ភ្នំពេញ —
យ៉ាងហោចណាស់មានប្រជាពលរដ្ឋ៦នាក់បានរងរបួសធ្ងន់ និងស្រាល និងប្រជាពលរដ្ឋម្នាក់ទៀតត្រូវបានចាប់ខ្លួននៅក្នុងការបំបែកការជួបជុំគ្នារបស់ប្រជាពលរដ្ឋអ្នកគាំទ្រសមាគមនអ្នកប្រជាធិបតេយ្យរបស់លោកម៉ម សូណង់ដូ នៅថ្ងៃច័ន្ទទី៣១ ខែមិនានេះក្នុងទីក្រុងភ្នំពេញ។
អ្នកគាំទ្រសមាគមនអ្នកប្រជាធិបតេយ្យរបស់លោកម៉ម សូណង់ដូសរុបប្រហែលជាង១០០នាក់បានប្រមូលផ្តុំគ្នាកាលពីព្រឹកមិញនេះនៅបរិវេណសួនច្បារក្បែរស្ពាននាគ ជិតវត្តភ្នំ ដើម្បីតវ៉ាទាមទារឲ្យក្រសួងព័ត៌មានកម្ពុជាផ្តល់ហ្វេ្រកង់ទូរទស្សន៍ និងដំឡើងកម្លាំងផ្សាយវិទ្យុនៅតាមបណ្តាខេត្តសម្រាប់វិទ្យុសម្បុកឃ្មុំ។
ក្រុមអ្នកតវ៉ាបានប៉ុនប៉ងចូលធ្វើការតវ៉ានៅក្នុងទីលានប្រជាធិបតេយ្យដែលកាន់កាប់ដោយកងកម្លាំងប្រដាប់អាវុធរបស់រដ្ឋាភិបាល ប៉ុន្តែនៅពេលនោះកងកម្លាំងសន្តិសុខខណ្ឌ័ដូនពេញដែលពាក់មួកឃ្លុបបិទមុខជិត និងប្រដាប់ដោយដំបង បានព្យាយាមបំបែកក្រុមអ្នកតវ៉ាទាំងនេះនិងបានវាយសំពងពួកគេ។
យោងតាមក្រុមមន្ត្រីសិទ្ធិមនុស្សឲ្យដឹងថា ក្នុងចំណោមប្រជាពលរដ្ឋ រងរបួសមានអ្នកបែកក្បាល ត្រូវភ្នែកនិងត្រូវដៃ និងជើងជាដើម។
ភ្លាមៗក្រោយការបង្ក្រាបនេះ លោកម៉ម សូណង់ដូ ប្រធានវិទ្យុសម្បុកឃ្មុំ និងជាប្រធានសមាគមអ្នកប្រជាធិបតេយ្យបានថ្លែងប្រាក់អ្នកកាសែតថា ទង្វើរបស់អាជ្ញាធរជាការរំលោភច្បាប់ និងសិទ្ធិសេរីភាពបញ្ចេញមតិរបស់ប្រជាពលរដ្ឋ។
«ភាគច្រើនអត់ចេះច្បាប់ ហើយមេគាត់បញ្ជាដោយខុសច្បាប់។ យើងក្រោកឈរទាមទារសិទ្ធិសេរីភាព។ យើងនឹងបន្តទៀត នៅពេលណាយើងជួបជុំម្តងទៀត យើងនឹងធ្វើម្តងទៀត»។
ក្រោយបទសម្ភាសន៍ លោកម៉ម សូណង់ដូក៏បានប្រកាស់រំសាយការជួបជុំនៅម៉ោងជាង១០ព្រឹក។ ក៏ប៉ុន្តែលោកថា លោកនឹងនៅបន្តធ្វើការទាមទាររបស់លោកដដែល។
លោក អំ សំអាត ប្រធានការិយាល័យស៊ើបអង្កេតផ្នែកសិទ្ធិមនុស្សនៃអង្គការការពារសិទ្ធិមនុស្សលីកាដូបានហៅការវាយបង្ក្រាបរបស់កងសន្តិសុខសាលាខណ្ឌដូនពេញលើប្រជាពលរដ្ឋនេះថា ជាការរំលោភសិទ្ធិមនុស្សយ៉ាងធ្ងន់ធ្ងរ។
«សិទ្ធិក្នុងការជួបជុំ ការប្រមូលផ្តុំធ្វើការបញ្ចេញមតិ និងការធ្វើបាតុកម្មនៅទីសាធារណៈត្រូវបានហាមប្រាម។ សិទ្ធិទាំងអស់នេះជាមូលដ្ឋាននៃលទ្ធិប្រជាធិបតេយ្យ។ អញ្ចឹងបានន័យថា ប្រទេសកម្ពុជាយើងកំពុងដើរថយក្រោយ»។
