វ៉ាស៊ីនតោន —
ជនសង្ស័យម្នាក់នៃសំណុំរឿងខ្មែរក្រហមដ៏ចម្រ៉ងចម្រាសបានស្លាប់ មុនពេល ត្រូវកាត់ទោស។ លោកសុខ ខេមរា នៃវីអូអេ បានរាយការណ៍ថា ជនសង្ស័យនៃ សំណុំរឿង០០៣គឺលោកស៊ូ ម៉េតបានស្លាប់ដោយសារជម្ងឺ។
លោកស៊ូ ម៉េត ជនសង្ស័យម្នាក់ក្នុងចំណោមពីរនាក់នៃសំណុំរឿង០០៣ ដែល ត្រូវគេរំពឹងថា អាចនឹងចាប់ខ្លួនមកកាត់ទោសដោយតុលាការខ្មែរក្រហមនោះ បានស្លាប់ហើយក្នុងអាយុជាង៧០ឆ្នាំ។ នេះបើតាមការអះអាងរបស់អ្នកភូមិម្នាក់និងប្រភពព័ត៌មានស្និទ្ធនឹងតុលាការ។
អ្នកស្គាល់លោកស៊ូ ម៉េតម្នាក់បានថ្លែងប្រាប់វីអូអេពីខេត្តបាត់ដំបងតាមទូរស័ព្ទ មកថា លោកស៊ូ ម៉េតបានស្លាប់កាលពីថ្ងៃទី១៤ ខែមិថុនាឆ្នាំ២០១៣ ដោយសារជម្ងឺ។
គាត់និយាយថា៖ «គាត់ស្លាប់ពីថ្ងៃ១៤»។
អ្នកស្គាល់ដដែល ដែលពុំផ្តល់អត្តសញ្ញាណ បានបន្តថា៖«គាត់ត្រូវបូជារួចហើយ»។
លោកស៊ូ ម៉េតត្រូវគេដឹងថា មានជំងឺទឹកនោមផ្អែម និងលើសឈាមរ៉ាំរ៉ៃជាច្រើន ឆ្នាំហើយ ហើយគាត់រស់នៅក្នុងភូមិមួយនៅទីរួមខេត្តបាត់ដំបងក្បែរព្រលានយន្ត ហោះខេត្ត។ ប្រភពព័ត៌មានស្និទ្ធនឹងតុលាការខ្មែរក្រហមបានបញ្ជាក់ថា តុលាការបានដឹងពី ព័ត៌មាននេះហើយ តែទុកជាកិច្ចការសម្ងាត់។
លោកឡា អូលសិន អ្នកនាំពាក្យសាលាក្តីខ្មែរក្រហម បានថ្លែងប្រាប់វីអូអេថា លោកពុំមានព័ត៌មានពីការស្លាប់នេះទេ។
លោកស៊ូ ម៉េត ដែលជាអតីតមេបញ្ជាការកងទ័ពអាកាសខ្មែរក្រហម ដែលមាន មូលដ្នានក្នុងខេត្តកំពង់ឆ្នាំងនោះ ត្រូវសហព្រះរាជអាជ្ញាតុលាការខ្មែរក្រហម ដែលចូលរួមដោយអ.ស.ប.បានចោទប្រកាន់ថា មានពាក់ព័ន្ធនឹងឧក្រិដ្ឋកម្មយ៉ាងច្រើនក្នុងសម័យខ្មែរក្រហម ចន្លោះឆ្នាំ១៩៧៥ដល់ឆ្នាំ១៩៧៩។
ឯកសារសម្ងាត់របស់សហព្រះរាជអាជ្ញា ឬជាដីការបញ្ជូនរឿងឲ្យស៊ើបសួរនៃសាលាក្តីខ្មែរក្រហមនៃសំណុំរឿង០០៣/០០៤បានចោទប្រកាន់បន្ថែមលើជនសង្ស័យ៥នាក់ ជាអតីតកម្មាភិបាលខ្មែរក្រហមពីបទសង្ស័យថា ទាក់ទងនឹងឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្គ្រាម និងឧក្រិដ្ឋកម្មប្រល័យពូជសាសន៍នៅសម័យខ្មែរក្រហមក្នុងទសវត្សរ៍១៩៧០។
