ប័ណ្ណសារ

ព្រឹទ្ធសមាជិកសហរដ្ឋអាមេរិកសន្យា ជំរុញការអភិវឌ្ឈន៍សេដ្ឋកិច្ចកម្ពុជា

VOA

ព្រឹទ្ធសមាជិកសហរដ្ឋអាមេរិក បានសន្យាជួយជំរុញការអភិវឌ្ឈន៍សេដ្ឋកិច្ចរបស់
ប្រទេសកម្ពុជា។ ការសន្យានេះធ្វើឡើងក្នុងអំឡុងដំណើរទស្សនកិច្ចរបស់លោក
រយៈពេលមួយថ្ងៃនៅថ្ងៃនេះ។

ព្រឹទ្ធសមាជិកសហរដ្ឋអាមេរិក លោកជីម វេបនៅថ្ងៃអង្គារនេះបានសន្យាជម្រុញ
ការវិនិយោគពីសហរដ្ឋអាមេរិកមកកន់ប្រទេសកម្ពុជាឲ្យបានច្រើន  ស្របពេល
ដែលការវិនិយោគរបស់អាមេរិកនៅស្រុកខ្មែរនៅពាក់កណា្តលឆ្នាំ ២០០៩ គឺមិន
មានទាល់តែសោះ។ ការសន្យានេះធ្វើឡើងក្នុងជំនួបជាមួយរដ្ឋមន្ត្រីក្រសួងពា-
ណិជ្ជកម្ម លោក ចម ប្រសិទ្ធ។

លោក ជីម វេប ដែលជាប្រធានគណៈកម្មការទទួលបន្ទុកកិច្ចការអាស៊ីខាងកើត
និងបាស៊ីហ្វិក បានថ្លែងបែបនេះនៅក្នុងសន្និសីទសារព័ត៌មាននៅទីក្រុងភ្នំពេញ ក្នុងពេលនៃការបំពេញទស្សនកិច្ចផ្លូវការរយៈពេលមួយថ្ងៃ នៅប្រទេសកម្ពុជា។ វាគឺជាដំណើរទស្សនកិច្ចដើម្បីពង្រឹងចំណងទាក់ទងរវាងសហរដ្ឋអាមេរិក និង
បណ្តាប្រទេសអាស៊ីអាគ្នេយ៍ ក្នុងនោះមាន ប្រទេសថៃ ឡាវ  មីយ៉ាន់ម៉ា  កម្ពុជា
និងវៀតណាម។

លោកជីម វេបនិយាយថា រដ្ឋាភិបាលរបស់សហអាមេរិកបានចាប់អារម្មណ៍យ៉ាង
ខ្លាំងក្នុងការទាក់ទាញឲ្យមានការវិនិយោគនៅកម្ពុជា។

"យើងបាននិយាយគ្នាពីបញ្ហាពាណិជ្ជកម្ម ហើយខ្ញុំបានបង្ហាញចំណាប់អារម្មណ៍
របស់សហរដ្ឋអាមេរិកក្នុងការជម្រុញឲ្យមានការវិនិយោគនៅប្រទេសកម្ពុជាដែល
នឹងពង្រីកទំនាក់ទំនងពាណិជ្ជកម្មបន្ថែមទៀតរវាងប្រទេសយើងទាំងពីរ។"

គួរបញ្ជាក់ថា ការវិនិយោគរបស់អាមេរិកនៅប្រទេស កម្ពុជាកាលពីឆ្នាំ២០០៨គឺ
មានចំនួនជាង ៦៧១លាន៧ សែនដុល្លា។ ក៏ប៉ុន្តែ រហូតមកដល់ពាក់កណ្តាល
ឆ្នាំ ២០០៩ នេះ មិនមានការវិនិយោគក្នុងគម្រោងថ្មីរបស់សហរដ្ឋអាមេរិកនោះ
ទេ ដែលធ្វើឲ្យតួលេខវិនិយោគធ្លាក់ដល់ចំណុចសូន្យ។ នេះបើយោងតាមតួលេខ
ចុងក្រោយរបស់ក្រុមប្រឹក្សាអភិវឌ្ឍន៍កម្ពុជា។

កាលពីខែមិថុនា សហរដ្ឋអាមេរិកបានដកប្រទេសកម្ពុជាចេញពីបញ្ជីខ្មៅពាណិជ្ជ
កម្ម   ហើយមន្ត្រីអាមេរិករំពឹងថា ធនាគារនីហរណ៍ អាហរណ៍នឹងផ្តល់ប្រាក់កម្ចី
ដល់ក្រុមហ៊ុនអាមេរិកណាដែលចង់មកវិនិយោគនៅប្រទេសកម្ពុជា។