អ្នកស្រីទេស យាន អាយុ៦០ឆ្នាំជាប្រជាពលរដ្ឋមកពីសង្កាត់ឫស្សីកែវរាជធានីភ្នំពេញរៀបរាប់សកម្មភាពបង្ក្រាបរបស់កងសន្តិសុខ។
«ហ្នឹងហើយ មានក្រុមប៉ូលិសពាក់ខែលនៅពីក្រោយចាំការពារពួកអាសន្តិសុខសួនច្បារហ្នឹង បានជាពួកហ្នឹងវាហ៊ានធ្វើ។ ប៉ូលិសហ្នឹងមិនមែនមកជួយការពារប្រជាពលរដ្ឋទេ។ វាជួយអាកងសន្តិសុខ ក្លាចថា ប្រជាពលរដ្ឋធ្វើបាបវា»។
នៅថ្ងៃនេះដែរ គណបក្សសង្គ្រោះជាតិ ដែលជាគណបក្សជំទាស់ដ៏ធំនៅប្រទេសកម្ពុជា បានថ្កោលទោសអំពើហិង្សាខាងលើ និងបានស្នើឲ្យក្រុមអាជ្ញាធរបញ្ឈប់អំពើហិង្សានេះជាបន្ទាន់។
ទោះបីជាយ៉ាងនេះក្តី លោកឡុង ឌីម៉ង់ អ្នកពាក្យនៃសាលារាជធានីភ្នំពេញចាត់ទុកថា ការជួបជុំរបស់លោកម៉ម សូណង់ដូ និងអ្នកគាំទ្រជាការសកម្មភាពខុសច្បាប់ ហើយអាជ្ញាធរមានសិទ្ធិក្នុងការចុះអនុវត្តច្បាប់ដើម្បីរក្សាសន្តិសុខសណ្តាប់សង្គម។
«យើងទៅធ្វើសណ្តាប់ធ្នាប់សាធារណៈ ការជួបជុំ ឬទង្វើអ្វីដែលវាខុសច្បាប់»។
គួររំឭកផងដែរថា កងកម្លាំងសន្តិសុខសាលាខណ្ឌដូនពេញនិងប៉ូលិសធ្លាប់បានធ្វើការវាយបង្ក្រាបយ៉ាងចាស់ដៃលើការជួបជុំរបស់លោកម៉ម សូណង់ដូនិងអ្នកគាំទ្រនៅលើកំណាត់ផ្លូវមុខក្រសួងព័ត៌មានម្តងរួចទៅហើយកាលពីខែមករាដើមឆ្នាំ២០១៤។
ដោយឡែកនៅរសៀលថ្ងៃដដែល អាជ្ញាធរបានសម្រេចដោះលែងឲ្យប្រជាពលរដ្ឋដែលត្រូវបានចាប់ខ្លួននោះឲ្យមានសេរីភាពវិញ ក្រោយពីផ្តល់ការអប់រំមួយចំនួន៕
អ្នកគាំទ្រសមាគមនអ្នកប្រជាធិបតេយ្យរបស់លោកម៉ម សូណង់ដូសរុបប្រហែលជាង១០០នាក់បានប្រមូលផ្តុំគ្នាកាលពីព្រឹកមិញនេះនៅបរិវេណសួនច្បារក្បែរស្ពាននាគ ជិតវត្តភ្នំ ដើម្បីតវ៉ាទាមទារឲ្យក្រសួងព័ត៌មានកម្ពុជាផ្តល់ហ្វេ្រកង់ទូរទស្សន៍ និងដំឡើងកម្លាំងផ្សាយវិទ្យុនៅតាមបណ្តាខេត្តសម្រាប់វិទ្យុសម្បុកឃ្មុំ។
ក្រុមអ្នកតវ៉ាបានប៉ុនប៉ងចូលធ្វើការតវ៉ានៅក្នុងទីលានប្រជាធិបតេយ្យដែលកាន់កាប់ដោយកងកម្លាំងប្រដាប់អាវុធរបស់រដ្ឋាភិបាល ប៉ុន្តែនៅពេលនោះកងកម្លាំងសន្តិសុខខណ្ឌ័ដូនពេញដែលពាក់មួកឃ្លុបបិទមុខជិត និងប្រដាប់ដោយដំបង បានព្យាយាមបំបែកក្រុមអ្នកតវ៉ាទាំងនេះនិងបានវាយសំពងពួកគេ។
យោងតាមក្រុមមន្ត្រីសិទ្ធិមនុស្សឲ្យដឹងថា ក្នុងចំណោមប្រជាពលរដ្ឋ រងរបួសមានអ្នកបែកក្បាល ត្រូវភ្នែកនិងត្រូវដៃ និងជើងជាដើម។
ភ្លាមៗក្រោយការបង្ក្រាបនេះ លោកម៉ម សូណង់ដូ ប្រធានវិទ្យុសម្បុកឃ្មុំ និងជាប្រធានសមាគមអ្នកប្រជាធិបតេយ្យបានថ្លែងប្រាក់អ្នកកាសែតថា ទង្វើរបស់អាជ្ញាធរជាការរំលោភច្បាប់ និងសិទ្ធិសេរីភាពបញ្ចេញមតិរបស់ប្រជាពលរដ្ឋ។