ជនសង្ស័យម្នាក់គឺលោកស៊ូ ម៉េត ជាមេបញ្ជាការកងពល៥០២ និងមេបញ្ជាការទ័ពអាកាសរបស់ខ្មែរក្រហម ត្រូវបានសហព្រះរាជអាជ្ញាចោទប្រកាន់ជាបឋមថា មានជាប់ទាក់ទឹននឹងឧក្រិដ្ឋកម្មប្រឆាំងនឹងមនុស្សជាតិ ឬការបង្ខិតបង្ខំឲ្យធ្វើការហួសកម្លាំង អំពើអមនុស្សធម៌ ចាប់ឃុំខ្លួនខុសច្បាប់ ធ្វើទារុណកម្មសម្លាប់មនុស្សជាច្រើនពាន់នាក់ និងបញ្ជូនមនុស្សទៅកាន់មន្ទីរសន្តិសុខស-២១ជាដើម។ លោកស៊ូ ម៉េតជាជនសង្ស័យក្នុងសំណុំរឿងលេខ០០៣ក្នុងបទឧក្រិដ្ឋរួមជាមួយលោកមាស មុត។ លោកមាស មុតបានបកស្រាយបំភ្លឺអំពីករណីរបស់លោកជាមួយវីអូអេថា លោកពុំមានជាប់ទាក់ទឹននឹងការចោទប្រកាន់របស់សហព្រះរាជអាជ្ញាទេ។
លោកស៊ូ ម៉េតធ្លាប់ជាទីប្រឹក្សាក្រសួងការពារជាតិមានឋានន្តរស័ក្តិជាឧត្តមសេនីយ៍ទោ ក្រោយពេលចូលសមាហរណកម្មដែលគេដឹងថា ចាប់ផ្តើមតាំងពីខែសីហាឆ្នាំ១៩៩៦ដល់ឆ្នាំ១៩៩៩។
នៅក្នុងដីការបញ្ជូនរឿងឲ្យស៊ើបសួរ ដែលជាឯកសារសម្ងាត់របស់តុលាការ សហព្រះរាជអាជ្ញាបានរៀបរាប់ពីប្រវត្តិគ្រប់គ្រងការងារ និងការជាប់ទាក់ទឹនរបស់លោកស៊ូ ម៉េតជាមួយនឹងឧក្រិដ្ឋកម្មនានានៅសម័យខ្មែរក្រហម។
ឯកសារដដែលបានបញ្ជាក់ថា៖ «ក្នុងឋានៈជាមេបញ្ជាការកងពលធំលេខ៥០២ ស៊ូ ម៉េតទទួលខុសត្រូវលើការសម្អាតកងពលឲ្យអស់នូវសមាសភាពដែលមិនល្អដែលជាផ្នែកមួយនៃផែនការបោសសម្អាតដ៏ធំរបស់កងទ័ពបដិវត្តន៍កម្ពុជាទាំងមូល។ គាត់បានរួមចំណែកនៅក្នុងផែនការឧក្រិដ្ឋកម្មរួម តាមរយៈការកំណត់អត្តសញ្ញាណ ការចាប់ និងការផ្ទេរ«ជនក្បត់» ដែលជាប់សង្ស័យ ពីកងពលធំលេខ៥០២ ទៅមន្ទីស-២១។ បុគ្គលិកជាង៨០០នាក់មកពីកងពលធំលេខ៥០២ត្រូវបានបញ្ជូនទៅកាន់ស-២១»។
លោកស៊ូ ម៉េតទាក់ទងជាប្រចាំជាមួយឌុច ប្រធានគុកទួលស្លែងស-២១របស់ខ្មែរក្រហមក្នុងរឿងបញ្ជូនបុគ្គលណាដែលលោកចាត់ទុកថា ក្បត់អង្គការ។
