ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក ដូណាល់ ​ត្រាំ ប្រាប់​នាយក​ប្រតិបត្តិ​បច្ចេកវិទ្យា​ថា ​យើង​នឹង​ស្ថិត​នៅ​ទី​នោះ​សម្រាប់​អ្នក​ទាំង​អស់​គ្នា


លោក ដូណាល់ ត្រាំ ថ្លែង​ក្នុង​កិច្ចប្រជុំ​មួយ​ជាមួយ​នឹង​មេដឹកនាំ​វិស័យ​បច្ចេកវិទ្យា​នៅ​អគារ Trump Tower ក្នុង​ក្រុង​ញូវយ៉ក កាលពី​ថ្ងៃទី១៤ ខែធ្នូ​ ឆ្នាំ២០១៦។
លោក ដូណាល់ ត្រាំ ថ្លែង​ក្នុង​កិច្ចប្រជុំ​មួយ​ជាមួយ​នឹង​មេដឹកនាំ​វិស័យ​បច្ចេកវិទ្យា​នៅ​អគារ Trump Tower ក្នុង​ក្រុង​ញូវយ៉ក កាលពី​ថ្ងៃទី១៤ ខែធ្នូ​ ឆ្នាំ២០១៦។

កាល​ពី​ថ្ងៃ​ពុធ ប្រធានាធិបតី​ជាប់​ឆ្នោត​សហរដ្ឋ​អាមេរិក ដូណាល់ ​ត្រាំ ​បាន​ជួបជាមួយ​នាយក​ប្រិតបត្តិ​កំពូលៗ​មក​ពី​ក្រុមហ៊ុន​បច្ចេកវិទ្យា​សហរដ្ឋ​អាមេរិក​ធំៗ។ ​ក្រុមហ៊ុន​ភាគ​ច្រើន​នៃ​ក្រុមហ៊ុន​ទាំង​នោះ​ស្ថិត​នៅ​ក្នុង​ចំណោម​អ្នក​ដែល​រិះគន់​លោក​យ៉ាង​ខ្លាំង​ក្នុង​អំឡុង​នៃ​យុទ្ធនាការ​បោះឆ្នោត​ប្រធានាធិបតី​នៅ​ឆ្នាំ​នេះ ក៏ប៉ុន្តែ មិន​មាន​សញ្ញាណ​នៃ​ការ​ជាប់​ទាក់​ទង​នឹង​បញ្ហា​នេះ​ក្នុង​អំឡុង​នៃ​ការ​ពិភាក្សា​នេះ​ទេ។

ការិយាល័យ​របស់​លោក​ត្រាំ ​បាន​ប្រាប់​ឲ្យ​ដឹងថា ​លោក​ចង់​ចាប់​ផ្តើម​ការ​សន្ទនា ​និង​ភាព​ជា​ដៃ​គូ​ដើម្បី​ធ្វើ​ឲ្យ​មាន​ការ​បញ្ចូល​របៀប​ថ្មី​ហើយ​និង​បង្កើត​ការងារ​កាន់​តែ​ច្រើន​ឡើង។

ជំនួបនៅ​ឯ​ទីស្នាក់ការ​ធំ​របស់​លោកត្រាំ​ក្នុង​ទីក្រុង​ញូវយ៉ក​រួម​មាន​លោក Sheryl Sandberg ប្រធាន​ប្រតិបត្តិការ​ក្រុមហ៊ុន Facebook លោក Jeff Bezos ​អគ្គ​នាយក​ក្រុមហ៊ុន Amazon ​លោក Elon Musk ​អគ្គនាយក​ក្រុមហ៊ុន Tesla ​ហើយ​និង​លោក Larry Page ​សហ​ស្ថាបនិក​ក្រុមហ៊ុន Google។

​លោក​ត្រាំ​មាន​ភាព​រាក់​ទាក់​ និងនិយាយ​សម្រប​សម្រួល​នៅ​ក្នុង​ការ​ចាប់​ផ្តើម​ជំនួប​នោះ។

លោក​ប្រធានាធិបតី​ជាប់​ឆ្នោត​សហរដ្ឋ​អាមេរិក ដូណាល់ ត្រាំ​ បាន​និយាយ​ថា «គ្មាន​នរណា​ដូចជា​មនុស្ស​នៅ​ក្នុង​បន្ទប់​នេះ​ទេ។ យើង​ចង់​ឲ្យ​អស់​លោក​រក្សា​ការ​បញ្ចូល​របៀប​ថ្មី​ប្រកប​ដោយ​ការ​ជឿ​ទុក​ចិត្ត​បាន។ យើង​អាច​ធ្វើ​អ្វីៗ​ដើម្បី​ជួយ​អស់​លោក​ឲ្យ​បាន​ជឿន​លឿន​ទៅ​មុខ ​យើង​នឹង​ស្ថិតនៅ​ទី​នោះ​សម្រាប់​អស់​លោក​អ្នក‍»។

លោក​ត្រាំ​បាន​ប្រាប់​អគ្គនាយក​ក្រុមហ៊ុន​ឲ្យ​ទូរស័ព្ទ​មក​កាន់​លោក​ផ្ទាល់ ​ប្រសិនបើ​ពួក​គេ ចង់​ពិភាក្សា ​ហើយ​លោក​បាននិយាយ​ទៀត​ថា ​ពួកគេ​អាច​ជួប​គ្នា​ម្តង​ទៀត គឺ​ក្នុង​រយៈ​ពេល​៣​ខែ​ម្តង៕

XS
SM
MD
LG