ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

យាន​អវកាស​អឺរុប​ទៅ​ដល់​ផ្កាយ​ដុះ​កន្ទុយ​ដំបូង​គេ​ក្នុង​​ប្រវត្តិសាស្ត្រ


រូប​ក្រាហ្វិក​ផ្តល់​ឲ្យ​ដោយ​ទី​ភ្នាក់ងារ​អវកាស​អឺរ៉ុប (ESA) នេះ​​បង្ហាញ​ពី​រូប​សេណារីយ៉ោ​ (ទៅអនាគត) មួយ​ដែល​យាន​ផ្កាយ​រណប Rosetta បញ្ចេញ​យាន​ចុះចត Philae ឲ្យ​ចុះចត​លើ​ផ្កាយ​ដុះ​កន្ទុយ ​67P/Churyumov–Gerasimenko នៅ​ខែ​វិច្ឆិកា​ខាង​មុខ។
រូប​ក្រាហ្វិក​ផ្តល់​ឲ្យ​ដោយ​ទី​ភ្នាក់ងារ​អវកាស​អឺរ៉ុប (ESA) នេះ​​បង្ហាញ​ពី​រូប​សេណារីយ៉ោ​ (ទៅអនាគត) មួយ​ដែល​យាន​ផ្កាយ​រណប Rosetta បញ្ចេញ​យាន​ចុះចត Philae ឲ្យ​ចុះចត​លើ​ផ្កាយ​ដុះ​កន្ទុយ ​67P/Churyumov–Gerasimenko នៅ​ខែ​វិច្ឆិកា​ខាង​មុខ។

នៅ​ថ្ងៃ​ពុធ​នេះ យាន​អវកាស​អឺរ៉ុប​មួយ​បាន​ឈ្នះ​និង​បញ្ចប់​ការ​ប្រកួត​ប្រជែង​ខាង​អវកាស​រយៈ​ពេល​មួយ​ទសវត្សរ៍​ឆ្លង​កាត់​ប្រព័ន្ធ​ព្រះអាទិត្យ​ ដើម្បី​ក្លាយ​ជា​យាន​អវកាស​ទី​មួយ​ដែល​បាន​ទៅ​ដល់​ផ្កាយ​ដុះ​កន្ទុយ។

យាន​អវកាស​ រ៉ូសេតតា (Rosetta) នៃ​ទីភ្នាក់ងារ​អវកាស​អឺរ៉ុបបាន​ហោះ​ចូល​ដល់​ក្នុង​ដែន​គន្លង​តារាវិថី​ (orbit) ប្រមាណ​១០០​គីឡូម៉ែត្រ​ពី​លើ​ផ្ទៃ​នៃ​ដុំ​ផ្កាយ​ដុះ​កន្ទុយ​ Comet 67 P ឬ ជូរីម៉ូវ ជឺរ៉ាស៊ីមែនកូ (Churymov-Gerasimenko) ចម្ងាយ​ប្រមាណ​៤០០​លាន​គីឡូម៉ែត្រ​ពី​ផែនដី។

ប្រសិន​បើ​ការ​ជួប​នោះ​បាន​ជោគជ័យ​ យាន​អវកាស​ រ៉ូសេតតា​ ដែល​មាន​តម្លៃ​១.៧០០​លាន​ដុល្លារ​នឹង​ក្លាយ​ជា​យាន​អវកាស​ទី១​ដែល​ជួប​ជាមួយ​ផ្កាយ​ដុះ​កន្ទុយ។

យាន Rosetta នឹង​ហោះ​ក្រឡឹង​ជុំវិញ​ផ្កាយ​ដុះ​កន្ទុយ​ Comet 67 P រយៈ​ពេល​មួយ​ឆ្នាំ​ ខណៈ​ដែល​ផ្កាយដុះ​កន្ទុយ​នេះ​ធ្វើ​ដំណើរ​សំដៅ​ទៅ​ព្រះអាទិត្យ។ ដំណាក់កាល​សំខាន់​នៃ​បេសកកម្ម​អវកាស​នេះ​នឹង​មាន​នៅ​ខែ​វិច្ឆិកា​ខាង​មុខ នៅ​ពេល​ដែល​យាន​ Rosetta នឹង​បញ្ចេញ​យាន​តូច​មួយ​ទៀត​ឲ្យ​ទៅ​ចុះ​ចត​លើ​ផ្កាយ​ដុះ​កន្ទុយ Comet 67 P ដែល​ជា​យាន​ចុះចត​លើ​ផ្កាយ​ដុះ​កន្ទុយ​ដំបូង​បំផុត​ក្នុង​ប្រវត្តិសាស្ត្រ៕

ភព​ Kepler អាច​មាន​ជីវិតដូច​នៅ​ភព​ផែនដី?

ទាញ​យក​ពី​តំណភ្ជាប់​ដើម

អាថ៌កំបាំង​នៃ​«រន្ធខ្មៅ»​របស់​ចក្រវាឡ​

ទាញ​យក​ពី​តំណភ្ជាប់​ដើម

ទំព័រ​កម្មវិធី​វីអូអេ​វិទ្យាសាស្ត្រ៖ www.khmer.voanews.com/voascience

XS
SM
MD
LG