មុនមកដល់ប្រទេសកម្ពុជានៅថ្ងៃអង្គារនេះ  លោកជីម វេប បានបំពេញទស្សន
កិច្ចនៅប្រទេសឡាវ មីយ៉ាន់ម៉ា និងថៃ ហើយលោកបានចាកចេញនៅប្រទេស
វៀតណាមកាលពីរសៀលថ្ងៃនេះ។

នៅប្រទេសកម្ពុជា លោក ជីមវេប បានជួបជាមួយលោក ចម ប្រសិទ្ធ រដ្ឋមន្ត្រី
ក្រសួងពាណិជ្ជកម្ម។ នៅក្នុងជំនួបពិភាក្សានោះលោកបានសន្យាពិនិត្យមើល
លើនិតិវិធីលើកលែងពន្ធទៅលើការនាំចូលផលិតផលឧស្សាហកម្មកាត់ដេរ
របស់កម្ពុជាទៅកាន់សហរដ្ឋអាមេរិក។ ហើយលោកបានស្នើឲ្យកម្ពុជាយកចិត្ត
ទុកដាក់លើស្តង់ដាការងារ  ធ្វើយ៉ាងណាឲ្យមានលក្ខណៈស្របតាមស្តង់ដា
អន្តរជាតិ។

ស្របពេលជាមួយគ្នានោះ លោកជីម វេបក៏បានជួបពិភាក្សាជាមួយមេដឹកនាំ
គណបក្សប្រឆាំងផងដែរ  ដោយលោកពិភាក្សាពីបញ្ហាលទ្ធិប្រជាធិបតេយ្យ
សិទ្ធិក្នុងការបញ្ចេញមតិ និងសិទ្ធិមនុស្ស។

នៅចុងបញ្ចប់នៃដំណើរទស្សនកិច្ចនេះ លោកព្រឹទ្ធសមាជិក ជីម វេបបានជួប
ជាមួយលោក​នាយករដ្ឋមន្ត្រីហ៊ុន សែន។ នៅក្នុងជំនួបនោះ  លោកជីម វេប
បានសន្យាជួយជម្រុញវិស័យសេដ្ឋកិច្ចរបស់កម្ពុជាឲ្យមានការរីកចម្រើន។

គួរកត់សម្គាល់ថា រយៈពេលចុងក្រោយនេះ ទំនាក់ទំនងរវាងសហរដ្ឋអាមេរិក
និងកម្ពុជា កាន់តែខិតជិតចូលគ្នាខ្លាំងឡើង តាមរយៈដំណើរទស្សនកិច្ចរបស់
ថ្នាក់ដឹកនាំ និងជំនួយផ្សេងៗជាច្រើនរបស់អាមេរិក។

នៅក្នុងជំនួបជាមួយព្រឹទ្ធសមាជិកអាមេរិកលោក ជីម វេប  លោក ហ៊ុន សែន
បានចាត់ទុកថា ទំនាក់ទំនងរវាងកម្ពុជា និងអាមេរិក ឈានដល់ចំណុចកំពូល
មួយ។ នេះបើយោងតាមអ្នកនាំពាក្យនៃជំនួបលោក អៀង សុផល្លែត៕ ចប់