នៅក្នុងវគ្គមួយនៃឯកសារដដែល សហព្រះរាជអាជ្ញាបានសរសេរថា៖ «ស៊ូ ម៉េតបានសរសេរទៅឌុចនៅថ្ងៃទី១ ខែមេសា ឆ្នាំ១៩៧៧ ពន្យល់អំពីមូលហេតុនៃការបញ្ជូនមនុស្សចំនួន៤នាក់ពីកងពលធំលេខ៥០២ទៅមន្ទីរស-២១ ក្នុងរយៈពេល២ថ្ងៃមុននោះ។ មនុស្សទាំង៤នាក់ត្រូវបានឆ្លើយដាក់នៅក្នុងចម្លើយសារភាពរបស់ មិត្តសោមនៃមន្ទីរ៦២ដែលជាការិយាល័យរដ្ឋបាលរបស់អគ្គសេនាធិការ។ ស៊ូ ម៉េតបញ្ចប់សំបុត្រដោយចារថា គាត់កំពុងរង់ចាំយោបល់ពីអង្គការ មុនពេលចាត់វិធានការប្រឆាំងនឹងមនុស្សផ្សេងៗទៀតដែលត្រូវបានរៀបរាប់នៅក្នុងចម្លើយសារភាពរបស់មិត្តសោម»។
សាលាក្តីកាត់ទោសខ្មែរក្រហមមានការមិនចុះសម្រុងគ្នារវាងភាគីកម្ពុជានិងភាគីអន្តរជាតិទាក់ទងនឹងសំណុំរឿង០០៣ និង០០៤ ដែលរដ្ឋាភិបាលកម្ពុជាធ្លាប់បានជំទាស់ដាច់ខាតនេះ។ ការស្លាប់របស់លោកស៊ូ ម៉េតកើតឡើងក្រោយរយៈពេល៣ខែដែលអៀង សារី មេដឹកនាំខ្មែរក្រហមសំខាន់ម្នាក់ បានស្លាប់មុនការកាត់ទោស ដែលគេដឹងថា មានការខឹងសម្បារខ្លះៗពីជនរងគ្រោះដែលចង់បានយុត្តិធម៌និងការណ៍ពិត។
ទោះជារដ្ឋាភិបាលបានប្រកែកជាច្រើនលើក តែសាលាក្តីនេះត្រូវគេចោទប្រកាន់ ថា មានការជ្រៀតជ្រែកនយោបាយពីរដ្ឋាភិបាល ជាពិសេសការរារាំងមិនឲ្យមាន ការបន្តសំណុំរឿង០០៣ និង០០៤ ដែលមានជនសង្ស័យជាអតីតកម្មាភិបាល ខ្មែរក្រហមថ្នាក់កណ្តាល៥នាក់បន្ថែមនោះ៕
លោកស៊ូ ម៉េត ជនសង្ស័យម្នាក់ក្នុងចំណោមពីរនាក់នៃសំណុំរឿង០០៣ ដែល ត្រូវគេរំពឹងថា អាចនឹងចាប់ខ្លួនមកកាត់ទោសដោយតុលាការខ្មែរក្រហមនោះ បានស្លាប់ហើយក្នុងអាយុជាង៧០ឆ្នាំ។ នេះបើតាមការអះអាងរបស់អ្នកភូមិម្នាក់និងប្រភពព័ត៌មានស្និទ្ធនឹងតុលាការ។
អ្នកស្គាល់លោកស៊ូ ម៉េតម្នាក់បានថ្លែងប្រាប់វីអូអេពីខេត្តបាត់ដំបងតាមទូរស័ព្ទ មកថា លោកស៊ូ ម៉េតបានស្លាប់កាលពីថ្ងៃទី១៤ ខែមិថុនាឆ្នាំ២០១៣ ដោយសារជម្ងឺ។
គាត់និយាយថា៖ «គាត់ស្លាប់ពីថ្ងៃ១៤»។
អ្នកស្គាល់ដដែល ដែលពុំផ្តល់អត្តសញ្ញាណ បានបន្តថា៖«គាត់ត្រូវបូជារួចហើយ»។
លោកស៊ូ ម៉េតត្រូវគេដឹងថា មានជំងឺទឹកនោមផ្អែម និងលើសឈាមរ៉ាំរ៉ៃជាច្រើន ឆ្នាំហើយ ហើយគាត់រស់នៅក្នុងភូមិមួយនៅទីរួមខេត្តបាត់ដំបងក្បែរព្រលានយន្ត ហោះខេត្ត។ ប្រភពព័ត៌មានស្និទ្ធនឹងតុលាការខ្មែរក្រហមបានបញ្ជាក់ថា តុលាការបានដឹងពី ព័ត៌មាននេះហើយ តែទុកជាកិច្ចការសម្ងាត់។
