កម្រងរូបភាព៖ «ជាងកាត់សក់តាំងពីទសវត្សរ៍ឆ្នាំ៧០ យកថ្លៃកាត់ម្នាក់២.០០០រៀល»

លោក អ៊ូ សាផន់ បានប្រកបរបរជាជាងកាត់សក់តាំងពីទសវត្សរ៍ឆ្នាំ៧០មកម្លេះ។ សព្វថ្ងៃ​ លោកមានអាយុ៧០ឆ្នាំ រស់នៅជាមួយភរិយា​ឈ្មោះ នាក់ ស្រ៊ី និងមានកូនប្រាំមួយនាក់​ នៅក្នុងភូមិច្រាប ឃុំដើមដូង ស្រុកអង្គរជ័យ ខេត្តកំពត។ លោកបានឲ្យដឹង នៅកាលពីថ្ងៃទី៧ ខែកុម្ភៈ ឆ្នាំ២០១៧នេះថា លោកបានចាប់យកអាជីពជាជាងកាត់សក់នេះ ដើម្បីរកចំណូលចិញ្ចឹមគ្រួសារតាំងពីយូរមកហើយ ហើយធ្លាប់ធ្វើជាជាងកាត់សក់នេះនៅភ្នំពេញដែរ ប៉ុន្តែ ដោយសារមានជំងឺ ក៏ត្រឡប់មកស្រុកកំណើតវិញ និងបន្តធ្វើជាជាងកាត់សក់ដដែល ដោយបើកទទួលភ្ញៀវនៅក្នុងបរិវេណមុខផ្ទះរបស់លោកតែម្តង។ ចំណែកថ្លៃសេវាកម្មកាត់សក់នេះ គឺក្នុងម្នាក់ចំនួន២.០០០រៀល សម្រាប់ទាំងមនុស្ស និងកូនក្មេង។