លោក Greg Barron អតីតអ្នកសារព័ត៌មាន និងផលិតករវិទ្យុដ៏វ័យក្មេងម្នាក់នៃស្ថានីយ៍វិទ្យុជាតិ Minnesota Public Radio បានឆ្លងកាត់បទពិសោធន៍មួយ ដែលលោកមិនអាចបំភ្លេចបាននៅជំរុំជនភៀសខ្លួនខ្មែរនៅប្រទេសថៃ កាលពីខែវិច្ឆិកា ឆ្នាំ១៩៧៩។ លោក Barron បានធ្វើដំណើរទៅកាន់ព្រំដែនប្រទេសថៃ និងកម្ពុជា ដើម្បីរាយការណ៍អំពីស្ថានភាពដ៏លំបាករបស់ជនភៀសខ្លួនខ្មែរនៅទីនោះ ហើយបានផលិតកម្មវិធីវិទ្យុមួយឈ្មោះ “Trampled Grass” ស្តីអំពីជនភៀសខ្លួនខ្មែរ និងអំពីរបបប្រល័យពូជសាសន៍ខ្មែរក្រហម ឲ្យស្ថានីយ៍វិទ្យុ Minnesota Public Radio។ បើទោះបីជាជិត៤០ឆ្នាំបានកន្លងផុតទៅក្តី លោក Barron បានចាប់ផ្តើមកកាយអតីតកាលនេះឡើងវិញ ដោយបានផលិតជាកម្រងឯកសារផ្សាយតាមវិទ្យុមួយឈ្មោះ “Follow the Moon” ក្រោយពីពេលដែលលោកបានជួប និងសម្ភាសន៍អ្នករស់រានមានជីវិតបីនាក់ពីរបបប្រល័យពូជសាសន៍ខ្មែរក្រហមនៅរដ្ឋ Minnesota ដែលបានរត់ភៀសខ្លួនមករស់នៅសហរដ្ឋអាមេរិក។ កម្រងឯកសារផ្សាយតាមវិទ្យុ Follow the Moon នឹងចាក់ផ្សាយតាមវិទ្យុ Minnesota Public Radio និង American Public Media នៅថ្ងៃទី១៧ ខែមេសាខាងមុខនេះ ហើយនឹងផ្សាយផ្ទាល់តាមគេហទំព័ររបស់លោក Barron ដែលមានអស័យដ្ឋាន (www.sounddawg.net)៕
កម្រងរូបភាព៖ អ្នកសារព័ត៌មានអាមេរិកម្នាក់រំឭកអតីតកាលនៃជនភៀសខ្លួនខ្មែរនៅជំរុំព្រំដែនខ្មែរថៃ
១
គ្រួសារជនភៀសខ្លួនខ្មែរមួយជ្រកនៅក្រោមតង់ នៅជំរុំមួយកន្លែងនៅខេត្តសាកែវ ប្រទេសថៃ កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
២
រថយន្តដឹកស្បៀងអាហារមួយបានមកដល់ជំរុំជនភៀសខ្លួនខ្មែរមួយកន្លែងនៅក្នុងប្រទេសថៃ កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
៣
លោក Greg Barron អ្នកយកសារព័ត៌មានវ័យក្មេងម្នាក់ កំពុងធ្វើសេចក្តីរាយការណ៍នៅជំរុំម៉ាក់ម៉ុន (Mak Mun) កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
៤
អ្នកស្ម័គ្រចិត្តជួយសង្គ្រោះជនភៀសខ្លួនកំពុងពិនិត្យសុខភាពទារកដ៏ស្គមស្គាំង នៅជំរុំណុង សាម៉ែត (Nong Samet) នៅប្រទេសថៃ កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
៥
ជនភៀសខ្លួនខ្មែរនៅជំរុំសាកែវ ប្រទេសថៃ កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
៦
ទាហានក្រុមបះបោរខ្មែរសេរី នៅជំរុំខ្មែរនៅក្នុងប្រទេសកម្ពុជា កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
៧
មេដឹកនាំក្រុមបះបោរខ្មែរសេរី នៅជំរុំខ្មែរនៅក្នុងប្រទេសកម្ពុជា កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
៨
មេដឹកនាំក្រុមបះបោរខ្មែរសេរី នៅជំរុំខ្មែរនៅក្នុងប្រទេសកម្ពុជា កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
៩
មេដឹកនាំក្រុមបះបោរខ្មែរសេរី នៅជំរុំខ្មែរនៅក្នុងប្រទេសកម្ពុជា កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
១០
លោក Greg Barron ចុះយកព័ត៌មាននៅជំរុំជនភៀសខ្លួនខ្មែរនៅខេត្តសាកែវ ប្រទេសថៃ កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
១១
លោក Greg Barron ផ្តល់ឈាមនៅជំរុំជនភៀសខ្លួនខ្មែរនៅប្រទេសថៃ កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
១២
លោក Greg Barron ថតរូបនៅតំបន់ព្រំដែនកម្ពុជាខ្មែរ និងថៃ កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)
១៣
លោក Greg Barron និងក្រុមការងារនៃវិទ្យុ Minnesota Public Radio គឺលោក Craig និងលោក Mike និងអ្នកនាំភ្ញៀវខ្មែរម្នាក់នៅជំរុំជនភៀសខ្លួនខ្មែរ នៅប្រទេសថៃ កាលពីខែវិច្ឆិកា ឆ្នាំ១៩៧៩។ (រូបថតផ្តល់ឲ្យដោយ Greg Barron)