លោកឡា អូលសិន អ្នកនាំពាក្យសាលាក្តីខ្មែរក្រហម បានថ្លែងប្រាប់វីអូអេថា លោកពុំមានព័ត៌មានពីការស្លាប់នេះទេ។
លោកស៊ូ ម៉េត ដែលជាអតីតមេបញ្ជាការកងទ័ពអាកាសខ្មែរក្រហម ដែលមាន មូលដ្នានក្នុងខេត្តកំពង់ឆ្នាំងនោះ ត្រូវសហព្រះរាជអាជ្ញាតុលាការខ្មែរក្រហម ដែលចូលរួមដោយអ.ស.ប.បានចោទប្រកាន់ថា មានពាក់ព័ន្ធនឹងឧក្រិដ្ឋកម្មយ៉ាងច្រើនក្នុងសម័យខ្មែរក្រហម ចន្លោះឆ្នាំ១៩៧៥ដល់ឆ្នាំ១៩៧៩។
ឯកសារសម្ងាត់របស់សហព្រះរាជអាជ្ញា ឬជាដីការបញ្ជូនរឿងឲ្យស៊ើបសួរនៃសាលាក្តីខ្មែរក្រហមនៃសំណុំរឿង០០៣/០០៤បានចោទប្រកាន់បន្ថែមលើជនសង្ស័យ៥នាក់ ជាអតីតកម្មាភិបាលខ្មែរក្រហមពីបទសង្ស័យថា ទាក់ទងនឹងឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្គ្រាម និងឧក្រិដ្ឋកម្មប្រល័យពូជសាសន៍នៅសម័យខ្មែរក្រហមក្នុងទសវត្សរ៍១៩៧០។
ជនសង្ស័យម្នាក់គឺលោកស៊ូ ម៉េត ជាមេបញ្ជាការកងពល៥០២ និងមេបញ្ជាការទ័ពអាកាសរបស់ខ្មែរក្រហម ត្រូវបានសហព្រះរាជអាជ្ញាចោទប្រកាន់ជាបឋមថា មានជាប់ទាក់ទឹននឹងឧក្រិដ្ឋកម្មប្រឆាំងនឹងមនុស្សជាតិ ឬការបង្ខិតបង្ខំឲ្យធ្វើការហួសកម្លាំង អំពើអមនុស្សធម៌ ចាប់ឃុំខ្លួនខុសច្បាប់ ធ្វើទារុណកម្មសម្លាប់មនុស្សជាច្រើនពាន់នាក់ និងបញ្ជូនមនុស្សទៅកាន់មន្ទីរសន្តិសុខស-២១ជាដើម។ លោកស៊ូ ម៉េតជាជនសង្ស័យក្នុងសំណុំរឿងលេខ០០៣ក្នុងបទឧក្រិដ្ឋរួមជាមួយលោកមាស មុត។ លោកមាស មុតបានបកស្រាយបំភ្លឺអំពីករណីរបស់លោកជាមួយវីអូអេថា លោកពុំមានជាប់ទាក់ទឹននឹងការចោទប្រកាន់របស់សហព្រះរាជអាជ្ញាទេ។
លោកស៊ូ ម៉េតធ្លាប់ជាទីប្រឹក្សាក្រសួងការពារជាតិមានឋានន្តរស័ក្តិជាឧត្តមសេនីយ៍ទោ ក្រោយពេលចូលសមាហរណកម្មដែលគេដឹងថា ចាប់ផ្តើមតាំងពីខែសីហាឆ្នាំ១៩៩៦ដល់ឆ្នាំ១៩៩៩។
នៅក្នុងដីការបញ្ជូនរឿងឲ្យស៊ើបសួរ ដែលជាឯកសារសម្ងាត់របស់តុលាការ សហព្រះរាជអាជ្ញាបានរៀបរាប់ពីប្រវត្តិគ្រប់គ្រងការងារ និងការជាប់ទាក់ទឹនរបស់លោកស៊ូ ម៉េតជាមួយនឹងឧក្រិដ្ឋកម្មនានានៅសម័យខ្មែរក្រហម។