វេទិកា​​​បញ្ចេញ​​​មតិ​​​នេះ​​​ត្រូវ​​​បាន​​​បិទ។
មតិ
     
មិន​​​មាន​​​មតិ​​​នៅ​​​ក្នុង​​​វេទិកា​​​បញ្ចេញ​​​មតិ​​​នេះ​​​ទេ។ សូម​​​បញ្ចេញ​​​មតិ​​​ឲ្យ​​​បាន​​​មុន​​​គេ។
Your JavaScript is turned off or you have an old version of Adobe's Flash Player. Get the latest Flash player.
នាយក​រដ្ឋមន្ត្រី​ថៃ​មក​កម្ពុជា​ពិភាក្សា​អំពី​ពាណិជ្ជកម្មi
X
30 តុលា 2014
លោកឧត្តមសេនីយ៍​ប្រាយុទ្ធ ចាន់​អូចា ​នាយក​រដ្ឋមន្ត្រី​ដែល​បាន​ឡើង​កាន់​តំណែង​ដោយ​ការ​ធ្វើ​រដ្ឋ​ប្រហារ​បាន​ធ្វើ​ទស្សនកិច្ច​​ផ្លូវ​ការ​នៅ​ប្រទេស​កម្ពុជា ​ជាទស្សនកិច្ច​ដែល​ធ្វើ​ឡើង​ប្រាំ​ខែ​ក្រោយ​ពី​ការ​ធ្វើ​រដ្ឋ​ប្រហារ​ទម្លាក់​លោក​ស្រី​យីងឡាក់ ស៊ីណាវ៉ាត់។​ ទាំង​ភាគីថៃ ​ទាំង​ភាគី​កម្ពុជា​បាន​ប្រកាស​ពី​ជំហរ​ដោះស្រាយ​អរិយភាព​នឹង​គ្នា​ ហើយ​ជំរុញ​ការ​ធ្វើ​ពាណិជ្ជកម្មរួម។ ​លោក​គង់ សុឋានរិទ្ធ​នៃ​វីអូអេ​រាយ​ការណ៍​ជូន​ពី​រាជធានី​ភ្នំពេញ៕
Your JavaScript is turned off or you have an old version of Adobe's Flash Player. Get the latest Flash player.
និស្សិត​ម្នាក់​ស្លាប់ក្នុង​ឧបទ្ទវហេតុ​ក្នុង​ពិធី​ខួប​១០​ឆ្នាំ​ការ​គ្រងរាជ្យ​សម្បត្តិ​មហាក្សត្រi
X
29 តុលា 2014
ពេល​ព្រះរាជ​ពិធី​ខួប១០​ឆ្នាំនៃ​ការឡើង​គ្រងរាជ្យ​សម្បត្តិ​របស់​ព្រះ​មហា​ក្សត្រ​ព្រះ​រមនាថ​នរោត្តម​សីហមុនី​ម្សិលមិញ​នេះ ​ជា​អកុសល​មាន​ឧបទ្ទវ​ហេតុ​ ដែល​បាន​បណ្តាល​ឲ្យនិស្សិត​ម្នាក់ស្លាប់​និង​របួស​យ៉ាង​តិច៧នាក់។​ លោក​ពិន ស៊ីសុវណ្ណ​ជូន​ព័ត៌មាន​នេះ​ពីរដ្ឋធានី​វ៉ាស៊ីនតោន៕​

អង់គ្លេស​ជាមួយ​ម៉ានី​និង​ម៉ូរី

Your JavaScript is turned off or you have an old version of Adobe's Flash Player. Get the latest Flash player.
Let the Cat out of the Bag ទម្លាយ​ការសម្ងាត់​ដោយ​អចេតនាi
X
27 តុលា 2014
ឃ្លា let the cat out of the bag មាន​ន័យ​ថា ការនិយាយ​ការណ៍​សម្ងាត់ ឬ​រឿងរ៉ាវ​ផ្ទាល់​ខ្លួន​ឲ្យ​គេ​ដឹង​​ដោយ​អចេតនា។ ដើម្បី​ឲ្យ​យល់​កាន់តែ​ច្បាស់​សូម​មើល​វីដេអូ​កម្មវិធី​រៀន​គ្រាម​ភាសា​អង់គ្លេស​ជាមួយ​ម៉ានី​និង​ម៉ូរី។ កម្មវិធី​នេះ ក៏​មាន​ដាក់​ផ្សាយ​ជូន​រាល់​ថ្ងៃសុក្រ​លើ​គេហទំព័រ Facebook https://www.facebook.com/voakhmer និង YouTube www.youtube.com/KhmerSpecialEnglish របស់​វីអូអេ​ខ្មែរ​ផងដែរ៕
Your JavaScript is turned off or you have an old version of Adobe's Flash Player. Get the latest Flash player.
បូជនីយដ្ឋាន​ថ្មី​ត្រូវ​បាន​សង់​ដើម្បី​ជា​កិត្តិយស​ដល់​អតីត​យោធា​ពិការi
X
27 តុលា 2014
កន្លែង​អនុស្សាវរីយ៍​មួយ​ចំនួន​នៅក្នុង​រដ្ឋធានី​វ៉ាស៊ីនតោន​បង្ហាញ​ការដឹងគុណ​ដល់​ជនជាតិ​អាមេរិកាំង​នៅក្នុង​កងកម្លាំង​យោធា​ដែល​បាន​ប្រយុទ្ធ​សម្រាប់​ប្រទេស​ជាតិ​របស់​ខ្លួន​នៅក្នុង​កំឡុង​សង្គ្រាម។ កាលពីដើម​ខែ​តុលា​កន្លង​ទៅ​នេះ កន្លែង​អនុស្សាវរីយ៍​ថ្មី​មួយ​ត្រូវ​បាន​សម្ពោធ​ដើម្បី​ជា​កិត្តិយស​ដល់​ទាហាន​ពិការ​អាមេរិកាំង​ទាំងអស់។ អ្នកស្រី នុច សារីតា ជូន​សេចក្តី​រាយការណ៍​របស់​អ្នកស្រី​Deborah Block ដូច​តទៅ៖