង​ប្រទេស​កម្ពុជា​ ជា​ពិសេស​សន្តិសុខ​ពេល​អ្នក​តំណាង​រាស្ត្រ​​ចុះ​ទៅមណ្ឌល​បោះឆ្នោត​របស់​ខ្លួន។ ​​​ លោក​ពិន ស៊ីសុវណ្ណ​នៃ ​VOA​ រាយ​ការណ៍​ពីភ្នំពេញ៕

    អង់គ្លេស​ជាមួយ​ម៉ានី​និង​ម៉ូរី

    Your JavaScript is turned off or you have an old version of Adobe's Flash Player. Get the latest Flash player.
    You've Got to Be Kidding Me និយាយ​លេងi
    X
    20 កញ្ញា 2015
    យើង​និយាយ​ឃ្លា​ថា you've got to be kidding me គឺ​ពេល​ដែល​យើង​ស្ថិត​ក្នុង​ស្ថានភាព​មួយ ឬ ពេល​យើង​ឮ​អ្វី​មួយ​ហើយ យើង​នឹក​ស្មាន​មិន​ដល់ ធ្វើ​ឲ្យ​យើង​ភ្ញាក់ផ្អើល​ថា វា​មិន​អាច​ជា​ការពិត​បាន គឺ​មិន​គួរ​ឲ្យ​ជឿ​សោះ។ កម្មវិធី​នេះ ក៏​មាន​ដាក់​ផ្សាយ​ជូន​លើ​គេហទំព័រ YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
    Your JavaScript is turned off or you have an old version of Adobe's Flash Player. Get the latest Flash player.
    សួន​សត្វ Abidjan រើប​ឡើង​វិញ​ម្តង​បន្តិចៗ​បន្ទាប់ពី​មាន​វិបត្តិ​ជា​ច្រើន​ឆ្នាំi
    X
    05 កុម្ភៈ 2016
    សួន​សត្វ ​Abidjan កំពុង​មាន​ភាព​រស់​រវើក​ឡើង​វិញ​ហើយ បន្ទាប់​ពី​មាន​វិបត្តិ​និង​ឱនភាព​ថវិកា​អស់​រយៈ​ពេល​ជា​ច្រើន​ឆ្នាំ។ វា​ក្លាយ​ទៅ​ជា​និមិត្តរូប​នៃ​ភាព​ហិន​ហោច នៅ​ពេល​ដែល​សត្វ​រាប់​សិប​ក្បាល​អត់​ឃ្លាន ក្នុង​ពេល​ដែល​មាន​ការ​ប្រយុទ្ធ​គ្នា​នៅ​ក្រៅ​សួន​សត្វ​នោះ​ក្នុង​អំឡុង​ពេល​មាន​ជម្លោះ​នៅ​ចន្លោះ​ឆ្នាំ ២០១០ និង​២០១១។ សត្វ​តោ​និង​សត្វ​សេះ​បង្កង់​ថ្មីៗ​ទើប​តែ​មក​ដល់ ប៉ុន្តែ​ការស្តារ​សួន​សត្វ​នេះ ឲ្យ​ត្រឡប់​ទៅ​សភាព​ដើម​វិញ នៅតែ​បន្ត​ជួប​ឧបសគ្គ។ អ្នក​ស្រី​ Emilie Iob រាយការណ៍​ពី​ទីក្រុង​អាប៊ីហ្សង់។ នាង ស្រេង​ លក្ខិណា ជូន​សេចក្តី​ប្រែ​សម្រួល៕