ការប្រឈមរបស់ពលរដ្ឋខ្មែរក្រោមពេលអាស៊ានធ្វើសមាហរណកម្ម
លោក ចៅ សេរី អនុប្រធានសហព័ន្ធខ្មែរកម្ពុជាក្រោមនៅសហរដ្ឋអាមេរិកថ្លែងថា លោកបារម្ភថា នៅពេលដែលអាស៊ានធ្វើសមាហរណកម្មសេដ្ឋកិច្ចនៅចុងឆ្នាំ២០១៥នេះ ពលរដ្ឋខ្មែរកម្ពុជាក្រោមនៅប្រទេសវៀតណាមមិនបានទទួលឱកាសដាក់ពាក្យទៅធ្វើការនៅប្រទេសអាស៊ានឯទៀត ដែលផ្តល់ប្រាក់ឈ្នួលច្រើនជាងនោះទេ ពីព្រោះពលរដ្ឋខ្មែរកម្ពុជាក្រោមនៅប្រទេសវៀតណាម ភាគច្រើនជាកសិករក្រីក្រដែលគ្មាន «ជំនាញអ្វីដែលទៅធ្វើការឲ្យបានធំដុំទេ ដូច្នេះគឺគ្មានផលប្រយោជន៍អ្វីទេ»។ (ប៉ូច រាសី, Hello VOA, វ៉ាស៊ីនតោន/រដ្ឋកាលីហ្វ័រញ៉ា, ៧ ឧសភា ២០១៥)
