ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អង្គការ​ WHO៖ មនុស្ស​គ្រប់​រូប មិនថា​​អ្នក​មាន​ ឬ​អ្នក​ក្រ​ សុទ្ធតែមាន​សិទ្ធិ​ទទួល​បាន​សេវា​សុខាភិបាល​​ល្អ​មួយ


일본 도쿄의 초등학교에서 열린 행사에서 학생들이 2020 도쿄 올림픽 대회 마스코트 로봇인 '미라이토와'와 기념촬영을 하고 있다.
일본 도쿄의 초등학교에서 열린 행사에서 학생들이 2020 도쿄 올림픽 대회 마스코트 로봇인 '미라이토와'와 기념촬영을 하고 있다.

អគ្គនាយិកា​អង្គការ​សុខភាព​ពិភពលោក​លោកស្រី​ Margaret Chan បាន​ព្រមាន​​ថា​ គ្រប់​ប្រជាជាតិ​ត្រូវ​តែប្រុង​ប្រយ័ត្នពី​ការ​គំរាម​កំហែង​ជាច្រើន​ទៅ​លើ​សុខភាព ​និង​ការកើតឡើងនៃជំងឺ​ថ្មីៗ។ លោកស្រី​អំពាវនាវ​ដល់​គ្រប់​ប្រទេស​ទាំង​អស់​ឲ្យ​ឃ្លាំ​មើល​យ៉ាង​យក​ចិត្ត​ទុកដាក់​ចំពោះជំងឺ​ផ្តាសាយ​បក្សី​ និង​ករណីផ្សេង​ទៀត​ទាក់​ទង​នឹង​មនុស្ស។​​

អគ្គនាយិកា​អង្គការ​សុខភាព​ពិភពលោក (WHO)​ លោកស្រី​ Margaret Chan កំពុង​អំពាវនាវ​ឲ្យ​មាន​សមភាព​ប្រសើរ​ជាង​មុន​ក្នុង​ការ​ផ្តល់​សេវា​ថែទាំ​សុខភាព​សម្រាប់អ្នក​មាន​និង​អ្នក​ក្រ។ អគ្គនាយិកា​អង្គការ​ WHO រូប​នេះ​ជំរុញ​ឲ្យ​ប្រតិភូ​ទាំងឡាយ ដែល​បាន​ចូល​រួម​ក្នុង​កិច្ចប្រជុំ​ប្រចាំ​ឆ្នាំ​របស់​ក្រុមប្រឹក្សា​ភិបាល​ប្រតិបត្តិ​ ខំប្រឹង​ប្រែង​លុប​បំបាត់​គម្លាត​នៃការទទួល​បានសេវា​ថែ​ទាំ​សុខភាព​រវាង​អ្នក​មាន និង​អ្នកក្រ។​ ​

ឆ្នាំ​នេះ​ជា​ឆ្នាំ​ចុងក្រោយនៃអាណត្តិ​របស់​លោកស្រី​អគ្គនាយិកា​ Margaret Chan។ ប្រមុខ​ដឹក​នាំ​ថ្មី​របស់​អង្គការ​សុខភាព​ពិភពលោក​នឹង​ត្រូវ​ជ្រើស​តាំង​នៅ​មហា​សន្និបាត​សុខភាព​ពិភពលោក​ក្នុង​ខែ​ឧសភា​ខាង​មុខនេះ។ ទោះជាយ៉ាងណាក៏ដោយ ក៏​លោកស្រី​បាន​សង្កត់​ធ្ងន់​ទៅ​លើ​សមិទ្ធផល​ផ្សេងៗ​ជា​ច្រើន​ ដែល​បាន​សម្រេចបាន​ក្រោម​ការ​ឃ្លាំ​មើល​របស់​លោកស្រី​ ហើយ​លោកស្រី​ក៏​មិន​ខ្លាច​ក្នុង​ការ​ចង្អុល​បង្ហាញ​ពី​កង្វះ​ខាត​ផ្សេងៗ​ទៀត​ផង​ដែរ។​

លោកស្រី​និយាយ​ថា ​វិសមភាពនៃ​សេវា​ថែ​ទាំ​សុខភាព​ជា​ញឹកញយ​ត្រូវ​បាន​ធ្វើ​ឲ្យ​កាន់​តែ​ធ្ងន់​ធ្ងរ​ទៅៗ​ គឺ​ដោយ​សារ​តែថ្នាំ​ព្យាបាល​មានតម្លៃ​ខ្ពស់​។ ប៉ុន្តែលោកស្រី​ក៏​បាន​កត់​សម្គាល់​ថា​ គំនិត​ផ្តួច​ផ្តើម​របស់​អង្គការ​ WHO បាន​ធ្វើឲ្យ​តម្លៃ​ថ្នាំ​វ៉ាក់ស៊ាំង និង​តម្លៃថ្នាំ​ព្យាបាល​ផ្សេងៗ​ទៀត​មានការធ្លាក់ចុះ។

អគ្គនាយិកា​អង្គការ​សុខភាព​ពិភពលោក (WHO)​ លោកស្រី​ Margaret Chan កំពុង​អំពាវនាវ​ឲ្យ​មាន​សមភាព​ប្រសើរ​ជាង​មុន​ក្នុង​ការ​ផ្តល់​សេវា​ថែទាំ​សុខភាព​សម្រាប់អ្នក​មាន​និង​អ្នក​ក្រ។
អគ្គនាយិកា​អង្គការ​សុខភាព​ពិភពលោក (WHO)​ លោកស្រី​ Margaret Chan កំពុង​អំពាវនាវ​ឲ្យ​មាន​សមភាព​ប្រសើរ​ជាង​មុន​ក្នុង​ការ​ផ្តល់​សេវា​ថែទាំ​សុខភាព​សម្រាប់អ្នក​មាន​និង​អ្នក​ក្រ។

