ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ក្រុម​អ្នក​តវ៉ា​ត្រូវ​ប៉ូលិស​បើក​រថយន្ត​បុក​នៅ​ខាង​ក្រៅ​ស្ថានទូត​អាមេរិក​ក្នុង​ប្រទេស​ហ្វីលីពីន


មន្រ្តីប៉ូលិស​ហ្វីលីពីន​វាយ​ទៅ​លើ​ក្រុមបាតុករ​អំឡុងពេល​ការ​វាយបំបែកបាតុកម្ម​ដ៏​ហិង្សា​មួយ​នៅ​ក្រុង​ម៉ានីល ប្រទេស​ហ្វីលីពីន​ កាល​ពី​ថ្ងៃ​ទី១៩ ខែ​តុលា ឆ្នាំ​២០១៦។
មន្រ្តីប៉ូលិស​ហ្វីលីពីន​វាយ​ទៅ​លើ​ក្រុមបាតុករ​អំឡុងពេល​ការ​វាយបំបែកបាតុកម្ម​ដ៏​ហិង្សា​មួយ​នៅ​ក្រុង​ម៉ានីល ប្រទេស​ហ្វីលីពីន​ កាល​ពី​ថ្ងៃ​ទី១៩ ខែ​តុលា ឆ្នាំ​២០១៦។

រថយន្ត Van របស់​ប៉ូលិស​ហ្វីលីពីន​បាន​បើក​បុក​ក្រុម​អ្នក​តវ៉ា​ ដែល​ចូលរួម​នៅ​ក្នុង​ការ​តវ៉ា​ប្រឆាំង​នឹង​សហរដ្ឋ​អាមេរិក​នៅ​ខាង​ក្រៅ​ស្ថានទូត​សហរដ្ឋ​អាមេរិក​នៅ​ក្នុង​ទីក្រុង​ម៉ានីល ប្រទេស​ហ្វីលីពីន នៅ​ថ្ងៃ​ពុធ​នេះ ដោយ​បាន​ធ្វើ​ឲ្យ​មនុស្ស​ជា​ច្រើន​នាក់​រង​របួស។

អ្នក​តវ៉ា​ប្រហែល​មួយ​ពាន់​នាក់ បាន​ប្រមូល​ផ្ដុំ​គ្នា​នៅ​ខាង​មុខ​ស្ថានទូត​សហរដ្ឋ​អាមេរិក​ដើម្បី​អំពាវនាវ​ឲ្យ​សហរដ្ឋ​អាមេរិក​បញ្ចប់​វត្តមាន​យោធា​របស់​ខ្លួន​នៅ​ក្នុង​ប្រទេស​ហ្វីលីពីន។ ប៉ូលិស​បាន​បាញ់​ផ្សែង​បង្ហូរ​ទឹក​ភ្នែក និង​បាន​ប្រើ​បំពង់​ទឹក​បាញ់​លើ​ក្រុម​បាតុករ​ដើម្បី​បំបែក​ពួកគេ​ចេញ​ពី​ការ​តវ៉ា​នេះ។

វីដេអូ​ព័ត៌មាន​ដែល​ចាក់​ផ្សាយ​តាម​កញ្ចក់​ទូរទស្សន៍ បាន​បង្ហាញ​ថា អ្នក​តវ៉ា​បាន​ឡោមព័ទ្ធ​រថយន្ត van របស់​ប៉ូលិស និង​បាន​ប្រើ​ដំបង​ឈើ​វាយ​លើ​រថយន្ត​នោះ មុន​ពេល​ដែល​អ្នក​បើក​រថយន្ត​នោះ​ចាប់ផ្ដើម​បើក​បុក​អ្នក​តវ៉ា​ម្ដង​ហើយ​ម្ដង​ទៀត។

បាតុករ​ម្នាក់​ ដែល​ត្រូវ​រថយន្ត​ប៉ូលិស​កិន​ពី​លើ​ រង់ចាំ​ការ​សង្រ្គោះ​នៅ​ខាង​ក្រៅ​ស្ថានទូត​អាមេរិក​ក្នុង​ក្រុង​ម៉ានីល ប្រទេស​ហ្វីលីពីន កាល​ពី​ថ្ងៃ​ទី១៩ ខែ​តុលា ឆ្នាំ​២០១៦។
បាតុករ​ម្នាក់​ ដែល​ត្រូវ​រថយន្ត​ប៉ូលិស​កិន​ពី​លើ​ រង់ចាំ​ការ​សង្រ្គោះ​នៅ​ខាង​ក្រៅ​ស្ថានទូត​អាមេរិក​ក្នុង​ក្រុង​ម៉ានីល ប្រទេស​ហ្វីលីពីន កាល​ពី​ថ្ងៃ​ទី១៩ ខែ​តុលា ឆ្នាំ​២០១៦។

លោក Renato Reyes ដែល​ជា​មេដឹកនាំ​ក្រុម​អ្នក​តវ៉ា​មួយ​រូប បាន​និយាយ​ថា យ៉ាង​ហោច​ណាស់​មាន​អ្នក​តវ៉ា ៣ នាក់ ដែរ ដែល​កំពុងសម្រាក​ព្យាបាល​នៅ​ក្នុង​មន្ទីរពេទ្យ បន្ទាប់ពី​រថយន្ត​របស់​ប៉ូលិស​បាន​បើក​បុក​ពួកគេ។

អ្នក​តវ៉ា​ជា​ច្រើន​នាក់​ត្រូវ​បាន​ចាប់​ខ្លួន ក្នុង​អំឡុង​ពេល​នៃ​ការ​តវ៉ា បន្ទាប់ពី​ពួកគេ​ជះ​ទឹក​ថ្នាំ​ក្រហម​លើ​ក្រុម​មន្ត្រី​ប៉ូលិស។

នៅ​ក្នុង​រយៈពេល​ប៉ុន្មាន​សប្ដាហ៍​ថ្មីៗ​នេះ លោក​ប្រធានាធិបតី​ហ្វីលីពីន Rodrigo Duterte បាន​បង្កើន​ការ​អំពាវនាវ​របស់​លោក​ឲ្យ​មាន​គោល​នយោបាយ​ការបរទេស​មួយ ដែល​មិន​ពាក់ព័ន្ធ​នឹង​កិច្ច​សហប្រតិបត្តិការ​ជាមួយ​នឹង​សហរដ្ឋ​អាមេរិក និង​បាន​ធ្វើ​ការ​វាយប្រហារ​ដោយ​ពាក្យ​សម្ដី​ទៅ​លើ​លោក​ប្រធានាធិបតី​សហរដ្ឋ​អាមេរិក Barack Obama ផង​ដែរ៕

XS
SM
MD
LG