«ភាគច្រើនអត់ចេះច្បាប់ ហើយមេគាត់បញ្ជាដោយខុសច្បាប់។ យើងក្រោកឈរទាមទារសិទ្ធិសេរីភាព។ យើងនឹងបន្តទៀត នៅពេលណាយើងជួបជុំម្តងទៀត យើងនឹងធ្វើម្តងទៀត»។
ក្រោយបទសម្ភាសន៍ លោកម៉ម សូណង់ដូក៏បានប្រកាស់រំសាយការជួបជុំនៅម៉ោងជាង១០ព្រឹក។ ក៏ប៉ុន្តែលោកថា លោកនឹងនៅបន្តធ្វើការទាមទាររបស់លោកដដែល។
លោក អំ សំអាត ប្រធានការិយាល័យស៊ើបអង្កេតផ្នែកសិទ្ធិមនុស្សនៃអង្គការការពារសិទ្ធិមនុស្សលីកាដូបានហៅការវាយបង្ក្រាបរបស់កងសន្តិសុខសាលាខណ្ឌដូនពេញលើប្រជាពលរដ្ឋនេះថា ជាការរំលោភសិទ្ធិមនុស្សយ៉ាងធ្ងន់ធ្ងរ។
«សិទ្ធិក្នុងការជួបជុំ ការប្រមូលផ្តុំធ្វើការបញ្ចេញមតិ និងការធ្វើបាតុកម្មនៅទីសាធារណៈត្រូវបានហាមប្រាម។ សិទ្ធិទាំងអស់នេះជាមូលដ្ឋាននៃលទ្ធិប្រជាធិបតេយ្យ។ អញ្ចឹងបានន័យថា ប្រទេសកម្ពុជាយើងកំពុងដើរថយក្រោយ»។
អ្នកស្រីទេស យាន អាយុ៦០ឆ្នាំជាប្រជាពលរដ្ឋមកពីសង្កាត់ឫស្សីកែវរាជធានីភ្នំពេញរៀបរាប់សកម្មភាពបង្ក្រាបរបស់កងសន្តិសុខ។
«ហ្នឹងហើយ មានក្រុមប៉ូលិសពាក់ខែលនៅពីក្រោយចាំការពារពួកអាសន្តិសុខសួនច្បារហ្នឹង បានជាពួកហ្នឹងវាហ៊ានធ្វើ។ ប៉ូលិសហ្នឹងមិនមែនមកជួយការពារប្រជាពលរដ្ឋទេ។ វាជួយអាកងសន្តិសុខ ក្លាចថា ប្រជាពលរដ្ឋធ្វើបាបវា»។
នៅថ្ងៃនេះដែរ គណបក្សសង្គ្រោះជាតិ ដែលជាគណបក្សជំទាស់ដ៏ធំនៅប្រទេសកម្ពុជា បានថ្កោលទោសអំពើហិង្សាខាងលើ និងបានស្នើឲ្យក្រុមអាជ្ញាធរបញ្ឈប់អំពើហិង្សានេះជាបន្ទាន់។
ទោះបីជាយ៉ាងនេះក្តី លោកឡុង ឌីម៉ង់ អ្នកពាក្យនៃសាលារាជធានីភ្នំពេញចាត់ទុកថា ការជួបជុំរបស់លោកម៉ម សូណង់ដូ និងអ្នកគាំទ្រជាការសកម្មភាពខុសច្បាប់ ហើយអាជ្ញាធរមានសិទ្ធិក្នុងការចុះអនុវត្តច្បាប់ដើម្បីរក្សាសន្តិសុខសណ្តាប់សង្គម។
«យើងទៅធ្វើសណ្តាប់ធ្នាប់សាធារណៈ ការជួបជុំ ឬទង្វើអ្វីដែលវាខុសច្បាប់»។
គួររំឭកផងដែរថា កងកម្លាំងសន្តិសុខសាលាខណ្ឌដូនពេញនិងប៉ូលិសធ្លាប់បានធ្វើការវាយបង្ក្រាបយ៉ាងចាស់ដៃលើការជួបជុំរបស់លោកម៉ម សូណង់ដូនិងអ្នកគាំទ្រនៅលើកំណាត់ផ្លូវមុខក្រសួងព័ត៌មានម្តងរួចទៅហើយកាលពីខែមករាដើមឆ្នាំ២០១៤។
ដោយឡែកនៅរសៀលថ្ងៃដដែល អាជ្ញាធរបានសម្រេចដោះលែងឲ្យប្រជាពលរដ្ឋដែលត្រូវបានចាប់ខ្លួននោះឲ្យមានសេរីភាពវិញ ក្រោយពីផ្តល់ការអប់រំមួយចំនួន៕