លោក​ស្រី​និយាយ​ថា​ ការ​កាត់​បន្ថយ​តម្លៃ​ថ្នាំ​វ៉ាក់ស៊ាំង​សម្រាប់​ជំងឺ​រលាក​ថ្លើម​រ៉ាំរ៉ៃ​ប្រភេទ​សេ ឥឡូវ​នេះ​បាន​ធ្វើ​ឲ្យ​អ្នកជំងឺជាង​១លាន​នាក់​នៅ​ប្រទេស​កំពុង​អភិវឌ្ឍ​ដែល​មានផ្ទុក​ជំងឺ​នេះ ​អាចទទួល​បាន​ការ​ព្យាបាល​សង្គ្រោះ​ជីវិត។

លោកស្រី ​Chan និយាយ​ថា ​សកម្ម​ភាព​វិជ្ជមាន​នានា ដែលធ្វើ​ឡើង​ដោយ​អង្គការ WHO រួមមានការ​បញ្ចប់​ការ​រាតត្បាត​នៃ​ជំងឺ​គ្រុន​លឿង​ក្នុង​ប្រទេស​អង់ហ្គោឡា​ និង​សាធារណរដ្ឋ​ប្រជាធិបតេយ្យ​កុងហ្គោ​កាល​ពី​ខែ​កញ្ញា។​ អ្នក​ស្រី​បន្ត​ថា​ ការ​ចាក់​ថ្នាំ​បង្ការ​ជំងឺ​កញ្រ្ជិលក្នុង​រយៈពេល​១៥ ឆ្នាំ​កន្លងមក ​បាន​សង្រ្គោះ​ជីវិត​កុមារ​ប្រមាណ​២០លាន​នាក់ ​និង​កំពុង​ដំណើរ​ការ​បន្ត ​ដើម្បី​ទប់​ទល់​នឹង​មេរោគHIV​ ជំងឺ​របេង​ និង​ជំងឺ​គ្រុន​ចាញ់។​

«សមិទ្ធផល​ដែល​នាំ​ឲ្យ​មាន​ភាព​លេចធ្លោគួរ​ឲ្យ​សោមនស្សបំផុត​ គឺ​នៅ​ចុង​ឆ្នាំ​មុន​នេះ អង្គការ WHO បាន​ចេញ​ផ្សាយពី​លទ្ធផល​សាកល្បង​ចុងក្រោយ​ បង្ហាញ​ពី​ថ្នាំវ៉ាក់សាំង​ការពារ​ជំងឺ Ebola ថ្មី​ ដែល​អាច​ផ្តល់​ការការ​ពារ​បានស្ទើរ​តែ​១០០​ភាគរយ។ យើង​មិន​អាច​កម្ចាត់​ជំងឺ​ដែល​កំពុង​រីក​រាល​ដាល​ឡើង​វិញ​នេះ​បានទេ ប៉ុន្តែនៅ​ពេល​ដែល​មាន​ការ​រីករាលដាល​នៃ​ជំងឺ​នេះឡើងវិញ​ម្តង​ទៀត​ នោះយើង​នឹង​មិន​តបត​ដោយ​ដៃ​ទទេ​នោះ​ឡើយ»។​

ទោះ​ជា​យ៉ាង​ណា​ក៏​ដោយ លោក​ស្រី​ Chan បាន​ព្រមានថា​ គ្រប់​ប្រជាជាតិ​ត្រូវ​តែប្រុង​ប្រយ័ត្នពី​ការ​គំរាម​កំហែង​ជាច្រើន​ទៅ​លើ​សុខភាព ​និង​ការកើតឡើងនៃជំងឺ​ថ្មីៗ។ លោកស្រី​អំពាវនាវ​ដល់​គ្រប់​ប្រទេស​ទាំង​អស់​ឲ្យ​ឃ្លាំ​មើល​យ៉ាង​យក​ចិត្ត​ទុកដាក់​ចំពោះជំងឺ​ផ្តាសាយ​បក្សី​ និង​ករណីផ្សេង​ទៀត​ទាក់​ទង​នឹង​មនុស្ស។

លោកស្រី​បានថ្លែងបន្ត​ថា​ ពិភពលោក​គួរ​តែ​ត្រៀម​ខ្លួន​ជាស្រេច ដើម្បី​ទប់ទល់​នឹង​ការរាតត្បាត​ជំងឺ​ផ្តាសាយ​បក្សី ហើយ​អ្នកស្រី​ថា​ប្រជាជាតិ​ទាំងអស់​ត្រូវ​តែ​មាន​ការ​ប្រុង​ប្រយ័ត្ន​ខ្ពស់​ចំពោះ​ការ​រីករាលដាល​ភ្លាមៗ​របស់​ជំងឺ​ដ៏​សាហាវ​មួយនេះ។

លោកស្រី​ Chan និយាយ​ថា ​ការ​រាលដាល​នៃថ្នាំ​ជក់​ក្នុង​សាកល​លោក​កំពុង​សម្លាប់​មនុស្ស​ចំនួន ៦លាន​នាក់រៀង​រាល់​ឆ្នាំ​ ប៉ុន្តែ​វិធានការ​ដែល​ចំណាយ​ប្រាក់​តិច និង​មាន​ប្រសិទ្ធភាព​ដូច​ជា​ការ​តម្លើង​ពន្ធ​បារី​ អាច​គ្រប់​គ្រង​ និង​បង្ការ​ការ​រាល​ដាល​នេះ​បាន៕

ប្រែសម្រួល​ដោយ ទុំ​ ម្លិះ

XS
SM
MD
LG