ឯកសារដដែលបានបញ្ជាក់ថា៖ «ក្នុងឋានៈជាមេបញ្ជាការកងពលធំលេខ៥០២ ស៊ូ ម៉េតទទួលខុសត្រូវលើការសម្អាតកងពលឲ្យអស់នូវសមាសភាពដែលមិនល្អដែលជាផ្នែកមួយនៃផែនការបោសសម្អាតដ៏ធំរបស់កងទ័ពបដិវត្តន៍កម្ពុជាទាំងមូល។ គាត់បានរួមចំណែកនៅក្នុងផែនការឧក្រិដ្ឋកម្មរួម តាមរយៈការកំណត់អត្តសញ្ញាណ ការចាប់ និងការផ្ទេរ«ជនក្បត់» ដែលជាប់សង្ស័យ ពីកងពលធំលេខ៥០២ ទៅមន្ទីស-២១។ បុគ្គលិកជាង៨០០នាក់មកពីកងពលធំលេខ៥០២ត្រូវបានបញ្ជូនទៅកាន់ស-២១»។
លោកស៊ូ ម៉េតទាក់ទងជាប្រចាំជាមួយឌុច ប្រធានគុកទួលស្លែងស-២១របស់ខ្មែរក្រហមក្នុងរឿងបញ្ជូនបុគ្គលណាដែលលោកចាត់ទុកថា ក្បត់អង្គការ។
នៅក្នុងវគ្គមួយនៃឯកសារដដែល សហព្រះរាជអាជ្ញាបានសរសេរថា៖ «ស៊ូ ម៉េតបានសរសេរទៅឌុចនៅថ្ងៃទី១ ខែមេសា ឆ្នាំ១៩៧៧ ពន្យល់អំពីមូលហេតុនៃការបញ្ជូនមនុស្សចំនួន៤នាក់ពីកងពលធំលេខ៥០២ទៅមន្ទីរស-២១ ក្នុងរយៈពេល២ថ្ងៃមុននោះ។ មនុស្សទាំង៤នាក់ត្រូវបានឆ្លើយដាក់នៅក្នុងចម្លើយសារភាពរបស់ មិត្តសោមនៃមន្ទីរ៦២ដែលជាការិយាល័យរដ្ឋបាលរបស់អគ្គសេនាធិការ។ ស៊ូ ម៉េតបញ្ចប់សំបុត្រដោយចារថា គាត់កំពុងរង់ចាំយោបល់ពីអង្គការ មុនពេលចាត់វិធានការប្រឆាំងនឹងមនុស្សផ្សេងៗទៀតដែលត្រូវបានរៀបរាប់នៅក្នុងចម្លើយសារភាពរបស់មិត្តសោម»។
សាលាក្តីកាត់ទោសខ្មែរក្រហមមានការមិនចុះសម្រុងគ្នារវាងភាគីកម្ពុជានិងភាគីអន្តរជាតិទាក់ទងនឹងសំណុំរឿង០០៣ និង០០៤ ដែលរដ្ឋាភិបាលកម្ពុជាធ្លាប់បានជំទាស់ដាច់ខាតនេះ។ ការស្លាប់របស់លោកស៊ូ ម៉េតកើតឡើងក្រោយរយៈពេល៣ខែដែលអៀង សារី មេដឹកនាំខ្មែរក្រហមសំខាន់ម្នាក់ បានស្លាប់មុនការកាត់ទោស ដែលគេដឹងថា មានការខឹងសម្បារខ្លះៗពីជនរងគ្រោះដែលចង់បានយុត្តិធម៌និងការណ៍ពិត។
ទោះជារដ្ឋាភិបាលបានប្រកែកជាច្រើនលើក តែសាលាក្តីនេះត្រូវគេចោទប្រកាន់ ថា មានការជ្រៀតជ្រែកនយោបាយពីរដ្ឋាភិបាល ជាពិសេសការរារាំងមិនឲ្យមាន ការបន្តសំណុំរឿង០០៣ និង០០៤ ដែលមានជនសង្ស័យជាអតីតកម្មាភិបាល ខ្មែរក្រហមថ្នាក់កណ្តាល៥នាក់បន្ថែមនោះ៕
