ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

តុលាការ​ក្រុង​ភ្នំពេញ​បន្ត​សវនាការ​សំណុំ​រឿង​បាញ់​សម្លាប់​សេដ្ឋី អ៊ឹង ម៉េងជឺ


រូបឯកសារ៖ បុណ្យ​សព​លោក ឧកញ៉ា អ៊ឹង ម៉េងជឺ​ (ផ្តល់​ឲ្យ​ដោយ​គ្រួសារ​ជន​រង​គ្រោះ)
រូបឯកសារ៖ បុណ្យ​សព​លោក ឧកញ៉ា អ៊ឹង ម៉េងជឺ​ (ផ្តល់​ឲ្យ​ដោយ​គ្រួសារ​ជន​រង​គ្រោះ)

សំណុំរឿង​បាញ់​សម្លាប់​លោក​ឧកញ៉ា​ អ៊ឹង ម៉េងជឺ​តុលាការ​បាន​បន្ត​បើក​សវនាការ​ជា​ច្រើន​លើករួច មកហើយ​​ចាប់​តាំង​ពី​ខែ​សីហា​ឆ្នាំ​២០១៦​មក​ដោយ​សារ​មាន​សាក្សី​ ជាច្រើន​ ដែល​រួម​មាន​កម្លាំង​​សមត្ថកិច្ច ​សាក្សី​ដើម​ចោទ​ និង​ ចុង​ចោទជាដើម​។​

តុលាការ​ក្រុង​ភ្នំពេញ​កាលពីថ្ងៃ​សុក្របាន​បន្ត​បើក​សវនាការ​លើ​សំណុំ​រឿង​បាញ់​សម្លាប់​ដ៏​ល្បី​សុះសាយ​មួយ ​កាល​ពី​ជាង​៣​ឆ្នាំ​មុន​ ដោយ​គ្មាន​វត្តមាន​លោក​ ថោង សារ៉ាត់​ ជន​ជាប់​ចោទ​នៅ​ក្នុង​សំណុំរឿងនេះ​។

សវនាការ​នេះ​បាន​ធ្វើ​ឡើង​រយៈ​ពេល​តែប៉ុន្មាន​ម៉ោង​ប៉ុណ្ណោះ​ដោយ​តុលាការ​បន្តនីតិ​របស់​ខ្លួន​ក្នុង​ការសាកសួរ​សាក្សី​បន្ត​បន្ទាប់​ដែល​រហូត​មក​ដល់​ពេល​នេះ មាន​ចំនួន​ជាង​៥០​នាក់​។​តែ​តុលាការ​មិន​ទាន់​បាន​បិទ​បញ្ចប់​ដំណើរ​ការ​របស់​ខ្លួន​នៅ​ឡើយ។​

លោក​ តុប​ ឈុនហេង​ ប្រធាន​ចៅក្រមជម្រះ​ក្តី​បាន​ប្រកាស​ថា​តុលាការ​និង​បន្ត​សវនាការ​ចំពោះ​សំណុំ​រឿង​នេះ​នៅ​សប្តាហ៏​ក្រោយ​ទៀត។

សំណុំរឿង​បាញ់​សម្លាប់​លោក​ឧកញ៉ា​ អ៊ឹង ម៉េងជឺ​តុលាការ​បាន​បន្ត​បើក​សវនាការ​ជា​ច្រើន​លើករួច មកហើយចាប់​តាំង​ពី​ខែ​សីហា​ឆ្នាំ​២០១៦​មក​ដោយ​សារ​មាន​សាក្សី​ ជាច្រើន​ ដែល​រួម​មាន​កម្លាំងសមត្ថកិច្ច ​សាក្សី​ដើម​ចោទ​ និង​ ចុង​ចោទជាដើម​។​

លោក​ ទួត លុច​ មេធាវី​ការពារ​ក្តី​លោក​ ឧកញ៉ា​ ថោង សារ៉ាត់​មាន​ប្រសាសន៏​ថា​ឆ្លង​តាម​ការ​កាត់​ក្តី​កន្លង​មក​លោក​យល់​ថា​កូន​ក្តី​របស់​លោក​ស្អាត​ស្អំ ហើយ​ការ​ដែល​តុលាការ​បើក​ការ​ស៊ើប​អង្កេត​និង​ចោទ​ប្រកាន់​កន្លង​មក​ជា​ការភ័ន​ច្រឡំ​ហើយ​អាច​និង​មាន​ការ​កែ​ប្រែបទ​ចោទ​ នឹង​លើក​លែង​ការ​ចោទ​ប្រកាន់​ចំពោះ​កូន​ក្តី​របស់​លោក​នៅ​ដំណាក់​កាល​ចុង​ក្រោយ​នេះ។​

