ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

បណ្តា​មេដឹកនាំ​សហភាព​អឺរ៉ុប៖ ចក្រភព​អង់គ្លេស​ត្រូវ​តែ​បញ្ជាក់​អំពី​ជំហរ​របស់​ខ្លួន


អ្នកស្រីអធិការបតីអាល្លឺម៉ង់ Angela Merkel (ស្តាំ) ថ្លែងសេចក្តីប្រកាសរបស់រដ្ឋាភិបាលអំពីផលប៉ះពាល់នៃការបោះឆ្នោតចាកចេញរបស់ចក្រភពអង់គ្លេសក្នុងសភាទីក្រុង Bundestag រដ្ឋធានីប៊ែកឡាំង ប្រទេសអាល្លឺម៉ង់កាលពីថ្ងៃទី២៨ មិថុនា ឆ្នាំ២០១៦។
អ្នកស្រីអធិការបតីអាល្លឺម៉ង់ Angela Merkel (ស្តាំ) ថ្លែងសេចក្តីប្រកាសរបស់រដ្ឋាភិបាលអំពីផលប៉ះពាល់នៃការបោះឆ្នោតចាកចេញរបស់ចក្រភពអង់គ្លេសក្នុងសភាទីក្រុង Bundestag រដ្ឋធានីប៊ែកឡាំង ប្រទេសអាល្លឺម៉ង់កាលពីថ្ងៃទី២៨ មិថុនា ឆ្នាំ២០១៦។

បន្ទាប់​ពី​មាន​ការបោះឆ្នោត​ប្រជាមតិ​លក្ខណៈ​ប្រវត្តិសាស្រ្ត​របស់​ចក្រភព​អង់គ្លេសដើម្បី​ចាកចេញ​ពី​សហភាព​អឺរ៉ុប​រួច​មក បណ្តា​មេដឹកនាំ​សហភាព​អឺរ៉ុប​បាន​ចាប់​ផ្តើម​ដោះស្រាយ​បញ្ហានៃទំនាក់ទំនង​របស់​ខ្លួន​ជាមួយ​នឹង​ចក្រភព​អង់គ្លេស​ដែល​នឹង​ក្លាយ​ជា​អតីត​មិត្ត​រួម​ក្រុម​មួយ​នេះ ថា​តើ​នឹង​វិវឌ្ឍ​ទៅ​ជា​យ៉ាង​ណា។

លោកស្រី​អធិការបតី​អាល្លឺម៉ង់ Angela Merkel បាន​ថ្លែង​នៅ​ក្នុង​សភា​អាល្លឺម៉ង់​នៅថ្ងៃ​នេះ​ថា ថ្វីត្បិតតែ​អង់គ្លេស​នឹង​បាត់បង់​អភ័យឯកសិទ្ធិ​របស់​ខ្លួនក្នុង​នាម​ជាសមាជិក​របស់​សហភាព​អឺរ៉ុប​ក៏​ពិតមែន ក៏​ប្រទេស​នេះ​នឹង​នៅ​តែ​មាន​សម្ព័ន្ធមិត្ត​ជិតស្និទ្ធ​ជាមួយអង្គការ​ណាតូ។ លោកស្រី​ក៏​បាន​ព្រមាន​ថា សហភាព​អឺរ៉ុប​មិន​ត្រូវ​ភ្លេច​ពីបញ្ហា​ដែល​មាន​សំពាធ​ដទៃ​ទៀត ដូចជា​វិបត្តិ​ជនភៀស​ខ្លួន​នោះ​ទេ។ ប៉ុន្តែ​ក៏​ត្រូវ​តែ​រឹងមាំ​ជាងមុន​ទាំង​អស់​គ្នា​និង​ទប់ស្កាត់​កុំ​ឲ្យ​មាន​ការបែកបាក់​ត​ទៅ​មុខ​ដែរ​។

លោកស្រី​បាន​លើក​ឡើងពី​ប្រទេស​ន័រវែស​ជា​ឧទាហរណ៍​ថា ​ប្រទេស​អង់គ្លេស​ក៏​អាច​មាន​ទំនាក់ទំនង​ជាមួយ​នឹង​សហភាព​អឺរ៉ុប​បាន​ដែរ ដោយ​មិន​ធ្វើ​ជា​សមាជិកសហភាព​អឺរ៉ុប​ទេ ប៉ុន្តែ​អាច​ចូល​រួម​ទីផ្សារ​សេរីបាន​ ដោយសារ​តែ​ប្រទេស​នេះ​មាន​ឆន្ទៈ​គោរព​ទៅ​តាម​ចលនា​សេរី។​

ទោះ​ជា​យ៉ាង​ណា​ក៏​ដោយ លោកស្រី Merkel ក៏​បាន​បញ្ជាក់​ថា កិច្ចពិភាក្សាផ្លូវការ​នានា​អំពី​ទំនាក់ទំនង​នេះ​នឹង​មិន​មាន​នោះ​ទេ រហូត​ទាល់​តែ​អង់គ្លេស​ចាប់​ផ្តើម​អនុវត្តនីតិវិធី​ផ្លូវការ​ក្នុង​ការចាកចេញ​ពី​សហភាព​អឺរ៉ុប៕

XS
SM
MD
LG