សម្រាប់អ្នកដែលចង់ក្លាយជាចុងភៅល្បីឈ្មោះលំដាប់ពិភពលោកបាន គួរតែចាប់ផ្តើមអាជីពជាចុងភៅតាំងពីវ័យក្មេង
តើត្រូវធ្វើយ៉ាងណាដើម្បីក្លាយជាចុងភៅល្បីឈ្មោះលំដាប់ពិភពលោក? ប្រសិនបើ អ្នកមិនអាចទ្រាំនឹងកម្តៅបានទេនោះ សូមកុំធ្វើការនៅក្នុងផ្ទះបាយ។ អ្នកស្រី Tina TrinhនៃVOA បានជួបជាមួយក្រុមចុងភៅវ័យក្មេង ដែលឆាប់សម្របខ្លួនបានជាមួយនឹងសំពាធកម្តៅនៅក្នុងបរិយាកាសដែលភាយចេញពីផ្ទះបាយ។ ដោយទទួលបានការណែនាំពីសំណាក់ចុងភៅល្បីឈ្មោះមួយចំនួននៅក្នុងទីក្រុងញ៉ូវយកមក បេក្ខជនប៉ុន្មាននាក់ដែលត្រូវបានជ្រើសរើស នឹងក្លាយជាបេក្ខជនតំណាងឲ្យសហរដ្ឋអាមេរិក ដែលចូលរួមប្រកួតក្នុងកម្មវិធីធ្វើម្ហូបលំដាប់ពិភពលោក។ អ្នកស្រី Tina Trinh ជូនសេចក្តីរាយការណ៍ពីទីក្រុងញ៉ូវយក។ ហើយអ្នកស្រី ស៊ូ ពេជ្រចិន្តា ជូនសេចក្តីប្រែសម្រួល៕