លោក​ទួត លុច​ បញ្ជាក់​ថា«​ នៅ​ក្នុង​ខ្សែអាត់​វីដេអូ​ដែល​យើង​បាន​ថត​ជាប់​ កាមេរ៉ា​សុវត្តិភាព​គឺ​នៅ​ពេល​ហ្នឹង​ ម៉ោង​ហ្នឹង​មិន​មាន​ ខាង​ជន​ដែល​នគរបាល​យុត្តិធម៌​ ចោទ​ប្រកាន់​ថា​ជា​ឃាតករ​នោះ​ទៅ ទទួល​បញ្ជា​ទេ​។​គឺ​អត់មាន​ទេ​នេះ​ជា​ភស្តុតាង​រឹងមាំ​ដែល​មិន​អាច​កែ​ប្រែកើតទេ​»។​

កាល​ពី​ក្នុង​អំឡុង​ខែ​ធ្នូ​ឆ្នាំ​២០១៤​ តុលាការ​ក្រុង​ភ្នំពេញ​បាន​ចោទ​ប្រកាន់​លោក​ថោង​ សារ៉ាត់​ដោយ​សង្ស័យ​ថា​ជា​មេ​គំនិត​នៅ​ពី​ក្រោយខ្នង​នៃ​ការ​បាញ់​សម្លាប់​លោក​ឧកញ៉ា​អ៊ឹង ម៉េងជឺ​ អតីត​ថៅកែ​ស៊ីម៉ងត៍​សញ្ញា​ត្បូង​ពេជ្រ។​

លោក​ឧកញ៉ា​ អ៊ឹង ម៉េងជឺ​ត្រូវ​បាន​ខ្មាន់​កាំភ្លើង​បាញ់​សម្លាប់កាល​ពី​ថ្ងៃ​ទី២២​ខែ​វិច្ឆិកា​ឆ្នាំ​២០១៤​នៅ​កន្លែង​លក់​ផ្លែឈើមួយ​ក្នុង​ក្រុង​ភ្នំពេញ​។​

លោក​ថោង​ សារ៉ាត់​សង្ស័យ​ថា​ជា​មេខ្លោង​ពាក់ព័ន្ធនឹង​ការ​បាញ់​សម្លាប់បាន​រត់​គេច​ខ្លួន​ទៅ​ប្រទេស​វៀតណាម​ហើយ​ក្រោយមក​លោកត្រូវ​បាន​អាជ្ញាធរ​វៀតណាម​ចាប់​បញ្ជូន​មក​ឲ្យ​សមត្ថ​កិច្ច​កម្ពុជា​វិញ​ កាល​ពី​ខែ​មេសា​ឆ្នាំ​២០១៥​នេះ។​

តុលាការ​ក្រុង​ភ្នំពេញ​សម្រេច​កាត់ទោស​ឲ្យ​លោក​ឧកញ៉ា​ថោង សារ៉ាត់​កាល​ពី​ខែ​មិថុនាឆ្នាំ​២០១៦​ ជាប់​ពន្ធនាគារ​ចំនួន​២​ឆ្នាំ​៦​ខែ​ ពី​បទ​«​លាក់ទុក​អាវុធ​ខុសច្បាប់​»។​

តុលាការក៏​បាន​ផ្តន្ទាទោស​ ​ឪពុក​ម្តាយ​ និង​ ​អង្គរក្ស​ផ្ទាល់​របស់​លោក​ថោង សារ៉ាត់​នៅ ​ក្នុង​ម្នាក់ៗ ឲ្យ​ជាប់​ពន្ធនាគារ​២​ឆ្នាំ ​ហើយ​ពិន័យ​ជា​ប្រាក់​ក្នុង​ម្នាក់​៦​លាន​រៀល​នៅក្នុង​បទ​ល្មើស​ដូច​គ្នា​នេះ​ដែរ៕

XS
SM
MD
LG