ផលប៉ះពាល់បង្កប់ដែលកើតឡើងដោយសារកីឡាអូឡាំពិកនៅក្នុងទីក្រុង Rio
ថ្លៃចំណាយដែលគេបានប៉ាន់ប្រមាណជាផ្លូវការនៅឯការប្រកួតកីឡាអូឡាំពិកផ្លូវការនៅក្នុងទីក្រុង Rio de Janeiro គឺនៅចន្លោះប្រមាណពី ៤.៥ ពាន់លានដុល្លារ ដល់ ជាង៦ពាន់លានដុល្លារ ដែលតិចជាងការចំណាយនៅក្នុងការប្រកួតកីឡាអូឡាំពិកនៅក្នុងទីក្រុង សូជី និងទីក្រុងឡុងដ៍។ ថវិកាខ្លះត្រូវបានចំណាយទៅលើគម្រោងហេដ្ឋារចនា សម្ព័ន្ធដែលត្រូវបានគេរំពឹងទុកថាជាកេរដំណែលដ៏យូរអង្វែងរបស់ការប្រកួតកីឡាសម្រាប់ទីក្រុងនេះផងដែរ។ ប៉ុន្តែតាមរយៈសេចក្តីរាយការណ៍របស់លោក Jeff Swicord បានឲ្យដឹងថា តម្លៃសង្គមដែលមានជាប់ពាក់ព័ន្ធជាមួយនឹងការអភិវឌ្ឍទាំងអស់នេះ នឹងធ្វើឲ្យប៉ះពាល់ដល់ប្រជាពលរដ្ឋ Rio មួយចំនួនអស់មួយជីវិត។ នាង ស្រេង លក្ខិណា ជូនសេចក្តីប្រែសម្រួល៕